ভারতকী প্রধানমন্ত্রী

জয় বদ্রী বিশাল, জয় বদ্রী বিহাল, জয় বদ্রী বিশাল,

জয় বাবা কেদার, জয়া বাবা কেদার, জয় বাবা কেদার,

উত্তরাখন্দগী রাজ্যপাল গুরমীত সিংহজী, মফম অসিগী ৱা তপ্না ঙাংজবা মীকুপ খুদিং মমোম মীনোক্তা তমজবা অদুগুম্লবা মীশক ঐখোয়গী পুস্কর সিংহ ধামীজী, পার্লিয়ামেন্তগী ঐহাক্কী মরুপ, শ্রী তীরথ সিংহ রাৱতজী, ভাই ধন সিংংহ রাৱতজী, মহেন্দ্র ভাই ভত্ত, অতোপ্পা মশক নাইবা মীওই পুম্নমক অমসুং ঐহাক্কী নুংশিরবা ইচিল-ইনাওশিং,

ঙসি বাবা কেদার অমসুং বদ্রী বিশাল উরবা মতুংদা মখোয়গী থৌজালশিং ফংবদা পুন্সি অসি থৌজাল ফংজরে, ৱাখলসু নুংঙাইরে অমদি মীকুপশিং অসি ঐহাক্কীদমক চীরঞ্জীবি ওইরগনি। ঐহাক্না বাবাগী য়াথংগী মতুং ইন্না বাবাগী মনাক্তা মমাংদা লাকখিবা মতমদা ঐহাক্না ৱাফম কয়া ফোঙদোকখি। ৱাহৈশিং অদু ঐহাক্কী নত্তে, মদু করম্নবা ফোঙদোকখিবনো? করিগীদমক লাকখিবনো? মসি কনানা ইনশিনখিবনো খঙদে। অদুবু মসি ঐহাক্কী চিন্দগী অদুমক থোকখি। দিকেদ অসি উত্তরাখন্দগী দিকেদ ওইরগনি। অমসুং বাবা, বদ্রী বিশাল, মা গঙ্গাগী থৌজালশিংগী শক্তিনা ৱাহৈশিং অসি থুংহনবা ঙমগনি হায়না ঐহাক্না চেৎনা থাজবা থম্মি। অনৌবা প্রোজেক্তশিং অসিগা লোয়ননা চপ মান্নবা ফিরেপ অদু ঐহাক্না ময়ামদা অমুক হন্না নৌহৌননা ঙসি ফোঙদোকচবা ফংজবা অসি ঐহাক্কী লাইবক ফবনি। অমসুং ময়ামবু উজবা ফংজবা অসি ঐহাক্কী লাইবক ফবনি।

মানা খুঙ্গং অসি ভারতকী খ্বাইদগী অরোইবা খুঙ্গং অমা ওইনা খঙনৈ। অদুবু ঐখোয়গী মুখ্য মন্ত্রীনা মহাক্কী অপাম্বা ফোঙদোকখিবগী মতুং ইন্না হৌজিক্তি ঐহাক্কী ওইনসু ঙমখৈদা লৈরিবা খুঙ্গং খুদিংমক লৈবাক অসিগী অহানবা খুঙ্গংনি। নখোয়গুম্বা মরুপ পুম্নমক্না লৈবাক অসিগী মপাঙ্গল কনবা গার্দশিংনি। অমসুং ঙসি ঐহাক্না মানা খুঙ্গংগী হৌখ্রবা মতমশিং অদু অমুক নীংশিংহনবা পাম্মি। চহি য়াম্লবা মীওই খরনদি মসি নীংশিংলমগনি খল্লি, ঐহাক্না মুখ্য মন্ত্রী ওইরমখি, প্রধান মন্ত্রী ওইরে, ঙমখৈদা লৈরিবা খুঙ্গং অসিদা ঐহাক্না উত্তরাখন্দদা ভারতীয় তনতা পার্তীগী কার্য়কর্তা অমা ওইনা থবক তৌরিঙৈ চহি ২৫গী মমাংদা কনাগুম্বা অমত্তা ঐহাকপু মশক ফজনা খঙখিদে অমদি ঐহাক্কী হৌজিক তৌরিবা অসুম্না পব্লিক লাইফ লৈরমখিদে। ঐহাক্না ঐহাক্কী ওইবা পুন্সি হিংদুনা লৈরমখি, ওর্গনাইজেসনশিংগী মীয়ামগা লোয়ননা থবক তৌখি অমসুং মতম অদুদা ঐহাক্না মানাদা উত্তরাখন্দ বি.জে.পি. ৱার্কিং কম্মিংগী মীফম অমা কৌখি। ঐহাক্কী উত্তরাখন্দগী কার্য়কর্তাশিংনা মতম অদুদা ঐঙোন্দা য়াম্না শাওখি, মখোয়না ঐঙোন্দা অদুক লাপ্না চৎপা হায়বা অসি কয়া য়াম্না ৱাগনি, মতম কয়াম চংগনি হায়বা ৱাফম কয়া থমখি। ঐহাক্না হায়খি, ইচিল-ইনাওশিং মানা অসি উত্তরাখন্দগী বি.জে.পি.গী থমোয়দা লুম্না লৌবা নুমিৎ অদুদা উত্তরাখন্দগী মীয়ামগী থমোয়দা বি.জে.পি.বু লুম্না লৌগনি। অমসুং মসিগী মহৈ অসি মানা খুঙ্গংগী মপাঙ্গল অসিনি। মসি মানা খুঙ্গংগী ইচিল-ইনাওশিংগী য়াথংনি, মতম অদুদা নখোয়না পীখিবা থৌজাল অদু ঙসিসু লেংদনা লৈরি। অমসুং উত্তরাখন্দদা অনৌবা সরকার শেম্লবা মতুংদা মসি মীয়ামগী ওইবা থৌরমদা অহানবা ওইনা ঐহাক্না ৱা ঙাংবনি। অদুনা ঙসি ঐহাক্না মফম অসিদা লাকপা মতমদা ঐহাক্না নখোয়বু অমুক হন্না শেবা তৌজনবগী খুদোংচাবা অমা ফংজরি, ঐহাক্না থমোয় শেংনা তৌবীমল খঙবা উৎচরি।

মরুপশিং,

২১শুবা চহিচাগী চাউখৎপা ভারতকী মরু ওইবা য়ুম্বী অনি লৈ, অহানবনা ঐখোয়গী হেরিতেজকীদমক চাউথোকচবা পোকপা অমসুং অনিশুবনা চাউখৎনবগীদমক অঙাম্বা খোঙথাং পুম্নমক লৌখৎপা অসিনি। ঙসি উত্তরাখন্দনা য়ুম্বী অনিমক মপাঙ্গল কনখৎহল্লি। অয়ুক্তা ঐহাক্না বাবা কেদার থৌনিজখি অমসুং মতুংদা বদ্রীনাথ বিশালগী খুয়া খাংদা চংজখি অমসুং থৌনিখি, মরমদি ঐঙোন্দা পীবীরিবা ঈশ্বরগী থবক অসি ঐহাক্না পাঙথোকপা তাই। অমসুং ঐহাক্কী ওইনদিমীওই করোর ১৩০ অসি ঐহাক্কী ওইনদি ঈশ্বরগী শক্লোন অমসু ওইরি। অমসুং ঐহাক্না শেমগৎ শাগৎপগী থবকসু য়েংশিনখি। অমদি ঐহাক্না নখোয়গী নরক্তা য়াওবা ফংজদুনা রোপৱে প্রোজেক্ত ২গী উরেপ-উয়ুং তম্বসু ফংজখি। মসিনা কেদারনাথজী অমসুং গুরুদ্বারা হেমকুন্দ সাহিব চৎপদা খুদোংচাহল্লগনি। গুরু গ্রন্থ সাহিবনা ঐখোয়বু থৌজানবীবা ওইরসনু। অথোইবা গুরু পুম্নমক্না ঐখোয়বু থৌজানবীবা ওইরসনু। বাবা কেদারনা অদুম থৌজানবীবা ওইরসনু। অমসুং রোপৱে অসি শুপ্নগী পোল, ৱায়র, ফম্নবা কার খক্তা নত্তনা মসিনা বাবা তম্না হায় স্পীদতা পুরগনি। মসিনা মরম ওইদুনা থবক অসি তৌবদা য়াওরিবা মীওইশিংদা লৈবাক অসিগী ইরৈবাকচা করোর ১৩০গী থৌজাল পীরগনি। মালেম শিনবা থুংবদা গুরু গ্রন্থ সাহিবপু থৌনিজরিবা ইচিল-ইনাওশিংনা ঙসি হেমকুন্দ সাহিব ফাওবগী রোপৱে শেম্লিবা অসিদা থৌজালশিং পীনবীরগনি। মসি শক্তি কয়া য়াম্না লৈবগে নখোয়না খঙলোই, য়ু.কে., জর্মনী, কনাদা ওইরবসু মফম অদুদসু নুংঙাইবা ফোঙদোক্কনি মরমদি রোপৱে অসিনা হেমকুন্দ সাহিব য়ৌবা ঙমহল্লগনি। অমসুং মসিনা মতম চংহল্লরোই, ৱাখল অসি থৌনিবদা হেন্না লুপহল্লগনি।

ঙসি ঐহাক্না উত্তরাখন্দ অমসুং লৈবাক অসিগী অমদি মালেমগী ভক্তা খুদিংমকপু চাউখৎ থৌরাংগী প্রোজেক্তশিং অসিগীদমক থাগৎপা ফোঙদোকচরি। গুরু কয়াগী থৌজালশিং, বাবা কেদারগী থৌজালশিং, বদ্রী বিশালগী থৌজালশিং লেংদনা লৈবা ওইরসনু মসিনা ঐখোয়গী শ্রমজীবীশিংগী মপাঙ্গল কনখৎহনগনি অদুনা মখোয়না পীরিবা মতমগী মনুংদা মপুং ফানা পাঙ্গল পুথোক্তুনা থবক অসি লোইশিনবসু ঙমগনি। অমসুং মফম অসি য়াম্না খুদোংচাদবা মফম ওইবনা ঐখোয়না থৌনিসি, মতম চুপ্পদা থৌনিসি। মফম অসিদা থবক শুবা হায়বা অসি খুদোংথিনীংঙাই ওই। নুংশিৎ কন্না শিৎলি অমসুং অৱাংবদা কাখৎতুনা থবক তৌগদৌরিবনি। থবক পুম্নমক অসি শুরিঙৈ মনুংদা অশোই অঙাম অমত্তা য়াওদনবা, মরুপশিংনা খুদোংথিবা নংদনবা ঐখোয়না ঈশ্বরদা থৌনিসি, মখোয়গীদমক থৌজিসি অমসুং মখোয়না খুঙ্গং অসিগী শরুক অমা হেক্তদা থবক তৌবা মতমদা মখোয়না ঈশ্বরগী থবক তৌরিবনি, মখোয়বু নখোয়না য়েংশিনবীয়ু, মখোয়বু শেল পীদুনা নেকপা শিন্মী ওইনা লৌগনু মখোয়না ঈশ্বরগা পাঙ্খক ওইরবা প্রোজেক্ত অসিদা শরুক তম্লি। মখোয় অসি খুঙ্গং অসিগী মীথুংলেনশিংনি। মখোয় হোৎনবা কনবা শ্রমজীবীনি, নখোয়না মখোয়বু য়েংশিনবীরিবা মতিক থবক্কী খোঙজেল য়াংখৎকনি। মখোয়বু নখোয়না য়েংশিনবীগদ্রা? নখোয়গী অঙাংশিংগুম্না লোয়নবীয়ু, ইচিল-ইনাওশিংগুম্বা য়েংশিনবীয়ু।

মরুপশিং,

ঙসি ঐহাক্না বাবা কেদার ধামদা চৎখি, মফম অদুদা থবক তৌরিবা ইচিল-ইনাওশিংগা লোয়ননা ৱারী শাবগী খুদোংচাবা ঐহাক্না ফংখি। মফম অদুগী ইঞ্জিনীয়রশিংগসু ৱারী শাবগী খুদোংচাবা ফংখি। মখোয়না হায় ঐখোয়না লম্বী নত্ত্রগা দলন শাবগী থবক তৌবদা ঐখোয়না বাবাবু থৌনিজৈ অমসুং মসি ঐখোয়গী থৌনিজবগী মওং অদুনি।

মরুপশিং,

নীংতম্বা ফংবগী চহি ৭৫ শুরকপদা লাল কিলাগী লানবন্দগী জাতিদা মীখা পোনবগী ৱাখল্লোন অদুদগী মনীং তম্নবা হোৎনরসি হায়না ঐহাক্না অপীল তৌখি। নীংতম্বা ফংবা অসুক কুইরবা মতম অসিদা মসি হায়বগী করিগী মথৌ তারিবনো? মসিগী মরমদি লৈবাক অসিদা মীখা পোনবগী ৱাখল্লোন অসিনা জাতি অসিবু য়োৎলিং থাংদুনা থমবনা লৈবাক অসিদা লৈরিবা মীওই খরনা লৈবাক অসিদা চাউখৎ থৌরাংগী থবক পাইখৎপা অসি ক্রাইম অমা ওইনা লৌখি। ঐখোয়গী লাইফমলেনশিং শেমগৎ শাগৎপদা ঐখোয়না শাওনীংবগী ৱাখল্লোন মতম শাংনা পোক্তুনা লাকখি। মীওইশিং অসিনা মীরৈবাক্তা লৈবা মখোয়গী নাৎকী ওইবা মফমশিং অদু থাগৎপদা চোকথবা লৈখিদে। অদুবু লৈবাক অসিগী লাইফমলেনশিং অসি হন্থবা মীৎয়েংনা য়েংদুনা লাকখি।  মসিগী মরমদি ঐখোয়গী নাৎকী মতাংদা ঐখোয়দা হন্থবা ৱাখল্লোন পোক্লিবা অসিনি। ঐখোয়গী ধর্মদা থাজবা ৱাৎপা অসিনি, ঐখোয়গী হেরিতেজকীদমক চাউথোকচবা পোক্তবা অসিনি। অমসুং ঙসি মদু হেন্না হেনগৎলকখি ঐখোয়না পুম্নমক্না নীংতম্বা ফংলবা মতুংদা সোমনাথ মন্দির শাবদা করি থোকখিবগে মীপুম খুদিংমক্না নীংশিংলি। মসিগী মতুংদা ঐখোয়না রাম মন্দির শাবগী মতমদা থোকখিবা পুৱারী অদু নীংথিনা খঙই। চহি কয়া অসিদা নুং, মন্দিরগী মফম, লাইখুরুমফমশিং লৈবগী মওং পুম্নমক থুগাইদুনা থমখি। ভারতকী স্পিরিচুএল সেন্তরশিং অসি দিকেদ কয়া নাথৈদুনা থমখি মসি য়ৌনা চৎপদা অৱাবা কয়া মায়োক্নবা তাখি। মফম অসিবু মরু ওইনা লৈজবা মীওইশিংনা ধাম অসিদা লাক্তুনা মখোয়বু থৌনিজবগী মঙলান অমা লৈজৈ অদুবু মমাংগী সরকারশিংনা মশাগী প্রজাশিংনা মফমশিং অসিদা চৎনবা খুদোংচাবা ফংহনবগী মতৌ তাবা লৈ হায়বা অসি খঙদনা লাকখি। মখোয়বু করম্বা মীখা পোনবগী ৱাখল্লোন্না মখোয়বু ফাজিল্লিবনো ঐহাক খঙদে। মসি অরানবা নত্ত্রগা ইচিল ইনাওশিং? পাউখুম অসি নখোয়না পীগদবা নত্তে ইরৈবাকচা করোর ১৩০না পীগদবনি অমসুং ঈশ্বরনা নখোয়গী ৱাহংশিংগী পাউখুম পীনবা থৌদাং শিন্নবীরক্লি।

ইচিল-ইনাওশিং,

নাথৈদুনা থম্বা অসি মীওই লাখ কয়া করোর কয়াবু ইকাই খুম্নদবনি। মসি মমাংগী সরকারশিংনা থোকহনবনি। ইচিল ইনাওশিং মীওইশিং অসিনা চহি লিশিং কয়া শুরপা নাৎ অসিগী শক্তি খঙদে। মখোয়না ধর্মগী মফমশিং অসি শুপ্নগী স্ত্রকচর খক্তে নত্তে হায়বা অসি কাউথোকখি, মসি ঐখোয়গীদি পুন্সিদা শক্তি পীরিবনি। মখোয় অসি ঐখোয়গী শক্তিগী হৌরকফমনি। মসিনা অৱাবা ফীভমশিংদা ঐখোয়বু থৌনা হাপ্পিবনি। মখোয়না নাথৈদুনা থমলুরবসু স্পিরিচুএল সেন্তরশিং অসিদা মীয়াম্না থম্লিবা থাজবা অসিদা মরিক অমত্তা হন্থবা তৌখিদে। ঙসি কাশী, উজ্জৈন, অয়োধ্যা অমসুং অতোপ্পা স্পিরিচুএল সেন্তরশিংনা মখোয়গী মাংলুরবা মীংচৎ অমসুং লেগেসী অমুক হঞ্জিনহনবা ঙম্লি। কেদারনাথ, বদ্রীনাথ অমসুং হেমকুন্দ সাহিবনা থাজবা অসি লেংদনা থম্বগা লোয়ননা সর্ভিসশিং অসিবু তেক্নোলোজীগা শম্নহল্লি। অয়োধ্যাগী রাম মন্দিরদগী গুজরাতকী পাবাগরদা লৈবা মা কালিকা মন্দিরদগী দেবী বুন্ধ্যচল কোরিদোর ফাবা ভারতনা মাগী নাৎ অমসুং চৎনবী চাউখৎহন্নবা হোৎনরি হায়না লাউথোক্লি। তীর্থ চৎপা মীওইশিংনা ধর্মগী ওইবা মফমশিং অসি লায়না য়ৌবা ঙম্লগনি অমসুং পীরিবা সর্ভিসশিং অসিনা অহল ওইরবশিংনা চৎথোক চৎশিন তৌবদা খুদোংচাহল্লগনি। অদুবু ঐহাক্কী লৈবাক অসিগী অনৌবা মীরোলশিংনা, চহি ১২-১৫-১৮-২০-২২গী ইচানুপা অমসুং ইচানুপীশিংগীসু মসি সেন্তর ওফ এত্রেক্সন ওইরগনি। মসিনি ঐখোয়গী পোলিসী অসি। হৌজিক ঐখোয়গী হকচাংগী ফীভম মীমান্নদ্রবা মরুপশিংনা মফমশিং অসিদা লাকপা ঙম্লে। গিরনারদা রোপৱে অমা থাবা মতমদা চহি ৮০ শুরবা অহলশিংনা ঐঙোন্দা চীথি ইবীরকখি। গিরনার চীং কাদুনা মফম অদুদা থৌনিবা ফংগনি হায়না খল্লুবা তৌদে অদুবু ঙসিদি ফংলে। মখোয়না রোপৱে অসি শাবগীদমক থৌজাল কয়া পীবীরকখি।

মরুপশিং,

মীওই কয়ানা শক্তি অসি মশক খঙখিদে। ঙসি লৈবাক পুম্বনা স্পিরিচুএল সেন্তরশিং অসিগীদমক চাউথোকচবা পোক্লি। উত্তরাখন্দগী দেবভুমি অসিমক অওনবা পুরকপা ঙম্লে। দবল ইঞ্জিন সরকার শেমদ্রিঙৈ মমাংদা সিজন অমদা কেদারনাথতা ভক্তা লাখ ৫ লাকখি। হৌজিক সিজন অসিদা মশিং লাখ ৪৫ লাক্লে।

মরুপশিং,

তোয়না খন্নদবা ধর্ম অমসুং লাইনীংগী মফমশিং অমুক হন্না হান্নগী ফীভমদা শেমগৎ-শাগৎপগী ৱাফম অমা লৈ। ৱাফম অসি চীংগী মফমশিংদা লৈরিবা মীয়ামদা ইজ ওফ লিবিং ফংহনাব অমসুং মফমশিং অসিগী নহারোলশিংদা থবক্কী খুদোংচাবশিং পীবনি। রেল, রোদ অমসুং রোপৱেশিংনা মখোয়গা লোয়ননা থবক পুদুনা লাকই অমসুং পুন্সিবু লায়থোকহল্লি অমদি শক্তি হাপ্পি। ফেসিলিতীশিং অসিনা তুরিজম শাহৌ পীরি অমসুং চীংগী মফমশিংদা চৎথোক চৎশিন তৌবদা লায়থোকহল্লি। মনুং হঞ্জিনবা মফমশিংদা লোজিস্তিক্স হেনগৎহন্নবা দ্রোনশিং শীজিন্নরি হৌজিক্তি দ্রোনশিং লাক্তুনা কেজি ২০, ২৫, ৫০গী পোৎচৈশিং পুবা ঙম্লে অমসুং খোঙজেল য়াংনা পাইদুনা অতোপ্পা মফমশিংদা য়ৌহনবা ঙম্লে। নখোয়না থারিবা উহৈ অমসুং মনা-মশিং অদু অতেকপা ওইনা সহরশিংদায়ৌহন্দুনা নখোয়না হেন্না শেল তানবা খুদোংচাবা অসি নখোয়দা ফংহন্নীংই। অমসুং ঙসি ঐহাক্না ভারতকী ঙমখৈবু ঙাকশেল্লিবা খুঞ্জাশিংগা উনবা লাকপা অসিদা ঐহাক্না প্রদক্তশিং পুথোক্লিবা ইমা, ইচে-ইচল অমসুং সেল্ফ হেল্প গ্রুপশিংগা উনবা ফংলে। মরু মরাং, থুম পুম্নমক অসি ঐহাক্না উরি। অমসুং পেকেজিং অসিনা ঐঙোন্দা হেন্না নুংঙাইবা পোকহল্লি। নখোয়না তৌরিবা শীংথানীংঙাই ওইবা থবক অসিগীদমক ঐহাক্না থাগৎচরি। মফম অসিদা লাক্লিবা মাইগ্রেন্তশিং, এদভেঞ্চরগীদমক লাক্লিবা লমকোইবশিং, লাইখুরুম্বা লাকপশিং নখোয়না ত্রেবেলিংদা লুপা কয়া চাদিং তৌগনি পাথোকপীয়ু। নখোয়না চৎথোক-চৎশিন, চাবা থকপা অমসুং অচৌবা হোতেলশিংদা চাদিং তৌরমগনি। মদু অদোম্না নীংথিনা পাথোকউ।

ভারতকা চিনাগী থংনবা ঙমখৈশিং ঙাকশেল্লিবা খুঙ্গংশিংদগী হায়রকপা ৱাহৈশিং অদু ঐহাক্না ইরৈবাকচা করোর ১৩০দা হায়জরি, মখোয়গী মহুৎ শিন্দুনা হায়জরি। মফম অমা হেক্তদা চৎপদা ফিরেপ অমা লৌবীয়ু, অসিগুম্বা মনুং হঞ্জিনবা মফম নত্ত্রগা পুরি নত্ত্রগা কন্যাকুমারি নত্ত্রগা সোমনাথ মফম অমা হেক্তা ওইরবসু ঐহাক্না ভোকেল ফোর লোকেলগী ৱাফম থম্লিবা অদুগুম্না ঙসি ঐহাক্না ময়ামদা ফিরেপ অমগা লৌবীনবা হায়জরি। অমসুং হায়জনীংবদি লৈবাক অসিগী মফম অমা হেক্তদা লম কোইবা চৎলিবা মীওইশিংনা মখোয়গী ত্রেবেল বজেৎতগী চাদা ৫ কাইথোক্তুনা লোকেল প্রদক্তশিং লৈবীয়ু। য়ুমদা থম্নবা নত্ত্রগা কনাগুম্বদা পীনবা ওইরবদু মসি লৈবীয়ু, মফমশিং অদুদা লৈরিবা মীওইশিংগী হিংনবগী লম্বীদা মতেং পাংবীয়ু। মসিনা লোকেল প্রদক্তশিংদা চাউনা শাহৌ পীগনি অমসুং নখোয়না চাউনা অপেনবা পোকহনগনি

ঐগী নুংশিরবা ইচিল-ইনাওশিং,

মফমদা লৈরিবা মীওইশিং অসি মশক তাক্লিবা অহানবা মগুন অসি মখোয় অসি য়াম্না হোৎনবা কল্লি। মখোয় অসি থৌনা ফবা, লান্থেংনবা ঙম্বগী মতৌগীদমক মশক খঙনৈ। মখোয়না মহৌশাগী ফীভম অসিদা য়ানীংদবা ফোঙদোকপা তৌদে। অৱাবগী মরক্তা হিংবা তম্মি অদুবু মমাংগী সরকারশিংনা চীংগী মফমশিংগী মীওইশিংগী মপাঙ্গল কনবা মতৌ অসি মখোয়গী মায়োক্তা শীজিন্নখি। মখোয়গী হোৎনবা কনবা মতৌ অমসুং মপাঙ্গল অসিবু মখোয়দা খুদোংচাবা অমত্তা পীদ্রসু য়ানবা মরম অমা ওইনা শীজিন্নখি খুদোংচাবশিং অমসুং কান্নবশিং পীবদা মখোয়না ইকোন কোন্না য়ৌখি। মসিগী ৱাখল্লোন অসিগা লোয়ননা লৈবাক অসিনা করম্না মাংদা চংশিনগনি? চীংগী মীয়ামনা মায়োক্নরিবা অৱাবা অসি কোকহন্নবা ঐহাক্না হোৎনখি। মরম অসিনা মমাংদা মফমশিং অসি লৈবাক্কী ঙমখৈশিংদা লৈ হায়না নাথৈখি ঐখোয়না মখোয়বু চাউখৎ থৌরাংগী অহৌবা পনখৈ ওইনা লৌদুনা থবক পাইখৎপা হৌখি। মমাংদা লৈবাক অসিগী অরোইবদা লৈরিবা খুঙ্গংশিং নাথৈখি খঙবনা ঐখোয়না মফম অদুগী মীয়ামগী অনীংবশিংদা মীৎয়েং চংদুনা থবক পাইখৎপা হৌখি। মমাংদা লৈবাক অসিগী চাউখৎ থৌরাংদা শরুক তম্বা ফংহনখিদবা মফমশিং চাউখৎহন্নবগী ফিরেপ ঐখোয়না লৌখি। ঐখোয়না চীংশিংগী মফম অসিদা মীয়ামগী ইনর্জী কয়া লেম্না মাংহনবগী শীংনবশিং অসি কোকহন্নবা পাম্বৈ থীবা হৌখি। ঐখোয়না খুঙ্গং পুম্নমক ইলেক্ত্রিফিকেসন তৌনবা কেম্পেন হৌদোকখি মসিনা চীংগী ইচিল ইনাওশিংনা চাউনা কান্নবা ফংহনখি। ঐহাক্না মফম অসিদা খুঙ্গংগী সর্পঞ্চকী মচল অমগা থেংনখি ঐহাক্না তোইলেৎ শারব্রা হংবদা শারে খুমলকখি। তোতি ঈশিং য়ৌরক্লবরা হংবদা মহাক্কী মাইথোংদা হরাওবগী মমি তাখি। ঐখোয়না হর ঘর জলগী কেম্পেন হৌদোকখি মদিনা মরম ওইদুনা ঙসি উত্তরাখন্দদা য়ুমথোংশিংগী চাদা ৬৫ হেনবনা তোতি ঈশিং ফংবা ঙম্লে। ঐখোয়না পঞ্চায়ৎশিংবু ওপ্তিকেল ফাইবরনা শেম্নহন্নবা কেম্পেন হৌদোকখি মসিনা মরম ওইদুনা ঙসি উত্তরাখন্দগী কাচিন কোয়া খুদিংমক্তা দিজিতেল কন্নেক্তিবিতীনা য়ৌবা ঙম্লে। ঐহাক্না ঙসি ওনলাইনদা শেল তাবা, দিজিতেল, ফিনতেক উবা ফংলি। পার্লিয়ামেন্তদা ফম্লিবা লৌশিং লৈবা মীওইশিংদা হায়জনীংবদি মসি মানানি, ঐহাক্কী মানানি মসিদা ক্লাস ৮ ফাওবা তমখিবা ইমা অমদি ইচে ইচলশিংনা দিজিতেল পেমেন্তশিং তৌরি। পেতিএম শীজিন্নরিবা ক্যু.,আর.কোদ শীজিন্নরিরি ঐহাক্কী লৈবাক্কী মানা খুঙ্গংগী মীয়াম উবদা ঐহাক্না য়াম্না চাউথোকচবা পোকই। ঐখোয়না খুঙ্গং খুদিংমক্তা হেল্থ এন্দ ৱেলনেস সেন্তরশিং থম্নবা কেম্পেন হৌদোকখি মসিনা মরম ওইদুনা ঙসি মেদিকেল ফেসিলিতীশিং খুঙ্গং অসিদা য়ৌরক্লে। ঐখোয়গী ইমা, ইচে-ইচল অমসুং ইচানুপীশিংনা কেম্পেনশিং অসিদগী চাউনা কান্নবা ফংলি। লায়রবা মীয়ামগী অৱাবা খঙবা সরকার অসি ৱাখল লৈবা সরকারনি। ঙসি লৈবাক অসিগী কাচিন কোয়া খুদিংমক্তা মীয়াম্না মসি থেংনরি। কোরোনাগী মতমদা তীকা থাবগী মতাংদা করিগুম্বা মমাংগী সরকার ওইরম্লবদি হৌজিক ফাওবা মানাদা তীকা থাবগী থবক তৌরমখিরোই। অসুবু মসিদি মোদীগী সরকারনি ঐহাক্না কোরোনাগী মতমদা তীকা থাবদা চীংগী মফমশিংদা মরু ওইবা মীৎয়েং চংখি। অমসুং উত্তরাখন্দ অমসুং হিমাচলনা তীকা থাবগী থবক খ্বাইদগী হান্না লোইশিনবা ঙমখিবা অসিদা সরকারশিং অসিবু ঐহাক্না থাগৎপপা ফোঙদোকচরি। মালেমগী লাইচৎ মনুংদা লায়রবশিংদা লেম্না রাসন ফংহনবা অসিগুম্বা ইজ ওফ লিবিং হেনগৎহল্লিবা অমসুং মীয়ামদা ইকাই খুম্নবা পীবগী খোঙথাংশিং অসি পাইখৎখি। মসিগীদমক ঐখোয়না প্রধান মন্ত্রী গরীব কল্যান অন্ন য়োজনা হৌদোকখি। স্কিম অসিনা মরম ওইদুনা উত্তরাখন্দগী মীওই লাখ কয়ানা লেম্না চেং হৱাই ফংখি ঙসি ফাওবা চাকশঙগী মৈ মুৎহনদ্রি। চাক থোংনীংঙাই লৈতবা, অঙাংশিংনা চাক লাম্লগা তুমখিবা অদু পামখিদে। নুমিৎ অদু ঐহাক্না উবা পামখিদে, ঐখোয়না ঙসিদি মসি মাইপাক্না পাঙথোকপা ঙমখি।

মতম খরগী মমাংদা ঐখোয়গী সরকারনা থা অহুম মখা তানা শাংদোকখি। মরমদি হরাও কুহ্মৈগী মতমগী মনুংদা ঐখোয়গী লায়রবা মীওইশিংনা অৱাবা মায়োক্নদনবনি। দবল ইঞ্জিন সরকারগী খোঙথাংশিং অসিনা মরম ওইদুনা উত্তরাখন্দদা অমুক হন্না থবক্কী খোঙজেল য়াংশিনহল্লি। ময়ুমদগী মাইগ্রেৎ তৌখিবা মীওইশিংনা হৌজিক ময়ুমদা হল্লক্লে। হোমস্তেশিং, গেস্ত হাউসশিং, ধাবাশিং অমসুং অপীকপা দুকানশিংনা চাউখৎলক্লি। ফেসিলিতীশিং অসিনা মরম ওইদুনা উত্তরাখন্দদা তুরিজম খুমাং চাউশিল্লি মসিনা চাউখৎ খোঙচৎতা শাহৌ পীরি। দবল ইঞ্জিন সরকারনা হোমস্তেশিংদা পীরিবা খুদোংচাবশিং অসি ফগৎহন্নবগীদমক নহারোলশিংগী স্কিল দিবেলপমেন্তগীদমক লেপ্পা লৈতনা শেলগী মতেং পীরিবা অসিদা ঐহাক্না নুংঙাইবা পোকই। এন.সি.সি.গা লোয়ননা ঙমখৈগী মফমশিংগী নহারোলগা শম্নহন্নবা কেম্পেন অসিনা মখোয়গীদমক অফবা তুংলমচৎ অমা শেম-শাবীরি

মরুপশিং,

ঐখোয়গী চীংগী মীয়ামগী খ্বাইদগী চাউবা শীংনবা অসি কন্নেক্তিবিতীনি। করিগুম্বা কন্নেক্তিবিতী লৈতবা তারবদি চীংদা হিংলিবা পুন্সি অসি তশেংনমক চীংগা পাঙ্খক ওই। ঐখোয়গী দবল ইঞ্জিন সরকারনা শীংনবশিং অসিসু কোকহল্লি। ঙসি উত্তরাখন্দদা মলতিমোদেল কন্নেক্তিবিতী ফংহন্নবগীদমক অঙম্বা থাক্তা থবক পাইখৎলি। হিমালয়গী অশংবা চীংশাংশিংদা ত্রেন চেনবগী মখোল অসিনা উত্তরাখন্দগী চাউখৎ-খোঙচৎকী অনৌবা ৱারী অমা ইরগনি। দেহরাদুন এয়রপোর্তনা অনৌবা শকলোনগা লোয়ননা হৌজিক শেবা তৌরি। ঐহাক্না হিমাচল প্রদেশতা চৎলুবদা ভন্দে ভারত ত্রেন লমথাখি। অসিগুম্বা খুঙ্গংশিং অসিদা ত্রেন উদ্রিবা মীওই কয়া লৈ অমসুং ঐখোয়না হিমাচলদা ভন্দে ভারত ত্রেন য়ৌহনখি। ভন্দে ভারত ত্রেন অসি শুপ্নগী স্তেসন অমা খক্তা নত্তে মসি হিমাচল অমসুং চীংশিংদা তম্বা অচৌবা খুদোল অমনি। নুমিৎ অদু ঐহাক্না উত্তরাখন্দদসু উবা পাম্মি। ঙসি হিমাচলদগী উত্তরাখন্দদা চৎপা নত্ত্রগা দিল্লী, য়ু,পি.দগী উত্তরাখন্দদা লাকপা ওইরবসু লেন মরিগী হায়ৱে অমসুং এক্সপ্রেসৱেনা নখোয়বু তরাম্না ওক্কনি। চারধামগী নোংজু নুংশা খাইদবা লম্বী অসিনা উত্তরাখন্দগী মীয়াম লোয়ননা লমকোইবশিং অমসুং ভক্তাশিংদা অনৌবা আশা অমা পীরি। হৌজিক অতোপ্পা রাজ্যশিংদগী উত্তরাখন্দদা লাকপা লমকোইবা খুদিংমক্না মফম অসিদগী নুংঙাইনা চৎপা ফংলগনি। দিল্লী-দেহরাদুন ইকনোমিক কোরিদোরনা দিল্লী-দেহরাদুনগী মরক্তা লৈরিবা অরাপ্পা হন্থহনবা খক্তা নত্তনা উত্তরাখন্দগী ইন্দস্ত্রীশিংদা শাহৌ পীরগনি।

ইচিল-ইনাওশিং,

মোদর্ন কন্নেক্তিবিতী অসি নেস্নেল দিফেন্সকী গরেন্তী অমনি। মরম অসিনা সরকার অসিনা হৌখিবা চহি ৮দা মাইকৈ অসিদা খোঙথাং অমগী মথংদা অমা পাইখৎলি। চহি খরা অসিদা মরু ওইবা কন্নেক্তিবিতী স্কিম অনি হৌদোকখি। ভারতমালাগী মখাদা লৈবাক্কী ঙমখৈগী মফমশিং অসি খ্বাইদগী ফবা অমসুং খ্বাইদগী পাকপা হায়ৱেশিংগা লোয়ননা শম্নহল্লি অমসুং সাগরমালাগা লোয়ননা ভারতকী সমুদ্র তোর্বানশিংগী কন্নেক্তিবিতী মপাঙ্গল কনখৎহল্লি। সরকার অসিনা হৌখিবা চহি ৮ অসিদা জম্মু অমসুং কাশ্মিরদগী অরুনাচল প্রদেশ ফাওবদা বোর্দর কন্নেক্তিবিতী পাকথোক চাউথোকপগী থবক অমুক্তা ওইখিদ্রিবা মওংদা পাইখৎখি। ২০১৪দগী হৌদুনা বোর্দর রোদস ওর্গনাইজেসন্না অনৌবা লম্বী কিমি ৭,০০০ অমসুং থোং চামা হেন্না শাখ্রে। মরু ওইবা তন্নেল কয়া শাবা লোইশিনখি। মতম অমদা ঙমখৈগী মনাক্তা লৈবা লম্বী অমা শেম্নবগীদমক দিল্লীদগী অয়াবা লৌবগী মথৌ তাখি। ঐখোয়গী মসিগী মথৌ তাবশিং অসি কোকহনখি মসিতা নত্তনা ঙমখৈগী মফমশিংদা অফবা লম্বীশিং শেম্বদা মীৎয়েং চংলি, খোঙজেল য়াংনা শেমগৎলি। হৌজিক চীংগী মফমশিংদা কন্নেক্তিবিতী ফগৎহন্নবগীদমক মরু ওইনা সাগরমালা, ভারতমালাদা চপ মান্নবা মওংদা চীংশিংদা থবকশিং খুমাং চাউশিল্লি। মসিগী মখাদা উত্তরাখন্দ অমসুং হিমাচলদা রোপৱেগী অচৌবা নেৎৱার্ক অমা শেমখি। ঐখোয়না ঙমখৈ হায়বা অসি তাবদি মিলিতরী এস্তব্লিশমেন্তশিং খক্তা লৈরমগবা মাল্লি, পুম্নমক ইতাক তাক্লমগদবা মাল্লি। অদুবু ঐখোয়না ৱাখল্লোন অসিদা অহোংবা পুরকখি। ঐখোয়গী ঙমখৈদা লৈবা খুঙ্গংশিংদা এক্তিবিতী হেনগৎনবা, চাউখৎপা পুন্সি লৈহন্নবা ঐখোয়না কন্না হোৎনরি। অমসুং ঐখোয়না খুঙ্গং থাদোক্তুনা চৎখিবা মীওইনা অমুক হল্লকপা পামগদবা মওংদা খুঙ্গং অদু শেমগৎতুনা অমুক হিংগৎহনবা পাম্মি। পাকিস্তানগী ঙমখৈদা গুজরাত মনুংদা লৈবা ধোররো অসি কচ্ছকী মরুভুমিদা লৈ। ঙসি ধোররো অসি অচৌবা তুরিস্ত সেন্তর ওইরে। মীওই লাখ কয়ানা চহি খুদিংগী মফম অসিদা লাকই, লুপা করোর কয়াগী ললোন ইতিক মফম অসিদা তৌরি। খুঙ্গং অসি হিংগৎহনবনা অপুনবা মফম অসি হিংগৎখি।

হৌজিক পাকিস্তানগী ঙমখৈদা গুজরাত্তা অতোপ্পা মফম অমগা লৈ, মরুভুমি অদুদা তীর্থয়াত্রা অমা লৈ। অচৌবা লমহাং লৈ অমসুং ঐহাক্না উত্তরাখন্দদা ওফিসরশিং থাখি ঐহাক্না হায় য়েংলু লাও মানাদা অসুম্না তৌবা য়ারোইদ্রা? ঙমখৈগী খুঙ্গংশিংদা করিগুম্বা খরা তৌগে হায়না ঐহাক্না খঞ্জৈ। মসিনা মরম ওইদুনা ঐহাক্না ঙসি লাক্লিবনি। মানাদগী মানা পাস ফাওবগী শাগদৌরিবা লম্বী অসিদা লমকোইবশিং চৎথোক চৎশিন তৌদুনা অনৌবা চহিচা অমা পুরক্লগনি হায়না ঐহাক্না থাজৈ। ঐখোয়না মফমশিং অসিদা চাউখৎ-থৌরাংবু নুংঙাইবা ফোঙদোক্লিবা মখল শুরবা পুন্সি অমা লৈহন্নবা খোঙথাংশিং পাইখৎলি। মানাদগী মানা পাস ফাওবা শাগদৌরিবা লম্বী অসিনা লমদম অসিদা চাউনা কান্নবা পীরগনি। মতৌ অসুম্না জোশীমথতগী মলারী রোদ পাকথোকপগা লোয়ননা মসিনা মীচম প্রজা লোয়ননা লান্মীশিংনা ঙমখৈ য়াম্না লায়না য়ৌবা ঙম্লগনি।

ইচিল-ইনাওশিং,

ঐখোয়গী চীংগী রাজ্যশিংগী শীংনবশিংসু মসিগা মান্নৈ। চাউখত্পগী মংলানশিংসু য়াম্না হেনগৎলক্লি। মরুওইনা উত্তরাখন্দ অমসুং হিমাচল অসি জিওগরাফি অমসুং চৎনবীগী মতাংদা হিরম কয়াদা অমগা অমগা মরি লৈনৈ। মসি গরৱালনি, উত্তরকাসীদগী, দেহরাদুনগী মফম অদুদা নখোয় শিমলা অমসুং সিরমৌরদা লাক্লি। জৌনসারগী গীরিপার অমসুং সিরমৌরগী মরক্তা খেন্নবা থম্বসু য়াম্না লুই। ঐহাক্না হন্দক হিমাচলগী মফম কয়াদা লাকখি। মফম অদুদা উত্তরাখন্দগী মতাংদা য়াম্না ঙাংনরি। হিমাচলগি মীয়াম্না হায়রি মদুদি উত্তরাখন্দনা য়াম্না থুনা চাউখৎনবা, হেরিতেজ চাউখৎহন্নবা, ধর্মগী মফমশিং চাউখৎনবা, ঙমখৈ অমসুং হিথাংফমগী খুদোঙচাবশিং হেনগত্হন্নবা দবল ইঞ্জিনগী সরকার অমুক হন্না পুরকখিবগুম, চপ মান্নবা মন্ত্র অদু হিমাচলদা পীখি। ঐহাক্না উত্তরাখন্দদা অমুক হন্না থাজবা পীজরি মদুদি অদোমগ আশা অমসুং অনীংবশিং অদু মপুং ফানা থুংহনবা ঙম্নব ঐখোয়না হোৎনবা কৈদৌঙৈদসু হন্থরোই। মীয়ামগী থাজবা অসি মপুং ফাহন্নবগীদমক থাজবা অসি থুংহন্নবা ঐহাক্না মফম অসিদা বাবা কেদার অমসুং বদ্রী বিশালগী থৌজালশিং নীজবা লাকখিবনি। অমুক্কা হন্না পুম্নমকপু চাউখৎ-থৌরাংগী প্রোজেক্তশিংগীদমক য়াম্না নুংঙাইবা ফোঙদোকচরি। অমসুং ইমা, ইচে-ইচলশিংনা থৌজাল পীননবা মশিং য়াম্না লাকখি। ঙসি য়ুমদা কনাগুম্বা অমত্তা লৈরমলোইদবা মাল্লি। ঙসি মফম অসিদা এতমোস্ফিয়ার পুম্নমক হোংলে। ইমাশিং অসিনা ঐবু থৌজাল পীবিরকপা অসি ঐহাক কয়াদা লৈবাক ফরিবনো? ঙসি ঐহাক্কী পুন্সি অসি তশেংনা থৌজাল ফংলে। ময়াম পুম্নমকপু দিৱালীগী য়াইফ-পাউজেল পীজরি। অমসুং অদোম হকচাং ফনা, অদোমগী অঙাংশিং চাউখৎপা ওইনবা বদ্রী বিশালদা থৌনিজদুনা ঐহাক্না ঐহাক্কী ৱা ঙাংবা অসি লোইশিনজরি।

ঐহাক্কা লোয়ননা হৌনা হায়বীয়ু-

ভারত ইমানা য়াইফরে, ভারত ইমানা য়াইফরে, ভারত ইমানা য়াইফরে।

জয় বদ্রী বিশাল, জয় বদ্রী বিহাল, জয় বদ্রী বিশাল।

জয় বাবা কেদার, জয়া বাবা কেদার, জয় বাবা কেদার।

*****