ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি কোবিদ-১৯গী শন্দোরকপনা থেংনরিবা শিংনবশিং খন্ন-নৈননবা ভিদিও কনফরেন্সকী থোংদা ইলেক্ত্রোনিক মীদিয়া চেনেলশিংদগী মরুওইবা স্তেকহোল্দরশিংগা ৱারী শানখ্রে।

প্রধান মন্ত্রীনা অহানবা নুমিৎ মক্তদগী লাইচৎ অসিগী খুদোংথিবগী মরুওইবা অদু খঙবগীদমক মীদিয়াবু থাগৎপা ফোংদোকখি অমদি হিরম অসিদা পাউজেল শন্দোকপদা চেনেলশিংনা লৌখিবা থৌদাং অদু থাগৎখি। মহাক্না রিপোর্তরশিং, কেমেরা পার্সনশিং অমসুং তেক্নিসিয়নশিংগী কত্থোকপা অমসুং কমিৎমেন্তপু থাগৎখি, মখোয়না লৈবাক পুম্বদা তোঙান-তোঙানবা লমদমশিংদা চৎতুনা অমদি ন্যুজরুমদা চোকথবা লৈতনা থবক তৌখি। প্রধান মন্ত্রীনা মখোয়গী অসিগুম্লবা কন্না হোৎনবা অসিবু লৈবাক্কী সেবানি হায়না ফোংদোকখি। মহাক্না চেনেল খরগী য়ুমদগী এঙ্কর তৌনবগীদমক শিল-লাংলিবশিং অসিগুম্বা ইনোবেতিব ওইবা ৱাখল্লোনশিংদসু থাগৎপা ফোংদোকখি।

কোবিদ-১৯ অসি পুন্সিগী শিংনবা অমনি ফোংদোক্লদুনা প্রধান মন্ত্রীনা হায়খি মদুদি মসি অনৌবা অমসুং ইনোবেতিব ওইবা সোলুসনগী থোংদা তেক্কল তৌবা মথৌ তাই। মহাক্না হায়খি মদুদি শাংলবা লানফম অমা ঐখোয়গী মাংদা লৈরি অদুনা সোসিয়েল দিস্তেন্সিগী পাউজেল শন্দোক্কদবনি অমদি খ্বাইদগী নৌবা দিবেলপমেন্ত অমসুং মরুওইবা ৱারেপশিংগী মতাংদা ইনফোর্মেসন খোংজেল য়াংনা অমদি প্রোফেস্নেল ওইবা মওংদা লাইনা খংবা লোন্দা কম্ম্যুনিকেৎ তৌবা মথৌ তাই।

মহাক্না হায়খি মদুদি চেনেলশিংনা নাকল অমরোমদা মসিমসু শোইহল্লোইদবনি মদুদি প্রজাশিংনা মখোয়গী ঙাক্নবা ফীরেপ হন্থহল্লোইদবনি অমদি চেকশিন্দবা তৌহল্লোইদবনি, অদুবু পোজিতিব কম্ম্যুনিকেসনগী থোংদা অৱাবা অমসুং অকিবা মুত্থৎপসু মথৌ তাই। দোক্তরশিং অমসুং হেল্থ কেয়র ৱার্করশিংবু মোতিবেৎ তৌদুনা থম্বা অসিসু মথৌ তাই মরমদি মখোয় অসি লান্থেংনরিবা অসিবু লুচিংলিবনি।প্রধান মন্ত্রীনা হায়খি মদুদি পাউগী চেনেলশিং অসি ফীদবেকশিংগী মরু ওইবা পাম্বৈ অমনি, অমসুং সরকারনা লেপ্তনা ফীদবেকশিং অসিদা থবক তৌরি। মহাক্না চেনেলশিংদা ৱাফম অসি ফোংদোকখি মদুদি ফীল্দ-ৱর্ক তৌরিবা রিপোর্তরশিংদা অখন্নবা বুম মাইক পীগদবনি অমসুং ইন্তর্ভ্যু লৌবা মতমদা য়ামদ্রবদা মীতর অমা লাপ্না লৈননবা চেকশিনগদবনি।

মহাক্না চেনেলশিংদা সাইন্সতা য়ুম্ফম ওইবা রিপোর্তশিং শন্দোক্নবা, মীয়াম্বু মখোয়গী ৱারী-ৱাতাইদা শরুক য়াহন্নবা অমদি অরানবা পাউ শন্দোকপগা মায়োকননবসু ফোংদোকখি। মহাক্না ভাইরস শন্দোরকপদগী থিংননবা মীয়ামনা থক্সি-খাসি অমদি অমগা অমগা লাপ্না লৈনবগী কান্নবশিং অদু পনখি।

মীদিয়াগী মীহুৎশিংনা অসিগুম্বা অরুবা শিংনবশিং অসিগা মায়োক্নবদা প্রধান মন্ত্রীগী লুচিং অমসুং কন্না হোৎনবীবা অসিগীদমক মহাকপু থাগৎপা ফোংদোকখি। মখোয়না প্রধান মন্ত্রীদা লাইচৎ অসিগা মায়োক্নবদা মহাক্কা লোইননা থবক তৌমিন্ননবা থাজবা ফোংদোকখি।

মীয়ামগা লোইননা প্রধান মন্ত্রীনা থমোই শেংনা লোইনরিবা অদুগী ৱাফম পল্লদুনা মীহুৎশিং অদুনা মখোয়দা লৈবাক অসিদা অমুক্কা হেন্না ফোংদোক্নবা অমসুং কান্নবা মওংদা ৱারীশিং মরু ওইনা কোবিদ-১৯বু মাইথিবা পীবা ঙম্বা মীওইশিংনা থেংনরকখিবশিং অদু মখোয়না ফোংদোকপা মতমদা য়াওহন্নবা ফোংদোকখি। মীহুৎশিং অদুনা হায়খি মদুদি রিপোর্তরশিংনা থিজিন্নবগীদমক ২৪x৭ দোক্তরশিং ফংবা অসিগুম্বা অখন্নবা দিপার্তমেন্ত অমা শেম্বা য়াই। মসিনা লাইচৎ অসিগা মরী লৈনবা তোকঙাশিং থেংনবদা মতেং ওইনগনি। ৱাফম অসিসু ফোংদোকখি মদুদি প্রসার ভারতীনা, অতৈ তি.ভি. চেনেলশিংনসু শিজিন্নবা য়াবা প্রমান পীবা ঙম্বা ই-পাউ নুংতিগী অনিরক পীগদবনি।

প্রধান মন্ত্রীনা মখোয়বু সজেসনশিং অমসুং মরু ওইবা ইপাউ ফংহনবগীদমক থাগৎপা পোংদোকখি। মহাক্না চেনেলশিংদা হায়খি মদুদি করেন্সী নোৎকী থোংদা ভাইরস শন্দোকপদগী ঙাকথোকপা ঙম্ননবা মীয়ামদা দিজিতেল ত্রান্সেক্সনগী থৌওংগী মতাংদা খঙহনবা হেনগৎহনবীয়ু। মহাক্না চেনেলশিংদা মসিসু ফোংদোকখি সাইন্সকা মরী লৈনবা রিপোর্তশিং অমসুং ই-পাউ পাক-শন্না শিজিন্নদুনা লান্না থাজবরিবশিংগী অৱাবগসু মায়োক্ননবা হোৎনবা তাই।

হকশেল অমসুং য়াইফ-য়ুম্বাল মন্ত্রালয়গী সেক্রেতরীনা মথৌ তাবা ই-পাউ কান্নবা মওংদা শেয়র তৌবীবগীদমক হকশেল মন্ত্রালয়বু কভর তৌরিবা জর্নেলিস্তশিংবু থাগৎপা ফোংদোকখি। মহাক্না কোবিদ-১৯ শন্দোকপদগী থিংননবা সরকারগী গ্রেদেদ রেস্পোন্স সিস্তেম অমসুং শিংনবশিং অসিবু মায়োক্ননবা কেপাসিতী বিল্দিংগীদমক লেপ্তনা চৎথরিবা থৌওংশিংগী ওভর্ভ্যু অমা পুথোকখি।

ইন্দিয়ন কাউন্সিল ওফ মেদিকেল রিসর্সকী দাইরেক্তর জেনরেলনা হায়খি মদুদি তেস্তিং স্ত্রাতেজী অসি গ্রেদেদ রেস্পোন্স অমগী মতুং ইন্না পাংথোক্লি, অমসুং তেস্তিং কিৎশিংগী এপ্রুবেলদা খোংজেল য়াংশিল্লি।

ইনফোর্মেসন & ব্রোদকাস্তিংগী কেন্দ্র মন্ত্রী, ইনফোর্মেসন & ব্রোদকাস্তিংগী সেক্রেতরী অমসুং সেনিয়র ওইরবা মীহুৎশিং অমসুং মশক নাইরবা ইলেক্ত্রোনিক মীদিয়া ওর্গনাইজেসনগী এদিতরশিংনা ৱারী শানবা অদুদা শরুক য়াখি।