ভারতকী প্রধানমন্ত্রী
ঙসি প্রধান মন্ত্রী শ্রী নরেন্দ্র মোদীনা নিউ দিল্লিগী দোক্তর অম্বেদকার ইন্তরনেসনেল সেন্তরদা ‘কর্মযোগী সপ্তাহ’ – নেসনেল লার্নিং ৱিক হৌদোকখ্রে।
থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা হায়খি মদুদি মিসন কর্মযোগী খুৎথাংদা ঐখোয়গী পান্দমদি অফবা মতিক চাবা মীওইশিং শেমগৎতুনা ঐখোয়গী লৈবাক চাউখৎনবা শক্তি অমা ওইহনবনি। চাউখৎ-থৌরাংগী থবকশিং অসিদা মহাক্কী অপেনবা ফোঙদোক্লদুনা, প্রধান মন্ত্রীনা হায়খি মদুদি ফিবম অসিদা করিগুম্বা ঐখোয়না থবক তৌরবদি, কনাগুম্বা অমতনা ঐখোয়গী লৈবাক অসি চাউখৎপদগী থিংবা ঙম্লোই। নেসনেল লার্নিং ৱিক মনুংদা ফংবা অনৌবা লৌশিং অমসুং থবকশিংনা থবক পাংথোকপা ফগৎহনবদা মতেং পাংগনি অমসুং মসিনা ২০৪৭ ফাওবগী মনুংদা বিকসিত ভারতকী ঐখোয়গী পান্দম ফংবদা মতেং পাংগনি।
প্রধান মন্ত্রীনা হায়খি মদুদি হৌখিবা চহি ১০ অসিদা সরকারগী ৱাখল্লোন অহোংবা পুরক্নবা থবকশিং পায়খৎপদগী মদুগী ফল ওই ঙসিগী মীয়াম্না ফংলে। মসি সরকারদা থবক তৌরিবা মীওইশিংগী থবকশিং অমসুং মিসন কর্মযোগীগুম্বা থবকশিংগী ফলনা ওইহনবনি।
প্রধান মন্ত্রীনা হায়খি মদুদি মালেমগী লৈবাকশিংনা আর্তিফিসিএল ইন্তিলিজেন্স(এ আই) অসি খুদোংচাবা অমা ওইনা উরবশু, ভারতকী ওইনা, মসি শিংনবা অমসুং খুদোংচাবা অমনি। এ.আই অনি লৈরি, অমনা আর্তিফিসিএল ইন্তিলিজেন্স অমসুং অতোপ্পা অমনা, এস্পিরেসনেল ইন্দিয়া। অনিমক খল চানা থম্বা য়াম্না মরুওই অমসুং করিগুম্বা ঐখোয়না এস্পিরেসনেল ইন্দিয়া চাউখৎনবা মাইপাক্না আর্তিফিসিএল ইন্তিলিজেন্স শীজিন্নরবদি, মসিনা অহোংবা পুরকপা ঙমগনি।
প্রধান মন্ত্রীনা হায়খি মদুদি দিজিতেল রিভোলুসন অমসুং সোসিএল মেদিয়ানা মরম ওইদুনা মীওই খুদিংমক ই-পাউ ফংবা অসি চৎনবী অমা ওইরে। এ.আইগী মতেংগা লোয়ননা, ই-পাউ পীনবা হোৎনবা অসিশু য়াম্না লাইবদগী মীয়াম ই-পাউ ফংহল্লে অমসুং সরকারগী থবক খুদিংমক খঙজিন্নবা মখোয়দা শক্তি পীরে। মরম অদুনা, সিবিল সর্ভেন্তশিংনা মখোয় মশামক খ্বাইদগী নৌবা তেক্নোলোজশিং খঙবা দরকার ওইরে অমসুং মসিনা মখোয়গী মগুন হেনগৎহনগনি অমসুং মসিদা মিসন কর্মযোগীনা মতেং পাংগনি।
প্রধান মন্ত্রীনা হায়খি অনৌবা ৱাখল্লোন অমসুং অমসুং মীয়ামগী য়াইফনবা য়ুম্ফম ওইবা থৌরাং পায়খৎপা দরকার ওইরে। অনৌবা ৱাখল্লোনশিং ফংনবা স্তার্দঅপশিং, রিছার্স এজেন্সিশিং অমসুং নহারোলশিংদগী মতেং লৌগদবনি। দিপার্তমেন্তশিংনা ফিদবেকশিং লৌনবা থৌরাং অমা পায়খৎকদবনি। আইগোত( iGOT) প্লেতফোর্মদা সরকারগী ইমপ্লোয়ি লাখ ৪০ হেন্না রেজিস্তার তৌরে। মসিদা কোর্স ৪০০ হেন্না য়াওরে অমসুং ওফিসারশিংনা তোঙান-তোঙানবা কোর্সশিং লোইশিনখিবগী সর্তিফিকেত করোর ১.৫ হেন্না ফংখ্রে।
প্রধান মন্ত্রীনা হায়খি সিবিল সর্বিসেস ত্রেনিং ইন্সতিতুসনশিং অসি ই-পাউ ফাওন্দনা থবক তৌবগী অৱাবা ফংলবা অমা ওইরে। মখোয়গী মরক্তা পুন্না থবক তৌমিন্নবা অমসুং মতেং পাংনবা হেনগৎহন্নবা ঐখোয়না হোৎনগদবনি। ত্রেনিং ইন্সতিতুসনশিংনা ই-পাউ ফাওন্নবা চপ চাবা চেন্নেলশিং থমগদবনি, অমনা অমদগী তমগদবনি, খন্ন-নৈনগদবনি অমসুং মালেমগী লৈবাকশিংনা চৎনরিবা খ্বাইদগী ফবা থবকশিং লৌশিনগদনি অমসুং অপুনবা সরকারগী থৌরাং অমা পুক্নিং থৌগৎকদবনি।
মিসন কর্মাযোগী সেপ্তেম্বর ২০২০ দা হৌদোকখি অমসুং মসিগী পান্দমদি মালেমগী ওইবা মীৎয়েং অমগা লোয়ননা ভারতকী চৎনবীশিংদা য়ুম্ফম ওইবা তুংগী শেম-শারবা সিবিল সর্বিস অমা শেমগৎপনি। ‘ৱান গভর্নমেন্ত’ পাউজেল অমগা লোয়ননা অমসুং মীওই খুদিংমক লৈবাক্কী পান্দমশিংগা লোয়ননা চৎমিন্ননবা অমসুং পুন্সি চুপ্পা লাইরিক তম্বা পুক্নিং থৌগৎপগা লোয়ননা সিবিল সর্ভেন্তশিংগীদমক লনাই অমসুং লুপকী কেপাসিতি হেনগৎহন্নবা নেসনেল লার্নিং ৱিক(এন এল এম)না অনৌবা ইনোৎ পীগনি।
***
Discussed in detail the steps we have taken to change the mindsets of the working of government over the last ten years, whose impact is being felt by people today. This has become possible due to the efforts of the people working in the government and through the impact of…
— Narendra Modi (@narendramodi) October 19, 2024
