ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা অহমেদবাদ মেত্রো রেল প্রোজেক লমথাখ্রে অমসুং কালুপুর স্তেসন্দগী দুর্দরসন কেন্দ্র মেত্রো স্তেসন ফাওবা মেত্রো তোংখ্রে।

মহাক্কী গুজরাত খোঙচৎকী নিনি চনবা নুমিৎতা, প্রধান মন্ত্রীনা অহমেদবাদ মেত্রো রেল প্রোজেক্কী অশংবা ফিরাল হাইখি। প্রধান মন্ত্রীনা গান্ধীনগর স্তেসন্দগী অনৌবা বান্দে ভারত এক্সপ্রেস ২.০ তোংদুনা কালুপুর স্তেসন্দা থুংলখি। থৌরম অদুগীদমক পাংথোকপা মেত্রো রেল একজিবিসন অমশু প্রধান মন্ত্রীনা য়েংখি।

খোঙচৎ অদুদা প্রধান মন্ত্রীগা লোয়ন্না গুজরাতকী চীফ মিনিস্তর শ্রী ভুপেন্দ্র পতেল, গুজরাতকী রাজ্যপাল শ্রী অচর্য়া দেবব্রাদ অমসুং হাওসিং অমসুং আর্বন এফেয়ার্সকী য়ুনিয়ন মিনিস্তর শ্রী হরদিপ সিংহ পুরি শরুক য়াখি।

প্রধান মন্ত্রীনা মহৈরোয়শিং, শান্নরোয়শিং অমসুং মীচম মীয়ামগা লোয়ন্না মেত্রো তোংমিন্নখি। মহাক্না মখোয়গা ৱারি শানখি। মখোয় অয়াম্বনা মহাক্কী ওতোগ্রাফ লৌখি।

অহমেদবাদ মেত্রো রেল প্রোজেক অসি চৎথোক-চৎশিনগী মচাক-মথুমশিং শিংথানিঙাই ওইনা ফগৎহনবা অমনি। অহমেদবাদ মেত্রো রেল প্রোজেক্কী ফেজ-১ অসি ইস্ত-ৱেস্ত কোরিদোরদা অপ্পারেল পার্কতগী থালতেজ ফাওবা অমসুং নোর্থ-সাউথ কোরিদোরদা মোতেরাদগী গ্যাসপুর ফাওবদা পুন্না অশাংবা কিলোমিতর ৩২নি। ইস্ত-ৱেস্ত কোরিদোরদা থালতেজ-বাসত্রাল রুত্তা স্তেসন ১৭ লৈরি। মসিগী কোরিদোর অসিদা কিলোমিতর ৬.৬কী লৈনুংগী শরুক অমা লৈরি অমসুং মসিদা স্তেসন ৪ লৈ। কিলোমিতর ১৯ শাংবা নোর্থ-সাউথ কোরিদোর অসিনা গ্যাসপুরদগী মোতেরা স্তেসন ফাওবা শম্নদুনা পুন্না স্তেসন ১৫ লৈ। ফেজ-১ প্রোজেক অসি পুন্না লুপা কোতি ১২,৯০০ হেন্না চঙনা পায়খৎপনি।

অহমেদবাদ মেত্রো অসি লৈনুংগী তেন্নেলশিং, ভাইয়াদকশিং অমসুং থোঙশিং, মথক অমসুং লৈনুংগী স্তেসনশিং, বাল্লাস্তলেস রেল ত্রেকশিং অমসুং দ্রাইভর য়াওদনা চেনবা অসিনচিংবা খ্বাইদগী নৌবা অমসুং ফবা ইনফ্রাস্ত্রকচর প্রোজেক অমনি। মেত্রো ত্রেন্দা ইনর্জি য়াম্না চঙদবা প্রোপুলসন সিস্তেম অমা য়াওদুনা মসি ইনর্জি চাদা ৩০-৩৫ ফাওবা কনবা ঙম্লে। ত্রেন অসিদা অফবা মখলগী সস্পেন্সন সিস্তেম অমা য়াওদুনা অতোঙবশিং য়াম্না নুংঙাইবা অমা ফাওহল্লে।

At Kalupur Station my Vande Bharat journey ended and my journey on board the Ahmedabad Metro began. In no time, I was headed towards Thaltej, where an exceptional programme was held. Ahmedabad will love their Metro, which will boost connectivity and comfort. pic.twitter.com/M4FNSHeSW8

— Narendra Modi (@narendramodi) September 30, 2022

******