ভারতকী প্রধানমন্ত্রী

খুরুমজরি!

প্রোগ্রাম অসিদা ঐহাক্কা শরুক য়ামিন্নরিবা গুজরাতকী গভর্নর অচার্য়্য শ্রী দেব ভিরাৎজী, লৈবাক অসিগী এজুকেসন মন্ত্রী শ্রী রামেশ পোখ্রিয়ল নিশঙ্কজী, গুজরাতকী মুখ্য মন্ত্রী শ্রী বিজয় রুপানিজী, , গুজরাতকী এজুকেসন মন্ত্রী শ্রী ভুপেন্দ্র সিংহ জি, য়ু.জি.সি.গী চিয়রমেন প্রোফেসর দি.পি. সিংহজী, বাবাসাহেব অম্বেদকর ওপন য়ুনিভর্সিতীগী ভাইস চাঞ্চেল্লর প্রোফেসর অমি উপাধ্যায়জী, এসোসিএসন ওফ য়ুনিভর্সিতীজকী প্রসিদেন্ত প্রোফেসর তাজ প্রতাপজী, মশক নাইবা মীওই পুম্নমক অমসুং মরুপশিং।

ঙসি লৈবাক অসিনা নীংখা তমখিবগী অমৃত মহোৎসব পাল্লন তৌরিঙৈ মতম অসিদা বাবাসাহেব অম্বেদকরজীগী মপোক কুমওন থৌরম অসিনসু ঐখোয়বু অচৌবা লৌশিং অমসুং তুংলমচৎকী ইথিলগা লোইননা শম্নহল্লি। অচৌবা লৈবাক অমসুং লৈবাকমচা পুম্নমক্কী মহুৎ শিন্দুনা ঐহাক্না বাবাসাহেবতা ইকাই খুম্নবা উৎচরি।

মরুপশিং,

নীংতম ইহৌগী মতমদা ঐখোয়গী নীংতম লান্মী করোর কয়া কয়ানা ইংচিকপা শান্তি লৈবা অমসুং ইনক্লুসিব ওইবা ভারত অমগী মঙলান মঙখি। বাবাসাহেবনা মখোয়গী মঙলানশিং অদু ভারতকী সম্বিধানগী মওংদা মঙফাওনবা হৌহনখি। ঙসি ভারতনা হায়রিবা সম্বিধান অসি ঙাক্না চৎতুনা অনৌবা তুংলমচৎ অমা শেম্লি অমসুং অনৌবা লমশিংদা মাই পাকপা পুরক্লি।

মরুপশিং,

ঙসি য়াইফরবা নুমিৎ অসিদা এসোসিএসন ওফ ইন্দিয়ন য়ুনিভর্সিতীজকী ভাইস-চাঞ্চেল্লরশিংগী ৯৫শুবা মীফম পাঙথোক্লি। বাবাসাহেব অম্বেদকর ওপন য়ুনিভর্সিতীনা ‘বাবাসাহেব সমরসতা চেয়র লিংখৎলে হায়না লাউথোকখ্রে। বাবাসাহেবকী পুন্সি, মহাক্কী ৱাখল্লোনশিংদা য়ুম্ফম ওইবা শ্রী কিশোর মকৱানাজীনা ইখিবা লাইরিক মরিসু ফোঙখি। মসিগীদমক হোৎনবদা শরুক য়াখিবা মশক নাইবা মীওই পুম্নমকপু ঐহাক্না নুংঙাইবা ফোঙদোকচরি।

মরুপশিং,

ভারত অসি মালেমদা দেমোক্রেসীগী মমা হায়না খঙনৈ। দেমোক্রেসী হায়বা অসি ঐখোয়গী সভিয়তা অমসুং ঐখোয়না হিংলিবা মওং অসিগী মরু ওইবা শরুক অমনি। বাবাসাহেবনা লৈবাক অসিনা মাংদা চংশিন্নবা নীংখা তম্লবা ভারতকী অচেৎপা য়ুম্ফম অমা থোলমখি অমরোমদনা দেমোক্রেতিক হেরিতেজ মপাঙ্গল কনখৎহল্লি। ঐখোয়না পাদুনা বাবাসাহেবপু খঙলবা মতমদা মহাক অসি অপুনবগী মঙলান মঙলিবা মীওই অমনি হায়বা খঙবা ঙম্মি।

শ্রী কিশোর মকৱানাজীগী লাইরিকশিংদা বাবাসাহেবকী ফিলোসোফী ময়েক শেংনা খংবা ঙম্মি। অমরোমদা মহাক্কী লাইরিক অমনা বাবাসাহেবকী “জীবন দর্শন” (ফিলোসোফী ওফ লাইফ) খঙহল্লি, অতোপ্পা অমনা “ৱ্যেক্তি দর্শন” (ইন্দিবিজ্যুএল ফিলোসোফী)দা মীৎয়েং থমখি। মসিগা মান্না অহুমশুবা লাইরিকনা বাবাসাহেবকী “রাস্ত্রা দর্শন” (নেস্নেল ফিলোসোফী) উৎখি, অমরোমদা মরিশুবা লাইরিক্না “আয়ম দর্শন”না লৈবাকমচাশিংদা মহাক্কী ফিলোসোফীগী হীরমশিং তাক্কনি। ফিলোসোফী মরি অসি মতম অসিগী স্ক্রিপচরশিংদগী তাবা লৈতে।

ঐহাক্না ঐখোয়গী কোলেজশিং অমসুং য়ুনিভর্সিতীশিংদা তম্লিবা অনৌবা চারোন্না অসিগুম্বা লাইরিক কয়া পাহনবা পাম্মি। ইনক্লুসিব ওইবা খুন্নাই, দালিৎ-শোত্থরবা খুন্নাইগী হকশিংগী মরমদা, নুপীশিং শক্তি পীবা অমসুং শরুক য়াহনবা নত্ত্রগা বাবাসাহেবকী এজুকেসনগী মঙলান মরু ওইনা হায়র এজুকেসন অসিগুম্বা ওইরবসু হীরম পুম্নমক্না লৈবাক অসিগী নহারোলশিংদা বাবাসাহেবপু খঙনবা খুদোংচাবা অমা পীরগনি।

মরুপশিং,

দোক্তর অম্বেদকরনা অসুম্না হায়:

“ঐহাক্কী লাইনিং ওইজরিবা ঈশ্বর অহুম অদুদি – লৌশিং, ইশাবু ইকাই খুম্নবা অমসুং নোলুকপা অসিনি। ইশাবু ইকাই খুম্নবা অসি লৌশিংগা লোইননা লাকই অমসুং মীওই অমবু মহাক্কী হকশিং খঙহল্লি। চপ মান্নবা হকশিংগী খুত্থাংদা খুন্নাইদা ইংচিকপা পুরকই অমসুং লৈবাক অদু চাউখৎলি”।

ঐখোয় পুম্নমক্না বাবাসাহেবকী অৱাবা পুন্সি অদু খঙলবা ঙাক্তনি। অৱাবা কয়া মায়োক্নরবা মতুংদা বাবাসাহেবনা য়ৌবা ঙমখিবা থাক অদু ঐখোয় পুম্নমক্তা অচৌবা ইথিল অমা পীরি। বাবাসাহেব অম্বেদকরনা উৎখিবা লম্বেল অদুদা লৈবাক অসি লমচিংবদা ঐখোয়গী এজুকেসন সিস্তেম অমসুং য়ুনিভর্সিতীশিংগী থৌদাং লৈ। লৈবাক অমা ওইনা অমত্তা ওইবা পান্দম অমসুং মান্ননা হোৎনবদা সমস্যা থেংনবা মতমদা পুন্না হোৎনমিন্নবা অসিনা মাই পাকপা ঙম্নবগী পাম্বৈ ওইখি।

মরম অসিনা ঐহাক্না এসোসিএসন ওফ ইন্দিয়ন য়ুনিভর্সিতীজকী থৌদাং অসি য়াম্না মরু ওই। এ.আই.য়ু.দা দা. সরভেপল্লি রাধাকৃষ্ণনজী, দা, শ্যামা প্রসাদ মুখর্জী, শ্রীমতি হন্সা মেহতা অমসুং দা. জকির হূশেন অসিগুম্বা স্কোলরশিংগী লেগেসী লৈ।

দা. রাধাকৃষ্ণনজীনা অসুম্না হায়: “এজুকেসনগী এন্দ-প্রদক্ত অসি ইতিহাসকী ফীভমশিং অমসুং মহৌশাগী অৱাবশিং মায়োক্নবা ঙম্বা ফ্রী ক্রিএতিব মেন অমা ওইগদবনি”।

মসিনা হায়নিংলিবদি এজুকেসন্না মীওই অদুবু নীংতমহনগদবনি অসুম তৌদুনা মহাক্না নীংতম্না ৱাখল খঞ্জবা অমসুং অনৌবা ৱাখল্লোনগা লোইননা করিগুম্বা অনৌবা খরা তৌবা ঙমহনগদবনি। মহাক্না ঐখোয়গী এজুকেসন মেনেজমেন্ত অসি মালেম পুম্বগী য়ুনিৎ অমা ওইনা শেমগৎকদবনি হায়না থাজরমখি। অদুবু মসিগা ইরোইননা মহাক্না এজুকেসনগী ইন্দিয়ন করেক্তরগী মতাংদা ফোঙদোকখি। ঙসিগী গ্লোবেল সিনারিয়োদা হেন্না মরু ওইরক্লি।

অনৌবা ‘নেস্নেল এজুকেসন পোলিসী’ অমসুং ইমপ্লিমেন্তগী প্লান্দা স্পেসিএল ইস্যু ফোঙখ্রে। ইস্যুশিং অসিনা নেস্নেল এজুকেসন পোলিসীনা করম্না ফ্যুচরিস্তিক পোলিসী অমা ওই, গ্লোবেল পেরামিতরশিংগী পোলিসী ওই হায়বগী দিতেল্দ দোক্যুমেন্তশিং ওইরি। লৌশিং লৈরবা নখোয় পুম্নমক্না নেস্নেল এজুকেসন পোলিসীগী নুংগী ওইবা ৱারোলশিংগী মতাংদা খঙলম্লগনি। দা. রাধাকৃষ্ণননা এজুকেসনগী মতাংদা হায়রম্বা অদু পোলিসী অসিগী নুংগী ওইবা ৱারোলদা য়াওরি।

হন্দক্তি সেমিনার অসিগী থীম অসি – ‘ইমপ্লিমেন্তিং নেস্নেল এজুকেস্নেল পোলিসী-২০২০ তু ত্রান্সফোর্মিং হায়র এজুকেসন ইন ইন্দিয়া’ হায়বা অসিনা ওইরি হায়না ঐঙোন্দা তাকপীরি। মসিগীদমক নখোয় পুম্নমক্তা নুংঙাইবা ফোঙদোকচরি।

ঐহাক্না এক্সপর্তশিংগা লোইননা এন.ই.পি.গী মতাংদা লেপ্তনা খন্ন-নৈনরি। নেস্নেল এজুকেসন পোলিসী অসি প্রেক্তিকেল ওইবগুম্না ইমপ্লিমেন্তেসন তৌবদসু প্রেক্তিকেল ওই।

মরুপশিং,

অদোমনা অদোমগী পুন্সি চুপ্পা এজুকেসনগীদমক কত্থোকখি। নখোয় পুম্নমক্না খঙলমগনি মদুদি মহৈরোই খুদিংমক মশাগী তৌবা ঙম্বা লৈজৈ। মসিগী তৌবা ঙম্বশিং অসিদা য়ুম্ফম ওইরগা মহৈরোইশিং অমসুং ওজাশিংনা ৱাহং অহুমসু লৈরি।

অহানবা: মখোয়না করি তৌবা য়াই?

অনিশুবা: মখোয়বু নিংথিজনা তাকপীরবদি মখোয়না তৌবা ঙম্বা অসি করিনো?

অমসুং অহুমশুবনা মখোয়না করি তৌবা পাম্বগে?

মহৈরোই অমনা তৌবা ঙম্বা অসি মহাক্কী ইন্নর স্ত্রেন্থ অদুনি। অদুবু করিগুম্বা ঐখোয়না মহাক্কী ইন্নর স্ত্রেন্থ অসিদা ইন্সতিত্যুস্নেল স্ত্রেন্থ হাপচিল্লবদি মহাক্কী লৌশিং হেনগৎলক্কনি। মসিগী কম্বিনেসন অসিগা লোইননা ঐখোয়গী নহাশিংনা মখোয়না তৌবা পাম্লিবা অদু তৌবা ঙমগনি। মরম অসিনা লৈবাক অসিগী অখন্নবা মীৎয়েং অসি স্কিল দিবেলপমেন্তদা ওইরি। ঙসি লৈবাক অসিনা ‘আত্মনির্ভর ভারত’ অভিয়ানগা লোইননা মাংদা চংশিল্লিবা  অসিদা স্কিল লৈরবা নহাশিংগী থৌদাং অমসুং দিমান্দসু হেনগৎলক্লি।

মরুপশিং,

স্কিলশিংগী মপাঙ্গল অসি য়েংলগা দা. শ্যামা প্রসাদ মুখর্জীনা এজুকেস্নেল ইন্সতিত্যুসনশিং অমসুং ইন্দস্ত্রীশিংবু দিকেদ কয়াগী মমাংদগী চুংশিন্ননবা অপাম্বা ফোঙদোকখি। ঙসি লৈবাক অসিদা অচৌবা খুদোংচাবশিং লৈরে অমসুং মতমগা চুন্নরবা অনৌবা ইন্দস্ত্রীশিং লৈরে। আর্তিফিসিএল ইন্তেলিজেন্স, ইন্তর্নেৎ ওফ থিংস অমসুং বিগ দেতাদগী হৌরগা ৩দি প্রিন্তিং, ভর্চ্যুএলিতী রিএলিতী, রোবোতিক্স, মোবাইল তেক্নোলোজী, জিও-ইনফোর্মেতিক্স, স্মার্ত হেল্থকিয়র অমসুং দিফেন্স সেক্তর ফাওবদা ঙসিগী মালেম অসিনা ভারতপু ফ্যুচর সেন্তর অমা ওইনা উরি। লৈবাক অসিনা মথৌ তাবশিং অসি থুংহন্নবা অচৌবা খোঙথাংশিং লৌখৎলি।

লৈবাক অসিগী অচৌবা মেত্রোপোলিতেন অহুমদা ইন্দিয়ন ইন্সতিত্যুতস ওফ স্কিল্স হাংলি। ইন্দিয়ন ইন্সতিত্যুতস ওফ স্কিল্সকী অহানবা বেচ অসি থা খরগী মমাং দিসেম্বর থাদা মুম্বাইদা হৌখ্রে। নেস্কোমগা লোইননা ফ্যুচর স্কিল্স ইনিসিয়েতিব অসি ২০১৮দা লোঞ্চ তৌখি। ইনিচিয়েতিব অসিনা হৌগৎলক্লিবা তেক্নোলোজী ১০দা স্কিল সেৎ ১৫০ হেন্না ত্রেনিং পীরি।

মরুপশিং,

অনৌবা এজুকেসনগী নেসএল পোলিসী অসিনা এন.ই.তি.এফ.গীসু পীরি মসিনা এজুকেসন্দা তেক্নোলোজী শিজিন্নবদা মীৎয়েং থম্লি। ঐখোয়না য়ুনিভর্সিতী পুম্নমক মল্তি-দিসিপ্লিনরী ওইহনবা পাম্মি। ঐখোয়না মহৈরোইশিংদা ফ্লেক্সিবিলিতী পীনিংঙি। মখোয়না লাইনা এন্ত্রী-একজিৎ অমসুং একাদেমিক বেঙ্ক ওফ ক্রেদিৎকী খুত্থাংদা মফম অমা হেক্তদা লাইনা কোর্সশিং লোইশিনবা য়াহনগনি। লৈবাক অসিদা লৈরিবা য়ুনিভর্সিতী পুম্নমক্না পান্দমশিং অসি ফংনবা পুন্না হোৎনবা মথৌ তাই। হীরম অসিদা ভাইস চাঞ্চেল্লর পুম্নমক্না অখন্নবা মীৎয়েং চংবা মথৌ তাই।

লৈবাক অসিদা অনৌবা ওইথোকপশিং শেমগৎনবা ঐখোয়গী য়ুনিভর্সিতীশিংদা অচৌবা স্কিল পুল শেমগৎকনি। মাইকৈ অসিদা থবক পাইখৎপা হেন্না হেনগৎনবা নখোয় পুম্নমক্তা হায়জরি অমসুং থবক অসি পীরিবা মতমগী মনুংদা লোইশিনগদবনি।

মরুপশিং,

লৈবাক অসিনা লায়রবা, দালিৎশিং, অৱাবা তারবশিং, নৈহৎপীরবশিং অমসুং শোত্থরবশিংগী পুন্সিশিং বাবাসাহেব অম্বেদকরনা তাকপীরম্বা অদু তুংইনদুনা লেপ্তনা অওনবা পুরক্লি। বাবাসাহেবনা চপ মান্নবা খুদোংচাবশিং অমসুং চপ মান্নবা হকশিংগী মতাংদা ফোঙদোকলমখি। ঙসি জন ধন একাউন্তশিং অসিগুম্বা স্কীমশিং অসিনা মীপুম খুদিংমকপু দি,বি.তি. মনীগী খুত্থাংদা ফাইনান্সিএল ইনক্লুজন ফংহল্লি অমসুং মখোয়গী একাউন্তশিংদা হকথেংননা য়ৌশিল্লি। দিজিতেল ইকনোমীগীদমক হৌদোকখিবা ভিম য়ু.পি.আই. অসি ঙসিদা লায়রবশিংগী অচৌবা পাঙ্গল অমা ওইররে। ঙসি লায়রবা মীওই খুদিংমক্না য়ুম অমসুং লেম্না মৈগী কন্নেক্সন ফংলি। মসিগা মান্ননা জল জীবম মিসনগী মখাদা খুঙ্গংশিংদা অফবা ঈশিং ফংহন্নবা থবক চত্থরি।

কোরোনাগী খুদোংথিবা থোকপা মতমদা লৈবাক অসিনা লায়রবশিং অমসুং শিন্মীশিংগীদমক লেপখি। মালেমগী খ্বাইদগী চাউবা বেক্সিনেসন প্রোগ্রামদা লায়রবা অমসুং ইনাক খুনবগী মরক্তা খেৎনবা লৈখিদে। মসি বাবাসাহেবনা উৎলম্বা লম্বেল অমসুং মহাক্কী ৱাখল্লোনশিং অদুনি।

মরুপশিং,

বাবাসাহেবনা মতম পুম্বদা নুপীশিংবু শক্তো পীবদা মীৎয়েং চংখি অমসুং হীরম অসিদা কন্না হোৎনরমখি। মসিগী ৱাখল্লোন অসিগা লোইননা ঙসি লৈবাক অসিনা নুপীশিংদা অনৌবা খুদোংচাবশিং পীরি। য়ুম অমসুং স্কুলশিংদা অমাংশঙ লৈহনবদগী হৌরগা আর্মীদা মরু ওইবা থৌদাংশিং পীরি, ঙসিদি লৈবাক অসিগী পোলিসী খুদিংমক্তা নুপীশিংগীদমক খল্লি।

মসিগা চপ মান্না লৈবাক অসিনা মীয়ামদা বাবাসাহেবকী পাউজেল শন্দোক্নবা হোৎনরি। বাবাসাহেবকা মরী লৈনবা মফমশিং পঞ্চ তর্থ হায়না শেমগৎলি।

চহি খরগী মমাংদা ঐহাক্না দা. অম্বেদকর ইন্তরনেস্নেল সেন্তর দেদিকেৎ তৌবগী খুদোংচাবা ফংজখি। ঙসি সেন্তর অসি সোসিএল অমসুং ইকনোমিক ইস্যুশিং অমসুং বাবাসাহেবকী পুন্সিদা রিসর্চ তৌনবা সেন্তর অমা ওইনা হৌগৎলক্লি।

মরুপশিং,

ঙসি ঐখোয়না নীংখা তমখিবা চহি ৭৫ শুরক্কদৌরে অমসুং মথংগী চহি ২৫ অসিগী ঐখোয়গী পান্দমশিং লৈরে। লৈবাক অসিগী তুংলমচৎ, তুংলমচৎকী পান্দম অমসুং লৈবাক অসিগী মাই পাকপা পুম্নমক ঐখোয়গী নহাশিংগা মরী লৈনৈ। ঐখোয়গী নহাশিংনা অচেৎপা ফীরেপশিং অসি থুংহনবা ঙমগনি। লৈবাক অসিগী নহারোলশিংদা মখোয়না তৌবা ঙম্বশিংগী খ্বাইদগী অফবা খুদোংচাবশিং পীবা তঙাই ফদে।

ঐখোয়গী অপুনবগী অচেৎপা ফীরেপ অমসুং এজুকেসনগী খুন্নাইগী পুন্না হোৎনরিবশিং অসিনা অনৌবা ভারতকী মঙলান অসি মঙফাওনবা ঙমহনগনি হায়না ঐহাক্না থাজৈ।

ঐখোয়না হোৎনরিবশিং অমসুং কন্না হোৎরিবা অসিনা বাবাসাহেবতা উৎপা ঐখোয়গী ইকাই খুম্নবা ওইগনি।

অফবা য়াইফ-পাউজেলশিং অসিগী লোইননা ঐহাক্না ময়াম পুম্নমকপু অমুক হন্না থাগৎচরি। ঐহাক্না পুম্নমকপু নবরাত্রিনা লাকপদা য়াইফ-পাউজেল পীজরি। ঐহাক্না বাবাসাহেব অম্বেদকরগী মপোক কুমওনগী অখন্নবা পাউজেলসু পীজরি।

হন্না-হন্না থাগৎচরি!

***