ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ওগস্ত ২৫, ২০২২গী নুংথিল পুং ৪.৩০ তাবা মতমদা ভিদিও কনফরেন্সকী থোঙদা রাজ্য অমসুং য়ু.তি. পুম্নমক্কী লেবর মন্ত্রীশিংগী ওইবা নেসনেল লেবর কনফরেন্সতা ৱা ঙাংগনি। নুমিৎ নিনি চত্থগদবা মীফম অসি কেন্দ্রগী লেবর অমসুং ইমপ্লোইমেন্ত মন্ত্রালয়না শীন্দুনা ওগস্ত ২৫-২৬, ২০২২দা অন্ধ্র প্রদেশকী তিরুপতিদা পাঙথোক্কনি।

মীফম অসি কোওপরেতিব ফেদরেলিজমগী ৱাখল্লোন্দা লেবরগা মরী লৈনবা ইস্যুশিং খন্ন-নৈননবগীদমক পাঙথোকপনি। মসিনা অফবা থৌশিলশিং শেম্বা অমসুং শিন্মীশিংগী য়াইফ-থৌরাংগা মরী লৈনবা থৌশিলশিং মপুং ফানা চলাইনবা হোৎনবদা কেন্দ্র অমসুং রাজ্য সরকারশিংগী মরক্তা থবক তৌমিন্ননবগী পাঙ্গল অমা শেম্বদা মতেং ওইরগনি।

মীফম অসিদা সোসিএল প্রোতেক্সনবু য়ুনিভর্সেলাইজ তৌনবা সোসিএল সেক্যুরিতী স্কিমশিং হৌদোক্নবা ই-শ্রম পোর্তেল ইন্তিগ্রেৎ তৌবা; রাজ্য সরকারশিংনা চলাইবা ই.এস.আই. হোস্পিতালশিংগী খুত্থাংদা মেদিকেল কেয়র ফগৎনবা অমসুং পি.এম.জে.এ.ৱাই.গা পুনশিন্ননবা স্বাস্থ্য সে সমৃদ্ধি; লেবর কোদ মরিগী মখাদা কাংলোন শেম্বা অমসুং মখোয়বু থবক্তা ওন্থোক্নবগী নিয়ম কাংলোন শেম্বা; গিগ অমসুং প্লেৎফোর্ম ৱার্কর, থবক্তা নুপা নুপী থাক মান্নবা, অমসুং অতোপ্পা ইস্যু কয়া য়াওনা থবক্কী মান্নবা থাক, শিন্মী খুদিংদা সোসিএল প্রোতেক্সন পীবদা মীৎয়েং থম্লিবা ভিজন শ্রমেব জয়তে @ ২০৪৭ হায়বা মপুং ওইবা মীৎয়েং মরি অসিদা খন্নগনি।

*****