ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি উত্তর প্রদেশকী বরানসিদা লুপা করোর ১৯,১৫০গী ওইগদবা য়াম্লবা চাওখৎ থৌরাংগী প্রোজেক্তশিং উরেপ উয়ুং তমখ্রে অমদি লৈবাক্কী মফমদা কত্থোকখ্রে‍।

প্রোজেক্তশিং অসিদা রেলৱে প্রোজেক্ত অতৈ কয়াগা লোয়ননা লুপা করোর ১০,৯০০ রোম চঙনা শেমগৎখিবা নিউ পন্দিত দীনদয়াল উপধ্যায় নগর-নিউ ভাউপুর দেদিকেতেদ ফ্রৈত কোরিদোর প্রোজেক্ত য়াওরি‍। মহাক্না নৌনা শঙ্গারিবা দেদিকেতেদ ফ্রৈত কোরিদোর অদুদগী বরানসি-নই দিল্লী বন্দে ভারত এক্সপ্রেস ত্রেন, দোহরিঘাত-মাউ মেমু ত্রেন অমদি লোং হোল গুদ্স ত্রেন অনিসু লমথাখি‍। মহাক্না বনারস লোকোমোতিব ৱর্ক্সনা শাবা ১০,০০০ শুবা লোকোমোতিবসু লমথাখি‍। মহাক্না লুপা করোর ৩৭০ হেন্না চঙনা শেমগৎপা গ্রীন ফীল্দ সিবপুর-ফুলৱারিয়া-লহার্তা লম্বীগা লোয়ননা আর.ও.বি. অনিসু শঙ্গাখি‍। প্রধান মন্ত্রীনা শঙ্গাখিবা অতৈ মরুওইবা প্রোজেক্তশিংদি লম্বী ২০ ফীভম ফগৎহনবা অমদি পাকথোকপা; কাইথী খুঙ্গংগী সঙ্গম ঘাৎ লম্বী অমসুং পন্দিত দীনদয়াল উপধ্যায় হোস্পিতালগী রেসিদেন্সিএল বিল্দিং, পুলিস লাইন অমদি পি.এ.সি. ভুলন্পুরদা ফমুং ২০০ অমদি ১৫০ লৈবা মল্তি-স্তোরী বেরেক বিল্দিং অনি, মফম ৯দা শাবা স্মার্ত বস সেল্তরশিং অমদি অলেপুরদা শাগৎপা কিলোৱাত ১৩২গী সব-স্তেসননি‍। মহাক্না স্মার্ত সিতী মিসনগী মখাদা য়ুনিফাইদ তুরিস্ত পাস সিস্তেমসু হৌদোকখি‍।

প্রধান মন্ত্রীনা চিত্রকুত দিস্ত্রক্তা লুপা করোর ৪০০০ রোম চঙনা শেমগৎকদবা মেগাৱাত ৮০০গী সোলার পার্ক, মির্জাপুরদা লুপা করোর ১০৫০ হেন্না চঙনা শেমগৎকদবা অনৌবা পেত্রোলিয়ম ওইল তর্মিনেল, লুপা করোর ৯০০ হেন্না চঙগদবা বরানসি-ভদোহী এন.ঐচ. ৭৩১ বি (পেকেজ ২) পাকথোকপা; লুপা করোর ২৮০ চঙনা জল জীবন মিসনগী মখাদা পায়খৎকদবা খুঙ্গংগী থক্নবা ঈশিংগী স্কীম ৬৯ অমদি অতৈ হকশেলগী লমদা পায়খৎকদবা প্রোজেক্তশিং য়াওনা লুপা করোর ৬৫০০ হেনবগী তোঙান তোঙানবা প্রোজেক্তশিংগী উরেপ উয়ুংসু তমখি‍।

তিল্লিবা মীয়ামগী মফমদা ৱা ঙাংলদুনা, প্রধান মন্ত্রীনা বরানসিগী মীয়ামগী মফমদা দেব দীপাবলী থৌরমদা থাউমৈ মশিং খ্বায়দগী হেন্না থানবগী জিনেস ৱর্ল্দ রেকোর্দ শেমখিবগীদমক নুংঙাইবা ফোঙদোকখি‍। নীংথিরবা থৌরমদু হকথেংননা য়েংননবা মহাক মশামক শরুক য়াবা ঙমখিদ্রবসু, মপান লৈবাক্কী মীথুংশিং অমদি লমকোয়বশিং য়াওনা বরানসিদা চৎখিবা মীওইশিংনা থাগৎলকপশিং মহাক্না য়েংখি অমদি বরানসি অমদি মসিগী মীওইশিংবু থাগৎনরকপদা মহাক্না চাওথোকচবা ফাওখি হায়না প্রধান মন্ত্রীনা হায়খি‍। “কাসিগী মীয়ামগী থবকশিং থাগৎনরকপা উবদা ঐঙোন্দা তশেংনা চাওথোকচবা পোকখি,” হায়না প্রধান মন্ত্রীনা হায়রদুনা প্রভু মহাদেবকী লমদমসিগী থৌগল তৌবা হায়বসি কৈদৌঙৈদা মতোল লোমবা নাইদে হায়না মহাক্না মখা তাখি‍।

“কাসিনা নুংঙাই য়াইফরগা য়ু.পি.সু নুংঙাই য়াইফগদৌরিবনি, অমদি য়ু.পি.না নুংঙাই য়াইফরগা লৈবাকসিসু নুংঙাই য়াইফগদৌরিবনি,” হায়রদুনা, হায়রিবা থাজবা অসিমক চাউরাক্না লুপা করোর ২০,০০০ লোমগী চাউখৎ থৌরাংগী প্রোজেক্তশিং শঙ্গাবা অমদি উরেপ উয়ুং তম্বা মতমদা ৱাখলদা ফাওই হায়না প্রধান মন্ত্রীনা ফোঙদোকখি‍। বরানসিগী খুঙ্গংশিংদা পীরিবা ঈশিং, বি.ঐচ.য়ু. ত্রোমা সেন্তরগী ক্রিতিকেল কেয়র য়ুনিৎ, লম্বী-থোং, রেল লম্বী, এয়রপোর্ত, ইলেক্ত্রিসিতী, সোলার ইনর্জী, গঙ্গা ঘাৎ অমদি তোঙান তোঙানবা অতৈ সেক্তরশিংগী মতাঙদা পল্লদুনা, মখোয়শিং অসিনা লমদম অসিগী চাওখৎ লমজেলদা খোঙজেল হাপকদৌরিবনি হায়না মহাক্না হায়খি‍। মহাক্না ঙরাং লমথাখিবা কাসি-কন্যাকুমারী তামিল সঙ্গমম ত্রেন, অমদি ঙসি লমথাখিবা বরানসি-নই দিল্লী বন্দে ভারত এক্সপ্রেস, অমদি দোহরিঘাত-মাউ মেমু ত্রেনশিংবুসু পনখি‍। প্রধান মন্ত্রীনা ঙসিগী চাওখৎ থৌরাংগী প্রোজেক্তশিং অসিগীদমক মীপুম খুদিংমক্কী মফমদা নুংঙাইবা ফোঙদোকখি‍।

বিক্সিত ভারত সংকল্প য়াত্রানা খুঙ্গং অমদি ময়োল্লম লিশিং কয়াদা য়ৌদুনা লৈবাক মীয়াম করোর কয়াবু মরী শম্নহল্লি হায়রদুনা “লৈবাক পুম্বগা লোয়ননা কাসিনা চাওখৎপা ভারত অমগীদমক খোঙফম চেৎনা লেপ্লি” হায়না প্রধান মন্ত্রী মোদীনা হায়খি‍। শ্রী মোদীনা বরানসিদা বিক্সিত ভারত সংকল্প য়াত্রাদা শরুক য়ারুবগী ৱাফম তম্লদুনা, ভি.বি.এস.ৱাই. ভেনশিংবু মীয়াম্না ‘মোদীগী গরেন্তীগী গারী’ হায়না কৌনরি হায়বা ৱাফম থমখি‍। লৈঙাক্না মীয়ামগী মফমদা য়ৌনবা চৎপনি, মীয়াম্না লৈঙাক্কী মফমদা লাকপা নত্তে হায়রদুনা, “লৈঙাক্না লৈঙাক্কী স্কীমশিং ফংবা য়ারবা মীপুম খুদিংমক্তা কান্নবা ফংহন্নবা পান্দম থম্লি,” হায়না প্রধান মন্ত্রীনা হায়খি‍। মমাঙদা কান্নবা ফংদনা লৈরম্বা বেনিফিসরী লিশিং কয়া, বরেনসিদা ভি.বি.এস.ৱাই. ভেনশিংগা মরী শম্নহল্লে হায়রদুনা, “মোদীগী গরেন্তীগী গারী অসি সুপর হিত ওইরে”, হায়না প্রধান মন্ত্রীনা হায়খি‍। মহাক্না ভি.বি.এস.ৱাই. থৌরমদা য়েন্থোকখিবা অয়ুস্মান কার্দ, ফ্রী রেসন কার্দ, পক্কাগী য়ুম, তোতীগী ঈশিং কন্নেক্সন, অমদি উজ্জ্বলা গ্যাস কন্নেক্সনগী কান্নবশিংবু খুদম ওইনা পীখি‍। “ভি.বি.এস.ৱাই.না অতৈদগী হেন্না মীয়ামদা থাজবা পীবা ঙম্লে,” হায়রদুনা, থাজবা অসিনা ভারতবু ২০৪৭ ফাওবদা চাওখৎপা লৈবাক অমা ওইহন্নবগী ফিরেপ্পু হেন্না মপাঙ্গল কনহল্লে হায়না প্রধান মন্ত্রীনা হায়খি‍। প্রধান মন্ত্রীনা অঙ্গনৱাদীগী অঙাংশিংদা উবা ফংলিবা মশাবু থাজজবগী মতৌদা থম্মোয় পেনবা ফোঙদোকখি অমদি মহাক্কী ভি.বি.এস.ৱাই. খোঙচত্ত বেনিফিসরী অমদি লাখপতি দিদী অমা ওইরিবা শ্রীমী চন্দা দেবীগী ৱারী শানখিবগীদমক থাগৎপা ফোঙদোকখি‍। ভি.বি.এস.ৱাই.গী মরমদা মহাক্না খঙজিনহৌবশিংগী মতাঙদা ৱাফম কয়া থম্লদুনা, “ভি.বি.এস.ৱাই. অসি মীয়ামগী লমদা থবক তৌরিবশিংগীদমক্তদি কোয়না চৎপা য়ুনিভর্সিতী অমনি,” হায়না প্রধান মন্ত্রীনা হায়খি‍।

প্রধান মন্ত্রীনা ময়োল্লম অদুগী মশক মচু ফজথোকহনবগী কান্নবা ৱাফমশিংসু মচা খায়না থমখি‍। লাইনিংগী মফম অমা ওইনা কাসিনা মমিং চৎপনি অমদি তুরিজমসু নোংম-নোংমগী চাওখৎলক্লি, হায়না মহাক্না হায়খি‍। কাসি বিস্বানাথ ধাম নৌনা শেমজিনখিবা মতুংদা মফমসিদা লাই নিংজবা মীওই করোর ১৩ হেনবনা খুরুম্বা লাকখিবগা লোয়ননা তুরিজম্না অনৌবা থবক কয়াসু শেমগৎলি হায়না মহাক্না পাউদমখি‍। মপান লৈবাকশিংদা চৎনবা থৌরাং তৌদ্রিঙৈগী মমাঙদা লমদমসিগী মফম ১৫ চৎননবা মহাক্না রেদ ফোর্ত মথক্তগী থমখিবা ৱাফমবু মহাক্না তিল্লিবা মীয়ামগী মফমদা অমুক হন্না নীংশিংখি‍। মীয়াম্না লমদমসিগী ওইবা তুরিজমদা থৱায় য়াওনরকপা উবদা মহাক্না অপেনবা ফোঙদোকখি‍। প্রধান মন্ত্রীনা স্মার্ত সিতী মিসনগী মখাদা হাংদোক্লিবা য়ুনিফাইদ তুরিস্ত পাস সিস্তেম অমদি ময়োল্লম অসিগী মরমদা মীয়ামদা খঙহন্নবা ‘কাসি’ কৌবা তুরিস্ত ৱেবসাইত হাংদোকখিবা য়াওনা তুরিজম চাওখৎহন্নবা পায়খৎলিবা থবকশিং মীয়ামদা থমখি‍। মহাক্না গঙ্গা ঘাত নৌনা শেমগৎপা, মোদর্ন বস সেল্তর, এয়রপোর্ত অমদি রেলৱে স্তেসনশিংদা শেমগৎলিবা ফেসিলিতীশিংগী মতাঙদসু পনখি‍।

রেলৱেগা মরী লৈনবা প্রোজেক্তশিংগী মতাঙদা শন্দোক্না তাক্লদুনা, প্রধান মন্ত্রী মোদীনা দেদিকেতেদ ইস্তর্ন অমদি ৱেস্তর্ন ফ্রৈত কোরিদোর, নিউ পন্দীত দীনদয়াল উপধ্যায় নগর-নিৎ ভাউপুর শঙ্গাবগী মতাঙদসু ৱাফম কয়া থমখি‍। প্রধান মন্ত্রীনা লমদমসিগী ফেক্তরীদা শাবা ১০০০০শুবা রেলৱে ইঞ্জিন কম্মিসন তৌবদসু নুংঙাইবা ফোঙদোকখি‍। মহাক্না সোলার পৱারগী লমদা দবল ইঞ্জিন লৈঙাক্না পায়খৎলিবা থৌরাংশিং শিংথাখি‍। চিত্রকুতকী মেগাৱাত ৮০০গী সোলার পৱার পার্ক অসি য়ু.পি.দা থাজনিংঙাই ওইবা মৈ পীননবা ঐখোয়গী ফিরেপকী খুদম অমনি হায়না মহাক্না হায়খি‍। দিওরাই অমদি মির্জাপুরদা শাগৎকদৌরিবা ফেসিলিতীশিংনা পেত্রোল, দিজল, বাইও-সি.এন.জি. অমদি ইথানোল প্রোসেসিংগী মতাঙদা স্তেত অসিগী পেত্রোলিয়ম পোত্থোকশিংগী মথৌ তাবশিং ফংহনগনি‍।

প্রধান মন্ত্রীনা নুপী, নহা, লৌমী অমদি লায়রবা মীওইশিং মপাঙ্গল হাপ্পা হায়বসি চাওখৎপা ভারত অমা পুরকপদা তঙায় ফদনা চঙদ্রবা য়াদ্রবা ঙাক্তনি হায়না ফোঙদোকখি‍। “ঐগী ইফমদদি ফুরুপ হায়বসি মখোয়শিং মরিসিখক্তনি, অমদি মখোয়বু মপাঙ্গল কলহনবা হায়বসি লৈবাকসিবু মপাঙ্গল কলহনবনি,” হায়বা ৱাফম শ্রী মোদীনা থমখি‍। থাজবা অসিগা লোয়ননা লৈঙাক অসিনা লৌমীশিংগী য়াইফনবগী লমদা মীৎয়েঙ চঙলি হায়রদুনা লৌমীশিংগী বেঙ্ক একাউন্তশিংদা লুপা করোর ৩০,০০০ থাজিনখিবা পি.এম. কিসান সম্মান নিধী, কিসান ক্রেদিৎ কার্দ, মহৌশাগী লৌউ পথাপ্তা মীৎয়েঙ চঙবা, অমদি হার চাইবদা লায়হনগদবা কিসান দ্রোন্নচিংবা স্কীমশিংগী মতাঙদা প্রধান মন্ত্রীনা পনখি‍। মহাক্না সেল্ফ-হেল্প গ্রুপশিংগী নুপীশিংদা ত্রেনিং পীগদৌরিবা নমো দ্রোন দিদী প্রোগ্রামগী মতাঙদসু ৱাফম ফোঙদোকখি‍।

বনস দেরীনা লুপা করোর ৫০০ হেন্না শেল থাদরিবা অমদি শঙ্গোম থোকপা শা-শনশিংগী মশিং হেনগৎহন্নবা কেম্পেন চত্থরিবা নৌনা পায়খৎলক্কদৌরিবা মোদর্ন বনস দেরীগী মতাঙদা পল্লদুনা, প্রধান মন্ত্রী মোদীনা বনস দেরী অসি বনারসকী লৌমীশিংগী থৌজাল অমা ওইরগনি হায়খি‍। বনস দেরী প্লান্তশিং হান্নদগী লখ্নৌ অমদি কানপুরদা মথৌ তৌদুনা লৈরি‍। চহি অসিদা, বনস দেরীনা য়ু.পি.গী খুঙ্গং লিশিং ৪ হেনবগী লৌমীশিংদা লুপা করোর লিশিং অমা হেনবগী শেনফম ফংহনখ্রে‍। ঙসিগী থৌরমসিদা, বনস দেরীনা য়ু.পি.গী শঙ্গোম থোকপা শা-শন লোইরিবা লৌমীশিংগী একাউন্ততা লুপা করোর ১০০ হেনবগী শেনফম দিভিদেন্ত ওইনা থাজিনখ্রে‍।

মহাক্কী ৱারোল লোইশিল্লকপদা, প্রধান মন্ত্রীনা বরানসিদা পায়খৎলিবা চাওখৎ থৌরাংগী থবকশিংনা লমদম পুম্বসিবু চাওখৎপগী অনৌবা পন্দোল লোমহল্লগনি হায়না অমুক্কা হন্না ফোঙদোকখি‍। পুর্বাঞ্চলগী মফম অসি মমাঙদা নাথৈবিদুনা থম্লম্লবসু, মোদীনা হৌজিক্তি মহাদেবকী থৌজালগা লোয়ননা মীয়ামগী থৌগল তৌরি হায়বা ৱাফমসু মহাক্না থমখি‍। থা খরগী মনুংদা জেনেরেল মীখল লাক্লগনি হায়রদুনা, মোদীনা অহুমশুবা তর্মদা ভারতবু মালেমগী অহুমশুবা খ্বায়দগী চাউবা শেন্মিৎলোন ওইহনগনি হায়না ৱাশকখিবনি হায়না প্রধান মন্ত্রীনা হায়খি‍। “ঙসি ঐনা লৈবাক্কী মফমদা পীরিবা থাজবা অসি, ময়াম পুম্নমক্না ঙমহনবনি, ঐগী কাসিগী ইমুংশিংনা ঙমহনবনি‍। অদোম্না মতম পুম্বদা ঐগা লোয়ননা লেপ্পিরি, ঐগী খোঙফমবু চেৎহল্লি,” হায়না প্রধান মন্ত্রীনা ফোঙদোকখি‍।

উত্তর প্রদেশগী মুখ্য মন্ত্রী, শ্রী য়োগী অদিত্যনাথ, উত্তর প্রদেশকী উপ মুখ্য মন্ত্রী শ্রী কেসব প্রসাদ মৌর্য়, অমদি উত্তর প্রদেশ লৈঙাক্কী মন্ত্রীশিংসু থৌরমদুদা শরুক য়াখি‍।

বেকগ্রাউন্দ

হৌখিবা চহি মাপনসিদা, প্রধান মন্ত্রীনা বরানসীগী শক্তমদা অহোংবা পুরক্নবা অমদি বরানসী অমদি অকোয়বগী লমদমশিংগী মীয়ামগী পুন্সি মহিংদা হেন্না ফগৎহন্নবগী লমদা অখন্নবা মীৎয়েঙ থমদুনা লাক্ল‍ি‍। মায়কৈ অসিদা অতোপ্পা খোঙথাং অমা থাংজিন্দুনা, প্রধান মন্ত্রীনা লুপা করোর ১৯,১৫০ রোমগী ওইগদবা তোঙান তোঙানবা চাওখৎ থৌরাংগী প্রোজেক্তশিং মীয়ামগী মফমদা কত্থোকখ্রে অমদি উরেপ উয়ুং তমখ্রে‍।

প্রধান মন্ত্রীনা লুপা করোর ১০,৯০০ রোম চঙনা শেমগৎপা নিউ পন্দিৎ দীনদয়াল উপধ্যায় নগর-নিউ ভাউপুর দেদিকেতেদ ফ্রৈত কোরিদোর প্রোজেক্ত শঙ্গাখি। থৌরমদুদা শঙ্গাখিবা অতোপ্পা রেলৱে প্রোজেক্তশিংগী মনুংদা বালিয়া-গাজিপুর সিতী রেল লাইন দব্লিং প্রোজেক্ত; ইন্দরা-দোহরিঘাত রেল লাইন গোজ কনভর্জন প্রোজেক্তনিংবশিং য়াওরি‍।

প্রধান মন্ত্রীনা বরানসী-নই দিল্লী বন্দে ভারত এক্সপ্রেস ত্রেন, দোহরিঘা-মাউ মেমু ত্রেন অমদি লোং হোল গুদ্স ত্রেন অনিসু নৌনা শঙ্গাখিবা দেদিকেতেদ ফ্রৈত কোরিদোর অসিদা লমথাখি‍। মহাক্না বনারস লোকোমোতিব ৱর্ক্সনা পুথোকপা ১০,০০০ শুবা লোকোমোতিবসু লমথাখি।

প্রধান মন্ত্রীনা লুপা করোর ৩৭০ হেন্না চঙনা শাবা গ্রীন-ফীল্দ সিবপুর-ফুলৱারিয়া-লহরতারা লম্বীগা অমদি আর.ও.বি. অনিসু শঙ্গাগখি। মসিনা বরানসী ময়োল্লমগী অৱাং অমদি খা থংবা শরুক্কগী মরক্তা চত্থোক চৎশিন তৌবদা চঙবা মতম হন্থহনগনি অমদি মফমদুদা লাক্লিবা মীওইশিংগী নুংঙাইবসু হেনগৎহনগনি‍। মখা তানা, প্রধান মন্ত্রীনা শঙ্গাখিবা মরুওইবা প্রোজেক্তশিংগী মনুংদা লম্বী ২০ শেমজিনবা অমদি পাকথোকহনবা; কাইথী খুঙ্গংগী সঙ্গম ঘাত অমদি পন্দিত দীনদয়াল উপধ্যায় হোস্পিতালগী রেসিদেন্সিএল বিল্দিংশিং য়াওরি‍।

মসিগী মথক্তা, পুলিস পর্নসোনেলশিংগী লৈফম চাফমগী মথৌ তাবা পীননবগীদমক, পুলিস লাইন অমসুং পি.এ.সি. ভুলনপুরদা ফবুং ২০০ অমদি ১৫০গী মথোল কয়া লোঙবা বেরেক বিল্দিং অনি, মফম ৯দা শেমগৎলিবা স্মার্ত বস সেল্তরশিং অমদি অলয়পুরদা শাগৎলিবা কিলোৱাত ১৩২গী সব-স্তেসনসু প্রধান মন্ত্রীনা শঙ্গাগখি‍।

স্মার্ত সিতী মিসনগী মখাদা, মচা খায়বা তুরিস্ত ইনফোর্মেসনগী ৱেবসাইত অমা অমদি য়ুনিফাইদ তুরিস্ত পাস সিস্তেম প্রধান মন্ত্রীনা হাংদোকখি‍। য়ুনিফাইদ পাস অসিনা শ্রী কাসি বিস্বানাথ ধাম, গঙ্গা ক্রুজ, অমদি সর্নাথকী মৈ অমদি খোঞ্জেলগী সোগী ক্যু.আর. কোদ সর্ভিসকা পুনশিল্লবা সিঙ্গল প্লেৎফোর্ম তিকেৎ বুকিং ফংহনগনি‍।

প্রধান মন্ত্রীনা লুপা করোর ৬৫০০ হেনবগী তোঙান তোঙানবা প্রোজেক্তশিংগী উরেপ উয়ুংসু তমখি‍। রিনিউএবল ইনর্জী রিসোর্সশিং পুথোকপগী চাং হেনগৎহন্নবগীদমক, প্রধান মন্ত্রীনা চিত্রকুত দিস্ত্রিক্ততা লুপা করোর ৪০০০ রোম চঙনা শাগৎকদবা মেগাৱাত ৮০০গী সোলার পৱার পার্ক অমা উরেপ উয়ুং তমখি‍। পোত্রোলিয়ম সপ্লাই চেনগী ফীভম ফগৎহন্নবগীদমক, মহাক্না মির্জাপুরদা লুপা করোর ১০৫০ হেন্না চঙনা শাগৎকদবা অনৌবা পেত্রোলিয়ম ওইল তর্মিনেল অমগী উরেপ উয়ুংসু তমখি‍।

প্রধান মন্ত্রীনা উরেপ উয়ুং তমখিবা অতৈ প্রোজেক্তশিংদি বরানসি-ভদোহী এন.ঐচ. ৭৩১ বি (পেকেজ-২) লুপা করোর ৯০০ চঙনা পাকথোকপা; জল জীবন মিসনগী মখাদা লুপা করোর ২৮০ চঙনা শাগৎকদবা খুঙ্গংগী থক্নবগী ঈশিংগী স্কীম ৬৯; বি.ঐচ.য়ু. ত্রোমা সেন্তরগী ফমুং ১৫০ লৈবা ক্রিতিকেল কেয়র য়ুনিৎ; গঙ্গা ঘাত ৮ নৌনা শেমগৎ শাগৎপা, দিব্যং রেসিদেন্সিএল সেকোন্দরী স্কুল শাবা অমদি অতৈ অতৈনি‍।

डबल इंजन सरकार उत्तर प्रदेश के चहुंमुखी विकास के लिए संकल्पित है। आज काशी में हो रहे विकास कार्यों के शिलान्यास और लोकार्पण से पूर्वांचल सहित पूरे प्रदेश के मेरे परिवारजनों का जीवन और आसान होगा। https://t.co/lTyJkk89Z8

— Narendra Modi (@narendramodi) December 18, 2023

महादेव की काशी की मैं जितनी भी सेवा कर पाउं…वो मुझे कम ही लगता है: PM @narendramodi pic.twitter.com/tN9g68LF31

— PMO India (@PMOIndia) December 18, 2023

आज काशी समेत सारा देश विकसित भारत के निर्माण के लिए प्रतिबद्ध है। pic.twitter.com/72CZyDWXIb

— PMO India (@PMOIndia) December 18, 2023

हमारा प्रयास है कि भारत सरकार ने गरीब कल्याण की, जन-कल्याण की जो भी योजनाएं बनाई हैं, उनसे कोई भी लाभार्थी वंचित न रहे: PM @narendramodi pic.twitter.com/XdPa0knpNT

— PMO India (@PMOIndia) December 18, 2023

Make in India, make for the world. pic.twitter.com/sYGteUO3yt

— PMO India (@PMOIndia) December 18, 2023

विकसित भारत के लिए देश की नारीशक्ति, युवा शक्ति, किसान और हर गरीब का विकास होना बहुत जरुरी है। pic.twitter.com/FTTpiDCIU6

— PMO India (@PMOIndia) December 18, 2023

***