ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা অনৌবা সংসদকী শঙলেন্দা লোক সভাদা ৱা ঙাংখ্রে।

হাওসতা ৱা ঙাংবদা প্রধান মন্ত্রীনা হায়খি ঙসি অনৌবা সংসদকী শেঙলেন্দা অহানবা ওইনা পাংথোকপা পুৱারি ওইরবা অহানবা মীফম্নি অমসুং থৌরম অসিদা য়াইফ-পাউজেল পীজরি। অনৌবা সংসদ শঙলেনগী অহানবা নুমিৎকী অখন্নবা মীফমদা হাওসতা ৱা ঙাংনবা খুদোংচাবা পীবগীদমক মহাক্না স্পিকর থাগৎপা ফোঙদোকখি। থৌরম অসিগী মরুওইবা ফোঙদোক্লদুনা প্রধান মন্ত্রীনা হায়খি অমৃত কাল হৌরকপদা, অনৌবা সংসদ শঙলেন্দা হোঙজিন্দুনা তুংগী ৱারেপ অমা লৌদুনা ভারত মাঙলোমদা চঙশিল্লি।

চন্দ্রয়ান-৩ মাইপাকখিবা অমসুং জি-২০ পাংথোকখিবা অমসুং মসিনা মালেমদা পীখিবা কান্নবশিং প্রধান মন্ত্রীনা পনখি। মহাক্না হায়খি লৈবাক অসিনা ভারত্তা অখন্নবা খুদোংচাবা অমা পীরে অমসুং ঙসিদগী অনৌবা সংসদকী শঙলেন থবক তৌবা হৌরে। শেংলবা গনেস চর্তুতি পল্লদুনা প্রধান মন্ত্রীনা হায়খি ভাগবান গনেস অসি নুংঙাই-য়াইফবা, অশেংবা, মরম চাবা অমসুং লৌশিংগী ঈশ্বর অমনি। হৌজিক অসি ৱারেপশিং থবক ওইনা পাংথোকপা অমসুং অনৌবা থৌনাগা লোয়ননা অনৌবা খোঙচৎ হৌবা মতমনি। গনেস চর্তুতি থৌরমদা লোকমন্যা তিলক নিংশিংলদুনা প্রধান মন্ত্রীনা হায়খি নিংতম ইহৌ মনুংদা লোকমন্যা তিলক্না লৈবাক শীনবা থুংনা গনেস চর্তুতি অসি শ্বারাজগী মৈরী চুখৎনবা পাম্বৈ অমা ওইখি। ঙসি ঐখোয় চপ মান্নবা ইথিল অমদা চঙশিল্লি।

প্রধান মন্ত্রীনা হায়খি ঙসি ঙাকপীবগী কুহ্মৈ অমা, সাম্বাতসারি পর্ব নুমিৎনি। কনাগুম্বা অমা অতম্ননা নত্ত্রগা খঙদনা থম্মোয় কায়হনখিবগী  ঙাকপীনবা হায়জবা নুমিৎ অমনি। কুহ্মৈ অসিগী ৱাখল্লোন্দা হৌখ্রবা য়ানদবা খুদিংমক কাউথোক্নরগা মাঙলোমদা চঙশিনবা মতম ওইরে।

প্রধান মন্ত্রীনা হায়খি অরিবা অমসুং অনৌবগী মরক্তা মরী অমা ওইনা শেংলবা শেঙ্গোল লৈরে অমসুং নিংতম্বগী অহানবা মঙালগী শাখি অমা ওইরে। মসিগী শেংলবা শেঙ্গোল অসি ভারতকী অহানবা প্রধান মন্ত্রী পন্দিৎ জৱাহরলাল নেহরুনা শোকখি। মরম অদুনা শেঙ্গোলনা ঐখোয়গী হৌখ্রবা মতমগী মরুওইবা শরুক অমগা শম্নহল্লে।

প্রধান মন্ত্রীনা হায়খি অনৌবা শঙলেনগী ফজবা অসিনা অমৃত কালগী মগুন হাপ্লে। লাইচৎ মনুংদা ফাওবা শিন্মীশিং অমসুং ইঞ্জিনিয়ারশিং থবক কন্না শুখি। প্রধান মন্ত্রীনা লুচিংদুনা হাওসনা হায়রিবা শিন্মীশিং অমসুং ইঞ্জিনিয়ারশিং থাগৎপা ফোঙদোকখি। মহাক্না হায়খি শঙলেন অসি শাবা শিন্মী লিশিং ৩০ হেন্না শীজিন্নখি অমসুং শিন্মীশিংগী অকুপ্পা মরোলশিং য়াওবা দিজিতেল লাইরিক অমা লৈরে।

প্রধান মন্ত্রীনা হায়খি ঙসি ঐখোয়না খল্লিবা ৱাখলশিংনা ঐখোয়গী থবকশিং লমজিংগনি। “বাভন(শঙলেন) হোঙলে, ভাব(ৱাখলশিং)সু হোঙগদবনি।

প্রধান মন্ত্রীনা হায়খি লৈবাক অসি সেবা তৌনবা সংসদনা মরুওইবা মফম্নি। হাওস অসি রাজনিতি দল অমতগী কান্নবা ফংনবা নত্তে, মসি লৈবাক অসি চাউখৎনবনি। ঐখোয়গী ৱাহৈশিং, ৱাখলশিং অমসুং থবকশিংনা ঐখোয়না সংবিধানগী থৌনা য়োকখৎকদবনি। মেম্বর খুদিংমক্না হাওসকী অনিংবশিং ফংনবা থবক তৌগদবনি অমসুং মসি স্পিকরনা লমজিংবীগদবনি।

প্রধান মন্ত্রীনা হায়খি মীয়াম য়াইফনবা অপুনবা ওইনা ৱারি শানবা অমসুং থবক তৌবা দরকার ওই। অপুনবগী পান্দমশিং ফংনবা থবক তৌগদবনি। ঐখোয় খুদিংমক সংসদকী চৎন-কাংলোনশিং ঙাক্না চৎকদবনি।

খুন্নাইগী অহোঙবা পুরকপদা রাজনিতিগী থৌদাংগী মতাংদা প্রধান মন্ত্রীনা হায়খি ভারতকী নুপীশিংনা স্পেসতগী হৌরগা স্পোর্তস ফাওবা অচৌবা থৌদাং লৌরে। জি-২০ মীফম মনুংদা নুপীনা লমজিংবা চাউখৎপগী ৱাখল্লোন মালেম্না য়ানখ্রে। মাইকৈ অসিদা সরকারনা থাংজিনবা খোঙথাংশিং অফবা ওইগনি। জন ধন স্কিমগী কান্নবা ফংলবা মীওই করোর ৫০গী মনুংদা অয়াম্বনা নুপীশিংনি। মুদ্রা য়োজনা, পি.এম অৱাস য়োজনা স্কিমশিংনা নুপীশিংদা কান্নবশিং ফংহল্লে।

প্রধান মন্ত্রীনা হায়খি ঙসিগী থৌরম অসি ভারতকী পুৱারি ইবদা চাউখৎপগী খোঙচৎতা য়াওরগনি। নুপীশিংগী সিত খাকপগী মতাংদা অহানবা বিল অহানবা ওইনা ১৯৯৬তা পুথোকখি। বিল অসি অতল জিগী মতমদা হাওসতা কয়ারক পুথোকখি অদুবু নুপীশিংগী মঙলান মঙফাওন্নবা দরকার ওইবা মশিং ফংখিদে। মসিগী থবক অসি পাংথোক্নবা ঈশ্বরনা ঐ খল্লে হায়না ঐনা থাজৈ। রিজার্বেসন ওফ ৱুমেন ইন পর্লিয়ামেন্ত বিল অয়াবা পীনবা কেন্দ্রগী মন্ত্রীমন্দলনা ৱারেপ লৌরে। পুৱারি ওইরবা নুমিৎ সেপ্তেম্বর ১৯,২০২৩ অসি ভারতকী পুৱারিদা মুৎপা নাইদনা লৈহৌরগনি। লৈবাক্কী থবক-থৌরমশিংদা মখোয়গী থবক হেনগৎহন্নবা থৌশিল শেম্বগী থবকশিংদা নুপীশিং হেন্না শরুক য়াহনবা দরকার ওইরে। পুৱারি ওইরবা নুমিৎ অসিদা নুপীশিংদা খুদোংচাবশিং পীনবা মেম্বরশিংনা থোং হাংদোক্কদবনি।

শ্রী মোদীনা হায়খি নুপীনা মাংজিল থাবা চাউখৎপগী ৱারেপশিং থবক ওইনা পাংথোক্নবা, ঙসি ঐখোয়গী সরকারনা অচৌবা সংবিধানগী এমেন্দমেন্ত বিল অমা পুথোক্লি। বিল অসিনা লোক সভা অমসুং বিধান সভাশিংদা নুপীশিং শরুক য়াবা হেনগৎহল্লগনি। নারীশক্তি বন্দন অধিনিয়মনা মখা তানা ঐখোয়গী গনতন্ত্র মপাঙ্গল কনখৎহনগনি। নারীশক্তি বন্দন অধিনিয়মগীদমক ইমাশিং, ইচলশিং অমসুং ইচানুপীশিং ঐনা থাগৎচরি। ঐখোয়না শোইদনা বিল অসি আইন ওন্থোক্কনি হায়না লৈবাক অসিগী ইমাশিং, ইচলশিং অমসুং ইচানুপীশিংদা ঐনা থাজবা পীরি। হাওস অসি ফজনা থবক হৌনবা ঐনা মরুপশিংদা হায়জরি, করিগুম্বা বিল অসিনা লো ওইরক্লবদি মসিগী শক্তি কয়া লৈগনি। মরম অদুনা অমতা ওইনা বিল অসি পাস তৌনবা ঐনা হাওস অনিমক্তা হায়জরি।

The new Parliament Building reflects the aspirations of 140 crore Indians. Speaking in the Lok Sabha.
https://t.co/yu7RuyaPhu

— Narendra Modi (@narendramodi) September 19, 2023

आजादी के अमृतकाल का ये उषाकाल है। pic.twitter.com/l5qMchc3nX

— PMO India (@PMOIndia) September 19, 2023

आज गणेश चतुर्थी का शुभ दिन है। इस दिन हमारा ये शुभारंभ संकल्प से सिद्धि की ओर एक नए विश्वास के साथ यात्रा को आगे ले जाने का है। pic.twitter.com/RvS0OkjJIz

— PMO India (@PMOIndia) September 19, 2023

नए संसद भवन की भव्यता आधुनिक भारत को महिमामंडित करती है। हमारे इंजीनियर से लेकर कामगारों तक का पसीना इसमें लगा है। pic.twitter.com/YJ5dKc6Nu6

— PMO India (@PMOIndia) September 19, 2023

राष्ट्र की विकास यात्रा में हमें नई मंजिलों को पाना है, तो आवश्यक है कि हम Women-led Development को बल दें। pic.twitter.com/2KjGbzGmef

— PMO India (@PMOIndia) September 19, 2023

****