ভারতকী প্রধানমন্ত্রী

অসিয়ান অমসুং ইস্ত এসিয়া সমিৎকী নাকলদা ২০১৯গী নবেম্বর ৩দা বেঙ্কোক্তা প্রধান মন্ত্রী শ্রী নরেন্দ্র মোদীনা ইন্দোনেসিয়াগী রাস্ত্রপতি জোকো ৱিদোদো উনখ্রে।

ইন্দোনেসিয়াগী রাস্ত্রপতি ওইনা মহাক্কী অনিসুবা তার্ম হৌবদা পি এম মোদীনা রাস্ত্রপতি ৱিদোদো থাগৎখি অমসুং মালেমগী খ্বাইদগী চাউবা গনতন্ত্র চৎপা লৈবাক অনি ওইনা দিফেন্স, সেক্যুরিতী, চৎথোক-চৎশিন, ললোন-ইতিক অমসুং ইনভেস্তমেন্তগী হিরমশিংদা ইন্দোনেসিয়াগা পুন্না ভারতনা থবক তৌমিন্নরি।

ভারত অমসুং ইন্দোনেসিয়া য়াম্না নক্নবা সমুদ্রগী য়ুম্লোন্নবশিংনি, ইন্দো-পেসিফিক লমদমদা সমুদ্রগী মতেং পীনদুনা শান্তি, সেক্যুরিতী অমসুং চাউখৎপা পুরক্নবা পুন্না থবক তৌমিন্নবা লুচিংবা অনিনা য়ানখি। এক্সত্রিমিজম অমসুং তেরোরিজমগী অকিবশিং লুচিংবা অনিনা খন্নখি অমসুং মসিগী খুদোংচাদবা অসি থেংন্নবা নাকল অনিগী অমসুং মালেমগী ওইনা পুন্না থবক তৌমিন্নবা হায়না য়ানখি।

লৈবাক অনিগী ললোন-ইতিক হেনগৎহন্নবা অমসুং ভারতকী ফর্মাস্যুতিকেল, ওতোমেতিব অমসুং লৌউ-শিংউগী পোৎথোকশিং য়োন্নবা কৈথেলগী দরকার ওইবা অদু পনখি। ভারতকী কম্পেনীশিংনা ইন্দোনেসিয়াদা শেন থাদরিবা অদু পনখি, ইন্দোনেসিয়াগী কম্পেনীশিংনা ভারত্তা শেন থাদবা য়াবা খুদোংচাবশিং থিনবা প্রধান মন্ত্রীনা খঙহনখি।

মথং চহিদা খুদোংচাবা অমা য়েংলগা ভারত্তা লাক্নবা প্রধান মন্ত্রী মোদীনা রাস্ত্রপতি ৱিদোদোদা চেবাউ পীখি।
ইন্দোনেসিয়াগা লৈনরিবা অচেৎপা মরুপ-মপাং ওইবগী মরি অসি ভারতনা মরুওইনা লৌরি। চৎলিবা চহি অসিদা, ভারত অমসুং ইন্দোনেসিয়া দিপ্লোমেতিক মরি লৈনবগী ৭০শুবা থৌরম পাংথোক্লি।

***