ভারতকী প্রধানমন্ত্রী

ব্রাজিলগী রিও দে জেনিরোদা নবেম্বর ১৯,২০২৪ দা পাংথোকখিবা জি-২০ মীফমগী নাকলদা ভারতকী প্রধান মন্ত্রী শ্রী নরেন্দ্র মোদীনা আর্জেন্তিনাগী রাস্ত্রপতি জাবিয়র মিলৈ উনখ্রে।

হন্দক্কী অসিনা লুচিংবা অনিগী মরক্তা অহানবা লৈবাক অনিগী ওইবা মীফম পাংথোকপনি। পুৱারি ওইনা মহাক্না অহুমলকশুবা ওইনা ওফিস পায়বদা রাস্ত্রপতি মিলৈনা প্রধান মন্ত্রী থাগৎপা ফোঙদোকখ্রে। রাস্ত্রপতি মিলৈনা মহাক্কী পায়বদা প্রধান মন্ত্রীনা য়াইফ-পাউজেল পীখ্রে।

লুচিংবা অনিনা লৈবাক ঙাকপগী হিরমদা খন্নখ্রে অমসুং হিরম অসিদা মখোয়না খঙজবশিং তাথোক-তাশিন তৌনখ্রে। হৌখিবা চহি খর অসিদা গনতন্ত্র চৎপা লৈবাক অনিগী মরক্তা স্ত্রাতেজিক পার্তনরশিপ পাকথোক-চাউথোকহনবদা মখোয়না অপেনবা ফোঙদোকখ্রে। ভারত অসি আর্জেন্তিনাগী ললোন-ইতিক্কী মকোক থোংবা লৈবাক মঙাগী মনুংদা য়াওদুনা লৈবাক অনিগী মরক্ত ললোন-ইতিক অমসুং শেন-থুমগী মরীশিং হেন্না চেৎশীনহল্লে।

ফার্মাসিউতিকেলশিং, দিফেন্স, লিথিয়ম য়াওনা ক্রিতিকেল মিনরেলশিং, থাউ অমসুং গ্যাস, সিবিল ন্যুক্লিয়ার, স্পেস, লৌউ-শিংউ, সাইন্স অমসুং তেক্নোলোজি অমসুং ইনফোর্মেসন তেক্নোলোজি য়াওনা তোঙান-তোঙানবা হিরমশিংদা লৈবাক অনিগী মরক্ত মতেং পাংনবা মখল কয়া থোক্না পায়খৎলে। আর্জন্তিনানা হৌজিক পায়খৎলিবা শেন-থুমগী অওনবশিংগী মতাংদা লুচিংবশিংনা মখোয়গী ওইবা ৱাখল্লোনশিং ফোঙদোক্নখ্রে।

লৈবাক অনিগী মীয়াম কান্নবা ফংনবা মখা তানা স্ত্রাতেজিক পার্তনরশিপ চাউখৎহন্নবা থবক তৌমিন্নবা হায়না লুচিংবশিংনা য়ানরে অমসুং হৌজিক ওইরিবা লমদম লমদমগী অমসুং মালেমগী থৌদোক-ৱাথোকশিংগী মতাংদা মরুওইবা ৱাফম কয়া লুচিংবশিংনা খন্নখ্রে।

****