ভারতকী প্রধানমন্ত্রী
প্রধান মন্ত্রী, শ্রী নরেন্দ্র মোদীনা রাজ্য অমসুং জিলা কয়াগী ফিল্দ ওফিসরশিংগা ভিদিও কনফরেন্সিংগী খুত্থাংদা মখোয়না কোবিদ-১৯ লান্থেংনবদা থেংনবা থৌদোকশিংগী মতাংদা ৱারী শাখ্রে। কোবিদ-১৯ লান্থেংনবদা মাংজিল থারিবা তোঙান-তোঙানবা জিলাগী ফিল্দ লেভেল ওফিসরশিংনা ৱারী শাবগী থৌরমদা শরুক য়াখি।
প্রধান মন্ত্রীনা ৱারী শাবা অসিদা কোবিদকী অনিশুবা ৱেভকা লান্থেংনবদা মাঙ-থাদুনা লমজিংবগীদমক্তা ওফিসিএলশিংবু থাগৎপা ফোংদোকখি। ওফিসিএলশিংনা মখোয়না থেংনরকখিবা কয়াগী মতাংদা পাউদম্লদুনা হন্দক্তা কেস ৱাংখৎলকপগী ফীভম লাকশিন্নবা অনৌবা খোঙথাং কয়া পায়খৎলকপগীদমক্তা প্রধান মন্ত্রীবু থাগৎপা ফোংদোকখি। মখোয়না খুঙ্গংগী লমদমশিংদা মেদিকেল ইনফ্রাস্ত্রকচর অমসুং কেপাসিতী বিলদিং তৌবগী থৌওং হেনগৎহন্নবগীদমক্তা হোৎনখিবা কয়াগী মতাংদা প্রধান মন্ত্রীগী মফমদা তমখি। প্রধান মন্ত্রীনা লৈবাক্কী অতোপ্পা জিলাশিংদসু শিজিন্নবা য়াননবগীদমক্তা ওফিসিএলশিংনা পাংথোকখিবা খ্বাইদগী ফজবা অমসুং অনৌবা থৌওংগী পরিং শেমদুনা পীরক্নবসু হায়খি।
ৱারী শাবা লোইরবা তুংদা, প্রধান মন্ত্রীনা লৈবাক্কী হেল্থকেয়র ৱর্কর, ফ্রন্তলাইন ৱর্কর অমসুং লৈঙাক্লোইশিংনা লাইচৎ মনুংদা উৎখিবা থৱাই য়াওবা অমসুং খোঙফম চেৎপগী মতৌবু থাগৎলদুনা মখোয়না ৱাখল্লোন অসিমক লৈদুনা তুং-লমচৎকীদমক্তা লেপ্তনা চঙশিন্নবা ৱাফমসু থমখি। প্রধান মন্ত্রীনা লৈবাক অসিগী জিলা খুদিংমক অসি চপ মান্নবা মওংদা তোঙাল্লি অমসুং মশাগী তোপ-তোপ্পা শিংনবা লৈ হায়খি। মহাক্না জিলাগী ওফিসিএলশিংদা অসুম্না হায়খি, “অদোম্না ইশাগী জিলাগী শিংনবশিং হেন্না মমুৎ তানা খঙই। অদুনা, অদোমগী জিলানা মায়-পাকপদা, লৈবাকসু মায়-পাক্কনি। অদোমগী জিলানা কোরোনাবু মাইথীবা পীবদা, লৈবাক অসিনা কোরোনাবু মাইথীবা পাআগনি”। কোবিদ-১৯ নারবা ফাওবদা ছুতি লৌদনা থবক তৌরিবা ওফিসিএলশিংবুসু মহাক্না থাগৎপা ফোংদোকখি। মখোয় অসিনা মীওই কয়াদা ইথিল পীরি অমসুং মখোয়গী কত্থোকপগী থৌওংশিংবু মহাক্না নীংথিজনা খঙই হায়না মহাক্না মখা তাখি।
লান্দা ফিল্দ কম্মান্দর অমগী মরু ওইবা লৈবগুম্না কোরোনাগী লানফম অসিদসু ওফিসিএলশিংগী চপ-মান্নবা মরু ওইবা লৈ হায়না প্রধান মন্ত্রীনা ফোংদোকখি। অকক্নবা মফমবু কন্তেনমেন্ত জোন ওন্থোকপা, মশিং য়াম্না তেস্তিং তৌবা অমসুং মীয়ামদা মপুং ফাবা ই-পাউ পীবশিং অসিনা ভাইরস অসিগী মাইয়োক্তা লান্থেংনবগী খুৎলায়নি হায়খি। হৌজিক্কী মতমদা, রাজ্য কয়া অমদা কোরোনাগী মশিং হন্থরক্লি, অদুগা রাজ্য কয়া অমদনা হেনগৎলক্লি হায়না মহাক্না হায়খি। মরম অদুনা, লাইনা মশিং হন্থরকপা মফমদা হেন্না চেকশিন্না অমসুং মিৎয়েং-নাশিংনা লৈবগী মরু ওইবদা মহাক্না অহেনবা মিৎইয়েং চঙখি। ঐখোয়না লান্থেংনরিবা অসি পুন্সি খুদংমক কনবা ঙম্নবনি অমসুং খুঙ্গং অমসুং চত্থোক-চৎশিনা তৌবদা খুদোংচাদবা লৈবা মফমশিংদা অহেনবা মিৎয়েং চঙলি হায়না মহাক্না মরু ওইনা হায়খি। মহাক্না তেংবাংবগী পোৎলমশিংবু খুঙ্গংগী মীয়ম্না লায়না ফংহন্নবা হোৎননবা ৱাফমসু ওফিসিএলশিংদা ফোংদোকখি।
প্রধান মন্ত্রীনা ওফিসিএলশিংদা মখোয়গী জিলাগী মীওই খুদিংগী পুন্সি মহিংবু হেন্না নুংঙাইহন্নবা হোৎনৌ হায়না ফোংদোকখি। লাইনা শন্দোকপা থিংবগা চপ-মান্ননা তঙাই ফদবা পোৎলশিংসু ৱাত্তনা ফংহন্নবা হোৎনবগী মতাংদসু মহাক্না মিৎয়েং চঙখি। পি.এম. কেয়র্স ফন্দগী মখাদা লৈবাকী জিলা খুদিংদা লৈবা হোস্পিতালশিংদা ওক্সীজেন প্লান্ত খিনবগী থবক কন্না পায়খৎলি অমসুং হোস্পিতাল কয়া অমদা মখোয়শিংনা থবক তৌবসু হৌখ্রে হায়না মহাক্না মীয়ামদা পাউদমখি।
প্রধান মন্ত্রীনা তীকা থাদোকপনা লাইনা অসিনা শাথীনা নাহন্দনবা, হোস্পিতালদা লৈবগী মশিং হন্থহন্নবা অমসুং লৈতবগী চাং হন্থহন্নবা হোৎনবদা মতৌ করম্না তেংবাংবগে হায়বগী মতাংদা মহাক্না ৱাফম কয়া ফোংদোকখি। কোরোনাগী ভেক্সিন মশিং য়াম্না পীবা ঙম্নবা লেপ্তনা হোৎনরি হায়নসু মহাক্না পাউদমখি। হকশেল মন্ত্রালয়না তীকা থাবগী পথাপ অমসুং থৌওংশিংবু মওং-মরিল হেন্না তাহন্নবা হোৎনরি হায়না মহাক্না মখা তাখি। মথংগী নুমিৎ ১৫নিগী থৌরাংশিংসু রাজ্যশিংদা হান্ননা খঙহন্নবা হোৎনরি অমসুং ভেক্সিন মাঙহন্দনবা হোৎনবা অসি য়াম্না তঙাই ফদবনি হায়না মহাক্না ফোংদোকখি। ফমুং অমসুং ভেক্সিন ফংবগী ই-পাউশিং অসি মীয়াম্না লায়না খঙনরকপা মতমদা মখোয়গী খুদোংচাবসু হেনগৎলক্কনি হায়না মহাক্না ফোংদোকখি। মসিগা মান্নবা ওইনা, ব্লেক মার্কেৎসু থিংগদবনি অমসুং অসিগুম্বা তৌবা মীওইগী মাইয়োক্তা অকনবা থবক লৌখৎকগদবনি। অদুগা ফ্রন্তলাইন ৱর্করশিংদা ইথিল হাপ্তুনা মশাদা লৈবা থাজবা হেল্লবা মতমদা মখোয়বু মথৌ পাংথোকহল্লি।
প্রধান মন্ত্রীনা খুঙ্গংগী মীওইশিংনা মখোয়গী লবুক্তা সোসিএল দিস্তেন্সিং তৌদুনা লৈবগী থৌওংবু থাগৎপা ফোংদোকখি। খুঙ্গংগী মীওইশিংনা ই-পাউ লৌদুনা মখোয়গা চুনবা মওংদা শেমদোকই হায়না মহাক্না হায়খি। মসিনা খুঙ্গংগী পাঙ্গলনি। ঐখোয়না কোরোনাভাইরস থেংনবগী খ্বাইদগী ফবা থবক পাংথোক্কদবনি হায়না মহাক্না মখা তাখি। মহাক্না মখোয়দা অপাম্বা তৌবগী নীং-তম্বা পীরদুনা মখোয়না অনৌবা থৌওং পাংথোকপগী মনিং-তম্বা লৈ অমসুং অহোংবা পোলিসী পুরকপগী পাউতাক পীগদবনি হায়খি। কোবিদকী কেস হন্থরক্লবসু মখোয়না চেকশিন্না অদুমক লৈগদবনি হায়না মহাক্না মীয়ামদা হায়খি।
মীফম অসিদা গৃহ মন্ত্রী, ঙাক-শেল মন্ত্রী, হকশেল মন্ত্রী, তোঙানবা রাজ্যশিংগী মুখ্য মন্ত্রী, নিতি আয়োগ (হেল্থ) মেম্বর, হেল্থ সেক্রেতরী, ফার্মাস্যুতিকেল সেক্রেতরী অমসুং পি.এম.ও., কেন্দ্র সরকারগী মন্ত্রালয় অমসুং বিভাগশিংগী অতোপ্পা ওফিসরশিংনা শরুক য়াখি।
***
Interacting with District Officials on the COVID-19 situation. https://t.co/Yy4w15sZYB
— Narendra Modi (@narendramodi) May 18, 2021
हमारे देश में जितने जिले हैं, उतनी ही अलग-अलग चुनौतियाँ हैं।
— PMO India (@PMOIndia) May 18, 2021
एक तरह से हर जिले के अपने अलग challenges हैं।
आप अपने जिले के challenges को बहुत बेहतर तरीके से समझते हैं। इसलिए जब आपका जिला जीतता है, तो देश जीतता है।
जब आपका जिला कोरोना को हराता है, तो देश कोरोना को हराता है: PM
कोरोना के खिलाफ इस युद्ध में आप सब लोग एक बहुत महत्वपूर्ण भूमिका में है।
— PMO India (@PMOIndia) May 18, 2021
आप एक तरह से इस युद्ध के field commander हैं: PM @narendramodi
इस वायरस के खिलाफ हमारे हथियार क्या हैं?
— PMO India (@PMOIndia) May 18, 2021
हमारे हथियार हैं- Local containment zones, aggressive testing और लोगों तक सही और पूरी जानकारी: PM @narendramodi
इस समय, कई राज्यों में कोरोना संक्रमण के आंकड़े कम हो रहे हैं, कई राज्यों में बढ़ रहे हैं।
— PMO India (@PMOIndia) May 18, 2021
कम होते आंकड़ों के बीच हमें ज्यादा सतर्क रहने की ज़रूरत है।
बीते एक साल में करीब-करीब हर मीटिंग में मेरा यही आग्रह रहा है कि हमारी लड़ाई एक एक जीवन बचाने की है: PM @narendramodi
Testing, Tracking, Treatment और Covid appropriate behavior, इस पर लगातार बल देते रहना जरूरी है।
— PMO India (@PMOIndia) May 18, 2021
कोरोना की इस दूसरी वेव में, अभी ग्रामीण और दुर्गम क्षेत्रों में हमें बहुत ध्यान देना है" PM @narendramodi
कोविड के अलावा आपको अपने जिले के हर एक नागरिक की ‘Ease of Living’ का भी ध्यान रखना है।
— PMO India (@PMOIndia) May 18, 2021
हमें संक्रमण को भी रोकना है और दैनिक जीवन से जुड़ी ज़रूरी सप्लाई को भी बेरोकटोक चलाना है: PM @narendramodi
पीएम केयर्स के माध्यम से देश के हर जिले के अस्पतालों में ऑक्सीजन प्लांट्स लगाने पर तेज़ी से काम किया जा रहा है।
— PMO India (@PMOIndia) May 18, 2021
कई अस्पतालों में ये प्लांट काम करना शुरु भी कर चुके हैं: PM @narendramodi
टीकाकरण कोविड से लड़ाई का एक सशक्त माध्यम है, इसलिए इससे जुड़े हर भ्रम को हमें मिलकर करना है।
— PMO India (@PMOIndia) May 18, 2021
कोरोना के टीके की सप्लाई को बहुत बड़े स्तर पर बढ़ाने के निरंतर प्रयास किए जा रहे हैं।
वैक्सीनेशन को लेकर व्यवस्थाओं और प्रक्रियाओं को हेल्थ मिनिस्ट्री लगातार स्ट्रीमलाइन कर रही है: PM
Interacted with District Officials on ways to overcome COVID-19. They shared their experiences from districts. I spoke about various aspects including India's efforts towards capacity building and the need to boost 'Ease of Living' along with COVID-care. https://t.co/LhuRMjfWc2
— Narendra Modi (@narendramodi) May 18, 2021
