ভারতকী প্রধানমন্ত্রী

ঙসি নিউ দিল্লিদা প্রগাতি মৈদান্দা প্রধান মন্ত্রী শ্রী নরেন্দ্র মোদীনা ইন্তরনেসনেল মিউজম এক্সপো ২০২৩ হৌদোকখ্রে। মহাক্না নোর্থ অমসুং সাউথ ব্লোকশিংদা শেমগৎলিবা নেসনেল মিউজমগী ভর্চুএল ৱাল্কথ্রু অমসু শঙ্গাখ্রে। থৌরম অদুদা প্রধান মন্ত্রীনা তেক্নো মেলা, কঞ্জর্বেসন লেব অমসুং একজিবিসনশিংগী ৱাল্কথ্রু অমসু পাংথোকখি। ইন্তরনেসনেল মিউজম এক্সপো অসি, ৪৭শুবা ইন্তরনেসনেল মিউজম দে পাংথোক্নবা অজাদি কা অমৃত মহোৎসবকী শরুক অমা ওইনা পাংথোকপনি। চহি অসিগী ইন্তরনেসনেল মিউজম দেগী থিমদি ‘মিউজমস, স্তেনেবিলিতি এন্দ ৱেল বিংস’ হায়বনি।

থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি ভারতনা নিংতম্বা চহি ৭৫ মপুংফারকপগী থৌরম পাংথোকপা মতম অসিদা মালেমগী মিউজম এক্সপো অসিদা তেক্নোলোজি য়াওহন্দুনা পুৱারিগী তাঙ্কক কয়া হৌজিক হিঙ্গৎহল্লে। ঐখোয়না মিউজম অমদা চঙবা মতমদা ঐখোয়না হৌখ্রবা মতম খঙবা ঙম্মি অমসুং মিউজমশিং অসিদা অচুম্বা অমসুং খুদমদা য়ুম্ফম ওইবা অশেংবা উৎলি অমসুং মসিনা হৌখ্রবা মতমদগী ইথিল পীরি অমসুং তুংগী থবক তৌনবা ৱাখল্লোন অমসু পীরি। ঙসিগী থিম ‘মিউজমস, স্তেনেবিলিতি এন্দ ৱেল বিংস’ অসি ঙসিগী মালেম অসিগী মরুওইবা উৎলে অমসুং থৌরম অসি হেন্না মরী লৈনহল্লে। ঙসিগী থবকশিং অসিনা নহারোলশিং মখোয়গী নাৎকী পুক্কৈগী মরমদা হেন্না খঙবা ঙম্লগনি।

প্রধান মন্ত্রীনা হায়খি ঙসিগী থৌরম পাংথোকফম অসিদা য়ৌরক্ত্রিঙৈদা মহাক মিউজম য়েংখি অমসুং য়েংবা লাকপা মীওই অমগী পুক্নিং চিংশিন্নবা অচৌবা থৌরাং অমা পায়খৎলিবা অসিগীদমক থাগৎখি। ঙসিগী থৌরম অসিনা ভারত্তা লৈরিবা মিউজমশিংগী অচৌবা অওনবা অমা পুরক্লগনি হায়না প্রধান মন্ত্রীনা থাজবা ফোঙদোকখি।

প্রধান মন্ত্রীনা হায়খি চহি চা কয়া মীনাই ওইরিঙৈ মনুংদা অরিবা খুৎই লাইরিকশিং অমসুং লাইব্রেরিশিং মৈ থাদোক্তুনা লৈবাক অসিগী হেরিতেচ কয়া মাঙহনখ্রে। মসি ভারত খক্তগী মাংজবা নত্তনা মালেম শীনবা থুংবগী মাংজবনি। নিংতম্বা ফংলবা মতুংদা লমদম অসিগী মাংলুরবা হেরিতেচ হিঙ্গৎহন্নবা অমসুং কন্নবা থবকশিং পায়খৎতবা অমসুং মীয়াম মরক্তা ৱাখল তাবা ৱাৎপদগী অচৌবা চৈথেং অমা পীখি। অজাদি কা অমৃত কাল মনুংদা লৈবাক অসিনা ৱারেপ মঙা লৌদুনা ঐখোয়গী হেরিতেচগী চাউথোকচবা ফাউনবা থবক পায়খৎলে অমসুং লৈবাক অসিদা অনৌবা নাৎকী ইনফ্রাস্ত্রকচর অমা শেমগৎলে।

প্রধান মন্ত্রীনা মখা তানা হায়খি হায়রিবা থবকশিং অসিদা কনাগুম্বা অমনা ভারতকী নিংতম ইহৌগী পুৱারি অমসুং লৈবাক অসিগী চহি চা কয়া কুইরবা হেরিতেচ উবা ফংগনি। রাজ্য খুদিংমক্কী অমসুং খুন্নাইগী কাংলুপ খুদিংমক্কী নাৎকী পুক্কৈগা লোয়ন্না লমদম অমগী অমসুং খুঙ্গংগী মিউজমশিং ঙাক-শেন্নবা অখন্নবা খোঙজং অমা সরকারনা পায়খৎলি। ভারতকী নিংতম ইহৌদা ত্রাইবেল ফুরুপশিংনা লৌখিবা থৌদাং নিংশিংদুনা লৈহৌনবা অখন্নবা মিউজম ১০ শেমগৎলি, মসি মখল কয়াগী ত্রাইবেলশিংগী শক্তম অমা মালেমদা উৎনবা অখন্নবা থৌরাং অমনি। থুমগী সত্যগ্রহ মনুংদা মহাত্মা গান্ধীগী খোঙচৎ পাংথোকখিবা দান্দি পাথ ঙাক-শেন্নবা অমসুং মহাক্কী থুমগী আইন  থুগায়খিবা মফমদা মেমোরিএল অমা শাগৎনবা থবক পায়খৎলে।

মহাক্না হায়খি দিল্লিগী ৫, অলিপুর রোদতা লৈবা দোক্তর বি.আর অম্বেদকারগী মহাপরিনির্ভনা স্থাল অসি নেসনেল মেমোরিএল অমা ওইনা শেমগৎনবা অমসুং মহাক্কী পুন্সিগা মরী লৈনবা পঞ্চ তির্থ অমসু হাওদা লৈবা মহাক্কী পোক্নফম, লন্দন্দা মহাক্না লৈরম্বা মফম অমসুং মুম্বাইগী চৈত্য ভুমি অমুক হন্না শেমগৎলে। দিল্লিদা লৈরিবা প্রধান মন্ত্রী সংগ্রহলয় অসিদা লৈবাক অসিগী হান্নগী প্রধান মন্ত্রীশিংনা পাংথোক্লম্বা থবকশিং অমসুং খোঙচৎ উৎলে অমসুং মীয়াম্না মিউজম অসি অমুক্তং য়েংগদবনি।

প্রধান মন্ত্রীনা হায়খি লৈবাক অমনা মসিগী হেরিতেচ ঙাক-শেনবা থৌরকপদা মতমদা অতোপ্পা লৈবাকশিংগা নকশিন্নবা হৌরকই। মীরোল কয়া লীদুনা থম্লকখিবা ভাগবান বুদ্ধাগী হোলি রেলিক্সনা হৌজিক মালেম শীনবা থুংনা ভাগবান বুদ্ধগী তুংইন্নবশিং অমতা ওইনা পুনশিল্লে। হৌখিবা বু্দ্ধ পুর্নিমাদা মোঙ্গলিয়াদা হোলি রেলিক্স মরি থাখ্রে, শ্রী লঙ্কাদগী কুসিনগরদা হোলি রেলিক্সশিং থুংলরে। গৱাগী সেন্ত কেতেবন ভারত্তা তেক্ত কাইদনা থম্লি অমসুং হোলি রেলিক্স অদু জর্জিয়াদা থাখিবা হরাওবা অদু নিংশিংলি। ঐখোয়গী নাৎকী পুক্কৈ অসি মালেম অমতা ওইনা পুনশিন্নবা লমজিংবা ওইরে।

প্রধান মন্ত্রীনা হায়খি তুংগী মীরোলশিংগী লন-থুমশিং ঙাক-শেনবদা মিউজমশিংনা অকনবা থৌদাং লৌগদবনি। মালেম্না মায়োক্নখিবা অৱা-অনা কয়া মিউজমশিংদা থমগদবনি অমসুং মালেমগী হোঙলক্লিবা মশক অসিসু উৎকদবনি।

এক্সপো অসিগী গেস্ত্রোনোমিক সেক্সনগী মতাংদা প্রধান মন্ত্রীনা হায়খি ভারতনা কন্না হোৎনবদগী অয়ুর্বেদা অমসুং শ্রী অন্ন মিল্লেতশিং মীয়াম্না পাম্না হেনগৎলক্লে। শ্রী অন্না অমসুং অতোপ্পা মহৈ-মরোংশিংগী অনৌবা মিউজমশিং লিংখৎকদবনি।

প্রধান মন্ত্রীনা হায়খি পুৱারিগা শাগোন্নবা মরুওইবশিং লীদুনা থম্বা হায়বসি লৈবাক অসিগী চৎনবী অমা ওইরক্লবা মতমদা হায়রিবা থবক অসি পাংথোকপা ঙমগনি। ইমুং খুদিংমক মখোয় মশাগী মিউজম লিংখৎনবা হোৎনগদবনি। ঙসিগী অচম্বা পোৎলমশিং তুংগী মীরোলশিংগী নুংশিরবা পোৎলম অমা ওইরক্কনি। ইমুং-মনুংশিং, স্কুলশিং, ইন্সতিতুসনশিং অমসুং সহরশিং মখোয় মশাগী মিউজমশিং থমগদবনি। সহরশিং সিতি মিউজমশিং শেমগদবনি। মসিনা তুংগী মীরোলশিংগী অচৌবা পুৱারিগী লন-থুম শেমগনি।

মহাক্না হায়খি মিউজমশিং নহারোলশিংগী শীনফম অমা ওইরক্লে। হায়রিবা নহারোলশিং অসি ঐখোয়না মিউজমশিংগী শিন্মী অমা ওইনা লৌরোইদবনি অদুবু হিস্তোরি অমসুং আর্কিতেকচর সবজেকশিং তম্লিবা নহারোলশিং মালেমগী কলচরগী থবক্কী পাম্বৈ অমা ওইরক্লে। হায়রিবা নহারোলশিং অসি মপান লৈবাকশিংদা জাতিগী লন অমা ওইগনি অমসুং মখোয়গী হৌখ্রবা মতমগী মরমদা মখোয়দগী তম্বা য়াগনি।

প্রধান মন্ত্রীনা হায়খি কলাগী পোৎলমশিং নারোন্দা পুথোক-পুশিন তৌবগী খুদোংচাদবা কয়া অরিবা কলচর লৈবা ভারতগুম্বা লৈবাক্না চহি চা কয়া মায়োক্নদুনা লাক্লি। নিংতম্বা ফংদ্রিঙৈ অমসুং ফংলবা মতুংদা আইন্না য়াদবা মওংদা লৈবাক অসিদগী কলাগী পোৎলম কয়া পুথোকখ্রে অমসুং অসিগুম্বা অরানবা থবকশিং অসি লেপ্নবা পুন্না থবক তৌমিন্নগদবনি। মালেমদা ভারতকী মিংচৎ হেনগৎলক্লিবা মরক অসিদা লৈবাক কয়ানা ভারতকী হেরিতেচ পীথোরকপা হৌরক্লে।

মহাক্না হায়খি বরানসতগী মা অন্নপুর্নাগী মীতম হুরানখি, গুজরাত্তগী মহিসাসুরমারদিনিগী মীতম হুরানখি, চোলা এম্পাইয়র মনুংদা নতরাজগী মীতমশিং হুরানখি অমসুং গুরু হরগোবিন্দ সিংহ জিগী মিংদা লৈতেংবা থাংশাং হুরানখি। হৌখিবা চহি ৯দা অরিবা কলাগী পোৎলম ২৪০ ফংবা ঙম্লে অমসুং ভারত্তা অমুক পুরক্লে। হৌখিবা চহি ৯ অসিদা ভারত্তা কলচরগা মরী লৈনবা কলাগী পোৎলমশিং নারোন্দা পুথোক-পুশিন তৌবা হন্থরে। হায়রিবা হিরম অসিদা মিউজমশিংগা মরী লৈনবা কলাগী লমদা থবক তৌরিবা মীওইশিংনা মতেং পাংবা হেনগৎলক্লে। লৈবাক অসিগী মিউজম অমতদা আইন্না য়াদবা মওং অমদা পুরকপা কলাগী পোৎলম অমতা থম্লোইদবনি। ঐখোয়না ৱাফম অসি মিউজম খুদিংমক্কী অচুম্বা ৱারেপ অমা ওইগদবনি। ঐখোয়না ঐখোয়গী নাৎকী পুক্কৈ ঙাক-শেনগদবনি অমসুং অনৌবা পুক্কৈ অমসু শেমগদবনি।

থৌরম অদুদা কলচরগী য়ুনিয়ন মিনিস্তর শ্রী জি কিসন রেদ্দি, কলচরগী রাজ্য মন্ত্রীশিং শ্রী অর্জুন রাম মেঘৱাল অমসুং শ্রীমতি মীনাক্সি লেখি অমসুং লোভর অবু ধবীগী দিরেক্তর মনুয়েল রবেত শরুক য়াখি।

নুঙগীৱারোল

ইন্তরনেসনেল মিউজম এক্সপো অসি, ৪৭শুবা ইন্তরনেসনেল মিউজম দে পাংথোক্নবা অজাদি কা অমৃত মহোৎসবকী শরুক অমা ওইনা পাংথোকপনি। চহি অসিগী ইন্তরনেসনেল মিউজম দেগী থিমদি ‘ মিউজমস, স্তেনেবিলিতি এন্দ ৱেল বিংস’ হায়বনি। ভারতকী কলচরগী থবকশিংদা মরুওইবা থৌদাং অমা লৌরিবা মিউজমশিং কলচরগী মফম অমা ওইনা থবক তৌবা ঙম্নবা মিউজমশিং অমসুং মিউজমগী শীনফমদা থবক তৌরিবশিংগা ৱারি-ৱাতাই শান্নবা মিউজম এক্সপো অসি পাংথোকপনি।

থৌরম অদুদা প্রধান মন্ত্রীনা নোর্থ অমসুং সাউথ ব্লোকশিংদা শেমগৎলিবা নেসনেল মিউজমগী ভর্চুএল ৱাল্কথ্রু অমা শঙ্গাখ্রে। মিউজম অসি পুৱারিগী থৌদোকশিং, মীওইশিং, ৱাখল্লোনশিং অমসুং হৌজিক্কী ভারত অসিদা মমাংঙৈগী ভারতনা লৌখিবা থৌদাং উৎনবা মফম অমনি।

প্রধান মন্ত্রীনা ইন্তরনেসনেল মিউজম এক্সপোগী মাস্কোত, গ্রাফিক নোবেল-এ দে এত মিউজম, ভারতকী মিউজমশিংগী দাইরেক্তোরি, কর্তভ্যা পথকী পোক্কেদ মেপ অমসুং মিউজম কার্দশিং হাংদোকখি।  

ইন্তরনেসনেল মিউজম এক্সপোগী মাস্কোত অসি চেন্নাপত্নম আর্ত স্তাইলগী উনা শাবা জগোয় শাবী নুপী অসি মতম অসিগী অনৌবা মওং অমদা শেমদোক্লবা মখল অমনি। গ্রাফিক নোবেল অসিদা অঙাং কাংবু অমা নেসনেল মিউজম য়েংবা অমসুং মখোয়না মিউজম অমদা ফংলিবা তোঙান-তোঙানবা শীনফমশিংদা চৎনবগী খুদোংচাবশিং অদু উৎলি। ভারতকী মিউজমশিংগী দাইরেক্তোরি অসি ভারতকী মিউজমশিং থিজিনবগী খোমজিনবা অমনি। কর্তভ্যাগী পোক্কেদ মেপ অসিদা তোঙান-তোঙানবা কলচরগী মফমশিং অমসুং ইন্সতিতুসনশিং উৎলি অমসুং মসিদা শিংথানিঙাই ওইরবা পাথৱেজশিংগী পুৱারিশিং খোঙ্গুল লিরি। মিউজম কার্দশিং অসিদা লৈবাক শীনবা থুংনা লৈরিবা মিউজমশিংগী মমাইশিং উৎপা কার্দ ৭৫ য়াওরি অমসুং মসি চহি কাংলুপ খুদিংমক্কী মীওইশিংদা মিউজম মশক তাক্নবা অনৌবা লম্বী অমনি অমসুং কার্দ অমমমদা মিউজমশিংগ অতেনবা ৱারোলশিং য়াওরি।

থৌরম অদুদা মালেমগী মফম কয়াদা লৈরিবা কলচরেল সেন্তরশিং অমসুং মিউজমশিংগী ইন্তরনেসনেল দেলিগেদশিং শরুক য়াখি।  

Addressing the International Museum Expo 2023. It is a wonderful platform to showcase our heritage and vibrant culture. https://t.co/Tmg9HHNozY

— Narendra Modi (@narendramodi) May 18, 2023

Museum में जो दिखता है, वो तथ्यों के आधार पर होता है, प्रत्यक्ष होता है, Evidence Based होता है। pic.twitter.com/mcMNVdkOVU

— PMO India (@PMOIndia) May 18, 2023

गुलामी के सैकड़ों वर्षों के लंबे कालखंड ने भारत का एक नुकसान ये भी किया कि हमारी लिखित-अलिखित बहुत सारी धरोहर नष्ट कर दी गई।

ये सिर्फ भारत का नुकसान नहीं हुआ है, ये पूरी दुनिया का नुकसान हुआ है। pic.twitter.com/VvplbtFyMf

— PMO India (@PMOIndia) May 18, 2023

आज़ादी के अमृतकाल में भारत ने जिन ‘पंच-प्राणों’ की घोषणा की है, उनमें प्रमुख है- अपनी विरासत पर गर्व! pic.twitter.com/x4WaE8da6D

— PMO India (@PMOIndia) May 18, 2023

हम स्वाधीनता संग्राम में अपनी tribal community के योगदान को अमर बनाने के लिए 10 विशेष museums बना रहे हैं। pic.twitter.com/BQsFwgmV2N

— PMO India (@PMOIndia) May 18, 2023

आज पूरे देश से लोग आकर पीएम म्यूज़ियम में, आज़ादी के बाद की भारत की विकास यात्रा के साक्षी बन रहे हैं। pic.twitter.com/tALsc0MEXW

— PMO India (@PMOIndia) May 18, 2023

आज पूरे देश से लोग आकर पीएम म्यूज़ियम में, आज़ादी के बाद की भारत की विकास यात्रा के साक्षी बन रहे हैं। pic.twitter.com/tALsc0MEXW

— PMO India (@PMOIndia) May 18, 2023

हमारी विरासत, वैश्विक एकता-World Unity का भी सूत्रधार बनती है। pic.twitter.com/y1hulvabGK

— PMO India (@PMOIndia) May 18, 2023

हमें पूरी पृथ्वी को एक परिवार मानकर अपने संसाधनों को बचाना है। pic.twitter.com/NbQNYWHNnB

— PMO India (@PMOIndia) May 18, 2023

आज दुनियाभर में भारत की बढ़ती साख के बीच, अब विभिन्न देश, भारत को उसकी धरोहरें लौटाने लगे हैं। pic.twitter.com/WuGiHJGawh

— PMO India (@PMOIndia) May 18, 2023

*****