ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা উত্তরখন্দগী পিথোরাগরদা খুঙ্গংগী চাউখৎ থৌরাং, লম্বী-থোং, মৈ, ইথৈ-লৌখোং, থক্নবা ঈশিং, হোর্তিকলচর, মহৈ-মশিং, হকশেল অমসুং দিজাস্তর মেনেজমেন্তগুম্বা সেক্তর কয়াগী চাউরাক্না লুপা করোর ৪২০০গী চাউখৎ থৌরাংগী তোঙান-তোঙানবা প্রোজেক্ত কয়া লৈবাক মীয়ামদা খুৎশীন্নখিবগা লোয়ননা উরেপ উয়ুংসু তমখ্রে।

থৌরম অদুদা তিনখিবা মীয়ামদা ৱা ঙাংবদা, মহাক্কী খোঙচৎ অসিদা উত্তরখন্দগী মীয়াম্না মমাঙদা অমুক্তা ওইখিদ্রিবা মওংদা নুংশিবা উৎখিবগীদমক প্রধান মন্ত্রীনা তৌবীমল খঙবা উৎখি অমসুং হায়খি মসি নুংশিবগী গঙ্গাগী ইচেলগুম্বনি। অধ্যাতিক অমসুং অথৌবগী লমদম, মরুওইনা থৌনা ফরবী ইমাশিংদা শ্রী মোদীনা কোক নোনখি। মহাক্না হায়খি গরৱাল রাইফলসকী হরাওবগা লোয়ননা বৈদ্যনাথ ধামদা জয় বাদ্রি বিশাল লাউথোকখি অমসুং গঙ্গোলিহাত্তা কালি মন্দিরদা কাংশি কয়াগী খোঞ্জেলনা কুমাউন রেজিমেন্তগী লান্মীশিংদা অনৌবা থৌনা হাপখি। বাইদ্যনাথ, নন্দাদেবী, পোরাঙ্গিরি, কসারদেবী, কাইনচিধাম, কাতারমাল, নমকমাত্তা, রিতা সাহিব অমসুং অতোপ্পা মশিং থিঙমদ্রবা লাইফমশিংনা চিংলেম্বা অমসুং হেরিতেচগী লমদম অমা ওইহল্লে। ঐনা উত্তরখন্দদা অদোমগী মরক্তা তিনবদা ঐ মতম পুম্নমক্তা হরাওই।

মসিগী মমাঙদা, প্রধান মন্ত্রীনা পর্বতি কুন্দদা পুজা অমসুং দর্সন পাংথোকখি। মহাক্না হায়খি ভারতমচা খুদিংমক্কী হকচাং ফনবা অমসুং চাউখৎলবা ভারতকী ৱারেপ মপাঙ্গল কনখৎহন্নবা ঐনা থৌনিজখি। উত্তরখন্দগী মীয়ামগী অনিংবা খুদিংমক থুংনবা থৌজাল পীনবা ঐনা নিজখি।

মহাক্না লান্মীশিং, কলাকারশিং অমসুং সেল্ফ হেল্প গ্রুপশিং উনখিবা অদু প্রধান মন্ত্রীনা পনখি অমসুং ঙাক-শেন, নুংঙাই-য়াইফবা অমসুং নাৎকী য়ুম্বীশিংগা উনবদা হরাওবা ফোঙদোকখি। প্রধান মন্ত্রীনা হায়খি চৎলিবা চহি ১০ অসি উত্তরখন্দগী চহিশিং ওইগনি। উত্তরখন্দগী মীয়াম হিংবদা লাইনবা অমসুং চাউখৎনবা মপুংফানা কৎথোকপগা লোয়ননা ঐখোয়গী সরকারনা থবক তৌরি। মহাক্না মতম কয়াগী মমাঙদগী উত্তরখন্দগা লোয়নদুনা লাক্লে। নারী শক্তি বন্দন অধিনিয়মদা রাজ্য অসিনা মপুংফানা শৌগৎখি।

ভারতনা পায়খৎলিবা চাউখৎ থৌরাংগী থবকশিংগী মতাংদা প্রধান মন্ত্রীনা হায়খি ভারত অমসুং ভারতনা পায়খৎলিবা থবকশিং মালেম্না শকখঙলে। খুদোংচাদবা কয়া নাথৈরমদুনা মালেমগী ফম্পাক্তা ভারতনা অকনবা খোল্লাউ লাউবা ঙম্লে। জি-২০গী প্রসিদেন্ত ওইবা অমসুং মীফম পাংথোকপদা মালেম্না ভারত থাগৎনরে। চহি কয়াগী মতুংদা কেন্দ্রদা মরা চেৎপা অমসুং মপাঙ্গল কনবা সরকার অমা মীয়াম্না পুরকপদগী লৈবাক অসি মাইপাকপা ঙম্লে। মহাক্না মালেমগী মফম কয়াদা চৎপদা ভারতমচা করোর ১৪০গী থাজবা মহাক্না পুদুনা চৎলি।

প্রধান মন্ত্রীনা হায়খি হৌখিবা চহি ৫দা ভারতমচা করোর ১৩.৫ লায়রবা কোক্লে অমসুং খ্বাইদগী মনুং-হুঞ্জিনবা মফমশিংদা লৈরিবা মীওইশিং সরকারগী কান্নবশিং ফংলে। মালেম অঙকপা পোক্নরে। মীওই করোর ১৩.৫গী মনুংদা মনুং-হুঞ্জিনবা অমসুং চীংগী লমদা লৈবা মীওইশিং য়াওরি। ভারতনা লৈবাক অসিগী লায়রবা মশা মরোমদোম মরু ফংনা মুৎথৎপা ঙম্মী হায়বগী খুদম মীওই করোর ১৩.৫ অসিনা ওইরে।

প্রধান মন্ত্রীনা হায়খি মমাঙগী সরকারশিংনা ‘গরিবী হাতাউ’ খোল্লাউ লাউরম্লবসু, মোদীনা হায়রি মদুদি মথৌ মশক খঙবা অমসুং দাইত্ব লৌবনা লায়রবা মুৎথৎপা ঙমগনি। অপুনবা ওইনা ঐখোয়না লায়রবা কোকহনবা ঙমগনি। ভারতকী চন্দ্রয়ান্না থাগী খা মেরুদা মাইপাক্না তাবা ঙমখ্রে অমসুং মসিগী মাইপাকপা অসি হৌজিক ফাওবা লৈবাক অমতা পাংথোকপা ঙমদ্রি। চন্দ্রয়ান তাখিবা মফম অদু সিব শক্তি হায়না মমিং থোল্লে অমসুং হৌজিক থাগী লৈমায়দা উত্তরখন্দগী মশক তাক্লে। উত্তরখন্দদা খোঙথাং খুদিংদা শিব শক্তি য়োগ উবা ফংগনি।

ভারতকী শান্নবগী তৌবা ঙম্বা অমসুং লৈবাক অসিনা মেদল খ্বাইদগী য়াম্না ফংলকপা অসিগী মতাংদা প্রধান মন্ত্রীনা ফোঙদোকখি। কন্তিঞ্জেন্তদা উত্তরখন্দগী শান্নরোয় ৮ শরুক য়াখি অমসুং লাক্ষ্যা সেন অমসুং বন্দনা কাতারিয়ানা মেদলশিং ফংখি। প্রধান মন্ত্রীনা হায়রকপদগী, মীয়াম্না মখোয়গী মোবাইল ফোনশিং মৈ ঙালহন্দুনা মাইপাকপা অদু হরাওবা ফোঙদোকখি। প্রধান মন্ত্রীনা হায়খি মখোয় ত্রেনিং পীনবা অমসুং দরকার ওইবশিং ফংহন্নবা সরকারনা শান্নরোয়শিং মপুংফানা শৌগৎলি। হালদ্বানিদা হোক্কী গ্রাউন্দ  অমসুং রুদ্রপুরদা ভেলোদ্রোম শানবা ঙসি উরেপ-উয়ুং তম্লে। থৱায় য়াওনা নেসনেল গেমস পাংথোক্নবা থৌরাং তৌবগীদমক রাজ্য সরকার অমসুং চীফ মিনিস্তরদা প্রধান মন্ত্রীনা য়াইফ-পাউজেল পীখি।

প্রধান মন্ত্রীনা হায়খি উত্তরখন্দগী খুঙ্গং খুদিংমক্তা ভারতকী ঙমখৈশিং ঙাক-শেল্লিবা লান্মীশিং পুথোক্লি। হৌজিক পাল্লিবা সরকার অসিনা মখোয়না মতম কয়াগী মমাঙদগী তান্দুনা লাকখিবা ৱান রেঙ্ক ৱান পেন্সন অয়াবা পীখ্রে। হৌজিক ফাওবদা ৱান রেঙ্ক ৱান পেন্সন স্কিমগী মখাদা হান্নগী লান্মীশিংদা লুপা করোর ৭০,০০০ হেন্না ফংহনখ্রে অমসুং মসিনা হান্নগী লান্মীশিংগী ইমুং ৭৫,০০০ হেন্না কান্নবা ফংহনখ্রে। সরকারগী মরুওইবা থবকশিংগী মনুংদা থবক অমদি ঙমখৈগী লমদমশিং চাউখৎহনবনি। ঙমখৈগী লমদমশিংদা খোঙজেল য়াংনা চাউখৎ থৌরাংগী থবকশিং পায়খৎলি।

মমাঙগী সরকারশিংগী মতম মনুংদা ঙমখৈগী লমদমশিং চাউখৎপা ৱাৎলম্বগী মতাংদা প্রধান মন্ত্রীনা হায়খি ইনফ্রাস্ত্রকচর শেমগৎপা মতমদা য়ুম্লোন্নরিবা লৈবাকশিংনা অপনবা পীরক্কনি হায়বগী অকিবা মখোয়দা লৈখি। অনৌবা ভারতনা কনা অমতা কিদে নত্ত্রগা অতোপ্পশিংদা কিহনবা লৈখিদে। হৌখিবা চহি ৯দা ঙমখৈগী লমদমশিংদা কিমি ৪২০০গী লম্বী, থোং ২৫০ অমসুং তন্নেল ২২ শেমগৎখ্রে। ঙসিগী প্রোজেকশিং অসিনা ঙমখৈগী লমদমশিংদা রেলৱে য়ৌনবা থৌরাং তৌরে।

প্রধান মন্ত্রীনা হায়খি ভাইব্রেন্ত ভিলেজ স্কিমগী মখাদা অরোইবা খুঙ্গং লৈবাক অসিগী অহানবা খু্ঙ্গং ওইহল্লে। হায়রিবা খুঙ্গংশিং অসি থাদোক্তুনা চৎখ্রবশিং অমুক হনহল্লকপা হায়বসি ঐখোয়গী থবক্নি। হায়রিবা খুঙ্গংশিং অসিদা তুরিজম চাউখৎহনবা ঐখোয়না পাম্মী। ঈশিং, হিদাক-লাংথক, লম্বীশিং, লাইরিক-লাইশু তম্বা অমসুং অনা-লায়য়েংগী খুদোংচাবশিংগী মতাংদা মমাঙগী অরানবা থৌশিলশিংনা মরম ওইদুনা মীয়াম্না মখোয়গী য়ুমশিং থাদোক্তুনা চৎনখিবনি। ঙসি হৌদোক্লিবা লম্বী-থোং, ইথৈ-লৌখোঙ অমসুং পোলিহাওস স্কিম অসিনা এপ্পল পুথোকপদা কান্নবা পীরগনি। হায়রিবা প্রোজেকশিং অসিগীদমক লুপা করোর ১১০০ চাদিং তৌগনি। উত্তরখন্দগী ঐখোয়গী লায়রবা লৌমীশিং হিংবগী থাক ৱাংখৎনবা য়াম্লবা শেনফমশিং চাদিং তৌরে। পি.এম কিসন নিধি স্কিমগী মখাদা হৌজিক ফাওবদা উত্তরখন্দগী লৌমীশিংনা লুপা করোর ২২০০ হেন্না ফংখ্রে।

উত্তরখন্দা চহি কয়াগী মমাঙদগী হৌরকখিবা শ্রী অন্নগী মতাংদা অমসুং মসি মালেম শীনবা থুংহন্নবা সরকারনা পায়খৎলিবা থবকশিংগী মতাংদা প্রধান মন্ত্রীনা পনখি। মহাক্না হায়খি উত্তরখন্দগী অপীকপা লৌমীশিংদা কান্নবা পীগদবা কেম্পেন অমা লৈবাক শীনবা থুংনা হৌদোক্লে।

নুপীনা লমজিংবা চাউখৎপগী মতাংদা প্রধান মন্ত্রীনা হায়খি ইমাশিং অমসুং ইচলশিংগী অৱাবা অমসুং খুদোংচাদবা খুদিংমক কোকহন্নবা ঐখোয়গী সরকারনা থবক পায়খৎলে। মরম অদুনা ঐখোয়গী সরকারনা লায়রবা ইচলশিংদা লেংদ্রবা য়ুমশিং ফংহল্লে। ঐখোয়না ঐখোয়গী ইচলশিং অমসুং ইচানুপীশিংগী তোইলেতশিং শারে, মখোয়দা গ্যাস ফংহল্লে, বেঙ্ক একাউন্তশিং হাংদোক্লে, লেম্না লায়য়েংনবা খুদোংচাবা পীরে অমসুং লেম্না চেঙ পীরে। হর ঘর জল য়োজনাগী মখাদা, উত্তরখন্দগী ইমুং লাখ ১১গী ইচলশিং তোতি ঈশিং ফংলে। লাল কিলাদগী নুপীশিংগী সেল্ফ হেল্প গ্রুপশিংদা দ্রোনশিং পীনবা স্কিম অমা লাউথোকখ্রে। হায়রিবা দ্রোনশিং অসিনা লৌউ-শিংউ অমসুং পোৎ-চৈ পুথোক-পুশিন্দা মতেং পাংগনি। নুপীশিংগী সেল্ফ হেল্প গ্রুপশিংদা পীরিবা দ্রোনশিং অসিনা উত্তরখন্দ অনৌবা চাউখৎপগী অনৌবা থাকশিংদা পুখৎলগনি।

প্রধান মন্ত্রীনা হায়খি উত্তরখন্দগী খুঙ্গং খুদিংমক্তা গঙ্গা অমসুং গঙ্গোত্রি চেল্লি। মফম অসিগী উন্না কুপ্পা চীঙদোলশিংদা ভাগবান সিব অমসুং নন্দা লৈরি।  উত্তরখন্দগী মেলাশিং, কাউথিগ, থাউল, ঈশৈশিং অমসুং উত্তরখন্দগী অচা-অথকশিংনা রাজ্য অসিগী তোঙানবা মশক অমা তাক্লি অমসুং রাজ্য অসিগী নাৎকী থৌরমশিং হায়বদি পন্দব জগোয়, ছোলিয়া জগোয়, মঙ্গল গীত, ফুলদৈ, হারেলা, বাগৱাল অমসুং রম্মান লৈরি। লমদম অসিগী হাওরবা মথেলশিং হায়বদি আরসে, ঝাঙ্গোরে কি খের, কাফুলি, পকোরা, রাইতা, অলমোরাগী বাল মিথাই অমসুং শিঙ্গোরি লৈরি। কালি গঙ্গাগী লমদম অমসুং চম্পাৱাত্তা লৈরিবা অদভাইতা অশ্রামগা মহাক্কা মতম শাংনা লোয়নরকখিবা অদু প্রধান মন্ত্রীনা নিংশিংখি। মহাক অথুবা মতমদা চম্পাৱাত্তা লৈরিবা অদভাইতা অশ্রামতা লৈনিংবগী অপাম্বা ফোঙদোকখি।

প্রধান মন্ত্রীনা হায়খি উত্তরখন্দদা তুরিজম অমসুং লাইফম কোয়বা চাউখৎহন্নবা দবল ইঞ্জিন সরকারগী থবকশিং হৌজিক মহৈ চারে। চহি অসিদা উত্তরখন্দগী চার ধাম যাত্রাদা ভক্তা লাখ ৫০ রোম লাকখি। বাবা কেদারগী থৌজালদগী, কেদারনাথ ধাম অমুক হন্না শেমগৎপগী অহানবা তাঙ্কক মপুংফানা লোইশিনখ্রে। লুপা করোর লিশিং কয়া চঙনা শ্রী বদ্রিনাথ ধামদা থবক কয়া পায়খৎলে। কেদারনাথ ধাম অমসুং হেমকুন্ত সাহিবতা রোপৱেশিং শেমগৎপা লোইরবা মতুংদা চৎথোক-চৎশিন লাইরগনি। ঙসি হৌদোক্লিবা মনাসখন্দ মন্দির মালা মিসন অসিনা কুমাউন লমদমদা লাইশঙ কয়াদা চৎপা লাইহল্লগনি অমসুং হায়রিবা লাইশঙশিং অসিদা ভাক্তশিংনা লাক্নিংনবা পুক্নিং থৌগৎলগনি।

প্রধান মন্ত্রীনা হায়খি উত্তরখন্দগী লম্বী-থোং চাউখৎহনবা অসিনা রাজ্য অসিগী চাউখৎপা অনৌবা থাকশিংদা পুখৎলগনি। চারধাম মেগা প্রোজেক অমসুং নোংজু-নুংশা খাক্তনা চৎপা য়াবা লম্বী অমসুং রিসিকেস-কর্নপ্রায়াগ রেল প্রোজেক অসিনা রাজ্য অসিদা কান্নবা কয়া পীরগনি। উরান স্কিমগী মখাদা লমদম অসি শীনবা থুংনা মমল হোংবা এয়র সর্বিস ফংহল্লে। ঙসিগী প্রোজেকশিংগী মনুংদা বাগেশ্বরদগী কনালিচাইনা য়ৌবা, গঙ্গোলিহাত্তগী অলমোরা য়ৌবা অমসুং তানকপুর ঘাত্তগী পিথোরাগর য়ৌবা লম্বীশিং য়াওরে। মসিনা মীচম মীয়াম খুদোংচাহনবা খক নত্তনা তুরিজমদগী শেন তানবসু হেনগৎহল্লগনি। তুরিজম অসি থবক খ্বাইদগী য়াম্না পীবা সেক্তর অমনি অমসুং সরকারনা হোমস্তে পুক্নিং থৌগৎপা অসিদা অপেনবা পোকই। লাক্লিবা চহিশিংদা তুরিজম সেক্তর পাকথোক-চাউথোকপা হেনগৎলক্লগনি। মরমদি ঙসিদি মালেম শীনবা থুংনা ভারত্তা লাকপা পাম্লে। ভারত য়েংনিংবা কনাগুম্বা অমা শোইদনা উত্তরখন্দা চৎনিংগনি।

উত্তরখন্দ অসি মহৌশাগী ওইবা অমাং-অতা থোক্কনবা মফম অমনি হায়না ফোঙদোক্লদুনা প্রধান মন্ত্রীনা হায়খি মহৌশাগী ওইবা অমাং-অতাশিং থেংননবা প্রোজেকশিংদা লাক্লিবা চহি ৪-৫দা লুপা করোর ৪০০০ চাদিং তৌগনি। উত্তরখন্দা শেমগৎকদৌরিবা অসিগুম্বা খুদোংচাবশিং অসিনা করিগুম্বা অমাং-অতা থোরকপা মতমদা খোঙলৈ থুনা মী কনবা অমসুং মতেং পাংবগী থবক পাংথোকপা ঙমগনি।

লোইশিল্লকপদা, প্রধান মন্ত্রীনা হায়খি হৌজিক ভারতকী অমৃত কালনি। অমৃত কাল অসি খুদোংচাবশিং, ইকায়খুম্নবা অমসুং নুংঙাইবগা লোয়ননা লৈবাক অসিগী মফম খুদিং অমসুং কাংলুপ খুদিং শম্নহন্নবা মতমনি। বাবা কেদার অমসুং বাদ্রি বিশালগী থৌজালগা লোয়ননা মসিগী ৱারেপশিং লৈবাক অসিনা য়াম্না য়াংনা ফংবা ঙমগনি।

থৌরম অদুদা উত্তরখন্দগী চীফ মিনিস্তর শ্রী পুসকার সিংহ ধামি অমসুং উত্তরখন্দ সরকারগী মিনিস্তরশিং শরুক য়াখি।

নুঙগীৱারোল

প্রধান মন্ত্রীনা শঙ্গাখিবা অমসুং লৈবাক মীয়ামদা কৎথোকখিবা প্রোজেক্তশিংগী মনুংদা পি.এম.জি.এস.ৱাইগী মখাদা খুঙ্গংগী লমদমদা শেমগৎপা খুঙ্গংগী লম্বী শোরোক ৭৬ অমসুং থোং ২৫; জিলা ৯গী বি.দি.ও ওফিসকী বিলদিং ১৫; সেন্ত্রেল রোদ ফন্দগী মখাদা শেমগৎপা লম্বী অহুম, মিং ওইনা পল্লবদা, কাউসানী বাগেশ্বর লম্বী, ধারী-দাউবা-গিরিচীনা লম্বী অমসুং নগালা-কিচা লম্বী অপগ্রেদ তৌবা; নেস্নেল হাইৱেগী লম্বী অনি, মিং ওইনা পল্লবদা, অলমোরা পেতশল-পানুৱানাউলা-দানয়া (এন.ঐচ-৩০৯বি) অমসুং তানকপুর-চলথী (এন.ঐচ-১২৫) অপগ্রেদ তৌবা; থক্নবা ঈশিংগা মরী লৈনবা প্রোজেক্ত অহুম, মিং ওইনা পল্লবদা, পম্পিং দ্রিঙ্কিং ৱাতর স্কিম ৩৮, গ্রেবিতী বেজ ৱাতর সপ্লাই স্কিম ৪১৯অমসুং ত্যুব ৱেল বেজ ৱাতর সপ্লাই স্কিম অহুম; পিথোরাগরদা লৈবা থার্কোত খুৎশেমগী পাৎ; ১৩২ কেভিগী পিথোরাগর-লোহাঘাত (চম্পাৱত) পাৱর ত্রান্সমিসন লাইন; ৱর্ল্দ বেঙ্কনা ফন্দিং তৌবা উত্তরাখন্দ দিজাজতর রিকোবরী প্রোজেক্তকী মখাদা দেহরাদুন্দা লৈবা উত্তরাখন্দ অমসুং উত্তরাখন্দ স্তেত দিজাস্তর মেনেজমেন্ত ওথোরিতী বিলদিং শীনবা থুংবগী থোং ৩৯ য়াওখি।

উরেপ উয়ুং তমখিবা প্রোজেক্তশিংগী মনুংদা লৈ অমসুং মনা-মশিং পুথোকপা অমসুং মখোয়গী মগুন হেনগৎহনগদবা পোলী হাউস ২১৩৯৮ শাবগী স্কিম; য়াম্না কুঙনা শেম থাবগী স্কিম; নেসনেল হায়ৱে অপগ্রেদ তৌবগী প্রোজেক্ত মঙা; দিজাস্তর থোকপদা শেম-শাদুনা লৈবা অমসুং রাজ্যগী রেজিলিএন্সকীদমক্তা পায়খৎপা মখল কয়াগী খোঙথাং, মিং ওইনা পল্লবদা, থোং শাবা, দেহরাদুন্দা লৈবা স্তেত ইমর্জেন্সী ওপরেসন সেন্তর অপগ্রেদ তৌবা, বালিয়ানালা, নৈনিতালদা লৈবাক নীংখায়বা থিংবা, অমসুং মৈহৌ-লাংপোক, হকশেল অমসুং উমংগা মরী লৈনবা অতোপ্পা ইনফ্রাস্ত্রকচর হেন্না ফগৎহনবা; রাজ্য শীনবা থুংবগী মোদেল দিগ্রী কোলেজ ২০গী হোস্তেল অমসুং কম্প্যুতর লেব শাবা; অলমোরাগী সোমেশ্বরদা ফমুং ১০০ থাবা সব দিস্ত্রিক্ত হোস্পিতাল শাবা; চম্পাৱত্তা ফমুং ৫০ থাবা হোস্পিতাল ব্লোক শাবা; নৈনিতালগী হলদ্বানী স্তেদিয়মগী এস্ত্রোতর্ফ হোক্কী গ্রাউন্দ; রুদ্রপুরগী ভেলোদ্রোম স্তেদিয়ম; জাগেশ্বর ধাম (অলমোরা), হাত কলিকা (পিথোরাগর) অমসুং নৈনা দেবী (নৈনিতাল) লাইশঙ য়াওনা লাইশঙশিংগী ইনফ্রাস্ত্রকচর শেমগৎ-শাগৎপগী মানসকন্দ মন্দির মালা মিসন স্কিম য়াওখি।

Uttarakhand’s progress and wellbeing of its citizens are at the core of our government’s mission. Speaking at inauguration and foundation stone laying ceremony of development works in Pithoragarh. https://t.co/JcBRkhMR0M

— Narendra Modi (@narendramodi) October 12, 2023

Today, India is moving towards new heights of development. pic.twitter.com/reS0wTOoTb

— PMO India (@PMOIndia) October 12, 2023

आज हर क्षेत्र, हर मैदान में हमारा तिरंगा ऊंचे से ऊंचा लहरा रहा है। pic.twitter.com/LMGecaBQaW

— PMO India (@PMOIndia) October 12, 2023

उत्तराखंड के हर गांव में देश के रक्षक हैं। pic.twitter.com/zr0HsWOE6z

— PMO India (@PMOIndia) October 12, 2023

Under the Vibrant Village Programme, border villages are being developed. pic.twitter.com/fpMoQrsugH

— PMO India (@PMOIndia) October 12, 2023

ये देश के हर क्षेत्र, हर वर्ग को सुविधा, सम्मान और समृद्धि से जोड़ने का अमृतकाल है। pic.twitter.com/V8gFbzXM0g

— PMO India (@PMOIndia) October 12, 2023

****