ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা অসামগী জোরহাত্তা লুপা করোর ১৭,৫০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাখ্রে, মীয়ামদা কৎথোকখ্রে অমসুং উরেপ-উয়ুং তমখ্রে। চাউখৎ-থৌরাংগী প্রোজেকশিংগী মনুংদা হকশেল, থাউ অমসুং গ্যাস, রেল অমসুং হাওশিং য়াওরি।

থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা হায়খি থৌরম অসি রাজ্য অসিগী তোঙান-তোঙানবা মফম ২০০দা মীওই লাখ ২ রোম শরুক য়ারি হায়বা খঙলে অমসুং মসিগী তৌবীমল খঙবা উৎচরি। কোলাঘাতকী মীয়াম্না থাউমৈ লিশিং কয়া থান্দুনা তরাম্না ওকখিবা অমসুং মীয়াম্না মহাক নুংশিবা অসি মহাক্কী খ্বাইদগী মমল য়াম্লবা লন্নি। হকশেল, হাওশিং অমসুং পেত্রোলিয়ম সেক্তরশিংদা ঙসি লুপা করোর ১৭,৫০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাখ্রে, মীয়ামদা কৎথোকখ্রে অমসুং উরেপ-উয়ুং তমখ্রে অমসুং অসামগী চাউখৎপদা ইনোৎ পীরে।

মহাক্না কাজিরঙ্গা নেসনেল পার্ক য়েংখিবা অদু পল্লদুনা, প্রধান মন্ত্রীনা হায়খি মসি তোপ-তোপ্পা নেসনেল পার্ক অমসুং তাইগর রিজার্ব অমনি অমসুং মসিগী পার্ক অসি য়ুনেস্কো ৱার্ল্দ হেরিতেচ সাইতকী মনুং চল্লে। মচি অমা খক পানবা শামুগন্দাশিংগী চাদা ৭০ কাজিরঙ্গাদা ফংলি। পার্ক অসিদা শ্বাম্প দিয়ার,কৈ, শামু অমসুং ইরোইগুম্বা লম্লক্কী শাশিং উরকখি। মীরাইবদগী অমসুং মীফত্তশিংনা শা তানবদগী শামুগন্দাশিং খুদোংথিনিঙাই ওইরকপনি অমসুং ২০১৩ দা রাইনো ২৭ হাৎখিবগী থৌদোক লৈখ্রে। সরকারনা হোৎনবদগী ২০২২দা রাইনো অমদা শাদানবশিংনা হাৎখিদে। কাজিরঙ্গাগী সনা ফুদোংবা থৌরমদা অসামগী মীয়ামদা হরাওবা ফোঙদোকচরি। মীওই খুদিংমক নেসনেল পার্ক অসি য়েংবীয়ু।

ঙসি বীর লাচিত বোরফুকানগী মীতম অমা মাইখুম হাংদোকখিবা অদু নিংশিংলদুনা, প্রধান মন্ত্রীনা হায়খি বীর লাচিত ফুকান অসামগী থৌনা অমসুং অচেৎপা ফিরেপকী খুদমনি। নিউ দিল্লিদা ২০০২দা নিউ দিল্লিদা মহাক্কী ৪০০শুবা মপোক কুমওন থৌরম পাংথোকখি অমসুং অথৌবা লান্মী অসিগী মফমদা কোক নোনখি।

মহাক্না হায়খি বিকাস ভি ঔর বিরাসাত ভি অসি ঐখোয়গী দবল ইঞ্জিন সরকারগী লাইৱানি। ইনফ্রাস্ত্রকচর, হকশেল অমসুং ইনর্জি সেক্তরশিংদা অসাম য়াংনা চাউখৎলে। এ.আই.আই.এম.এস, তিনসুকিয়া মেদিকেল কলেজ, সিব সাগর মেদিকেল কলেজ অমসুং জোরহাত্তা কেন্সর হোস্পিতালনা অসাম অসি অৱাং-নোংপোক শীনবা থুংবগী মেদিকেলগী মফম অমা ওইহল্লগনি।

প্রধান মন্ত্রীনা হায়খি ঙসি পি.এম উর্জা গঙ্গা য়োজনাগী মখাদা বরাউনি-গুৱাহাতি পাইপলাইন লৈবাক মীয়ামদা কৎথোক্লে। পাইপলাইন অসিনা নোর্থইস্তর্ন গ্রিদকা নেসনেল গ্রিদকা শম্নহনগনি অমসুং য়ুম লাখ ৩০ অমসুং সি.এন.জি স্তেসন ৬০০ হেনবদা গ্যাস পীগনি অমসুং বিহার, নোংচুপ বেঙ্গল অমসুং অসামগী জিলা ৩০ হেনবগী মীওইশিংদা কান্নবা পীগনি।

দিগবোই রিফাইনরি অমসুং গুৱাহাতি রিফাইনরি শঙ্গাবগী মতাংদা প্রধান মন্ত্রীনা হায়খি অসামগী রিফাইনরশিংগী কেপাসিতি হেনগৎহন্নবা মীয়াম্না মতম কয়াগী মমাঙদগী তকশিন্দুনা লাকখিবা অদু মমাঙগী সরকারশিংনা মীরাইখি। হৌজিক পাল্লিবা সরকার অসিনা হোৎনবদগী অসামদা রিফাইনরিশিং অপুনবা কেপাসিতি শরুক অনি হেনগৎলে অমসুং নুমালিগর রিফাইনরিগী কেপাসিতি শরুক অহুম হেনগৎলে। চাউখৎহন্নবগী অকনবা ৱাখল লৈরবা মতমদা মফম অমগী চাউখৎ-থৌরাং য়াংনা পায়খৎলি।

ঙসি পাক্কাগী য়ুমশিং ফংলবা ইমুং লাখ ৫.৫ থাগৎলদুনা প্রধান মন্ত্রীনা হায়খি য়ুমশিং অসিদা তোইলেতশিং, গ্যাস কন্নেক্সন, মৈ অমসুং তোতি ঈশিং য়াওরে। হৌজিক ফাওবদা ইমুং লাখ ১৮দা অসিগুম্বা য়ুমশিং ফংহনখ্রে। হায়রিবা য়ুমশিং অসিগী অয়াম্বা শরুক নুপীশিংদা মিংদা লৈবদা অপেনবা ফাওই।

অসামগী নুপী খুদিংমক্কী পুন্সি হিংবদা লাইহন্নবা অমসুং শেন হেন্না তুংশিন্নবা সরকারনা পায়খৎলিবা থবকশিংগী মতাংদা প্রধান মন্ত্রীনা হায়খি ঙরা মালেমগী নুপীশিংগী নুমিত্তা গ্যাস সিলিন্দর অমদা লুপা ১০০ মমল তানবা ৱারেপ লৌখ্রে। অয়ুস্মান কার্দশিংনা নুপীশিংদা কান্নবা পীরে। জল জিবন মিসনগী মখাদা অসামদা ইমুং লাখ ৫০ তোতি ঈশিং ফংলে। লৈবাক অসিদা নুপী করোর ৩ লাখপতি দিদি ওইহন্নবা থবক পায়খৎলে।

২০১৪গী মতুংদা অসামদা পুৱারি ওইনা লাকখিবা অওনবশিংগী মতাংদা প্রধান মন্ত্রীনা হায়খি লম লৈজদবা য়েলহৌমী লাখ ২.৫ হেনবদা লম ফংহনখ্রে অমসুং চা থাফমশিংগী শিন্মী লাখ ৮ রোম বেঙ্কগা শম্নহন্দুনা মখোয়গী বেঙ্ক একাউন্তশিংদা সরকারগী কান্নবশিং ফংহনখ্রে। মিদলমেনশিংগী মফম অমতা পীদ্রে।

প্রধান মন্ত্রীনা হায়খি বিকসিত ভারত অমগীদমক অৱাং-নোংপোক চাউখৎপা হায়বসি য়াম্না মরুওই। অৱাং-নোংপোক শীনবা থুংনা মহাক্কী ইমুং-মনুংনি হায়না মোদীনা খল্লি। মরম অদুনা ঐখোয়না চহি কয়া পন্দুনা লৈরক্লবা প্রোজেকশিংদা মীৎয়েং চঙলিবনি। সারাঘাই থোং, ধোলা-সাদিয়া থোং, বোগীবিল থোং শারে, ভারাক ভেল্লি ফাওবা রেলৱে ব্রোদ গেজ য়ৌরে, জোগিপারাদা মল্তি-মোদাল লোজিস্তিক্স পার্ক শাগৎলে, ব্রাহ্মাপুত্রা তুরেল মথক্তা অনৌবা থোং অনি শারে অমসুং অৱাং-নোংপোক্তা ঈশিংগী লম্বী ১৮ লৈরে। হায়রিবা প্রোজেকশিং অসিনা লমদম অসিদা অনৌবা খুদোংচাবা কয়া পীরে। হন্দক পাংথোকখিবা মন্ত্রীমন্দলগী মীফমদা অনৌবা মওং অমদা উন্নাতি স্কিম পাকথোক-চাউথোকপা অয়াবা পীখ্রে। মন্ত্রীমন্দলনা লিমোনগী এম.এস.পি হেনগৎহনবদগী রাজ্য অসিগী লিমোন থাবা লৌমীশিংশু কান্নবা ফংলগনি।

প্রধান মন্ত্রীনা হায়খি মীয়ামগী থৌজাল অমসুং মীনুংশিংগীদমক তৌবীমল খঙবা উৎচরি অমসুং ভারতমচা খুদিংমক মহাক্কী ইমুং-মনুংগী মীওইনি। ভারতমচা করোর ১৪০ অসি মহাক্কী ইমুং-মনুংনি হায়না খনবদগী মীয়াম্না মোদী নুংশিবনি অমসুং মহাক্না অহিং-নুংথিল অনিমক মীয়ামগী থবক তৌরি। ঙসিগী থৌরম অসিদা মদুগী থাজবা অদু উরে। লোইশিল্লকপদা, প্রধান মন্ত্রীনা ঙসিগী চাউখৎ-থৌরাংগী প্রোজেকশিংগীদমক মীয়ামদা হরাওবা ফোঙদোকখি অমসুং ‘ভারত মাতা কি জয়’ লাউখি।

থৌরম অসিদা শরুক য়াখিবশিংগী মনুংদা অসামগী চীফ মিনিস্তর দোক্তর হিমান্ত বিশ্বা শর্মা অমসুং য়ুনিয়ন মিনিস্তর শ্রী সর্বনন্দা সোনোৱাল য়াওখি।

নুঙগীৱারোল

সিবসাগরদা মেদিকেল কলেজ অমসুং হোস্পিতাল অমসুং গুৱাহাতিদা হেমাতো-লিমফোইদ সেন্তর অমা য়াওনা প্রাইম মিনিস্তরস দিবলপমেন্ত ইনিসিয়েতিপ ফোর নোর্থ ইস্তর্ন রিজন(পি.এম-দিভাইন) স্কিমগী মখাদা প্রধান মন্ত্রীনা প্রোজেকশিং উরেপ-উয়ুং তমখি। মহাক্না থাউ অমসুং গ্যাস সেক্তরগী মরুওইবা প্রোজেকশিং উরেপ-উয়ুং তমখি। প্রোজেকশিং অসিগী মনুংদা দিগবোই রিফাইনরিগী কেপাসিতি এম.এম.তি.পি.এ(মিল্লিয়ন মেত্রিক তন পর এনম) ০.৬৫তগী ১দা হেনগৎহনবা; গুৱাহাতি রিফাইনরি পাকথোক-চাউথোকপা( এম এম তি পি এ ১.০ দগী ২.০)দা হেনগৎহনবা অমসুং কেতালাইতিক রিফোর্মিং য়ুনিত(সি আর য়ু) ইন্সতোল তৌবা; অমসুং বেতকুতচি(গুৱাহাতি) তর্মিনেল: ইন্দিয়ান ওইল কোর্পোরেসন লিমিতেদকী খুদোংচাবশিং হেনগৎহনবা অমসুং অতৈ কয়া য়াওরি।

প্রধান মন্ত্রীনা লৈবাক্কী মীয়ামদা কৎথোকখিবা মরুওইবা প্রোজেকশিংগী মনুংদা তিনসুকিয়াদা অনৌবা মেদিকেল কলেজ অমসুং হোস্পিতাল; লুপা করোর ৩,৯৯২ চঙনা শেমগৎপা কিমি ৭১৮ শাংবা বরাউনি-গুৱাহাতি পাইপলাইন(প্রধান মন্ত্রী উর্জা গঙ্গা প্রোজেক্কী শরুক ) য়াওরি। প্রধান মন্ত্রীনা অপুনবা লুপা করোর ৮,৪৫০ রোম চঙনা প্রধান মন্ত্রী অৱাস য়োজনা-গ্রামিনগী মখাদা শাবা য়ুম লাখ ৫.৫ রোমশু শঙ্গাখি।

প্রধান মন্ত্রীনা অসামদা লুপা করোর ১৩০০ হেনবগী মরুওইবা রেলৱে প্রোজেকশিং লৈবাক মীয়ামদা কৎথোকখি। হায়রিবা প্রোজেকশিংগী মনুংদা ধুপধারা-ছায়গাউন সেক্সন(নিউ বোঙ্গাইগাউন-গুৱাহাতি ভাইয়া গোলপারা দবল ওনখৎপা প্রোজেক্কী শরুক) অমসুং নিউ বোঙ্গাইগাউন-সোর্বুং সেক্সন(নিউ বোঙ্গাইগাউন-অগথোরি দবল ওনখৎপা প্রোজেক্কী শরুক) য়াওরি।

Immensely grateful for the affection of people across Assam. Speaking at the launch of development works in Jorhat. Do watch! https://t.co/MBl7NiRfb3

— Narendra Modi (@narendramodi) March 9, 2024

Urge everyone to visit Kaziranga National Park: PM @narendramodi pic.twitter.com/4dVSqmjbJK

— PMO India (@PMOIndia) March 9, 2024

Tributes to Lachit Borphukan. pic.twitter.com/SV5vQdJv6M

— PMO India (@PMOIndia) March 9, 2024

‘Vikaas Bhi, Viraasat Bhi’ is the mantra of our government. pic.twitter.com/MOfkN2U9Ns

— PMO India (@PMOIndia) March 9, 2024

The development of the Northeast is crucial for ‘Viksit Bharat’. pic.twitter.com/Paid91uwCh

— PMO India (@PMOIndia) March 9, 2024

*****