ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা উত্তর প্রদেসকী বরানসীদা কাসি তামিল শঙ্গমম ২০২৩ হৌদোকখ্রে। শ্রী মোদীনা কন্যকুমারি-বরানসী তামিল শঙ্গমম ত্রেন লমথাখ্রে। থৌরম অদুদা তিরুক্কুরাল, মনিমেকলাই অমসুং অতোপ্পা  অরিবা তামিল সাহিত্য তোঙান-তোঙানবা লোলশিং অমসুং ব্রাইলদা হন্দোকপা ফোঙদোকখ্রে। মহাক্না একজিবিসন অমসু য়েংখি অমসুং নাৎকী থৌরম অমসু য়েংখি।  লৈবাক্কী খ্বাইদগী মরুওইবা অমসুং অরিবা লাইরিক তমফম অনি-তামিল নাদু অমসুং কাসিগী মরক্তা লৈনরিবা চহি কয়া শুরবা মরী অমুক হন্না মশক খঙদোক্নবা, হরাও-তয়াম্বা ফোঙদোক্নবা অমসুং অমুক হেন্না চেৎশীনহন্নবা কাসি তামিল শঙ্গমমনা পান্দম থম্লি।

থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা হায়খি মীয়াম অতিথি অমা ওইনা তরাম্না ওকপা নত্তে মহাক্কী ইমুং-মনুংগী মীওইশিং ওইনা তরাম্না ওকচরি। তামিল নাদুদগী কাসিদা থুংলবা অসি ভাগবান মহাদেবগী অতোপ্পা লৈফম হায়বদি মদুরাই মিনাক্সিদগী কাসি বিসালক্ষিদা লাকপনি। তামিল নাদু অমসুং কাসিগী মীয়ামগী মরক্তা অঙকপা নুংশিনবা অমসুং হিংমিন্নবা অমা লৈরি। কাসিগী মীয়ামগী মীয়োক-মীচান্দা মহাক্না থাজবা থম্লি। ভাগবান মহাদেবগী থৌজালগা লোয়ননা শরুক য়ারিবশিংনা কাসিগী নাৎ, মথেল-লুকোইশিং অমসুং নিংশিংবশিংগা লোয়ননা তামিল নাদুদা হনখিগনি। অহানবা ওইনা আর্তিফিসিএল ইন্তিলিজেন্স শীজিন্নদুনা মহাক্কী ৱারোল অসি খুদক্তা তামিলদা হন্দোক্লে অমসুং মসি তুংদা লাকপা থৌরমশিংদা শীজিন্নগনি।

প্রধান মন্ত্রীনা কন্যকুমারি-বরানসী তামিল শঙ্গমম ত্রেন লমথাখ্রে। থৌরম অদুদা তিরুক্কুরাল, মনিমেকলাই অমসুং অতোপ্পা  অরিবা তামিল সাহিত্য তোঙান-তোঙানবা লোলশিং অমসুং ব্রাইলদা হন্দোকপা ফোঙদোকখ্রে। সুব্রামনিয়া ভারতিগী ৱাফম পল্লদুনা, প্রধান মন্ত্রীনা হায়খি লৈবাক শীনবা থুংনা অমসুং মালেম শীনবা থুংনা কাসি-তামিল শঙ্গমমগী মগুনশিং শন্দোক্লে।

শ্রী মোদীনা হায়খি হৌখিবা চহিদা মসি হৌদোকপদগী মুতশিংগী লুচিংবশিং, মহৈরোয়শিং, কলাকারশিং, অইবশিং, খুৎহৈবশিং অমসুং শীনফম কয়াগী মীওইশিং য়াওনা মীওই লাখ কয়া কাসি তামিল শঙ্গমমগী শরুক অমা ওইরে অমসুং মসি ৱারি শান্নবা অমসুং অনৌবা ৱাখলশিং পীথোক-পীশিন তৌন্নবা অফবা মফম অমা ওইরক্লে। বিদ্য শক্তি ইনিসিয়েতিপকী মখাদা বরানস হিন্দু য়ুনিভর্সিতি অমসুং আই.আই.তি চেন্নাইনা অপুনবা থবক অমদা, আই.আই.তি চেন্নাইনা বরানসীগী মহৈরোয় লিশিং কয়া সাইন্স অমসুং মেথেমেতিক্সতা ওনলাইনদা মতেং পাংবা অসিদা অপেনবা পোকই। মসিগী থবক অসি কাসি অমসুং তামিল নাদুগী মীয়ামগী মরক্তা থম্মোয়গী অমসুং অফবা মরী লৈনবা খুদম্নি।

প্রধান মন্ত্রীনা হায়খি কাসি তামিল শঙ্গমমনা ‘এক ভারত, শ্রেস্থা ভারত’কী ৱাখল্লোন ফগৎহল্লে। মসি কাসি তেলুগু শঙ্গমম অমসুং সৌরাস্ত্রা কাসি শঙ্গমম শীনবগী নুঙগী ওইবা ৱাখল্লোন অদুনি। লৈবাক অসিগী রাজ ভাবনশিংদা অতোপ্পশিংগী স্তেৎহুদ নুমিৎশিং থৌরম পাংথোকপগী অনৌবা চৎনবী অসিনা ‘এক ভারত, শ্রেস্থা ভারত’গী থৌনা মখা তানা মপাঙ্গল কনখৎহল্লে। আদিনাম সাধুশিংগী মীৎয়েং মখাদা অনৌবা সংসদতা শেংলবা সেঙ্গোল থমখিবা অসিদা ‘এক ভারত, শ্রেস্থা ভারত’গী চপ মান্নবা ৱাখল্লোন অদু মমি তারে। মসিগী‘এক ভারত, শ্রেস্থা ভারত’গী ইচেল অসিনা ঙসি ঐখোয়গী লৈবাক্কী থৱায় ওইরে।

প্রধান মন্ত্রীনা হায়খি পান্দিয়ান নিংথৌ পরাক্রাম পান্দিয়ান্না ভারত্তা ঈশিং খুদিংমক গঙ্গজলনি, অমসুং লৈবাক অসিগী লম্মিৎ-তুমিৎ খুদিংমক কাসিনি হায়খিবা অদু ভারতকী খেন্নবশিং অসিদা ময়েক শেংনা উৎলে। অৱাং থংবা ভারত্তা লাইনিংগী মফমশিং মপানগী শক্তিশিংনা লেপতনা লান্দারকপদা, তেনকাসি অমসুং সিবাকাসি লাইশঙশিং শাদুনা নিংথৌ পারাক্রাম পান্দিয়ানগী থবকশিংনা কাসিগী হেরিতেচ হিংহন্দুনা থমখি। ভারতকী খেন্নবশিংদা জি-২০ মীফম শরুক য়াখিবা শক্নাইরবশিং অঙকপা অমা ওইখ্রে।

প্রধান মন্ত্রীনা হায়খি অতোপ্পা লৈবাকশিংদা, লৈবাক হায়বসি রাজনিতিগী তার্মশিংনা মশক তাকখি, অদুগা ভারত্তা লৈবাক অমা হায়বসি, অধ্যতিক্কী থাজবশিংদা শেমখি। লৈবাক অসি অদি সঙ্করচারয়া অমসুং রমানজুয়ামগুম্বা সাধুশিংনা অমতা ওইনা পুনশিনখি। আদিনা সাধুশিংদগী হৌরগা সিব স্থানশিংগী যাত্রাশিংনা অচৌবা থৌদাং কয়া লৌখি। হায়রিবা যাত্রাশিং অদুনা মরম ওইদুনা, ভারত শিবা নাইদবা অমসুং মাইথিবা পীবা ঙমদবা লৈবাক অমা ওইনা লৈরিবনি।

লৈবাক অসিগী নহারোলশিংনা অরিবা চৎনবীশিংদা থৱায় য়াওবদা অপেনবা ফোঙদোকলদুনা প্রধান মন্ত্রীনা হায়খি তামিল নাদুদগী মশিং য়াম্লবা মীওই, মহৈরোয়শিং কাসি, প্রয়াগ, অয়োধ্যা অমসুং অতোপ্পা লাইফমশিংদা চৎলি। অয়োধ্যদা ভাগবান রামগী দর্শন অমসুং রামেশ্বরমদা ভাগবান মহাদেব লৈরিবা অসি ঈশ্বরগী ওইবনি। কাসি তামিল শঙ্গমম শরুক য়ারিবশিং অয়োধ্যদা চৎনবা অখন্নবা থৌরাং তৌরে।

প্রধান মন্ত্রীনা হায়খি অমা অমগী নাৎ খঙবা অসিনা থাজনবা অমসুং চাউখৎপা হেনগৎলকই। অচৌবা লাইশঙগী সহর অনি, কাসি অমসুং মদুরাই খুদম অমা ওইনা পীরদুনা, শ্রী মোদীনা হায়খি তামিল সাহিত্যনা ভগাই অমসুং গঙ্গাই(গঙ্গা) অনিমক পনখি। ঐখোয়না মসিগী হেরিতেচ অসি খঙলকপা মতমদা ঐখোয়গী মরীশিংগী ঐখোয় চাউথোকচবা ফাওখি।

প্রধান মন্ত্রীনা হায়খি কাসি-তামিল শঙ্গমমগী অপুনবা অসিনা মখা তানা ভারতকী হেরিতেচ মপাঙ্গল হাপকনি অমসুং এক ভারত শ্রেস্থা ভারতকী ৱাখল্লোন মপাঙ্গল কনখৎহনগনি। কাসিদা লাক্লিবা মীওইশিং নুংঙাইনা লৈগনি হায়না প্রধান মন্ত্রীনা থাজবা থমখি অমসুং মহাক্কী ঈশৈনা তিনখিবা মীয়াম পুক্নিং চিংশিনবগীদমক শক্নাইরবা শৈশকপা শ্রীরাম থাগৎপা ফোঙদোক্তুনা প্রধান মন্ত্রীগী ৱারোল লোইশিনখি।

থৌরম অদুদা শরুক য়াখিবশিংগী মনুংদা উত্তর প্রদেসকী চীফ মিনিস্তর শ্রী য়োগী অদিত্যনাথ, ইজুকেসনগী য়ুনিয়ন মিনিস্তর শ্রী ধর্মেন্দ্র প্রধান অমসুং রাজ্য মন্ত্রী দোক্তর এল মুরুগান য়াওখি।

Kashi Tamil Sangamam is an innovative programme that celebrates India’s cultural diversity and strengthens the spirit of ‘Ek Bharat, Shreshtha Bharat.’ @KTSangamam https://t.co/tTsjcyJspm

— Narendra Modi (@narendramodi) December 17, 2023

Tamil Nadu and Kashi share a special bond. pic.twitter.com/tPlkt5cFuW

— PMO India (@PMOIndia) December 17, 2023

Kashi Tamil Sangamam furthers the spirit of ‘Ek Bharat, Shrestha Bharat.’ pic.twitter.com/W4QT7KfqEh

— PMO India (@PMOIndia) December 17, 2023

The new Parliament building now houses the sacred Sengol. pic.twitter.com/FbsKQZT0ow

— PMO India (@PMOIndia) December 17, 2023

India’s identity as a nation is rooted in spiritual beliefs. pic.twitter.com/ZOjZUSU7MA

— PMO India (@PMOIndia) December 17, 2023

****