ভারতকী প্রধানমন্ত্রী

সিঙ্গাপোর সরকারগী সেনিয়র মন্ত্রী, শ্রী থর্মান শনমুগারত্নম্না ৱা ঙাঙদুনা নই দিল্লীদা ঙসি পাংথোকপা অহানবা “অরুন জেতলী মেমোরিএল লেকচর” (এ.জে.এম.এল.)দা প্রধান মন্ত্রী, শ্রী নরেন্দ্র মোদীনা শরুক য়াখ্রে। থৌরম অসিদা তিনবা মীয়ামদা প্রধান মন্ত্রীনা মশাগী ৱাফমসু থমখি।

প্রধান মন্ত্রীনা থৌরম অসিদা ৱা ঙাঙবদা ঙসি লৈখিদ্রবা জাপানগী হান্নগী প্রধান মন্ত্রী, শ্রী শিঞ্জো অবেগা মতম শাংনা মরুপ ওইরম্বগী ৱাফম নীংশিংখি। শ্রী অবেগী মফমদা থম্মোই শেংনা ইকায় খুম্নবা উৎলদুনা, প্রধান মন্ত্রীনা ঙসিগী নুমিৎ অসিদি মহাক্কী ওইনা মেনখৎপা য়াররোইদবা মাঙজবগা লোয়ননা থম্মোই শোক্না নুংঙাইতবা নুমিৎনি হায়খি। শ্রী অবেবু ভারতকী থাজনীংঙাই ওইরবা খোঙলোইনি হায়রদুনা, প্রধান মন্ত্রীনা শ্রী শিঞ্জো অবেগী মতমদা লৈবাক অনিগী হেরিতেজকা মরী লৈনবা হীরম পুম্নমক্তা য়ুম্ফম ওইদুনা ভারত-জাপানগী মরী ফগৎখিবনি হায়না পাউদমখি। জাপানগী মতেংদগী পায়খৎখিবা প্রোজেক্তশিংগী খুত্থাংদা শিঞ্জো অবেজীনা ভারতকী লু-তোংদা মতম পুম্বদা য়াওদুনা লৈরগনি হায়না মহাক্না ফোংদোকখি।

প্রধান মন্ত্রীনা ঙসি নীংশিং থৌরম অসি পাংথোকপগী মরম ওইরিবা মহাক্কী অতোপ্পা মরুপ শ্রী অরুন জেতলীবুসু নুংশিনা নীংশিংখি। প্রধান মন্ত্রীনা “হৌখিবা মতমশিং নীংশিংলুবদা, মহাক্কী ৱাফম অমসুং মহাক্কা মরী লৈনবা থৌদোক কয়া নীংশিংলকই। মহাক্না ৱা ঙাঙবা খুদিংদা ঐখোয়না পুম্নমক্না ইকায় খুম্নবনি। মহাক অসি তোঙান-তোঙানবা মতিক চেনবা মীওইনি, মহাক্না মীপুম খুদিংগা নুংশি চাননা লোয়নখি” হায়খি। প্রধান মন্ত্রীনা শ্রী জেতলীগী ৱাহৈ পরেং অমগী ৱাঙাংসিং নীংশিংখি। শ্রী জেতলীগী মফমদা ইকায় খুম্নবা উৎলদুনা, প্রধান মন্ত্রীনা মীপুম খুদিংনা মহাকপু নীংশিংলি হায়খি।

প্রধান মন্ত্রীনা সিঙ্গাপোর সরকারগী সেনিয়র মন্ত্রী, শ্রী থর্মান শনমুগারত্নম্বু মহাক্কী ‘অরুন জেতলী মেমোরিএল লেকচর’গীদমক্তা থাগৎপা ফোংদোকখি। প্রধান মন্ত্রীনা মহাক্কী মনুং হুৎপা লৌশিং, রিসর্চ অমসুং মহাক্কী রিসর্চতা লোকেলগা মরী লৈনবা ৱাফম কয়া মনুং চলহনবগীদমক্তা থাগৎপা ফোংদোকখি। ঙসিগী লেকচরগী হীরম “ইনক্লুজিবিতীগী খুত্থাংদা চাউখৎপা পুরকপা, চাউখৎপগী খুত্থাংদা ইনক্লুজিবিতী লৈহনবা”  অসিদি সরকারগী চাউখৎ-খোঙথাংগী পোলিসী কয়া অসিগী য়ুম্ফম্নি হায়খি। “অচম্বা ৱাফমদা, ঙসি থীম অসিদি ঐহাক্কী ৱাখলদা সবকা সাথ, সবকা বিকাসনি হায়না খল্লি”, হায়না মহাক্না হায়খি।

প্রধান মন্ত্রীনা মখা তারদুনা, থীম অসিনা ঙসিগী পোলিসী শেম্বশিংনা থেংনরিবা ৱাখল খঞ্জান্নবা অমসুং শিংনবশিংগী ফিভম উৎলি হায়খি। প্রধান মন্ত্রীনা “ইনক্লুজন য়াওদনা গ্রোথ লৈবা য়াগদরা? গ্রোথ লৈতনা ইনক্লুজনগী মতাংদা খন্নবা য়াগদরা?” হায়বা ৱাহং হংখি। প্রধান মন্ত্রীনা মসিগী পাউখুম ওইনা “ঐহাক্না সরকারগী মকোক ওইরকপগী চহি ২০গী এক্সপেরিএন্সশিংনা ইনক্লুজন য়াওদনা তসেংবা গ্রোথ ওইথোক্লোই অমসুং গ্রোথ লৈতনা ইনক্লুজনগী পান্দমসু কৈদৌনুংদা ফংলোই হায়না তাক্লি” হায়খি। “মসিনা মরম ওইরগা, ঐখোয়না ইনক্লিজিবিতীগী খুত্থাংদা গ্রোথ পুরক্নবা অমসুং থৌওং অসিদা মীপুম খুদিংবু শরুক য়াহন্নবা হোৎনরি” হায়না মখা তাখি।

প্রধান মন্ত্রীনা মমাংগী চহি ৮গী খোঙজেল অমসুং পাক-চাউবগী মতৌদি মালেমদা মমাংদা অমুক্তা থোকখিদ্রি হায়খি। ৱাফম অসিবু নীংথিনা তাক্নবগীদমক্তা, প্রধান মন্ত্রীনা নুপী করোর ৯ হেনবদা গ্যাস কন্নেক্সন পীবা, লাইরবশিংগী অমাংশঙ করোর ১০ হেন্না শাবীবা, জন ধন একাউন্ত করোর ৪৫ হেন্না হাংদোকপা, লাইরবশিংগী পক্কা য়ুম করোর ৩ হেন্না শাখিবশিংগী মতাংদা পাউদমখি। অয়ুশমান স্কিমগী মখাদা মীওই করোর ৫০দা লুপা লাখ ৫ ফাওবগী মনুংদা লেম্না লাইয়েংবগী খুদোংবা পীবদগী অনাবা করোর ৩.৫ হেনবনা মমাংগী চহি ৪দা লেম্না লাইয়েংখি হায়না মহাক্না মখা তানা পাউদমখি। থৌওংশিং অসিদা ইনক্লুজনগী ৱাফমদা মিৎয়েং চঙখি অমসুং মসিনা দিমান্দ হেনগৎহনবগা লোয়ননা ভারতকী অপুনবা মীশিংগী শরুক অহুম থোকপগী অমনা ক্বালিতী হেল্থকেয়র ফংবদগী শাহৌ হেন্না লৌবা ঙম্বগা লোয়ননা অহেনবা খুদোংচাবা কয়াসু লৈহনখি হায়না ফোংদোকখি। অয়ুশমান ভারতনা ভারতকী হেল্থ সেক্তরদা অচৌবা অহোংবা পুরকখি হায়না হায়রদুনা মহাক্না হেল্থ ইনফ্রাস্ত্রকচরগী হীরমদা চাউখৎপা কয়া লৈখিববু নৌহৌননা নীংশিংখি। “ইং ২০১৪গী মমাংদা চহি ১০গী মনুংদা মেদিকেল কোলেজ চাউরাকপা ৫০ শাবনা ঐখোয়গী লৈবাক্কী চাংচৎ ওইরম্মি। অদুবু, মমাংগী চহি ৭-৮দা, মমাংগা চাংদম্নবদা শরুক ৪ হেন্দুনা অনৌবা মেদিকেল কোলেজ ২০৯ শাখ্রে” হায়না মহাক্না পাউদমখি। মখা তারকপদা, মহাক্না “মমাংগী চহি ৭-৮দা ভারতকী অন্দর্গ্রেজুএত মেদিকেল সীত মশিংনা ৭৫%গী চাংদা হেনগৎখি। হৌজিক্তি, ভারতকী চহিগী অপুনবা মেদিকেল সীত মশিংনা হান্নদগী শরুক অনি হেল্লে” হায়খি। মশিংশিং অসিগী খুত্থাংদা ঐখোয়না সেক্তর অসিগী শাহৌ লৌবদা ইনক্লুজিবিতী স্কিমগী শাফু ময়েক শেংনা উবা ফংলে হায়না প্রধান মন্ত্রীনা হায়খি।

কম্মন সর্ভিস সেন্তর লাখ ৫, য়ু.পি.আই. অমসুং স্ত্রীত ভেন্দরশিংগী পি.এম. স্বানিধী স্কিমগী খুত্থাংদা ইনক্লুজনগী পাক চাউবা হেনগৎখি হায়না প্রধান মন্ত্রীনা হায়খি। মান্নবা থৌওং ওইনা, এস্পিরেস্নেল দিস্ত্রিক্ত অমসুং এন.ই.পি.দা য়াওরিবা ইমালোলদা মহৈ তম্বগী থৌওং, এয়র ত্রাভেলবু হেন্না নুংঙাইহল্লবা উরান্না ইনক্লুজন অমসুং গ্রোথ লৈহল্লি। তোতি ঈশিং কন্নেক্সন করোর ৬ পীবা হর ঘর জলগী খুত্থাংদা ইনক্লুজনগী পাক চাউরবা থৌওং পাংথোকপগী মতাংদসু মহাক্না পনখি। স্বামিত্ব স্কিমগী মখাদা খুদোংচাদবা নংগনবা কাঙলুপকী প্রোপর্তী রাইতসু মাঙহন্দ্রে। হৌজিক ফাওবদা, প্রোপর্তী কার্দ লাখ ৮০ হেন্না য়েন্থোকখ্রে অমসুং মসিনা ফাইনান্সকী খুদোংচাবা লৌবসু য়াহল্লে।

 “ঙসিগী ভারতনা রিফোর্ম পাংথোক্তবা য়াদে হায়বগী মহুত্তা থাজবগা লোয়ননা রিফোর্ম পাংথোকপগী খুত্থাংদা লাক্কদৌরিবা চহি ২৫গী রোদমেপ শেম-শারি। মমাংগী মতমদা ভারত্তা অচৌবা রিফোর্ম পাংথোকপসি মতমদুগী সরকারগী মনাক্তা অতোপ্পা পাম্বৈ অমত্তা লৈতবা মতমদখক্তনি। ঐখোয়না রিফোর্মবু তঙাইফদবা ইভিলনি খনবগী মহুত্তা মায় পাকপা অদুমক পুরক্লগদবা থৌওংনি হায়না খল্লি, মসিদা লৈবাক অমসুং লৈবাক মীয়ামগী কান্নবা লৈবনি”, মহাক্না হায়খি। “ঐখোয়গী পোলিসী শেম্বগী ৱাখল্লোন্দি মীয়ামগী অপাম্বদা য়ুম্ফম ওইবনি। ঐখোয়না য়ারিবমখৈ মীয়ামগী ৱা তায়, মখোয়গী তঙাই ফদবা অমসুং অপাম্ববু খঙই। মসিগীদমক্তা ঐখোয়না পোলিসীবু পোপ্যুলিস্ত ইম্পল্সকী অৱাবা পোৎলুম নংহন্দে”, হায়না প্রধান মন্ত্রীনা মখা তানা শন্দোক্না পাউদমখি।

মিনিমম গবর্নেমনেত অমসুং মেক্সিমম গবর্নেন্সকী থৌওংদগী অচৌবা মায় পাকপা কয়া ফংখ্রে হায়না প্রধান মন্ত্রীনা হায়খি। কোবিদকী ভেক্সিন শাবদা প্রাইভেত অমসুং পব্লিক সেক্তরনা তেংবাংনখিববু মহাক্না খুদম ওইনা পীখি। “ঐখোয়গী লৈবাক্কী প্রাইভেত সেক্তরনা নীংথিরবা থবক কয়া পাংথোক্লি। অদুবু, পুম্নমক অসিগী মরুমদা চাউখৎ-থৌরাংগী খোঙলোইগী মওংদা সরকারগী অপুনবা পাঙ্গল লৈরি। ঙসিদি ভারত অসি মালেমগী ওইনা খ্বাইদগী থাজবা য়াবা অমসুং মতমগা চুনবা স্পেস সর্ভিস প্রোভাইদরগী মনুংদা অমা ওইরে। ঐখোয়গী প্রাইভেত সেক্তর ইকোসীস্তেম্না  সেক্তর অসিদসু মশক থোকপা থবক কয়া পাংথোক্লি। অদুগা মসিগী মরুমদা চাউখৎ-থৌরাংগী খোঙলোইগী মওংদা সরকারগী অপুনবা পাঙ্গল লৈরি”, হায়না মহাক্না ফোংদোকখি। “প্রাইভেত সেক্তর নত্ত্রগা সরকারনা অপুনবা শক্তি পায়বগী মোদেলশিং হৌজিক্তি চৎনদ্রে। হৌজিক্কী মতমসিদি সরকারনা প্রাইভেত সেক্তরবু চাউখৎ-থৌরাংগী খোঙলোইনি হায়না পুক্নিং থৌগৎপগী মতম্নি অমসুং মাইকৈ অসিদা খোঙদারি”, হায়না মহাক্না মখা তাখি।

তুরিজমগী মতাংদা ৱাখল খনবগী মতৌসু ভারত্তা হৌজিক পাকথোক চাউথোরক্লি হায়না প্রধান মন্ত্রীনা হায়খি। মশক নাইবা মফম ৭৫দা হন্দক্তা য়োগ নুমিৎ পাংথোকখিবনা মীয়ামদা তুরিজমগী অনৌবা মফম কয়া অমা খঙহল্লে হায়না মহাক্না হায়খি।

নীংতম্বগী অমৃত কালনা লৈবাক্কী অনৌবা খুদোংচাবা কয়া পুরক্লি অমসুং খুদোংচাবশিং অসি লৌবগী ঐখোয়গী ৱাশকসু মপাঙ্গল লৈনা লেপ্লি হায়না প্রধান মন্ত্রীনা হায়খি।

সিঙ্গাপোর সরকারগী সেনিয়র মন্ত্রী, শ্রী থর্মান শনমুগারত্নম্না “ইনক্লুজিবিতীগী খুত্থাংদা চাউখৎপা পুরকপা, চাউখৎপগী খুত্থাংদা ইনক্লুজিবিতী লৈহনবা”গা মরী লৈননা অহানবা এ.জে.এম.এল.গী কীনোত এদ্রেস পীখি। শ্রী মথিয়াস কোর্মেন (ও.ই.সি.দি. সেক্রেতরী জেনেরেল) অমসুং শ্রী অরবিন্দ পানাগ্রিয়া (প্রোফেসর, কোলুম্বিয়া য়ুনিভর্সিতী)না পাংথোকপা পেনেল দিসকসন্না লেকচর অসিগী মতুং ইনখি।

শ্রী অরুন জেতলীনা লৈবাক্কীদমক্তা মমল নাইদ্রবা থৌদাং কয়া লৌরম্ববু শকখঙবা ওইনা শেল-থুম মন্ত্রালয়গী ইকোনোমিক এফিয়র্স বিভাগনা অহানবা ‘অরুন জেতলী মেমোরিএল লেকচর’ শীন  লাঙখিবনি।

ইং ২০২২গী জুলাই ৮দগী ১০ ফাওবদা পাংথোক্লিবা কাউতিলয়া ইকোনোমিক ইনক্লেব (কে.ই.সি.)কী নুমিৎ হুম্নিগী থৌরমদা শরুক য়ারিবা দেলিগেতশিংগা প্রধান মন্ত্রীগা ৱারী শাখি।

Joined the first ‘Arun Jaitley Memorial Lecture’ in New Delhi. https://t.co/pqng2bIbxF

— Narendra Modi (@narendramodi) July 8, 2022

आज का दिन मेरे लिए अपूर्णीय क्षति और असहनीय पीड़ा का दिन है।

मेरे घनिष्ठ मित्र और जापान के पूर्व प्रधानमंत्री श्री शिंजो आबे अब हमारे बीच नहीं रहे।

आबे जी मेरे तो साथी थे ही, वो भारत के भी उतने ही विश्वसनीय दोस्त थे: PM @narendramodi

— PMO India (@PMOIndia) July 8, 2022

ये आयोजन अरुण जेटली जी को समर्पित है।

बीते दिनों को याद करते हैं, तो उनकी बहुत सारी बातें, उनसे जुड़े बहुत से वाकये याद आते हैं।

उनकी oratory के तो हम सभी कायल थे।

उनका व्यक्तित्व विविधता से भरा था, उनका स्वभाव सर्वमित्र था: PM @narendramodi

— PMO India (@PMOIndia) July 8, 2022

मैं आप सभी से ये प्रश्न पूछना चाहता हूं।

क्या बिना Inclusion के सही Growth संभव है?

क्या बिना Growth के Inclusion के बारे में सोचा जा सकता है? – PM @narendramodi

— PMO India (@PMOIndia) July 8, 2022

2014 से पहले हमारे देश का औसत था कि 10 साल में करीब 50 मेडिकल कॉलेज बना करते थे।

जबकि भारत में पिछले 7-8 साल में ही पहले के मुकाबले 4 गुना से ज्यादा 209 नए मेडिकल कॉलेज बनाए जा चुके हैं: PM @narendramodi

— PMO India (@PMOIndia) July 8, 2022

आज का भारत Reforms by compulsion के बजाय Reforms by conviction से आने वाले 25 साल का रोडमैप तैयार कर रहा है: PM @narendramodi

— PMO India (@PMOIndia) July 8, 2022

पहले भारत में बड़े रिफ़ॉर्म्स तभी हुए जब पहले की सरकारों के पास कोई और रास्ता नहीं बचता था।

हम reforms को necessary evil नहीं बल्कि win-win choice मानते हैं, जिसमें राष्ट्रहित है, जनहित है: PM @narendramodi

— PMO India (@PMOIndia) July 8, 2022

हमारी पॉलिसी मेकिंग pulse of the people पर आधारित है।

हम ज्यादा से ज्यादा लोगों को सुनते हैं, उनकी आवश्यकता, उनकी आकांक्षा को समझते हैं।

इसलिए हमने Policy को populist impulses के दबाव में नहीं आने दिया: PM @narendramodi

— PMO India (@PMOIndia) July 8, 2022

COVID Vaccines का ही उदाहरण लें।

हमारे देश के Private Players ने बहुत ही अच्छा काम किया है।

लेकिन उनके पीछे Partner in Progress के रूप में सरकार की पूरी ताकत खड़ी थी: PM @narendramodi

— PMO India (@PMOIndia) July 8, 2022

*****