ভারতকী প্রধানমন্ত্রী

প্রধান মন্ত্রীনা ঙসি উত্তরাখন্দগী রাজ্য সরকারগা লোইননা ভিদিও কনফরেন্সকী থোংদা কেদারনাথ ধাম দিবেলপমেন্ত অমসুং রিকন্সত্রক্সনগী প্রোজেক্ত য়েংশিনখ্রে। তীর্থ মফম অসিবু অমুক নৌনা শেমগৎ-শাগৎনবগী ৱাখল্লোন থম্লদুনা প্রধান মন্ত্রীনা হায়খি মদুদি রাজ্য সরকারনা কেদারনাথ অমসুং বদ্রিনাথকুম্বা শেংলবা মফমশিং অসি মতম চুপ্পদা মীয়াম পু্ম্বনা খঙনবা মওংদা অমসুং অকোইবগী ফিভমগা চান্ননা অমসুং মহৌশা অমসুং মাসিগী অকোইবদা লৈরিবশিং অদুগা চুশিন্নগদবা মওংদা রাজ্য সরকারনা শেমগৎনবা প্রোজেক্তশিং অসিগী ৱাখল্লোনশিং অদু শাগৎকদবনি অমসুং দিজাইন শেমগদবনি।
হৌজিক্কী ওইরিবা ফিভমশিং অমসুং শেংববা মফমশিংদা লমকোয়বশিং অমসুং তীর্থ চৎপা মীশিং চাংদম্ননীংঙাই লৈতবা মওংদা চাং হন্থরকপগী চৈথেং অসি য়েংলগা প্রধান মন্ত্রীনা হৌজিক্কী শেম-শাবগী কুম অসি লাপ্না লৈনবগী চৎন-কাংলোনশিং অদু ঙাক্তুনা লেবরগী পুলশিং অদু নীংথিজনা য়েন্থোক্তুনা লোইশিন্দ্রিবা থবকশিং অসি মপুং ফানা লোইশিন্নবগীদমক্তা শিজিন্নবা য়াই হায়না প্রধান মন্ত্রীগী ওইবা ৱাখল্লোন ফোংদোকখি। মসিনা লাক্কদৌরিবা চহিশিংদা তুরিজমগী মফম অসি নীংথিজনা শেম-শাদুনা থম্নবগীদমক্তা খুদোংচাবশিং অমসুং ইনফ্রাস্ত্রকচরশিং অসি শেম্বদা মতেং পাংগনি।
মরুওইবা সজেসনশিংগী শরুক অমা ওইনা, প্রধান মন্ত্রীনা রাম্বান্দগী কেদারনাথ ফাওবদা শন্দোকখ্রিবা ইপা-ইপুগী হাক্তক্তগী লৈরক্লবশিং অমসুং লাইনীং-লাইশোনগী ওইবা অতৈ মফমশিং অসি মখা তানা শেমগৎনবগী মতাংদা লমজিং-লমতাকখি। মসিগী থবক অসি কেদারনাথকী মরু ওইবা মফমশিং অসি অমুক হন্না-শেমগৎপগী মথক্তা অতোপ্পশিং শেমগৎপগী থবক ওইগনি।

মীফম অদুদা ব্রহ্ম কমল বাতিকা (লৈকোল) অমসুং বাসুকী তালগীদমক্তা তীর্থ চৎপশিংগী লম্বী, ম্যুজিয়ম, অরীবা শহরগী ক্বাতরশিং অদু অমুক নৌনা শেমগৎনবা অমসুং পুৱারীগী মরু ওইবশিং অদু হান্নগী আর্কিতেকচরেল ওইবা য়ুম্মায়শিং অদুদা অদুম থম্বগা লোয়ননা অকোয়বদা লৈরিবশিং অদুদা নুংঙাইগদবা পার্কিংগী মফমশিং অদু তীর্থ অদুদগী নীংথিজনা লাপ্না অমসুং চাং চানা কান্ন-কান্ননা থম্বগী অতোপ্পা খুদোংচানবশিং অদুগী থাকশিংগা মরী লৈনবা হীরমশিংগী মতাংদা মরিক চুম্না খন্নবা উখি।

উত্তরাখন্দগী মুখ্য মন্ত্রী শ্রী ত্রিবেন্দ্র সিংহ রাৱত অমসুং অতৈ মকোক থোংবা ওফিসিএলশিংসু খন্ন-নৈনবা অদুদা শরুক য়াখি।

******