ভারতকী প্রধানমন্ত্রী

দীপাৱলীগী মাংওইননা প্রধান মন্ত্রী, শ্রী নরেন্দ্র মোদীনা ঙসি উত্তর প্রদেশকী অয়োধ্যাদা ভগৱান শ্রী রামগী প্রতীক স্বরুপকী রাজ্যাভিশেক পাঙথোকখ্রে। প্রধান মন্ত্রীনা সরয়ু তুরেলগী ন্যু ঘাত্তা আর্তীসু মীৎয়েং তাখি। থৌরম মফম য়ৌবদা প্রধান মন্ত্রীনা ঋসিশিংগা লোয়ননা উনখি অমসুং ৱারী শাখি।

থৌরম অদুদা ৱা ঙাংলদুনা প্রধান মন্ত্রীনা শ্রী রামললাগী দর্শন ফংজবা অমসুং রাজ্যা অভিশেক পাঙথোকপগী খুদোংচাবা অসি ভগৱান শ্রী রামগী থৌজালশিংনা ওইথোকহনবনি। ভগৱান রামগী অভিশেক অসিনা ঐখোয়দা লৈরিবা মহাক্কী মমল লৈরবা লৌশিং অমসুং ৱাখল্লোনশিং হেন্না মপাঙ্গল কনখৎহনবা ওইরসনু। মহাক্কী অভিশেক অসিগা লোয়ননা ভগৱান শ্রী রামনা উৎপা লম্বী অদু হেন্না ময়েক শেংহল্লসনু। অয়োধ্যাগী পোৎলম পুম্নমক্তা মহাক্কী ৱাখল্লোনগী মমি তারি। প্রধান মন্ত্রীনা হায়, “ৱাখল্লোন অসি অয়োধ্যাগী রাম লীলাশিং, সরয়ু আর্তি, দীপোৎসব অমসুং রামায়নগী রিসর্চ অমদি স্তদীগী খুত্থাংদা মালেম শিনবা থুংবদা শন্দোক্লি”।

প্রধান মন্ত্রীনা হায়খি মদুদি হন্দক্কী দিপাৱলী অসিনা লাকপা মতম অসিদা মতম খরগী মমাংদা ঐখোয়না নীংতম্বগী চহি ৭৫ শুখিবতা ঙাই, ঐখোয়না আজাদী কা অমৃত মহোৎসব পাঙথোক্লি। অমৃত কাল অসিদা ভগৱান শ্রী রামগুম্বগী ফিরেপনা অনৌবা পনখৈ তম্না লৈবাক অসিবু পুরগনি। প্রধান মন্ত্রীনা হায়খি ঐখোয়না সবকা সাথ সবকা বিকাসকী ইথিল অমসুং সবকা বিশ্বাস অমসুং সবকা প্রয়াসকী প্রিন্সিপলশিং অসি ভগৱান রামগী ৱাহৈশিং অমসুং ৱাখল্লোনশিংদা, মহাক্কী কাংলোন অমসুং এদমিনিস্ত্রেসন্দা য়াওবা থেংনগনি। “প্রধান মন্ত্রীনা মখা তারদুনা হায়খি, “ভারত মচা খুদিংমক্কী ওইনা ভগৱান শ্রী রামগী ৱাখল্লোনশিংনা চাউখৎপা ভারত অমগী অনীংবা অপাম্বশিংনি। মসিনা লমজিং মৈরা অমগুম্না খ্বাইদগী অৱাবা পান্দমশিং ফংনবগীদমক থৌনা হাপ্পীরি”।

লাল কিলাদগী চহি অসিদা ‘পঞ্চ প্রন’গী মতাংদা লাউথোকখিবা অদি নীংশিংলদুনা প্রধান মন্ত্রীনা হায়, “‘পঞ্চ প্রন’ অসিগী ইনর্জী অসি ভারতকী প্রজাশিংগী মথৌদাংগী ইলিমেন্তগা মরী লৈনৈ। মহাক্না হায়খি, “ঙসি অয়োধ্যাগী শেংলবা সহর অসিদা য়াইফরবা থৌরম অসিদা ঐখোয়না শ্রী রামদগী তমশিনবা য়াবা খুদিংমক তমশিন্নবা ঐখোয়গী ফিরেপ অদু নৌহৌননা ফোঙদোক্লসি। ‘মর্য়াদা পুরুশোত্তম’বু নীংশিংলদুনা প্রধান মন্ত্রীনা হায়খি ‘মর্য়াদা’না ঐখোয়দা ফজবা লমচৎ তাকপী-তম্বীখি অমসুং ইকাই খুম্নবা উৎনবা তাকপী-তম্বীখি অমদি ‘মর্য়াদা’না কর্তাব্য হায়বদি থৌদাং পাথোকপগী ৱাখল্লোন পোকহল্লি। ভগৱান রাম অসি থৌদাংগী হিংদুনা লৈরিবা শক্তমনি হায়রদুনা প্রধান মন্ত্রীনা হায়খি মহাক্কী থৌদাং পুম্নমক্তা শ্রী রামনা মতম চুপ্পদা মহাক্কী থৌদাংশিং পাঙথোকপদা খ্বাইদগী মরু ওইবা মীৎয়েং চংদুনা লাকখি। প্রধান মন্ত্রীনা হায়খি “রামনা কনাবুসু নাথৈদুনা থমখিদে। রামনা মহাক্কী মথৌদাং পাঙথোকপদগী লৈথোকপা তৌদে। মরম অসিনা রামনা ঐখোয়গী থৌদাংশিংগী খুত্থাংদা মশা মথন্তা ঐখোয়গী হকশিং অসি ফংলি হায়বা ভারত মচাশিংগী ৱাখল্লোন অদু তাক্লি”। প্রধান মন্ত্রীনা ভারতকী সম্বিধানগী ওরিজিনেল কোপীদা ভগৱান রাম, মা সিতা অমসুং লক্ষমনগী শক্তম য়াওরি হায়না পাঙথোকখি। সম্বিধানগী লমাইনা অদুনা ফন্দামেন্তেল রাইৎশিংগী মরমদা হায়রি। হায়বদি নাকল অমদা ঐখোয়গী সম্বিধান্না পীবা হকশিংগী মতাংদা খঙহল্লি অমরোমদনা ভগৱান শ্রী রামগী শক্লোন্দা থৌদাং য়াবগী ইতর্নেল কলচরেল রিএলাইজেসন তাক্লি হায়না মহাক্না ফোঙদোকখি।

ঐখোয়গী হেরিতেজকীদমক চাউথোকচবা পোকপা অমসুং মীখা পোনবগী ৱাখল্লোন কোকহনবগী ‘পঞ্চ প্রন’গী মতাংদা প্রধান মন্ত্রীনা হায়খি শ্রী রামনা ঐখোয়বু ইমা অমদি পোক্নফম ইমাবু লাইরৈবাক্তগী হেন্না হেল্লি হায়বা ৱাখল্লোনগী লম্বেলদা লমজিংলি। রাম মন্দির, কাশী বিশ্বানাথ ধাম, কেদারনাথ অমসুং মহাকাল-মহালোক অসই খুদমশিং ওইনা পীদুনা প্রধান মন্ত্রীনা সরকার অসিনা ভারতকী চাউথোকচবা পোক্নবগী শরুক অমা ওইরিবা ধর্মগী মফমশিং অসি নৌনা হান্নগুম্না শেমগৎ-শাগৎপগী থবক তৌরি হায়না ফোঙদোকখি। প্রধান মন্ত্রীনা লৈবাক অসিদা রাম লৈরমব্রা হায়বগী ৱাহং কয়া লাকখিবা অমসুং মসিগী মতাংদা খন্ন-নৈন্নীংদবগী মতম অদু নীংশিংখি। “হৌখিবা চহি নিপান অসিদা লৈবাক অসিনা শোত্থনা লৈ হায়বগী ৱাখল্লোনগী য়োৎলিং থৎদৎপা ঙমখি অমসুং ঐখোয়না ভারতকী তীর্থ য়াত্রাশিং শেমগৎনবগী হোলিস্তিক ওইবা মীৎয়েং অমদা চংশিনখি”। প্রধান মন্ত্রীনা অয়োধ্যাদা লুপা করোর লিশিং কয়াগী প্রোজেক্তশিং পাইখৎখি হায়না পাউদমখি। লম্বী শেম্বদগী হৌরগা ঘাতশিং অমসুং ক্রোসরোদশিং ফজথোকহনবা অমদি অনৌবা রেলৱে স্তেসন অমসুং মালেমগী থাক্কী এয়রপোর্ত শেম্বা অসিগুম্বা ইনফ্রাস্ত্রকচরগী ওইবা শেমগৎ-শাগৎপা অসিগী মতাংদা প্রধান মন্ত্রীনা অপুনবা লমদম অসিনা কন্নেক্তিবিতী অমসুং ইন্তর্নেস্নেল তুরিজমগী কান্নবা ফংলগনি হায়না ফোঙদোকখি। মহাক্না রামায়ন সর্কিত শেমগৎ-শাগৎপগী থবক পাইখৎলি হায়নসু পাউদমখি।

প্রধান মন্ত্রীনা কলচরেল দিবেলপমেন্তগী সোসিএল অমসুং ইন্তর্নেস্নেল দাইমেন্সন কয়াগী মতাংদা ফোঙদোকখি অমসুং গৱান রাম অমসুং নিসাদরাজকী শেঞ্জেংগী ফুত ৫২ ৱাংবা মীতম খিনগদবা শৃরঙ্গবেরপুর ধামদা নিসাদরাজ পার্ক শেমগৎ শাগৎলি হায়না ফোঙদোকখি। মহাক্না মখা তারদুনা মীতম অসিনা মীয়ামদা রামায়নগী পুম্নমক শুনা য়াওরবা পাউজেল পীরগনি, মসিনা ঐখোয়দা মান্নবা ৱাখল্লোন অমসুং শান্তি লৈনা হিংমিন্নবগী ফিরেপ লৌহল্লি। অয়োধ্যাদা ক্বীন-হো মেমোরিএল পার্ক শারিবা অসিগী মতাংদা পল্লদুনা প্রধান মন্ত্রীনা হায়, পার্ক অসিনা ভারত অমসুং খা কোরিয়াগী মরক্তা লৈনরিবা মরী অসি চেৎশিনহন্নবা পাম্বৈ অমা ওইরগনি। প্রধান মন্ত্রীনা হায়খি রামায়ন এক্সপ্রেস ত্রেন অসি স্পিরিচুএল তুরিজমগী অচুম্বা মাইকৈদা থাংজিল্লিবা খোঙথাং অমনি। প্রধান মন্ত্রীনা হায়, “চারধাম প্রোজেক্ত, বুদ্ধ সর্কিত নত্ত্রগা প্রসাদ স্কিমগী চাউখৎ-থৌরাংগী প্রোজেক্তশিং ওইরবসু ঐখোয়গী নাৎকী ওইবা লমদা খুমাং চাউশিল্লিবা অসি অনৌবা ভারতকী চাউখৎ খোঙচৎকী অহৌবনি”।

প্রধান মন্ত্রীনা হায়খি অয়োধ্যা অসি ভারতকী ফজরবা কলচরেল হেরিতেজকী মমি অমনি। মহাক্না হায় রাম অসি অয়োধ্যাগী রাজকুমার ওইজরবসু মহাক অসি লৈবাক পুম্বনা পাম্নখৈ, মীয়ামগী ওইখি। মহাক্না পীরম্বা ইথিল, মহাক্কী তপস্যা, মহাক্না তাকপীরম্বা লম্বী অসি ইরৈবাকচা খুদিংমক্কীনি। ভগৱান রামগী ৱাখল্লোনশিং ঙাক্না চৎপা হায়বা অসি ভারত মচা ঐখোয়গী থৌদাংনি। ঐখোয়না ৱাখল্লোনশিং অসিগা লোয়ননা হিংবা তাই, মদু পুন্সিদা শীজিন্নবা তাই। প্রধান মন্ত্রীনা ৱারোল পীবা লোইশিল্লদুনা অয়োধ্যাগী মীয়ামদা শেংলবা সহরদা মীপুম খুদিংমকপু তরাম্না ওকপা অমসুং মসিবু লুনান্না থম্বগী মখোয়গী দবল রেস্পোন্সিবিলিতীগী মতাংদা নীংশিংখি। অয়োধ্যাগী শক্তাক অসি থৌদাং লৈবা সহর ‘কর্তাব্য নাগরি’ ওইনা শেমগৎপা তঙাই ফদে হায়না ফোঙদোক্লদুনা ৱারোল পীবা লোইশিনখি।

মসিগী মমাংদা প্রধান মন্ত্রীনা ভগৱান শ্রী রামললা বিরাজমানগী দর্শন অমসুং পুজা পাঙথোকখি অমসুং শ্রী রাম জন্মভুমী তীর্থ ক্ষেত্রাগী মফম য়েংশিনখি।

উত্তর প্রদেশকী মুখ্য মন্ত্রী, শ্রী য়োগী আদিত্যনাথজী, উত্তর প্রদেশকী রাজ্যপাল, শ্রীমতি আনন্দীবেন পতেলজী অমসুং মহন্ত নৃত্য গোপালদাসজী মহারাজনা থৌরম অসিদা শরুক য়াখি।

May the divine blessings of Bhagwaan Shree Ram brighten our lives. Watch from Ayodhya… https://t.co/Hr2nVF2G2u

— Narendra Modi (@narendramodi) October 23, 2022

श्रीरामलला के दर्शन और उसके बाद राजा राम का अभिषेक, ये सौभाग्य रामजी की कृपा से ही मिलता है। pic.twitter.com/QNV1nMMknx

— PMO India (@PMOIndia) October 23, 2022

इस बार दीपावली एक ऐसे समय में आई है, जब हमने कुछ समय पहले ही आजादी के 75 वर्ष पूरे किए हैं, हम आजादी का अमृत महोत्सव मना रहे हैं। pic.twitter.com/GsjlkAce9g

— PMO India (@PMOIndia) October 23, 2022

पंच प्राणों की ऊर्जा जिस एक तत्व से जुड़ी हुई है, वो है भारत के नागरिकों का कर्तव्य। pic.twitter.com/mgWhE4NfEC

— PMO India (@PMOIndia) October 23, 2022

राम किसी को पीछे नहीं छोड़ते।

राम कर्तव्यभावना से मुख नहीं मोड़ते। pic.twitter.com/2JEsdEz3mc

— PMO India (@PMOIndia) October 23, 2022

आज़ादी के अमृतकाल में देश ने अपनी विरासत पर गर्व और गुलामी की मानसिकता से मुक्ति का आवाहन किया है। pic.twitter.com/qrFKvdxW9O

— PMO India (@PMOIndia) October 23, 2022

हमने भारत के तीर्थों के विकास की एक समग्र सोच को सामने रखा है। pic.twitter.com/r5XNaTHnaC

— PMO India (@PMOIndia) October 23, 2022

हमने हमारी आस्था के स्थानों के गौरव को पुनर्जीवित किया है। pic.twitter.com/YSYorQevXJ

— PMO India (@PMOIndia) October 23, 2022

भगवान राम के आदर्शों पर चलना हम सभी भारतीयों का कर्तव्य है। pic.twitter.com/LPesR7pNmX

— PMO India (@PMOIndia) October 23, 2022

পি.আই.বি. আর্কাইবশিংদগী – প্রধান মন্ত্রীনা ওগস্ত , ২০২২দা অয়োধ্যাগী রাম জন্মভুমিদা রাম মন্দিরগী উরেপ-উয়ুং তম্বগী থৌরমদা প্রধান মন্ত্রীনা থমখিবা ৱারোল

****