ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা নই দিল্লীদা ইন্তর্নেস্নেল জুদিসিয়েল কনফরেন্সতা ৱা ঙাংখ্রে। সুপ্রিম কোর্ত অমদি তোঙান–তোঙানবা হায় কোর্তশিংগী শক্নাইরবা জজশিং, শক্নাইরবা উকিলশিং অমসুং মীরমদগী লাকপা দেলিগেতশিংনসু কনফরেন্সতা শরুক য়াখি।

মালেমগী প্রজা কোতি কয়াবু জস্তিস অমসুং চিং লেম্বা ফংহল্লিবা ময়ামগী মরক্তা তিনবদা নুংঙাইবা ফোংদোক্লদুনা প্রধান মন্ত্রীনা হায়খি মদুদি কনফরেন্স অসি ২১শুবা চহিচাগী অহুমশুবা দিকেদ হৌরকপদা পাংথোক্লি।

প্রধান মন্ত্রীনা হায়খি মদুদি দিকেদ অসি ভারত য়াওনা মালেম পুম্বদা চাউনা অহোংবা পুরক্কদৌরিবা দিকেদনি। অহোংবা অসি সোসিয়েল, ইকোনোমিক অমসুং তেক্নিকেল, হিরম খুদিংমক্তা ওইগনি। অহোংবশিং অসি রেস্নেল ওইগদবনি অমদি জস্তিফাইদসু ওইগদবনি, অহোংবশিং অসি পুম্নমক্কী কান্নবা ওইগদবনি, তুংলমচৎকী দরকার ওইবশিং অদু য়েংদুনা ওইগদবনি, মরম অদুনা জুদিসিয়রী অমসুং চেঞ্জিং ৱার্ল্দদা নৈনবা য়াম্না মথৌ তাই।

মহাক্না হায়খি, “কনফরেন্স অসি ঐখোয়গী লৈবাক অসিনা লৈবাক্কী মপা মহাত্মা গান্ধীগী ১৫০শুবা মপোক কুমওন পাংথোক্লিবা অদুগুম্লবা মতম অসিদা পাংথোক্লি।”

মহাত্মা গান্ধীনা মতৌ করম্না উকিল অমা ওইনা কমিসন পীদুনা কেস লৌখিদবগে হায়বদু নৌহৌনা নীংশিংলদুনা প্রধান মন্ত্রীনা হায়খি মদুদি মহাত্মানা পুকচেল শেংবা অমসুং শেবাদা থাজবা থমলম্মি, মহাক্কী য়োকপী থাকপীরকপগী মওং মতৌ, মহাক্কী হৌনা–লোনচৎ অমসুং ইন্দিয়ন ফিলোসোফী লেপ্তনা নৈনবদগী।

প্রধান মন্ত্রীনা হায়খি মদুদি ভারতকী ফিলোসোফী অসি “আইন অসি নিংথৌশিংগী নিংথৌনি, আইন অসি খ্বাইদগী অকনবনি” হায়বা খুদম অদুদা য়ুম্ফম ওইরি।   

মহাক্না হায়খি মদুদি চহি কয়াদগী চত্থদুনা লাক্লিবা অসিগুম্বা ৱাখল্লোন, য়াম্না চাউবা মরম অমা লৈরি মদুদি ভারত মচা পুম্নমক্না জুদিস্যরীদা থাজবা থম্লি।

দোক্তর বাবা সাহেব অম্বেদকরগী ৱাফম “সংবিধান অসি লোয়রগী দোকুমেন্ত অমা নত্তে, মসি পুন্সিগী ভেহিকল অমনি, অমদি মসিগী স্পিরিৎ অসি মতম পুম্নমক্তা চহিগী স্পিরিৎ অমা ওইরি।” অসি কোত তৌরদুনা প্রধান মন্ত্রীনা হায়খি মদুদি ৱাখল্লোন অসিবু ঐখোয়গী লৈবাক্কী কোর্তশিং, ঐখোয়গী সুপ্রিম কোর্তনা মখা চত্থরি। স্পিরিৎ অসিবু ঐখোয়গী লেজিস্লেচর অমসুং একজিক্যুতিবনা হিংহন্দুনা থম্লি।

মহাক্না মখা তাখি, “অমনা অমগী হৌনবী অদু খঙনা, শিংনরকপা কয়াগী মরক্তা কয়ারক হন্না লৈবাক্কীদমক সংবিধানগী য়ুম্বী অহুম্না মতিকচাবা লম্বী থিখি। অমদি ঐখোয়না চাউথোকচবা ফাওরি মদুদি ভারত্তা অসিগুম্বা মখলগী ইনাক খুল্লবা ত্রেদিসন দিবেলপ তৌরি। হৌখিবা চহি মঙাদা ভারতকী তোঙান–তোঙানবা সংস্থানশিংনা ত্রেদিসন অসিবু হেন্না মপাঙ্গল কনখৎহল্লে।”

প্রধান মন্ত্রীনা অকনবা ৱাফম থমখি মদুদি লৈবাক অসিদা মতম অসিগা চানদ্রবা অরীবা আইন চাউরাক্না ১৫০০ মুত্থৎখ্রে। সমাজবু হেন্না চৎশিলহনগদবা অনৌবা আইনসু অদুক য়াম্না অথুবা মতমদা শেম্লে।

কনফরেন্স অসিদা জেন্দর জস্ত ৱার্ল্দগী হিরম থম্বা প্রধান মন্ত্রীনা মহাক্কী ওইবা নুংঙাইবা ফোংদোকখি। মহাক্না হায়খি “মালেমগী লৈবাক অমত্তা, সমাজ অমত্তা জেন্দর জস্তিস য়াওদনা মপুং ফানা দিবেলপ তৌবা ঙমদে অমদি জুরিসপ্রুদেন্স ক্লেম তৌবা ঙমদে।” প্রধান মন্ত্রীনা দিফেন্স সর্বিসতা ইচানুপীশিং থবক হাপ্পা ওইগেরা, ফাইতর পাইলোতকী সেলেক্সন প্রোসেস ওইগেরা, খনি তানফমদা নুমিদাংদা থবক শুবগী ফ্রীদম ওইগেরা, সরকারনা অহোংবা কয়া অমা পুরক্লিবা অদু ফোংদোকখি। মহাক্না মসিমসু ফোংদোকখি মদুদি ঙসি ভারত লৈবাক্কী চাজেনবী নুপীবু চয়োল ২৬কী পেদ লীব পীরিবা মালেমগী অদুগুম্লবা লৈবাক খরগী মনুং চল্লে।

থৌরম অসিদা প্রধান মন্ত্রীনা জুদিসিয়রীশিংবু দিবেলপমেন্ত অমসুং এনভাইরনমেন্তকী মরক্তা খল মান্নবগী মরুওইবা অদু খঙবীবা, মদুদা লেপ্পা লৈতনা লম্বী তাকপীরিবা অদুগীদমক থাগৎপা ফোংদোকখি।

খোংজেল য়াংবা জস্তিস ফংহনবদা তেক্নোলোজীগী মথৌ তাবা অদু ফোংদোক্লদুনা প্রধান মন্ত্রীনা হায়খি মদুদি লৈবাক অসিগী কোর্ত পুম্নমকপু ই–কোর্ত ইন্তিগ্রেতেদ মিসন মোদ প্রোজেক্তনা শম্নহন্নবা সরকারনসু হোৎনরি। মহাক্না হায়খি, “নেস্নেল জুদিসিয়েল দাতা গ্রিদ লিংখৎপনসু কোর্তকী থবক থৌরমশিং লায়থোকহল্লগনি।” আর্তিফিসিয়েল ইন্তেলিজেন্স অমসুং হ্যুমেন কোন্সিয়েন্স সীনরজীনসু ভারত্তা জুদিসিয়েল প্রোসেসশিংবু অহেনবা খোংজেল পীগনি হায়না মহাক্না ফোংদোকখি।