ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ১৫শুবা ব্রিক্স মীফমগী নাকলদা ওগস্ত ২৩,২০২৩ দা জোহেন্সবার্গতা খা অফ্রিকাগী রাস্ত্রপতি সিরিল রামাফোসাগা উনখ্রে।
লৈবাক অনিগী মরক্তা লৈনরিবা মরীশিং খুমাঙচাউশিল্লকপগী মতাংদা লুচিংবা অনিনা হন্না য়েংশিনখি অমসুং ঙাক-শেন, লৌউ-শিংউ, ললোন-ইতিক, শেন থাদবা, হকশেল, কঞ্জর্বেসন অমসুং মীগা মীগা লৈনবা মরীশিং য়াওনা হিরম কয়াদা খুমাঙচাউশিনবদা অপেনবা ফোঙদোকখি।

মালেমগী লুপশিং অমসুং লমদম অমগী অমসুং মালেমগী ওইবা ৱাফমশিংদা মখা তানা মতেং পীনবা হায়না নাকল অনিগী ওইবা ৱাফমশিং ফোঙদোক্নখি। ভারতনা জি-২০গী প্রসিদেন্ত ওইরিবা অসিদা রাস্ত্রপতি রামাফোসানা মপুংফানা শৌগৎপা ফোঙদোকখি অমসুং অফ্রিকান য়ুনিয়ন জি-২০গী মপুংফাবা মেম্বর ওইহন্নবা ভারতনা পায়খৎলিবা থবকশিং থাগৎখি। জি-২০ মীফম শরুক য়ানবা মহাক নিউ দিল্লিদা চৎকনি হায়বগী থাজবা মহাক্না ফোঙদোকখি।

মাইপাক্না ব্রিক্স মীফম য়ুম্বু ওইবগীদমক প্রধান মন্ত্রীনা রাস্ত্রপতি রামাফোসা থাগৎপা ফোঙদোকখি। খুদোংচাগদবা নুমিৎ অমদা খা অফ্রিকাদা ওফিসিএল ওইবা খোঙচৎ অমা লাক্নবা রাস্ত্রপতি রামাফোসাগী চেবাউ প্রধান মন্ত্রীনা তরাম্না লৌশিনখি।

****