ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি গুয়ানাগী পার্লিয়ামেন্তকী নেস্নেল এসেমব্লীদা ৱা ঙাংখ্রে। মহাক্না অসিগুম্বা থবক অসি পাংথোকপা অহানবা ভারতকী প্রধান মন্ত্রীনি। ৱা ঙাংনবগীদমকপার্লিয়ামেন্তকী অখন্নবা মীফম অমা ইকাই খুম্নরবা স্পিকর শ্রী মনজুর নাদিরনা কৌখি।

মহাক্কী ৱারোলদা, প্রধান মন্ত্রীনা ভারত অমসুং গুয়ানাগী মরক্তা মতম শাংনা লৈরক্লবা পুৱারী ওইরবা মরীশিং অদু নীংশিংখি। মহাক্না মহাকপু লৈবাক অসিনা পীখিবা খ্বাইদগী ৱাংবা ইকাই খুম্নবা অসিগীদমক্তা গুয়ানাগী মীয়ামদা থাগৎপা ফোংদোকখি। মহাক্না হায়খি মদুদি ভারত অমসুং গুয়ানাগী মরক্তা জিওগ্রাফীকেল দিস্তেন্স লৈরবসু, মান্নবা হেরিতেজ অমসুং দেমোক্রেসীনা লৈবাক অনি অসি নকশিন্নহল্লি। লৈবাক অনিগী মান্নবা দেমোক্রেতিক ইথোস অমসুং মান্নবা হ্যুমেন-সেন্ত্রিক এপ্রোচ অদু পল্লদুনা মহাক্না হায়খি মদুদি ভেল্যুশিং অসিনা মখোয়বু ইনক্লুসিব ওইবা লম্বীদা খুমাং চাউশিলহনবদা মতেং পাংলি।

প্রধান মন্ত্রীনা হায়খি মদুদি ভারতকী ‘হ্যুমেনিতী ফার্স্ত’গী মন্ত্রনা ইকুই কুইদ্রিঙৈদা ব্রাজিলদা পাংথোকখিবা G-20 সম্মিৎ য়াওনা গ্লোবেল সাউথকী ভোইস হেনগৎহন্নবা ইথিল পীরি। মহাক্না মখা তারদুনা হায়খি, ভারতনা বিশ্ববন্ধু, মালেমগী মরুপ অমা ওইনা মীওইবা খুন্নাইগী সেবা তৌবা পাম্মি। অমসুং মসিগী মরুওইবা ৱাখল্লোন অসিনা মালেমগী কম্ম্যুনিতীগী মায়কৈদা মাগী এপ্রোচ অসি মশক তাক্লি। মসিদা অচৌবা অমসুং অপীকপা লৈবাক পুম্নমক্তা মান্ননা মরুওইনা লৌরি।

মালেমগী চাউখৎপা অমসুং নুংঙাই-য়াইফবা পুরক্নবা নুপীশিংনা লুচিংবা চাউখৎপদা অহেনবা মীৎয়েং থমগদবনি হায়না প্রধান মন্ত্রীনা হায়খি। মহাক্না লৈবাক অনিগী মরক্তা এজুকেসন অমসুং ইন্নোবেসনগী লমদা অহেনবা এক্সচেঞ্জ তৌনবা তকশিনখি মসিনা নহারোলশিংগী পোতেন্সিএল মপুং ফানা খঙহল্লগনি। কেরিবিয়ন লমদমদা ভারতনা লেপ্পা লৈতনা মতেং পাংলি হায়না পল্লদুনা মহাক্না অনিশুবা ভারত-CARICOM সম্মিৎ পাংথোকপগীদমক রাস্ত্রপতি অলীদা থাগৎপা ফোংদোকখি। ভারত-গুয়ানাগী পুৱারী ওইরবা মরীশিং হেন্না চেৎশিলহন্নবা ভারতনা অচেৎপা ৱাফম থম্লদুনা মহাক্না হায়খি মদুদি গুয়ানা অসি ভারত অমসুং লেতিন অমেরিকাগী মরক্তা খুদোংচাবশিংগী থোং অমা ওইরকপা য়াই। মহাক্না মহাক্কী ৱারোল অদু গুয়ানাগী অফাওবা মচানুপা শ্রী ছেদি জগনগী ৱারোল “ঐখোয়না মমাংগী মতমদগী তমদুনা ঐখোয়গী হৌজিক্কী মতম অসি ফগৎহনগদবনি অমসুং তুংলমচৎকীদমক্তা মপাঙ্গল কনবা য়ুম্ফম অমা শেমগদবনি” হায়না ফোংদোকপগা লোয়ননা লোইশিনখি। মহাক্না গুয়ানাগী পার্লিয়ামেন্তরীশিংবু ভারত্তা লাক্নবা কৌখি।

মসিদা প্রধান মন্ত্রীগী মপুং ফাবা ৱারোল য়েংবা য়াগনি।

***