ভারতকী প্রধানমন্ত্রী

ঙসি ভিদিও কনফরেন্সিংগী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শানখ্রে। অকক্নবা মতম অমগী মনুংদা সরকারনা পায়খৎলিবা স্কিমশিংগী কান্নবশিং ফংফম থোকপা বেনিফিসরিশিংদা মপুংফানা য়ৌহন্নবা লৈবাক শীনবা থুংনা বিকসিত ভারত সংকল্প যাত্রা পাংথোক্লি।

গুজরাতকী ভারুচতগী বিকসিত ভারত সংকল্প যাত্রাগী বেনিফিসরি অমা, আই.তি.আই লোইরবা লৌমী অমা অমসুং হার্দৱায়র ইঞ্জিনিয়ার অমা, শ্রী অলপেসভাই চান্দুবাই নিজামাগা ৱারি শানবদা মহাক্না লৌউ-শিংউগী লমদা চঙলকপগী ৱাখল্লোনগী মতাংদা প্রধান মন্ত্রীনা হংখি। অলপেসবাইনা হায়খি মহাক্কী থবক তোক্নবা মহাক্না ৱারেপ লৌখি অমসুং মহাক্কী মপা-মপুগী লম একর ৪০দা লৌমী অমা ওইরকখি। মহাক্না প্রধান মন্ত্রীদা হায়খি মদুদি মহাক্না লৌউ-শিংউগী খুৎলায়শিং অতাবা মমলদা লৈবদা মহাক্না কেন্দ্র সরকার অমসুং রাজ্য সরকার অনিমক্তগী কান্নবা ফংখি। দ্রিপ ইরিগেসন তেক্নিকশিংদা মহাক্না লুপা লাখ ৩গী সবসিদি ফংখি। প্রধান মন্ত্রীনা হায়খি নহাক্কী চহি মতাং অদুদা ঐ লুপা লাখ হায়বসি কমদৌবগে হায়বা খঙদে অমসুং অদোম্না লুপা লাখ কয়াগী মরমদা হায়রি। মসি অহোঙবনি।

অলপেসবাইনা সবসিদিশিং ফংবদা প্রধান মন্ত্রীনা অপেনবা ফোঙদোকখি অমসুং মহাক্কী লৌমী মরুপশিংদা খ্বাইদগী নৌবা তেক্নিকশিং অমসুং অনৌবা খুৎলায়শিংগী মতাংদা পাউতাক পীনবা তকশিনখি। মহাক্না অতমা(এগ্রিকলচরেল তেক্নোলোজি মেনেজমেন্ত এজেন্সি) গা ২০০৮ তগী থবক তৌমিন্নরকপদগী মহাক্না অতোপ্পা রাজ্যশিংগী অমসুং মফমশিংগী লৌউ-শিংউগী তেক্নিকশিং ফংলকপগী মতাংদা শ্রী অলপেসবাইনা ফোঙদোকখি। মহাক অতমানা পীবা

খ্বাইদগী ফবা লৌমীগী মনা’ ফংলে হায়নসু মহাক্না ফোঙদোকখি।

প্রধান মন্ত্রীনা তুংদা লৈরিবা মহাক্কী মচানুপীগী মোমোন নোকপা মাইথোং উখি অমসুং মহাক্কাশু ৱারি শানখি অমসুং ‘ভারত মাতা কি জয়’ লাউবদা লুচিংনবা মঙোন্দা হায়খি। মদুদগী, তিল্লিবা মীয়াম অদু হরাওবনা মতোল লোমখি অমসুং প্রধান মন্ত্রী হরাওখি।

লোইশিল্লকপদা প্রধান মন্ত্রীনা হায়খি শ্রী অলপেসবাইগুম্বা মীওই অসি লৌউ-শিংউগী লমদা চঙলক্লিবা নহারোলশিংগী ইথিল অমনি। অনৌবা তেক্নিকশিং, অনৌবা থবক অমসুং অনৌবা ৱাখল্লোনগা লোয়ননা লৌবুকশিংদগী হৌরগা কৈথেল ফাওবা লৌমীশিংগী অফবা ফিবম অমা ফংহন্নবা হোৎনগনি। লৌউ-শিংউদা নহারোলশিং চঙলকপা অসিনা ৱারেপ অসিদা থৌনা হাপ্লে। লৌউ-শিংউগী থবকশিংদা দ্রোনশিং শীজিন্ননবা প্রধান মন্ত্রীনা লৌমীশিংগী পুক্নিং থৌগৎখি। মথংগী খুঙ্গং ৫দা ‘মোদী কি গরেন্তি’ গারি তরাম্না ওক্নবা থৌরাং তৌনবা শ্রী মোদীনা লৌমীশিংদা তকশিনখি।

***