ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি গ্রেতর নোইদাগী ইন্দিয়া এক্সপো সেন্তর এন্দ মার্ত্তা ইন্তর্নেস্নেল দেরী ফেদরেসন ৱর্ল্দ দেরী সম্মিৎ (আই.দি.এফ. দবল্যু.এস.) ২০২২ হৌদোকখ্রে।

থৌরম অদুদা ৱা ঙাংলদুনা প্রধান মন্ত্রীনা ঙসি ভারত্তা দেরীগী লমদা লৈরিবা দিগনিতরী পুম্নমক্না পুনবা অসিদা নুংঙাইবা ফোঙদোকখি। প্রধান মন্ত্রীনা হায়, ৱর্ল্দ দেরী সম্মিৎ অসি আইদিয়াশিং পীথোক-পীশিন তৌনবগীদমক অফবা মীদিয়ম অমা ওইরগনি। “দেরী সেক্তরগী মতিক-ময়াইনা খুঙ্গংগী শেন্মীৎলোন্দা শাহৌ পীবা খক্তা নত্তনা মালেমদা লৈরিবা মীওই করোর কয়াগী হিংনবগী মরু ওইবা লম্বী অমসু ওইরি” হায়না মহাক্না ফোঙদোকখি।

প্রধান মন্ত্রীনা ভারতকী কলচরেল লেন্দস্কেপ অসিদা ‘পশু ধন’ অমসুং শঙ্গোমগী মরী লৈনবা বিজিনেসকী মরু ওইবা ৱাফম অদু থমখি। মসিনা ভারতকী দেরী সেক্তর অসিবু তোপ-তোপ্পা মশক-মওং কয়া পীখি। প্রধান মন্ত্রীনা হায়খি মালেমগী অতোপ্পা চাউখৎলবা লৈবাকশিংগা মান্নদবা মওংদা ভারতকী দেরী সেক্তরগী তশেংবা মপাঙ্গলদি অপীকপা লৌমীশিংনা ওইরি। ভারতকী দেরী সেক্তর অসিবু “মাস প্রদক্সন”দগী “প্রদক্সন বাই মাস” হায়বা অসিনা হেন্না মশক তাক্লি। শা-শন অমা, অনি নত্ত্রগা অহুম লৈজবা অপীকপা লৌমীশিং অসিনা হোৎনবদগী ভারতনা শঙ্গোম খ্বাইদগী য়াম্না পুথোকপা লৈবাক অমা ওইবা ঙম্লি। সেক্তর অসিনা লৈবাক অসিগী ইমুং করোর ৮ হেনবদা থবক পীরি হায়না মহাক্না ফোঙদোকখি।

ভারতকী দেরী সিস্তেমগী তোপ-তোপ্পা অনিশুবা মশক-মওং অদুগী মতাংদা হায়রদুনা প্রধান মন্ত্রীনা নৌহৌনা নীংশিংখি মদুদি ঙসি ভারত্তা দেরী কোওপরেতিবকী অচৌবা নেৎৱার্ক অমা লৈরে, হায়রিবা অসিগুম্বা খুদমশিং মালেম পুম্বদা থীবদা ৱানা থোক্কনি। শ্রী মোদীনা হায়খি দেরী কোওপরেতিবশিংনা লৈবাক অসিগী খুঙ্গং লাখ অনি হেনবদা লৈরিবা লৌমী করোর অনিগী ময়াদগী নোংমদা অনিরক শঙ্গোম লৌরি অমসুং মদুবু কস্তমরশিংদা য়ৌহল্লি। প্রধান মন্ত্রীনা অপুনবা থৌওং অসিদা মিদল মেন লৈতে অমসুং কস্তমরশিংদগী লাকপা শেলগী চাদা ৭০ হেনবনা লৌমীশিংগী ফুরিৎ খাউদা হকথেংননা চংলি। প্রধান মন্ত্রীনা মখা তারদুনা হায়খি, “মালেম পুম্বগী ওইনা অসুম্না রেসিও ৱাংবা অতোপ্পা লৈবাক অমত্তদা লৈতে”। মহাক্না দেরী সেক্তরদা লৈরিবা পেমেন্ত তৌবগী দিজিতেল সিস্তেম অসিনা মথৌ নীংথীনা তৌরিবা অসিগী মতাংদা ফোঙদোকখি অমসুং মসিনা অতোপ্পা লৈবাকশিংদা পরা কয়া তম্বীরি হায়খি।

প্রধান মন্ত্রীগী মতুং ইন্না অতোপ্পা তোপ-তোপ্পা ফীচর অদুদি অচৌবা খুদোংথিবা কয়া মায়োক্নবা ঙম্বা লমদম অসিগী ব্রীদশিং অদুনি। মহাক্না গুজরাতকী কচ্ছ রিজনগী বন্নী ইরোইগী মপাঙ্গল কনবা ইরোইগী ব্রীদ অসি খুদম ওইনা পীখি। মহাক্না মুর্হা, মেহসানা, জাফরাবাদী, নীলী রাবী, পন্দরপুরী অসিগুম্বা ইরোইগী অতোপ্পা ব্রীদশিংগী মরমদা ৱা ঙাংখি; শনগী ব্রীদশিংগী মরক্তা মহাক্না গীর, সাহীৱাল, রাথী, কানকরেজ, থারপারকর অমসুং হরিয়ানা হায়রিবশিং অসি পনখি।

অতোপ্পা তোপ-তোপ্পা মশক-মওং অমনি হায়না প্রধান মন্ত্রীনা দেরী সেক্তরদা নুপীশিংগী শক্তি অসিবু পনখি। ভারতকী দেরী সেক্তরগী ৱার্কফোর্স অসি নুপীশিংনা ৭০% মশক তাক্লি। “ভারতকী দেরী সেক্তরগী তশেংবা লুচিংবশিং অসি নুপীনা ওইরি”, হায়না মহাক্না মখা তাখি। “মসি খক্তা নত্তে, ভারত্তা লৈরিবা দেরী কোওপরেতিবশিংগী মেম্বরশিংগী শরুক অহুম হেনবদি নুপীশিংনা ওইরি”। মহাক্না হায়, লুপা করোর লাখ নিপান মখাই হেন্না ওইদুনা দেরী সেক্তরনা গেহু অমসুং চেং পুথোকপগী অপুনবা ভেল্যুদগী হেন্না হেল্লি। মসি ভারতকী নারী শক্তিনা শাহৌ পীরি।

প্রধান মন্ত্রীনা হায়খি, ২০১৪দগী হৌদুনা ঐখোয়গী সরকারনা ভারতকী দেরী সেক্তরগী মতিক-ময়াই হেনগৎহন্নবা চোকথবা লৈতনা হোৎন্দুনা লাকখি। মসিনা শঙ্গোম পুথোকপদা হেনগৎহন্দুনা লৌমীশিংগী শেন্থোক হেনগৎহনবা ঙমখি। “২০১৪দা ভারতনা শঙ্গোম মিলিয়ম তন ১৪৬ পুথোকখি। হৌজিক মসি মিলিয়ন তন ২১০দা হেনগৎহনবা ঙম্লে। হায়বদি চাদা ৪৪ রোম হেনগৎল” হায়না প্রধান মন্ত্রীনা ফোঙদোকখি। মহাক্না হায়খি মালেমগী লৈরিবা থাক্তা লৈরিবা প্রদক্সন গ্রোথ চাদা ২ অসিগা চাংদম্নবদা ভারতকী শঙ্গোম পুথোকপগী গ্রোথ রেত অসি চাদা ৬ হেন্না হেল্লি।

প্রধান মন্ত্রীনা হায়খি সরকারনা প্রদক্সন হেনগৎহনবদা মীৎয়েং থম্বগা লোয়ননা সেক্তরশিং অসিদা থেংনরিবা শীংনবশিং অসি কোকহন্নবা বলেন্স দেরী ইকোসিস্তেম অমা শেমগৎনবা থবক পাইখৎলি। ইকোসিস্তেম অসিদা লৌমীশিংগী অহেনবা শেন্থোক, লায়রবশিং মপাঙ্গল হাপ্পা, লুনানবা, কেমিকেল-ফ্রী ফার্মিং, ক্লীন ইনর্জী অমসুং শা-শন য়েংশিনবা হায়বা অসি ইন্তরলিঙ্ক ওইগনি। মহাক্না এনিমেল হসবেন্দরী অমসুং দেরী অসি খুঙ্গংশিংদা গ্রীন অমসুং সস্তেনেবল গ্রোথকী মপাঙ্গল কনবা মীদিয়ম অমা ওইহন্নবা প্রমোৎ তৌরি হায়না অকনবা ৱাফম থমখি। সিঙ্গল-য়ুজ প্লাস্তিক থীংবা অসিগুম্বা খোঙথাংশিংগা লোয়ননা রাস্ত্রীয় গোকুল মিসন, গোবরধন য়োজনা, দেরী সেক্তর দিজিতাইজেসন তৌবা অমসুং শা-শনগী য়ুনিভর্সেল ভেক্সিনেসন অসিগুম্বা স্কিমশিং অসি মাইকৈ অসিদা পাইখৎপা থৌশিলশিংনি।

মতমগা চুনবা তেক্নোলোজী শীজিন্নবগী মতাংদা প্রধান মন্ত্রীনা হায়খি ভারতনা দেরী এনিমেলগী খ্বাইদগী চাউবা দেতাবেজ অমা শেমগৎলি। দেরী সেক্তরগা মরী লৈনবা শা-শন খুদিংমক তেগিং তৌরি। মহাক্না হায়খি, “ঐখোয়না শা-শনশিংগী বাইওমেত্তিক আইদেন্তিফিকেসন তৌরি। ঐখোয়না মসিগী মমিং অমা থোনখি – পশু আধার”।

শ্রী মোদীনা এফ.পি.এ.শিং অমসুং ৱুমেন সেল্ফ-হেল্প গ্রুপশিং অমসুং স্তার্তঅপশিং অসিগুম্বা ওন্তপ্রিনোরিএল স্ত্রকচরশিং হেনগৎলক্লিবা অসিগী মতাংদসু ফোঙদোকখি। মহাক্না হায়খি সেক্তর অসিনা হন্দক স্তার্তঅপ ১০০০ হেন্না উবা ফংখি। মহাক্না গোবরধন য়োজনাগী খোঙথাংশিংগী মতাংদসু ফোঙদোকখি অমসুং মসিগী পান্দম অসি গোবরদগী মশাগী ওইবা ইলেক্ত্রিসিতী পুথোকপা ঙম্বা দেরী প্লান্তশিং শেমগৎপা ঙম্বা ফীভম অমা য়ৌবা অসিনি। মসিদগী ফংলবা হারনা লৌমীশিংদা কান্নবা ফংহনগনি।

লৌউ-শিংউগা মান্নৈ হায়বা উৎনবা প্রধান মন্ত্রীনা হায়খি এনিমেল হসবেন্দরী অমসুং লৌউ-শিংউ অসিদা মখল মথেল মথৌ তাই, মসিদা মোনোকলচর খক্তনা সোল্যুসন ওইরোই। প্রধান মন্ত্রীনা হায়খি ঙসি ভারতনা লমদম অসিগী ব্রীদশিং অমসুং হাইব্রিদ ব্রীদশিংদা চপ মান্ননা মীৎয়েং চংলি। মহাক্না মখা তারদুনা হায়খি মসিনা অইং-অশাগী অহোংবনা মরম ওইদগা থোকহনবা অমাংবদগী হন্থহনবসু ঙমগনি।

লৌমীশিংগী শেন্থোক্তা চৈথেং পীরিবা অতোপ্পা মরু ওইবা মরম অসি শা-শনশিংগী লাইনা অসিনি হায়না প্রধান মন্ত্রীনা হায়খি। মহাক্না হায়খি “শা-শান্না নারকপা মতমদা মসিনা লৌমীগী পুন্সিদা চৈথেং পী, মহাক্কী শেন্থোক্তা অকাইবা পী। মসিনা শা-শন অদুগী তৌবা ঙম্বা, মাগী শঙ্গোমগী ক্বালিতী অমসুং অতোপ্পা মরী লৈনবা পোত্থোকশিংদা অকাইবসু পী”। প্রধান মন্ত্রীনা মাইকৈ অসিদা ভারত্তা ঐখোয়না শা-শনশিংগী য়ুনিভর্সেল বেক্সিনেসন্দা মীৎয়েং চংলি। প্রধান মন্ত্রীনা ফোঙদোকখি, “২০২৫ ফাওবদা ঐখোয়না শাশিংগী চাদা ১০০ ফুত এন্দ মাউথ দিজিজ অমসুং ব্রুসলোসিসতগী ঙাকথোক্নবা তীকা থাদোক্কনি হায়না ফিরেপ লৌখি। ঐখোয়না দিকেদ অসি লোইরকপদা লাইনাশিং অসিদগী মপুং ফানা ঙাকথোক্নবা পান্দম থম্লি”।

প্রধান মন্ত্রীনা হায়খি হৌখিবা চহি খরা অসিদা লম্পী কৌবা লাইনা অমনা মরম ওইদুনা ভারতকী রাজ্য কয়াদা লাইবস্তোক কয়া শীখি। তোঙান-তোঙানবা রাজ্য সরকারশিংগা লোয়ননা কেন্দ্র সরকারনা মসিবু লাকশিন্নাব হোৎনরি। প্রধান মন্ত্রীনা হায়খি, “ঐখোয়গী বিজ্ঞানিকশিংনা লম্পী স্কিন দিজিজকী লমদম অসিগী ওইবা ভেক্সিনসু পুথোকখি”। প্রধান মন্ত্রী লাইচৎ অসি লাকশিন্নবগীদমক শা-শনশিং অসিনা চৎপদা ত্রেক তৌদুনা থম্নবা খোঙথাংশিং পাইখৎলি হায়না ফোঙদোকখি। শা-শনশিং ভেক্সিনেসন তৌবা নত্ত্রগা অতোপ্পা মতমগা চুনবা তেক্নোলোজী ওইরবসু ভারতনা মাগী পার্তনর ওইরিবা লৈবাকশিংদগী তমশিনবগা লোয়ননা দেরীগী লমদা শরুক তম্নবা মতম চুপ্পদা শেম-শাদুনা লৈরি। শ্রী মোদীনা মখা তারদুনা হায়খি, “ভারতনা মাগী ফুদ সেফরী স্তেন্দর্দশিংদা থবক পাইখৎলি”।

ৱারোল পীবা লোইশিনবদা প্রধান মন্ত্রীনা ভারতনা লাইবস্তোক সেক্তরগী এন্দ-তু-এন্দ এক্তিবিতীশিং কেপচর তৌনবা দিজিতেল সিস্তেম অমা শেমগৎলি হায়না নৌহৌনা ফোঙদোকখি। মসিনা সেক্তর অসি ফগৎহন্নবা হেন্না মরিক চুম্বা ই-পাউ পীগনি। সম্মিৎ অসিনা অসিগুম্বা তেক্নোলোজীশিংগী মতাংদা মালেম শিনবা থুংবদা তৌরিবা থবক অসি খুমাং চাউশিনহনবা ঙম্লগনি। প্রধান মন্ত্রীনা মীয়ামদা লম অসিগা মরী লৈনবা খঙ-হৈবশিং অদু শিয়র তৌনবা লম্বীশিং পুথোরক্নবা হায়খি। প্রধান মন্ত্রীনা ৱারোল পীবা লোইশিল্লদুনা হায়খি, “ঐহাক্না দেরী ইন্দস্ত্রীগী মালেমগী লুচিংবশিংবু ভারতকী দেরী সেক্তর মপাঙ্গল হাপ্নবা শাহৌ পীবদা য়াওবীনবা বর্তন তৌজরি। ঐহাক্না ইন্তর্নেস্নেল দেরী ফেদরেসনবু মখোয়গী শীংথানীংঙাই ওইবা থবক অমসুং মখোয়না শরুক তমখিবা অদুগীদমক থাগৎপা ফোঙদোকচরি”।

উত্তর প্রদেশকী মুখ্য মন্ত্রী, শ্রী য়োগী অদিত্যনাথ, ফিশরিজ, এনিমেল হসবেন্দরী অমসুং দেরীয়রিংগী কেন্দ্র মন্ত্রী, শ্রী পর্শোত্তম রুপালা, এনিমেল হসবেন্দরী অমসুং দেরীয়রিংগী কেন্দ্রগী রাজ্য মন্ত্রী, দা. এল. মুরুগন, লৌউ-শিংউ অমসুং ফুদ প্রোসেসিংগী কেন্দ্রগী রাজ্য মন্ত্রী, শ্রী সঞ্জীব কুমার বালয়ন, মেম্বর ওফ পার্লিয়ামেন্ত, শ্রী সুরেন্দ্র সিংহ নাগর অমসুং দা. মহেশ শর্ম, ইন্তর্নেস্নেল দেরী ফেদরেসনগী প্রসিদেন্ত, শ্রী পি. ব্রাজ্জালে অমসুং ইন্তর্নেস্নেল দেরী ফেদরেসনগী দিরেক্তর জেনরেল, মিস কেরোলিন এমোন্দনা থৌরম অসিদা শরুক য়াখি। তেক্নোলোজীগী খুত্থাংদা লৌমী লাখ ৭৫গা থৌরম অদুদা কন্নেক্ত তৌখি।

বেকগ্রাউন্দ

সেপ্তেম্বর ১২দগী ১৫ ফাওবা নুমিৎ মরিনি চুপ্না চত্থগদবা আই.দি.এফ. দবল্যু দি.এস. ২০২২ অসি ‘দেরী ফোর ন্যুত্রিসন এন্দ লাইবলিহুদ’ হায়রিবা থীম অসিদা থবক পায়খৎলিবা ইন্দস্ত্রী লুচিংবশিং, এক্সপর্তশিং, লৌমীশিং অমসুং খুজিল থৌরাং য়াৎলিবশিং য়াওনা মালেমগী অমদি ভারতকী দেরীগী স্তেকহোল্দরশিংগী অপুনবা থৌরম অমনি‍। লৈবাক ৫০দগী মীওই চাওরাক্না ১৫০০রোম আই.দি.এফ. দবল্যু.দি.এস. ২০২২দা শরুক য়ারগনি হায়না পানরি‍। মমাঙগী ইকোন কোনবা সম্মিৎ ভারত্তা চহিচা তঙ্খায় অমমুক্কী মমাঙদা ১৯৭৪দা পাঙথোকখিবনি‍।

ভারতকী দেরী ইন্দস্ত্রী অসি অপীকপা অমদি মার্জিনেল দেরীগী লৌমীশিং, মরুওইনা নুপীশিংবু মপাঙ্গল কনহল্লিবা কোওপরেতিব মোদেলদা য়ুম্ফম ওইবা মরম্না ৱাখল্লোন অমদা তোপ তোপ্পা ওইরি‍। প্রধান মন্ত্রীগী মঙলান মতুং ইন্না, লৈঙাক অসিনা দেরী সেক্তর ফগৎহন্নবগীদমক খোঙথাঙ কয়া লৌখত্তুনা হৌখিবা চহি নিপানসিদা শঙ্গোম পুথোকপগী চাং ৪৪% হেনগৎলে‍। মালেমগী শঙ্গোমগী ২৩% পুথোক্লিবা, চহিদা মিলিয়ন তন ২১০রোম পুথোক্তুনা দেরী লৌমী করোর ৮ হেনববু মপাঙ্গল কনখৎহল্লিবা ভারতকী দেরী ইন্দস্ত্রীগী মায় পাকপগী ৱারী আই.দি.এফ. দবল্যু.দি.এস. ২০২২দা উৎকদৌরি‍। সম্মিৎ অসিনা মালেমগী খ্বাইদগী ফবা থৌওংশিং ভারতকী দেরী লৌমীশিংদা উবা ফংহনবদসু মতেং ওইরগনি‍।

Speaking at inauguration of International Dairy Federation World Dairy Summit 2022 in Greater Noida. https://t.co/yGqQ2HNMU4

— Narendra Modi (@narendramodi) September 12, 2022

डेयरी सेक्टर का सामर्थ्य ना सिर्फ ग्रामीण अर्थव्यवस्था को गति देता है बल्कि ये दुनिया भर में करोड़ों लोगों की आजीविका का भी प्रमुख साधन है: PM @narendramodi

— PMO India (@PMOIndia) September 12, 2022

विश्व के अन्य विकसित देशों से अलग, भारत में डेयरी सेक्टर की असली ताकत छोटे किसान हैं।

भारत के डेयरी सेक्टर की पहचान “mass production” से ज्यादा “production by masses” की है: PM @narendramodi

— PMO India (@PMOIndia) September 12, 2022

आज भारत में Dairy Cooperative का एक ऐसा विशाल नेटवर्क है जिसकी मिसाल पूरी दुनिया में मिलना मुश्किल है।

ये डेयरी कॉपरेटिव्स देश के दो लाख से ज्यादा गांवों में, करीब-करीब दो करोड़ किसानों से दिन में दो बार दूध जमा करती हैं और उसे ग्राहकों तक पहुंचाती हैं: PM @narendramodi

— PMO India (@PMOIndia) September 12, 2022

इस पूरी प्रकिया में बीच में कोई मिडिल मैन नहीं होता, और ग्राहकों से जो पैसा मिलता है, उसका 70 प्रतिशत से ज्यादा किसानों की जेब में ही जाता है।

पूरे विश्व में इतना ज्यादा Ratio किसी और देश में नहीं है: PM @narendramodi

— PMO India (@PMOIndia) September 12, 2022

भारत के डेयरी सेक्टर में Women Power 70% workforce का प्रतिनिधित्व करती है।

भारत के डेयरी सेक्टर की असली कर्णधार Women हैं, महिलाएं हैं।

इतना ही नहीं, भारत के डेयरी कॉपरेटिव्स में भी एक तिहाई से ज्यादा सदस्य महिलाएं ही हैं: PM @narendramodi

— PMO India (@PMOIndia) September 12, 2022

2014 के बाद से हमारी सरकार ने भारत के डेयरी सेक्टर के सामर्थ्य को बढ़ाने के लिए निरंतर काम किया है।

आज इसका परिणाम Milk Production से लेकर किसानों की बढ़ी आय में भी नजर आ रहा है: PM @narendramodi

— PMO India (@PMOIndia) September 12, 2022

2014 में भारत में 146 मिलियन टन दूध का उत्पादन होता था।

अब ये बढ़कर 210 मिलियन टन तक पहुंच गया है। यानि करीब-करीब 44 प्रतिशत की वृद्धि: PM @narendramodi

— PMO India (@PMOIndia) September 12, 2022

भारत, डेयरी पशुओं का सबसे बड़ा डेटाबेस तैयार कर रहा है। डेयरी सेक्टर से जुड़े हर पशु की टैगिंग हो रही है।

आधुनिक टेक्नोल़ॉजी की मदद से हम पशुओं की बायोमीट्रिक पहचान कर रहे हैं। हमने इसे नाम दिया है- पशु आधार: PM @narendramodi

— PMO India (@PMOIndia) September 12, 2022

खेती में मोनोकल्चर ही समाधान नहीं है, बल्कि विविधता बहुत आवश्यकता है।

ये पशुपालन पर भी लागू होता है।

इसलिए आज भारत में देसी नस्लों और हाइब्रिड नस्लों, दोनों पर ध्यान दिया जा रहा है: PM @narendramodi

— PMO India (@PMOIndia) September 12, 2022

भारत में हम पशुओं के यूनिवर्सल वैक्सीनेशन पर भी बल दे रहे हैं।

हमने संकल्प लिया है कि 2025 तक हम शत प्रतिशत पशुओं को फुट एंड माउथ डिजीज़ और ब्रुसलॉसिस की वैक्सीन लगाएंगे।

हम इस दशक के अंत तक इन बीमारियों से पूरी तरह से मुक्ति का लक्ष्य लेकर चल रहे हैं: PM @narendramodi

— PMO India (@PMOIndia) September 12, 2022

पिछले कुछ समय में भारत के अनेक राज्यों में Lumpy नाम की बीमारी से पशुधन की क्षति हुई है।

विभिन्न राज्य सरकारों के साथ मिलकर केंद्र सरकार इसे कंट्रोल करने की कोशिश कर रही है।

हमारे वैज्ञानिकों ने Lumpy Skin Disease की स्वदेशी vaccine भी तैयार कर ली है: PM @narendramodi

— PMO India (@PMOIndia) September 12, 2022

 *****