ভারতকী প্রধানমন্ত্রী

প্রধান মন্তী, শ্রী নরেন্দ্র মোদীনা ওক্তোবর 17, 2023গী চাউরাক্না অয়ুক্কী পুং 10.30 তাবা মতমদা ভিদিও কনফরেন্সিংগী খুত্থাংদা গ্লোবেল মেরিতাইম ইন্দিয়া সম্মিত (GMIS) 2023গী অহুমশুবা মীফম হৌদোক্কনি। সম্মিত অসি মুম্বাইগী MMRDA লম্পাক্তা ওক্তোবর 17-19 ফাওবা চত্থগনি।

প্রধান মন্ত্রীনা থৌরম অসিগী মনুংদা ভারতকী মেরিতাইম ব্লু ইকোনোমীগী অশাংবা মতমগী ব্লুপ্রিন্ত ওইগদৌরিবা ‘অমৃত কাল ভিজন 2023’ অসিগী মায়খুম হাংদোক্কনি। ব্লুপ্রিন্ত অসিনা হিথাংফমশিংগী ফেসিলিতী হেন্না ফগৎহনবা, সস্তেনেবল ওইবা থৌওংশিংগী পুক্নিং থৌগৎপা, অমসুং ইন্তর্নেস্নেল কোলাবোরেসন লৈহন্নবা তেংবাংবগী পান্দম থম্বা স্ত্রেতজিক ওইবা থৌওং কয়া য়াওরি। ভারতকী মেরিতাইম ব্লু ইকোনোমীগী ‘অমৃত কাল ভিজন 2023’গা মরী লৈনবা লুপা করোর 23,000 হেনবগী প্রোজেক্ত কয়া প্রধান মন্ত্রীনা শঙ্গাগনি, লৈবাক মীয়ামদা খুৎশিন্নগনি অমসুং উরেপ উয়ুংসু তমগনি।

প্রধান মন্ত্রীনা গুজরাতকী দীন্দয়াল পোর্ত ওথোরিতীদা লুপা করোর 4,500 হেন্না চঙদুনা শাগদৌরিবা তুনা তেক্রা ওল-ৱেদর দীপ দ্রাফ তর্মিনেলগী উরেপ উয়ুং তমগনি। স্তেত-ওফ-দি আর্ত গ্রীনফিল্দ তর্মিনেল অসি PPP মোদতা শাগনি। মালেমগী ত্রেদ হব অমা ওইরকপা য়ারিবা তর্মিনেল অসিনা ত্বেন্তী-ফুত ইকুইভেলেন্ত য়ুনিৎ (TEU) 18,000 হেনবা নেক্স-জেন ভেসেল শেন্নগনি, অমসুং ভারত-মিদ্দল ইস্ত-য়ুরোপ ইকোনোমিক ওরিদোর (IMEEC) ফাওগদবা ভারতকী ত্রেদকী থোংজিন অমা ওইনা মথৌ পাংথোক্কনি। প্রধান মন্ত্রীনা থৌরম অসিমক্কী মনুংদা মেরিতাইম সেক্তরগী গ্লোবেল অমসুং দোমেস্তিক পার্ত্নরশিপকীদমক্তা লুপা করোর লাখ 7 হেনবগী মেমোরেন্দম ওফ অন্দর্স্তেন্দিং (MoU) 300 অমগসু মীয়ামদা খুৎশিন্নগনি।

সম্মিত অসিনা লৈবাক অসিগী মেরিতাইমগী খ্বাইদগী চাউবা থৌরম ওইগনি। মসিদা য়ুরোপ, অফ্রিকা, সাউথ অমেরিকা, এসিয়া (সেন্ত্রেল এসিয়া, মিদ্দল ইস্ত অমসুং BIMSTEC লৈবাকশিং য়াওনা)বু মীহুৎ শিন্দুনা মালেম পুম্বগী মন্ত্রীশিংনা শরুক য়াগনি। সম্মিত অসিদা মালেমগী গ্লোবেল CEO, ব্যুজিনেস লীদর, ইনভেস্তর, ওফিসিএল অমসুং স্তেকহোলদর পুম্নমক্না শরুক য়াগনি। মখা তারকপদা, ভারতকী তোঙান-তোঙানবা রাজ্য কয়াবুসু মখোয়গী মন্ত্রী অমসুং অতোপ্পা দিগ্নিতরীশিংনা মীহুৎ শিন্দুনা শরুক য়াগনি।

নুমিৎ হুম্নি চত্থগদবা সম্মিত অসিদা তুংগী মতমগী হিথাংফম; দিকার্বোনাইজেসন; কোস্তেল শিপ্পিং অমসুং ইনলেন্দ ৱাতর ত্রান্সপোর্তেসন; জহাজ শাবা; শেমজিন শাজিনবা অমসুং রিসাইক্লিং তৌবা; ফাইনান্স, ইন্স্যুরেন্স অমসুং আর্ব্রিতেসন; মেরিতাইম ক্লস্তর; ইন্নোভেসন অমসুং তেক্নোলোজী; মেরিতাইম সেফতী অমসুং সেক্যুরিতী; অমসুং মেরিতাইম তুরিজম য়াওনা মখল কয়াগী হীরমগী শিংনবশিংগী মতাংদা খন্ন-নৈনগনি। সম্মিত অসিনা লৈবাক্কী মেরিতাইম সেক্তরদা ইনভেস্তমেন্তশিংগী পুক্নিং চীংশিনবগী প্লেতোর্ম অমা ওইনসু মতেং পাংগনি।

খ্বাইদগী অহানবা মেরিতাইম ইন্দিয়া সম্মিত অসি ইং 2016দা মুম্বাইদা পাংথোকখিবনি। অনিশুবা মেরিতাইম সম্মিত অসিনা ইং 2021দা ভর্চুএল ওইনা পাংথোকখিবনি।

***