ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি গুজরাতকী সুরত এয়রপোর্ত্তা অনৌবা তর্মিনেল বিলদিং শঙ্গাখ্রে। মহাক্না অনৌবা তর্মিনেল বিলদিং অদুদা চত্তুনসু য়েংখি।

প্রধান মন্ত্রীনা X দা থাগৎখিঃ

“সুরত্তা অনৌবা হাপচিল্লকপা তর্মিনেল বিলদিং অসি সহরগী ইনফ্রাস্ত্রকচর চাউখৎপগী কান্নরবা খোঙথাং অমনি। মসিগী স্তেত-ওফ-দি-আর্ত খুদোংচাবা অসিনা চত্থোক চৎশিন্দা খুদোং চাহনবা খক্তা নত্তনা শেন্মিৎলোন চাউখৎপা, তুরিজম অমসুং কনেক্তিবিতীসু হেনগৎহনলগনি।”   

The new integrated terminal building in Surat marks a significant leap in the city’s infrastructure development. This state-of-the-art facility will not only enhance the travel experience but also boost economic growth, tourism and connectivity. pic.twitter.com/3TjFz8BM7w

— Narendra Modi (@narendramodi) December 17, 2023

গুজরাতকী মুখ্য মন্ত্রী শ্রী ভুপেন্দ্র পতেলগা লোয়ননা অতৈ অতোপ্পশিংসু প্রধান মন্ত্রীগা লোয়নখি।

বেকগ্রাউন্দ

তর্মিনেল বিলদিং অসিদা পীক অৱর্স মতমগী ওইনা দোমেস্তিক পেসেঞ্জর ১২০০ অমসুং ইন্তর্নেসনেল পেসেঞ্জর ৬০০ চনগনি অমসুং চহিগী ওইবা হেন্দলিং কেপাসিতী অসি পেসেঞ্জর লাখ ৫৫ হেনগৎপগা লোয়ননা পীক অৱরগী চাং অসি মখা তানা পেসেঞ্জর ৩০০০ দা হেনগৎনবা খন্নরি। সুরত সহরগী গেৎৱে ওইবনা মরম ওইদুনা তর্মিনেল বিলদিং অসি মফম অসিগী নাৎ অমসুং চৎনবীগী মশক অদু মনুং অমসুং মপান্দা উহন্দুনা কোইবা লাক্লিবশিংগী পুক্নিং চিংশিন্নবা মওংদা শেমখি। অপগ্রেদ তৌরবা তর্মিনেল বিলদিংগী মমাং অসিনা পেসেঞ্জরশিংদা সুরত সহরগী ‘রেন্দর’ মফমগী অরিবা য়ুমশিংগী মরাং কাইরবা অমসুং নাৎকী ওইবা উগী লৈতেংশিং উহন্নবা পান্দম থম্লি। এয়রপোর্ত অসিগী গৃহ IV ঙাক্না চৎলবা অনৌবা তর্মিনেল বিলদিং অসিদা তুংকোইনা চৎপা য়াবা ফীচরশিং হায়বদি দবল ইন্সুলেতেদ রুফিং সীস্তেম, এনর্জী কন্নবা কেনোপীশিং, লো হীত গেন দবল গ্লেজিং য়ুনিৎ, নোংগী ঈশিং য়োকশিনবা, ৱাতর ত্রীৎমেন্ত প্লান্ত, সিৱেজ ত্রীৎমেন্ত প্লান্ত অমসুং লেন্দস্কেপিংগীদমক রিসাইকল তৌরবা ঈশিং শিজিন্নবা অমসুং সোলার পাৱর প্লান্তগা লোয়ননা অতৈ কয়াসু হাপ্পী।   

****