ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি এইমস নাগপুর লৈবাক্কী মফমদা কত্থোকখ্রে‍। প্রধান মন্ত্রীনা নাগপুর এইমস প্রোজেক্ত মোদেলসু নীংথিনা য়েংখি অমদি থৌরমদুদা উৎখিবা মাইলস্তোন একজিবিসন গেল্লরীসু মীৎয়েঙ তাখি‍।

লৈবাক শিনবা থুংনা হকশেলগী ইনফ্রাস্ত্রকচর মপাঙ্গল কনখৎহন্নবা প্রধান মন্ত্রীগী খোঙফমবু এইমস নাগপুর লৈবাক মীয়ামদা কত্থোকপনা হেন্না চেৎশিনহল্লগনি‍। জুলাই ২০১৭দা প্রধান মন্ত্রীনা উরেপ উয়ুংসু তমখিবা লায়েংশঙ অসি সেন্ত্রে সেক্তর স্কীম প্রধান মন্ত্রী স্বাস্থ্য সুরক্সা য়োজনাগী মখাদা লিংখৎখিবনি‍।

লুপা করোর ১৫৭৫ হেন্না চঙনা শেমগৎলিবা এইমস নাগপুর ও.পি.দি., আই.পি.দি., দাইগ্নোস্তিক সর্ভিস, ওপরেসন থিএতর অমদি মেদিকেল সাইন্সকী অচৌবা স্পিসিএল্তী অমদি সুপরস্পিসিএল্তী পুম্নমক কোনশিল্লবা দিপার্তমেন্ত ৩৮ লৈদুনা স্তেত-ওফ-দি-আর্ত ফেসিলিতীশিং লৈবা লায়েংশঙ অমনি‍। লায়েংশঙ অসিনা মহারাস্ত্রগী বিদর্ভা রীজন্দা মতমগা চুনরবা হকশেলগী ফেসিলিতীশিং ফংহল্লি অমদি অকোয়বদা লৈরিবা গারজিরোলী, গোন্দিয়া অমদি মেলঘাৎকী ত্রাইবেলশিংগীদমক্তা থৌজালগী মশক অমা ওইরি‍।

প্রধান মন্ত্রীনা মহারাস্ত্রগী মুখ্য মন্ত্রী, শ্রী একনাথ সিন্দে, মহারাস্ত্রগী গভর্নর, শ্রী ভগৎ সিংহ কোস্যারী, মহারাস্ত্রগী উপ মুখ্য মন্ত্রী, শ্রী দেবেন্দ্র ফদ্নাবিস অমদি রোদ ত্রান্সপোর্ত অমসুং হায়ৱেজকী কেন্দ্র মন্ত্রী, শ্রী নিতিন গারকরীসু লোয়নরকখি‍।

AIIMS Nagpur will boost healthcare infrastructure for the city and neighbouring areas, especially the remote areas where many tribal communities live. Glad to have inaugurated it today. pic.twitter.com/WC1EqpUlIN

— Narendra Modi (@narendramodi) December 11, 2022

एम्स नागपूरमुळे शहर आणि परिसरातील , विशेषतः दुर्गम आदिवासी भागातील आरोग्यविषयक पायाभूत सुविधा मजबूत होतील. आज एम्सचे उदघाटन करतांना मला विशेष आनंद होत आहे. pic.twitter.com/OvTOkG4cN1

— Narendra Modi (@narendramodi) December 11, 2022

*****