ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি গুজরাতকী গান্ধীনগরদা লৈবা মহাত্মা মন্দির কনভেন্সন এন্দ একজিবিসন সেন্তরদা দেফএক্সপো২২ হৌদোকখ্রে। ইন্দিয়া পেবিলিয়ন্দা প্রধান মন্ত্রীনা হিন্দুস্তান এরোনোতিক্স লিমিতেদনা দিজাইন তৌবা লমদম অসিদা শাজবা ত্রেনর এয়রক্রাফ – ঐচ.তি.তি.-৪০গী মাইখুম হাংদোকখি। থৌরম অদুদা প্রধান মন্ত্রীনা মিসন দেফস্পেস লোঞ্চ তৌখি অমসুং গুজরাত্তা দীসা এয়রফিল্দগী উরেপ-উয়ুং তমখি।

থৌরম অদুদা ৱা ঙাংলদুনা প্রধান মন্ত্রীনা মতিং লৈবা অমসুং আত্মনির্ভর ভারতকী থৌরম অমদা প্রধান মন্ত্রী অমসুং গুজরাতকী মপারি অমা ওইনা দেলিগেৎশিংবু তরাম্না ওকখি।

দেফএক্সপো ২০২২ পাঙথোকপগী মতাংদা ৱা ঙাংলদুনা প্রধান মন্ত্রীনা হায়খি মদুদি মসিনা অনৌবা ভারত অমসুং অমৃত কালগী মতমদা লৌখিবা ফিরেপকী তৌবা ঙম্বশিং অদুগী শক্তম অমা য়েকলি। মহাক্না মখা তারদুনা হায় মদুদি মসি লৈবাক অসিগী চাউখৎ থৌরাং লোয়ননা রাজ্যশিংনা মতেং পাংবগী অপুনবা অমনি। প্রধান মন্ত্রীনা হায়, “মসিদা নহারোলশিংগী শক্তি অমসুং মঙলানশিং য়াওরি, মসিদা নহারোলশিংগী ফিরেপ অমসুং তৌবা ঙম্বশিং অদু য়াওরি। মসিদা মালেমগী থাজবা অমসুং মরুপ ওইরিবা লৈবাকশিংগী খুদোংচাবশিং য়াওরি”।

ফেদএক্সপোগী হন্দক্কী ইদিসন অসিগী তোপ-তোপ্পা অদুগী মতাংদা ফোঙদোক্লদুনা প্রধান মন্ত্রীনা হায় “মসি ভারতকী কম্পনীশিং খক্তনা শরুক য়াবা অহানবা দিফেন্স এক্সপোনি অমসুং মসিদা মেদ ইন ইন্দিয়া ইক্বিপমেন্তশিং খক্তা য়াওরি”। মহাক্না হায়খি “আইরন মেন, সরদার পতেলগী লমদম অসিদগী ঐখোয়না মালেমগী মমাংদা ভারতকী তৌবা ঙম্বশিংগী খুদম অমা পীরি। এক্সপো অসিদা একজিবিতর ১৩০০ হেন্না য়াওরি মসিদা ইন্দিয়া দিফেন্স ইন্দস্ত্রী, ইন্দিয়ন দিফেন্স ইন্দস্ত্রীগা খুৎশম্নবা জোইন্ত ভেঞ্চর খরা, এম.এস.এম.ই.শিং অমসুং স্তার্তঅপ ১০০ হেনবনা শরুক য়ারি। প্রধান মন্ত্রীনা মসিনা ভারতকী তৌবা ঙম্বশিং অমসুং ওইথোকপা য়াবশিং অদু ফ্রেম অমা খক্তা উহল্লি। মহাক্না মখা তারদুনা হায়খি মদুদি অহানবা ওইনা এম.ও.য়ু. ৪০০ হেন্না খুৎয়েক পীনরি হায়না ফোঙদোকখি।

তোঙান-তোঙানবা লৈবাকশিংদগী পীরকপা পোজিতিব রেস্পোন্সকী মতাংদা পল্লদুনা প্রধান মন্ত্রীনা ভারতনা মাগী মঙলানশিংবু শাহৌ পীবা মতমদা এফ্রিকাদগী মরুপ ওইরিবা লৈবাক ৫৩না ঐখোয়গা লোয়ননা খুৎশম্নদুনা চৎলি হায়না নুংঙাইবা ফোঙদোকখি। থৌরম অসিদা অনিশুবা ভারত-এফ্রিকা দিফেন্স দাইলোগসু পাঙথোক্কনি হায়না প্রধান মন্ত্রীনা ফোঙদোকখি। প্রধান মন্ত্রীনা মখা তারদুনা হায়, “ভারত অমসুং এফ্রিকাগী মরক্তা লৈনরিবা মরী অসি মতম শাংনা লৈনরক্লবা থাজবদা য়ুম্ফম ওই মসি মতমগা ইরোইননা হেন্না চেৎশিল্লি অমসুং অনৌবা হীরমশিংদা শন্দোক্লি”। এফ্রিকা অমসুং গুজরাতকী লৈনরিবা অরিবা মরীশিংগী মতাংদা প্রধান মন্ত্রীনা হায়খি মদুদি এফ্রিকাদা অহানবা রেলৱে লাইনশিং শেম্বা মতমদা কচ্ছতগী মীওইশিংনা শরুক বাখি। এফ্রিকাদা নুমিৎ খুদিংগী ঙাংনরিবা ৱাহৈ কয়া অসি এফ্রিকাদা লৈবা গুজরাতী ফুরুপতগী হৌরকখি। মহাক্না হায়, “মহাত্মা গান্ধীগুম্বা মালেমগী ওইনা মশক নাইবা লুচিংবা ফাওবনা গুজরাত অসি মহাক্কী পোক্নফম ওইরবদি এফ্রিকা অসি মহাক্কী অহানবা ‘কর্মভুমি’ ওইরি। এফ্রিকাগা লৈনরিবা অনকপা মরী অসি ভারতকী ফোরেন পোলিসিতীদা হৌজিকসু লৈরি। কোরোনাগী মনুংদা মালেম পুম্বনা ভেক্সিনগী মরমদা ৱানরবা মতমদা ভারতনা এফ্রিকাদা লৈরিবা ঐখোয়গী মরুপ ওইরিবা লৈবাকশিংদা মরু ওইবা মীৎয়েং চংদুনা ভেক্সিন ফংহনখি”।

২শুবা ইন্দিয়ন ওসীন রিজন+ (আই.ও.আর.+) কনক্লেব অসি এক্সপো মনুংদা পাঙথোক্লগনি, মসিনা প্রধান মন্ত্রীগী সেক্যুরিতী এন্দ গ্রোথ ফোর ওল ইন দি রিজন (সাগর)গী পরিং মখাদা  শান্তি লৈবা, শাহৌ লৈবা, তংদু লৈতাবা অমসুং চাউখৎপা ওইনবগীদমক আই.ও.আর.+ লৈবাকশিংগী মরক্তা দিফেন্স কোওপরেসন থৌগৎনবা কমপ্রিহেন্সিব দাইলোগকী ফম্পাক অমা পীরগনি। প্রধান মন্ত্রীনা হায়, “ঙসি ইন্তর্নেস্নেল সেক্যুরিতীদগী গ্লোবেল ত্রেদ ফাওবদা মেরিতাইম সেক্যুরিতীনা গ্লোবেল প্রাইওরিতী ওইরকখি। গ্লোবেলাইজেসনগী চহিচা অসিদা মর্চেন্ত নেভীগী থৌদাং অসি হেনগৎলকখি”। মহাক্না মখা তারদুনা হায়, “ভারত্তা মালেম্না থম্লিবা থাজবা অসি হেনগৎলকখি অমসুং মালেমদা লৈরিবা ফুরুপ পুম্নমক্তা ভারতনা থাজবা অদু থুংহনগনি হায়না ঐহাক্না থাজবা পীজরি। মরম অসিনা দিফেন্স এক্সপো অসিনা ভারত্তা থম্লিবা গ্লোবেল ত্রস্তকী খুদম অমসু ওইরি”।

প্রধান মন্ত্রীনা চাউখৎ থৌরাং অমসুং ইন্দস্ত্রিএলগী তৌবা ঙম্বশিংগা মরী লৈননা গুজরাতকী লৈরিবা আইদেন্তিতী অসি শকখঙখি। মহাক্না হায়, “দিফেন্স এক্সপোনা আইদেন্তিতী অসিবু অনৌবা পনখৈ অমা পীরি”। মহাক্না মখা তাদুনা হায়খি মদুদি গুজরাতনা তুংদা লাক্কদবা মতমশিংদা দিফেন্স ইন্দস্ত্রীগী মরু ওইবা সেন্তর অমা ওইরক্লগনি।

গুজরাত্তা দীসা এয়রফিল্দগী উরেপ-উয়ুং তমখিবা প্রধান মন্ত্রীনা হায়খি মদুদি ফোরৱার্দ এয়রফোর্স বেজ অসিনা লৈবাক অসিগী সেক্যুরিতী আর্কিতেকচর হাপকৎলগনি। ঙমখৈগী দীসাগী নকশিন্নবা অসিগী মতাংদা প্রধান মন্ত্রীনা হায়খি মদুদি হৌজিক ভারতনা নোংচুপ থংবা ঙমখৈশিংদা লাকপা খুদোংথিবা অমা হেক্তা মায়োক্নবা ঙম্বগী নীংথিনা শেম-শাদুনা লৈরি। শ্রী মোদীনা মখা তারদুনা হায়, “সরকার পাইরবা মতুংদা ঐখোয়না দীদা ওপরেস্নেল বেজ অমা লিংখৎনবা ৱারেপ লৌখি অমসুং ঙসি ঐখোয়গী ফোর্সশিংগী অপাম্বা অদু থুংহনবা ঙম্লে। লমদম অসিনা লৈবাক অসিগী সেক্যুরিতীগী কান্নরবা সেন্তর অমা হৌজিক ওইরগনি”।

“স্পেস তেক্নোলোজী অসি তুংলমচৎতা মপাঙ্গল কনবা লৈবাক অমা হেক্তগীদমক সেক্যুরিতী হায়বা অসি করিনো হায়বগী খুদম অমা ওইরগনি। সর্ভিস অহুম অসিনা লম অসিদা মায়োক্নবা তোঙান-তোঙানবা শীংনবশিং য়েংশিনখি অমসুং মশক খঙদোকখি। মখোয়বু কোকহন্নবা ঐখোয়না খোঙজেল য়াংনা হোৎনবা তাই”। “মিসন দিফেসন্স স্পেসনা ঐখোয়গী ফোর্সশিংগী ইনোভেসন থৌগৎপা অমসুং মপাঙ্গল কনখৎহনবা খ্তা নত্তনা মসিনা অনৌবা অমসুং ইনোভেতিব সোল্যুসনশিংসু পীরগনি”। প্রধান মন্ত্রীনা হায়খি মদুদি স্পেস তেক্নোলোজীনা ভারতকী অফবা স্পেস দিপ্লোমেসীগী অনৌবা ৱাহন্থোক অমা পীরি অমসুং মসিনা অনৌবা ওইথোকপা য়াবশিং পুথোক্লি। মহাক্না মখা তারদুনা হায়, “এফ্রিকাগী লৈবাক কয়া অমসুং অতোপ্পা অপীকপা লৈবাক কয়ানা মসিদগী কান্নবা ফংলি”। প্রধান মন্ত্রীনা হায়খি মদুদি চাউখৎলক্লিবা লৈবাক ৬০ হেনবগা ভারতনা মাগী স্পেস সাইন্স শিয়র তৌরি। মহাক্না মখা তারদুনা হায়, “সাউথ এদিয়া সেতলাইৎ অসি মসিগী অফবা খুদম অমনি। মথংগী চহিদা এসিয়ন লৈবাক তরানা ভারতকী সেতলাইৎ দেতাগী রিএল-তাইম এক্সেসসু ফংলগনি। য়ুরোপ অমসুং অমেরিকাগুম্বা চাউখৎলবা লৈবাকশিংনা ফাওবা ঐখোয়গী সেতলাইৎ দেতা শীজিন্নরি”।

প্রধান মন্ত্রীনা হায়খি দিফেন্স সেক্তরদা অনৌবা ভারতনা ইন্তেন্ত, ইনোভেসন অমসুং ইমপ্লিমেন্তেসনগী মন্ত্রফা লোয়ননা মাংদা চংশিল্লি। চহি ৮গী মমাং ফাওবদা ভারত অসি মালেমগী খ্বাইদগী চাউবা দিফেন্স ইম্পোর্তর ওইনা শকখঙখি। অদুবু অনৌবা ভারত অসিনা তৌবা ঙম্বা উৎখি, অখাং কনবা উৎখি অমসুং ‘মেক ইন ইন্দিয়া’না ঙসিগী দিফেন্স সেক্তরদা মাইপাকপগী ৱারী অমা ওইরি। মহাক্না মখা তারদুনা হায়, “ঐখোয়গী দিফেন্স এক্সপোর্তশিং অসি হৌখিবা চহি ৫দা শরুক ৮ হেনগৎখি। ঐখোয়না মালেমগী লৈবাক ৭৫ হেনবদা দিফেন্সকী মেতরিএল অমসুং ইক্বিপমেন্ত এক্সপোর্ত তৌরি। ২০২১-২২দা ভারতকী দিফেন্স এক্সপোর্তশিং অসি দোলর বিলিয়ন ১.৫৯ য়ৌখি হায়বদি লুপা করোর লিশিং ১৩ য়ৌখি। অমসুং তুংদা লাক্কদবা মতমশিংদা ঐখোয়না দোলর বিলিয়ন ৫ য়ৌনবা পান্দম থমখি হায়বদি লুপা করোর লিশিং ৪০”।

ঙসিদি মালেম অসিনা ভারতকী তেক্নোলোজীগী মতেং লৌরি মরমদি ভারতকী আর্মীশিংনা মখোয়গী তৌবা ঙম্বা অদু উৎখ্রে। ইন্দিয়ন নেভীনা আই.এন.এস.-বিক্রান্তগুম্বা স্তেত-ওফ-দি-আর্ত এয়রক্রাফ কেরিয়রশিং ইন্দক্ত তৌখ্রে। মসিগী ইঞ্জিনিয়রিং জাইন্ত অমসুং কোলোজেল মাস্তরপিস অসি ইন্দিজিনিয়স তেক্নোলোজীগা লোয়ননা কোচি সিপয়ার্দ লিমিতেদনা শাবনি। ইন্দিয়ন এয়র ফোর্সনা ‘মেক ইন ইন্দিয়া’ ইনইসিএতিবকী মখাদা শাখিবা প্রচান্দ লাইত কোম্বেত হেলিকোপ্তরশিং ইন্দক্ত তৌখিবা অসি ভারতকী দিফেন্সকী তৌবা ঙম্বা অদু ময়েক শেংনা উৎলিবা খুদম অমনি হায়না মহাক্না ফোঙদোকখি।  

ভারতকী দিফেন্স সেক্তর অসিদা মীপান তাংদবগী মতাংদা পল্লদুনা প্রধান মন্ত্রীনা হায় লৈবাক অসিখক্তদগী লৈগদবা খুৎশু-খুলাইশিংগী লিস্ত অনিসু আর্মীনা ফাইনেলাইজ তৌরে। অদুগুম্বা আইতেম ১০১গী লিস্ত অদু ঙসি থাদোকখ্রে। মসিগী ৱারেপশিং অসিনা মীপান তাংদবা ভারতকী তৌবা ঙম্বা অদু উৎখ্রে। লিস্ত অসিগী মতুংদা, “মেক ইন ইন্দিয়া’গী মখাদা লৈগদবা অসিগুম্বা খুৎশু খুলাই অমসুং দিফেন্স সেক্তরগী খুৎশু খুলাই ৪১১ লৈরি। অসুগুম্বা অচৌবা বজেদ অসিনা ভারতকী কম্পনীশিংগী য়ুম্ফম থোনবদা মতেং পাংলগনি অমসুং মখোয়বু অনৌবা পনখৈ অমা য়ৌহনবা ঙম্লগনি হায়না প্রধান মন্ত্রীনা ফোঙদোকখি। মসিদগী খ্বাইদগী হেন্না কান্নবা ফংগদৌরিবা অসি লৈবাক অসিগী নহারোলশিংনা হায়না মহাক্না মখা তখি।

দিফেন্স সপ্লাইগী লমদা কম্পনী খরনা শেমগৎলম্বা মোনোপোলী অসি মহুৎ শিন্নবা থাজবা য়াবা ওপ্সনশিং মরাং কায়না লৈরে হায়না প্রধান মন্ত্রীনা ফোঙদোকখি। “ভারতকী নহারোলশিংনা দিফেন্স ইন্দস্ত্রীদা লৈরিবা মসিগী মোনোপোলী অসি থুগাইনবা শক্তি অদু উৎখ্রে অমসুং ঐখোয়গী নহারোলশিংনা উৎলিবা মসিগী থৌনা অসি মালেমগী য়াইফনবনি” হায়না শ্রী মোদীনা ফোঙদোকখি। রিসোর্সশিং লৈতবনা মরম ওইদুনা মখোয়গী সিক্যুরিতীদা শোত্থদুনা লৈরিবা মালেমগী অপীকপা লৈবাকশিংনা মসিগী চাউনা কান্নবশিং ফংগনি হায়না মহাক্না মখা তাখি।

“ভারতনা দিফেন্স সেক্তর অসি খুদোংচাবশিংগা লোয়ননা পোজিতিব ওইবা ওইথোকপা য়াবশিংগী লোইবা নাইদনা লৈ” হায়না প্রধান মন্ত্রীনা ফোঙদোকখি। দিফেন্স সেক্তরদা লৈরিবা ইনবেস্তমেন্তগী খুদোংচাবশিংগী মতাংদা ফোঙদোক্লদুনা প্রধান মন্ত্রীনা হায়, ভারতনা য়ু.পি. অমসুং তমিল নাদুদা দিফেন্স কোরিদোর অনি শারি অমসুং মালেমগী অচৌবা কম্পনী কয়ামরুম্না ভারত্তা ইনবেস্ত তৌনবা লাক্লি। মহাক্না সেক্তর অসি এম.এস.এম.ই.শিংগী মরাইবক্কী মতাংদসু ফোঙদোকখি অমসুং মসিগী ইনবেস্তমেন্ত অসিগী মরুমদা সপ্লাই চেনশিংগী অচৌবা নেতৱর্ক অমা শেমদুনা মসিগী অচৌবা কম্পনীশিং অসি ঐখোয়গী এম.এস.এম.ই.শিংনা মতেং পাংগনি হায়না ফোঙদোকখি। “মসিগী সেক্তর অসি য়াম্না চাউনা ইনবেস্তমেন্তশিং তৌবা অসিনা মমাংদা অমুক ফাওবা ৱাখল তৌরুদবা অদুগুম্বা মফমশিংদা নহাশিংগী থবক্কী অচৌবা খুদোংচাবশিং ফংলগনি” হায়না প্রধান মন্ত্রীনা মখা তাখি।

প্রধান মন্ত্রীনা দিফেন্স এক্সপোদা লৈরিবা কম্পনী খুদিংমক্কী পুক্নীং চিংশিনখি অমসুং ভারতকী তুংলমচৎনা মরুওইনা লৌদুনা মসিগী খুদোংচাবশিং অসি মায়োন চুম্নবা পাউজেল পীখি। “অদোম্না ইনোবেত তৌবীয়ু, মালেমদা খ্বাইদগী ফবা ওইনবা ৱাশক লৌবীয়ু, অমসুং শক্তি লৈবা চাউখৎলবা ভারত অমগী মংলান্দা লমজিংদুনা চৎপীয়ু। মতম চুপ্পদা নখোয়গী মতেং পাংনবা ঐহাক্না ঙাইদুনা লৈগনি” হায়না ফোঙদোক্লদুনা মহাক্কী ৱারোল অদু তেনশিনখি।  

তিনখিবা মীওইশিংগী মরক্তা গুজরাতকী মুখ্য মন্ত্রী, শ্রী ভুপেন্দ্র পতেল, গুজরাতকী রাজ্যপাল, শ্রী আচার্য় দেবব্রত, কেন্দ্রগী ঙাকশেল মন্ত্রী, শ্রী রাজনাথ সিংহ, চীফ ওফ দিফেন্স স্তাফ, জেনরেল অনিল চৌহান, চীফ ওফ আর্মী স্তাফ, জেনরেল মনোজ পান্দে, চীফ ওফ এয়র স্তাফ, এয়র চীফ মার্সেল ভি.আর. চৌধরী, চীফ ওফ নভেল স্তাফ, এদমিরেল আর হরি কুমার অমসুং ভারত সরকারগী দিফেন্স সেক্রেতরী, দা. অজয় কুমার য়াওরি।

বেকগ্রাউন্দ

প্রধান মন্ত্রীনা দেফএক্সপো২২ হৌদোকখ্রে‍। ‘পাথ তু প্রাইদ’ হায়বা থিমগী মখাদা পাঙথোকপা এক্সপো অসি হৌজিক ফাওবগী ওইনা খ্বাইদগী মশিং য়াম্না শরুক য়াগদবা ইন্দিয়ন দিফেন্স এক্সপো ওইরি‍। অহানবা ওইনা, ফোরেন ও.ই.এম.শিংগী ইন্দিয়ন সবসিদিয়রীশিং, ভারত্তা রেজিস্তর তৌবা কম্পেনীগী দিভিজন, ভারতকী কম্পেনীগী পুন্না চৎমিন্না একজিবিতর য়াওনা ভারতকী কম্পেনীশিংখক্তগী ওইবা দিফেন্স একজিবিসন অমা য়াওরি‍। থৌরম অসিনা ভারতকী দিফেন্স মেনুফেকচরিংগী মতিক পাকথোক চাউথোকপগী মতৌ উৎলি‍। এক্পো অসিদা ইন্দিয়া পেভিলিয়ন অমা অমদি স্তেত পেভিলিয়ন তরা য়াওরি‍। ইন্দিয়া পেভিলিয়ন্দা প্রধান মন্ত্রীনা হিন্দুস্তান এরোনোতিক্স লিমিতেদ (এম.এ.এল.)না দিজাইন তৌবা লমদমসিদা পুথোকচবা ত্রেনর এয়রক্রাফ ঐচ.তি.তি.-৪০ মায়খুম হাংদোকখ্রে‍। এয়রক্রাফ অসিনা স্তেত ওফ দি আর্ত কন্তেম্পররী সিস্তেম শীজিন্নরি অমদি পাইলোৎ ফ্রেন্দলী ফীচরশিংগা লোয়ননা দিজাইন তৌবনি‍।

থৌরম অদুদা, প্রধান মন্ত্রীনা ইন্দস্ত্রী অমসুং স্তার্তঅপশিংগী খুত্থাঙদা স্পেস দোমেন্দা দিফেন্স ফোর্সক ইনোভেতিব ওইবা সোলুসন শেমগৎনবা মিসন দেফস্পেস হৌদোখ্রে‍। প্রধান মন্ত্রীনা গুজরাত্তা দীসা এ্রয়রফীল্দগী উরেপ উয়ুংসু তমখ্রে‍। ফোরৱার্দ এয়রফোর্স বেজ অসিনা লৈবাকসিগী সিক্যুরিতী অর্কিতেকচর হেনগৎহল্লগনি‍।

এক্সো অসিদা ‘ইন্দিয়া-অফ্রিকা: এদোপ্তিং স্ত্রেতেজী ফোর সীনর্জাইতিং দিফেন্স এন্দ সিক্যুরিতী কোওপরেসন’ হায়রিবা থিম অসিগী মখাদা ২শুবা ইন্দিয়া-অফ্রিকা দিফেন্স দাইলোগসু পাঙথোকখ্রে‍। সিক্যুরিতী এন্দ গ্রোথ ফোর ওল ইন দি রীজন (সাগর) হায়রিবা প্রধান মন্ত্রীগী মঙলান অসিগী পরিংদা, ইং-তপ্পা, চাওখৎপা, মরা চেৎপা অমসুং নুংঙাই য়াইফবা পুরক্নবগীদমক আই.ও.আর.+ লৈবাকশিংগী মরক্তা দিফেন্স কোওপরেসন য়োকখৎনবা মপুং ফাবা দাইলোগ অমগী ফম্পাক অমা পীগদবা ২শুবা ইন্দিয়ন ওসীন রীজন+ (আই.ও.আর.+) কনক্লেবসু এক্সপো অসিগী মনুং চন্না পাঙথোক্কনি‍। এক্সপো অসিদা, অহানবা ইনভেস্তর্স মীত ফোর দিফেন্সসু পাঙথোকখ্রে। মসিদা, আইদেক্স (ইনোভেসন ফোর দিফেন্স এক্সেলেন্স)কী দিফেন্স ইনোভেসন থৌরম, মন্থন ২০২২দা স্তার্তঅপ চা কয়ানা মখোয়গী ইনোভেসনশিং উত্থোক্নবগী তাঞ্জা লৌগনি‍। থৌরম অসিদা ‘বন্ধন’ থৌরমগী খুত্থাঙদা পার্ত্নরসিপ/লোঞ্চ ৪৫১সু শেমগনি‍।

Addressing Defence Expo 2022 being held in Gandhinagar, Gujarat. https://t.co/YFaSC2xLKK

— Narendra Modi (@narendramodi) October 19, 2022

DefExpo-2022 का ये आयोजन नए भारत की ऐसी भव्य तस्वीर खींच रहा है, जिसका संकल्प हमने अमृतकाल में लिया है। pic.twitter.com/wcNIrq7SbL

— PMO India (@PMOIndia) October 19, 2022

It is the first DefExpo where only Indian companies are participating. pic.twitter.com/n80uQvZeni

— PMO India (@PMOIndia) October 19, 2022

कोरोनाकाल में जब वैक्सीन को लेकर पूरी दुनिया चिंता में थी, तब भारत ने हमारे अफ्रीकन मित्र देशों को प्राथमिकता देते हुये वैक्सीन पहुंचाई। pic.twitter.com/apEESLs1Hv

— PMO India (@PMOIndia) October 19, 2022

आज अंतर्राष्ट्रीय सुरक्षा से लेकर वैश्विक व्यापार तक, मेरीटाइम सेक्योरिटी एक ग्लोबल प्राथमिकता बनकर उभरा है। pic.twitter.com/xmQ9wOuO1u

— PMO India (@PMOIndia) October 19, 2022

सरकार में आने के बाद हमने डीसा में ऑपरेशनल बेस बनाने का फैसला लिया, और हमारी सेनाओं की ये अपेक्षा आज पूरी हो रही है। pic.twitter.com/2CaN337CZH

— PMO India (@PMOIndia) October 19, 2022

Mission Defence Space will encourage innovation and strengthen our forces. pic.twitter.com/y7bhn3PA4H

— PMO India (@PMOIndia) October 19, 2022

In the defence sector, new India is moving ahead with the mantra of Intent, Innovation and Implementation. pic.twitter.com/2vdCkdEFnD

— PMO India (@PMOIndia) October 19, 2022

Indian defence companies today are becoming a significant part of the global supply chain. pic.twitter.com/1LlRxSQaSm

— PMO India (@PMOIndia) October 19, 2022

भारत की टेक्नालजी पर आज दुनिया भरोसा कर रही है क्योंकि भारत की सेनाओं ने उनकी क्षमताओं को साबित किया है। pic.twitter.com/N01ZmnMKOT

— PMO India (@PMOIndia) October 19, 2022

Making India’s defence sector self-reliant. pic.twitter.com/UOrCl0xW9D

— PMO India (@PMOIndia) October 19, 2022

*****