ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি লৈবাক অসিদা ওইরিবা কোবিদ-১৯গী ফীভম য়েংশিন্নবা, হেল্থ ইনফ্রাস্ত্রকচর অমসুং লোজিস্তিক্সকী শেম-শারিবা, লৈবাক অসিদা চত্থরিবা ভেক্সিনেসন কেম্পেনগী ফীভম অমদি অনৌবা কোবিদ-১৯গী ভেরিএন্তশিং থোরকপা অমসুং লৈবাক অসিদা মখোয়না ওইহল্লকপা য়াবা পব্লিক হেল্থ অসি য়েংশিন্নবা অৱাংবা থাক্কী মীফম অমা ময়াই তাংবল লৌখ্রে। লৈবাক খরদা কোবিদ১৯ কেসশিং ৱাংখৎলকপা অসিগা ইরোইননা অৱাংবা থাক্কী য়েংশিন মীফম অসি পাঙথোকখিবনি।

নিতি আয়োগকী সেক্রেতরী, হেল্থ এন্দ মেম্বরনা লৈবাকশিংদা কেসশিং ৱাংখৎলক্লিবা অসি য়াওনা মালেমগী কোবিদ-১৯গী ফীভমগী মতাংদা পুম্নমক শুনা য়াওরবা প্রজেন্তেসন অমা উৎখি। নোংমদা থেংনবা কেসশিংগী চাংচৎ ১৫৩দা হন্থরক্লি অমসুং দিসেম্বর ২২, ২০২২না লোইশিনখিবা চয়োলদা চয়োলগী ওইবা পোজিতিবিতী অসি ০.১৪%দা হন্থরকপগা লোয়ননা কেসশিংদা তপ্না হন্থরকপা ভারত্তা উবা ফংলি হায়না প্রধান মন্ত্রীদা পাউদমখি। অদুম ওইনমক হৌখিবা চয়োল ৬ অসিদা মালেমদা নোংমদা চাংচৎ ওইনা কেস লাখ ৫.০ রিপোর্ত তৌরি।

প্রধান মন্ত্রীনা কোমথোকপা তৌদনবা চেকশিনৱা থমখি অমসুং চেকশিন্না লৈনবা পাউতাক পীখি। মহাক্না নৌহৌনা হায়খি মদুদি কোবিদ অসি হৌজিক লোইদ্রি অমসুং ওফিসিএলশিংদা মরু ওইনা ইন্তর্নেস্নেল এয়রপোর্তশিংদা হৌজিক চত্থরিবা সর্ভিলেন্সকী থৌওংশিং মপাঙ্গল কনখৎহন্নবা য়াথং পীখি।

প্রধান মন্ত্রীনা ইক্বিপমেন্ত, প্রোসেস অমসুং হ্যুমেন রিসোর্সশিং য়াওনা অৱাংবা থাক্তা শেম শাদুনা থাক পুম্নমক্তা অপুনবা কোবিদ ইনফ্রাস্ত্রকচর নীংথিনা থম্বা মথৌ তাই হায়খি। মহাক্না রাজ্যশিংদা ওক্সিজেন সিলিন্দরশিং, পি.এস.এ. প্লান্তশিং, ভেন্তিলেতরশিং অমসুং হ্যুমেন রিসোর্সশিং য়াওনা হোস্পিতাল ইনফ্রাস্ত্রকচরগী ওপরেস্নেল রেদিনেস থম্নবা কোবিদ স্পেসিফিক ফেসিলিতীশিংদা ওদিৎ চত্থনবা হায়খ্রে।

প্রধান মন্ত্রীনা ওফিসিএলশিংদা তেস্ত তৌবা অমসুং জিনোমিক সিক্বেন্সিংগী থবকশিং হেনগৎহন্নবা য়াথং পীখ্রে। রাজ্যশিংদা নুমিৎ খুদিংগী ওইনা জিনোম সিক্বেন্সিং তৌনবা অপীবা আই.এন.এস.এ.সি.ও.জি. জিনোম সিক্বেন্সিং লেবোরেতোরীশিং (আই.জি.এস.এল.শিং)দা সেম্পল মশীং য়াম্না থানবসু হায়খি। মসিনা করিগুম্বা লৈবাক অসিদা অনৌবা ভেরিএন্তশিং শন্দোরকপা তারবসু মতম চানা খঙদোকপদা মতেং পাংগনি অমসুং মথৌ তাবা পব্লিক হেল্থ মিজরশিং লৌখৎপা ঙমহনগনি।

প্রধান মন্ত্রীনা মীয়াম তিনবা মফমশিংদা মাস্ক উপ্পা য়াওনা মরু ওইনা লাক্কদৌরিবা হরাও-কুহ্মৈগী পন্থা অসি য়েংলগা মীপুম খুদিংমক্তা মতম পুম্বদা কোবিদকা চুনবা কাংলোনশিং ঙাক্না চৎনবা হায়খ্রে। প্রধান মন্ত্রীনা মরু ওইনা খুদোংথিনীংঙাই ওইবা অমসুং অহল ওইরবা কাংলুপশংগীদমক প্রিকোসন দোজ কাপথোক্নবা হায়খ্রে।

প্রধান মন্ত্রীদা হীদাক-লাংথকশিং, ভেক্সিন অমসুং হোস্পিতেল বেদশিং অসি মরাং কাইনা লৈ হায়না পাউদমখি। মহাক্না চাং নাইনা তঙাই ফদবা হীদাক লাংথকশিং লৈরিব্রা অমসুং মমল য়েংশিন্নবা পাউতাক পীখি।

মালেম শিনবা থুংবদা ফ্রন্তলাইন হেল্থকিয়র ৱার্করশিংনা তৌরিবা থবক অদ থাগৎলদুনা প্রধান মন্ত্রীনা মখোয়না চপ মান্নবা মওংদা অমসুং কত্থোকপগা লোয়ননা মখা তানা থবক তৌনবা হায়খি।

মীফম অদুদা কেন্দ্রগী গৃহ মন্ত্রী, শ্রী অমিত শাহ; হকশেল অমসুং য়াইফ-য়ুম্বালগী মন্ত্রী, মনসুখ মন্দাবিয়া; সিভিল এভিএসন মন্ত্রী, শ্রী জ্যোরিরাদিত্য সিন্ধিয়া; মপাল থৌরম মন্ত্রী, দা. এস. জয়শঙ্কর; ইনফোর্মেসন অমসুং বোর্দকাস্তিং মন্ত্রী, শ্রী অনুরাগ থাকুর; হকশেল অমসুং য়াইফ-য়ুম্বালগী রাজ্য মন্ত্রী, শ্রীমতি ভারতি প্রবিন পাৱর; প্রিন্সিপল সেক্রেতরী তু পি.এম., শ্রী পি.কে. মিশ্রা; নিতি আয়োগকী সি.ই.ও., শ্রী পারমেশ্বরন আইয়র; নিতি আয়োগকী মেম্বর (হেল্থ) দা. ভি.কে. পোল; কেবিনেৎ সেক্রেতরী, শ্রী রাজিব গৌবা; পি.এম.ও.গী এদভাইজর, শ্রী অমিত খারে; হোম সেক্রেতরী, শ্রী এ.কে. ভাল্লা; সেক্রেতরী (ঐচ.এফ.দবল্যু), শ্রী রাজেশ ভুশন; সেক্রেতরী (দি.ঐচ.আর.), দা. রাজিব ভাল; ফার্মাস্যুতিকেল্স (আই/সি), সেক্রেতরী, শ্রী অরুন বারোকা; লোয়ননা অতোপ্পা মকোক থোংবা ওফিসিএলশিংনা শরুক য়াখি।

***