ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা অনৌবা পর্লিয়ামেন্ত হাওস লৈবাক মীয়ামদা কৎথোকখ্রে। ঙসি অঙনবদা, প্রধান মন্ত্রীনা অনৌবা পর্লিয়ামেন্ত হাওসতা নোংপোক-নোংচুপ মাইকৈদা নন্দিগা লোয়ন্না শেঙ্গোল খিনখি। মহাক্না মৈরা অমসু চুখৎখি অমসুং শেঙ্গোলদা লৈ কৎখি।

থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি লৈবাক খুদিংমক্কী পুৱারিদা মুৎপা নাইদ্রবা তাঞ্জা খর লৈ। তারিখ খরদি মতমগী খোঙচত্তা কাউবা নাইদ্রবা নুমিৎ অমা ওইরকই, মে ২৮, ২০২৩ অসিসু অদুগুম্বা নুমিৎ অমনি। ভারতকী মীয়াম্না মশামক্তা অমৃত মহোৎসবকী খুদোল অমা পীজরে। য়াইফরবা থৌরম অসিদা প্রধান মন্ত্রীনা মীওই খুদিংমক থাগৎপা ফোঙদোকখি।

প্রধান মন্ত্রীনা হায়খি মসি ইচম চম্বা বিল্দিং অমা নত্তে অদুবু অনৌবা পর্লিয়ামেন্ত অসি ভারতমচা করোর ১৪০গী অনিংবশিং অমসুং মঙলানশিংগী মমি অমনি। মসি মালেমদা ভারতনা শক্লিবা ৱাশক্কী পাউজেল অমা পীবা ঐখোয়গী গনতন্ত্রগী লাইশঙ অমনি। মসিগী অনৌবা পর্লিয়ামেন্ত বিল্দিং অসি থবক ওইনা পাংথোক্নবা থৌরাং তৌবা, থৌশিল শেম্বা অমসুং থবক পাংথোক্নবা থৌনা অমসুং সঙ্কলপদগী সিদ্ধিগা মরী লৈনৈ। মসি নিংতম লান্মীশিংগী মঙলানশিং মঙফাউন্নবা পাম্বৈ অমা ওইগনি। মসিনা অত্মানির্ভর ভারত অমা থোরকপা উগনি অমসুং চাউখৎলবা ভারত অমা মঙফাউনবা উবা ফংগনি। মসিগী অনৌবা পর্লিয়ামেন্ত বিল্দিং অসি অরিবা অমসুং অনৌবা পুন্না হিংমিন্নবগী খুদম অমনি।

প্রধান মন্ত্রীনা হায়খি অনৌবা লম্বীশিং শেম্বা খক্তনা অনৌবা নমুনাশিং পুথোকপা ঙমগনি। অনৌবা ভারতনা অনৌবা পান্দমশিং খঙলে অমসুং অনৌবা লম্বীশিং শেম্লি। অনৌবা থৌনা অমা, অনৌবা ইনোৎ, অনৌবা মাইকৈশিং, অনৌবা ৱাশকশিং অমসুং অনৌবা থাজবা অমা লৈরে। ভারতকী অচেৎপা ফিরেপ, লৈবাক অসিগী মীয়ামগী থৌনা অমসুং ভারতকী মীয়ামগী শক্তি অসি মালেম্না ইকায়খুম্নবা অমসুং থাজবগা লোয়ন্না মালেম্না ভারতকী মাইকৈদা য়েংলি। ভারতনা খুমাঙ চাউশিনবা মতমদা, মালেম খুমাঙ চাউশিল্লি। অনৌবা পর্লিয়ামেন্ত বিল্দিং অসিনা ভারত চাউখৎলকপদগী মালেমগী চাউখৎপা পুরক্কনি।

শেংলবা শেঙ্গোল থম্বগী মতাংদা প্রধান মন্ত্রীনা হায়খি পাক-চাউরবা চোলা এম্পয়ার মতমদা, শেঙ্গোল অসি মথৌ পাংথোকপা অমসুং লৈবাক্কী থবক তৌবগী খুদম অমা ওইনা লৌনখি। রাজাজি অমসুং অধিনামগী লমজিং মখাদা, মসিগী শেঙ্গোল অসি শক্তি শীন্নবগী শেংলবা খুদম ওইরে। থৌরম অসিগী য়াইফ-পাউজেল পীনবা লাকখিবা অধিনাম সাধুশিংদা প্রধান মন্ত্রীনা অমুক হন্না কোক নোনখি। মহাক্না হায়খি ঐখোয়না শেংলবা শেঙ্গোলগী চিংলেম্বা অমুক হঞ্জিনহলবা অসি ঐখোয়গী লাইবক ফবনি। হাওসকী থবক-থৌরমশিং মনুংদা শেঙ্গোলনা ঐখোয়দা ইথিল পীগনি।

প্রধান মন্ত্রীনা হায়খি ভারত গনতন্ত্র চৎপা লৈবাক অমা ওইবা খক নত্তনা গনতন্ত্রগী মমাশু ওইরি। লৈবাক অসি মালেমগী গনতন্ত্রগী মরুওইবা য়ুম্ফমনি। গনতন্ত্র অসি ভারত্তা চৎনবা লৈঙাক খক নত্তনা মসি কলচর অমনি, ৱাখল্লোন্নি অমসুং চৎনবীনি। বেদানা ঐখোয়দা গনতন্ত্রিক ওইবা মীফমশিং অমসুং কম্মিতিশিংগী অচুম্বা ৱাখল্লোনশিং ঐখোয়দা তম্বীরি। কনাগুম্বা অমনা মহাভারত্তা রিপব্লিক অমগী শক্তম উবা ফংগনি। ভাগবান বাশ্বেস্বারাগী অনুভাব মন্তাপ্পা অসি ঐখোয় খুদিংমক চাউথোকচনবা পোৎশক অমনি।

৯০০ এ.দি মতমগী তামিল নাদুদা ফংবা হক্তুনা ইরম্বশিংগী মতাংদা প্রধান মন্ত্রীনা হায়খি মসি ঙসি ফাওবা মীওই খুদিংমক অঙকপা ওইনরি। ঐখোয়গী গনতন্ত্র অসি ঐখোয়গী অপাম্বনি অমসুং ঐখোয়গী সংবিধান অসি ঐখোয়গী ৱারেপ্নি। মসিগী ৱারেপ অসিগী খ্বাইদগী চাউবা মীহুৎ অসি ভারতকী পর্লিয়ামেন্তনি। শ্লোক অমা থিরদুনা, প্রধান মন্ত্রীনা হায়খি মাংলোমদা চঙশিনবা লেপ্লবা মীওইশিংগী লাইবক ফবা হায়বা লৈতে, অদুবু মাঙলোমদা মখা তানা চঙশিনবা মীওইশিংগী লাইবা ফবা হেনগৎলকই।

প্রধান মন্ত্রীনা হায়খি চহি কয়া মীনাই ওইরুরবা মতুংদা, কয়া অমা মাঙলবা মতুংদা, ভারতনা মসিগী খোঙচৎ অমুক হৌরকখি অমসুং অমৃত কাল য়ৌরক্লে। অমৃত কাল অসি ঐখোয়গী হেরিতেচ ঙাকপগা লোয়ন্না চাউখৎপগী অনৌবা মশকশিং শেম্বা মতম অমনি। মসি লৈবাক অসি অনৌবা মাইকৈ অমা তাকপা অমৃত কালনি। মসিগী অমৃত কাল অসিনা মশিং থিঙমদ্রবা অনিংবা কয়া থুংহল্লে। গনতন্ত্রগী থবক শুফম ওইরিবা পর্লিয়ামেন্ত অসিসু অনৌবা অমসুং মতমগা চুনবা ওইগদবনি।

ভারতকী মপান ফরিঙৈ মতম অমসুং আর্কিতেকচর নিংশিংলদুনা প্রধান মন্ত্রীনা হায়খি চহিচা কয়া মীনাই ওইরুবদগী মসিগী নুংঙাইবা অসি ঐখোয়দগী মুনখি। ২১শুবা চহিচাগী ভারত অই থাজবনা থল্লে। “ঙসিগী ভারতনা মীনাই ওইবগী ৱাখল্লোন তুংওইনরম্লে অমসুং কলাগী অরিবা ফজবা লৌশিল্লে। মসিগী অনৌবা পর্লিয়ামেন্ত বিল্দিং অসি মসিগী থবক অসিগী অহিংবা খুদম অমনি। বিল্দিং অসিদ বিরাসাত(হেরিতেচ) অমসুং ভাসতু( আর্কিতেকচর), কলা(আর্ত) অমসুং কাউসাল(স্কিল), সংস্কৃতি(কলচর) অমসুং সংবিধান(কন্সতিতুসন) য়াওরে। লোক সভাগী মনুংগী লৈতেং অসি জাতিগী উচেক ৱাহোংগী থিমদা য়ুম্ফম ওইবনি অমসুং রাজ্য সভানা জাতিগী লৈ থম্বালদা য়ুম্ফম ওইবনি। পর্লিয়ামেন্তগী মফম অসিদা জাতিগী  উ পাম্বী খোংনাং হৌরে। অনৌবা বিল্দিং অসিদা লৈবাক্কী তোঙান-তোঙানবা মফমশিংগী অখন্নবা কয়া  য়াওরে। রাজস্থানগী গ্রেনাইত, মহারাস্ত্রাগী উ বিম অমসুং ভাধোরি খুৎহৈবশিংগী কার্পেত য়াওরে। অনৌবা বিল্দিং অসিগী মচাক খুদিংমক্তা ঐখোয়না এক ভারত শ্রেস্থা ভারতকী ৱাখল্লোন উরে।

প্রধান মন্ত্রীনা হায়খি পর্লিয়ামেন্তগী মেম্বরশিংনা অরিবা পর্লিয়ামেন্ত বিল্দিংদা থবক তৌবা খুদোংচাদবা কয়া মায়োক্নখি অমসুং তেক্নিকেলগী খুদোংচাবশিং ফংদবা অমসুং হাওসকী সিত মতিক চাদবগী অৱাবশিং মায়োক্নখি। অনৌবা পর্লিয়ামেন্ত অমা মথৌ তাবা অদু চহি কয়া খন্নদুনা লাকখি অমসুং অনৌবা পর্লিয়ামেন্ত অমা শেমগৎপা হায়বসি তঙাইফদ্রবনি। অনৌবা পর্লিয়ামেন্ত হাওস অসিদা খ্বাইদগী নৌবা তেক্নোলোজ য়াওরে অমসুং হোলশিংসু নুংশা মঙাল ফংলে।

অনৌবা পর্লিয়ামেন্ত শাবা য়াওখিবা শিন্মীশিংগা মহাক্কা উনখিবা থৌদোক নিংশিংলদুনা প্রধান মন্ত্রীনা হায়খি পর্লিয়ামেন্ত শাগৎলিঙৈ মনুংদা শিন্মী ৬০,০০০ থবক পীখি অমসুং মখোয়না পাংথোকখিবা থবকশিং উৎনবা হাওসতা অনৌবা গেল্লরি অমা শেমগৎলে। অনৌবা পর্লিয়ামেন্ত বিল্দিংদা শ্রামিকশিংনা পাংথোকখিবা থবকশিং মুৎপা নাইদনা থম্বা অসি মসিনা অহানবনি।

হৌখিবা চহি ৯গী মতাংদা প্রধান মন্ত্রীনা হায়খি অখঙ-অহৈ অমনা মসিগী চহি ৮ অসি অমুক হন্না শেমগৎ-শাগৎপা চহিশিং অমসুং গরিব কলয়ান ওইনা লৌগনি। অনৌবা বিল্দিং অসিগী চাউথোকচবা তাঞ্জা অসিদা, লায়রিবা মীওই করোর ৪গী অপেনবা অদু মহাকসু খঙলে। তোইলেত করোর ১১, খুঙ্গংশিং শম্নবা কিলোমিতর লাখ ৪ হেনবগী লম্বীশিং, অমৃত সরোভর লিশিং ৫০ হেনবা অমসুং অনৌবা পঞ্চায়ত ভাবন লিশিং ৩০ হেনবগী অপেনবা অদু ফোঙদোক্লদুনা প্রধান মন্ত্রীনা হায়খি পঞ্চায়ত ভাবনশিংদগী হৌরগা পর্লিয়ামেন্ত ফাওবা অনিংবা অমা খক্তনা ঐখোয় লমজিংলি, মদুদি লৈবাক অমসুং মসিগী মীয়াম চাউখৎপনি।

নিংতম্বা নুমিত্তা লাল কিলাদগী লৈবাক মীয়ামদা মহাক্না ৱা ঙাংখিবা অদু নিংশিংলদুনা প্রধান মন্ত্রীনা হায়খি লৈবাক খুদিংমক্কী পুৱারিদা লৈবাক অদু মিকপ থোকহনবা মতম অমা লাকই। গান্ধীজিগী মতেং পাংদবা খোঙজং মনুংদা নিংতমগদবা চহি ২৫গী মমাঙদা ভারত্তা অসিগুম্বা মতম অমা লাকখি। শ্বারাজগী ৱারেপকা লোয়ন্না গান্ধীজিনা ভারতমচা খুদিংমক্কা শম্নখি। মতম অসি ভারতমচা খুদিংমক্না নিংতম্বা ফংনবা লান্থেংনবা মতম্নি। মসিগী ফল ওইনা ভারতনা ১৯৪৭দা নিংতম্বা ফংখি।

শ্রী মোদীনা হায়খি অজাদি কা অমৃত কাল অসি পুৱারিগী মতমগা চাংদম্নবা নিংতম্বা ফংলবা ভারতকী তাঙ্কক অমনি। মথং চহি ২৫দা লৈবাক অসিনা নিংতম্বা ফংবা চহি ১০০ মপুংফারগনি। নাগরিক খুদিংমক্না মতেং পাংদুনা হায়রিবা চহি ২৫ অসিদা ভারত চাউখৎলবা লৈবাক অমা ওইহনবা দরকার ওইরে। ভারতমচা খুদিংমক্কী থাজবা অসি লৈবাক মশামক খক্তদা নত্তে হায়বা পুৱারিনা শাখিনি। ভারতকী নিংতম ইহৌনা মতম অদুদা মালেমগী লৈবাক কয়া অনৌবা ৱাখল অমা মিকপ থোকহনখি। খেন্নবা কয়া লৈবা, মশিং য়াম্লবা মীশিং লৈবা ভারতগুম্বা লৈবাক অমনা খুদোংচাদবা কয়া মায়োক্নখি, থাজবা অমগা লোয়ন্না মাঙলোমদা চঙশিনখি, মালেমদা লৈবাক কয়া লৈবাক অসিনা ইথিল পীখি। ভারতকী মাইপাকপা খুদিংমক মালেমগী তোঙান-তোঙানবা মফমশিংদা লৈবাক কয়াগী মাইপাকপা অমা ওইরগনি। লৈবাক অসি চাউখৎনবা অচেৎপা ফিরেপ অসিনা অতোপ্পা লৈবাক কয়াগী থৌনা হাপকদবা মরম্না ভারতকী থৌদাং অসি হেন্না চাউখৎলক্লে।

প্রধান মন্ত্রীনা হায়খি অনৌবা পর্লিয়ামেন্ত বিল্দিংনা লৈবাক অসিগী মাইপাকপদা থম্লিবা লৈবাক্কী থাজবা হেনগৎহনগনি অমসুং চাউখৎলবা ভারত অমগী মাইকৈদা মীওই খুদিংমক ইথিল পীগনি। লৈবাক্না অহানবা হায়বা ৱাখল্লোনগা লোয়ন্না ঐখোয় চঙশিনগনি। ঐখোয়না পুম্নমক্কী মথক্তা থৌদাং পাংথোকপনা লৈহনগনি। ঐখোয় ইশামক লেপ্তনা চাউখৎহন্দুনা ঐখোয়গী থবক্কা লোয়ন্না ঐখোয় খুদম অমা ওইগনি। ঐখোয় ইশানা ইশাগী লম্বী শেমজগনি।

প্রধান মন্ত্রীনা হায়খি মালেমদা খ্বাইদগী চাউবা গনতন্ত্র চৎপা লৈবাক অসিদা অনৌবা পর্লিয়ামেন্তনা নৌবা থৌনা অমসুং পাঙ্গল পীগনি। ঐখোয়গী শিন্মীশিংনা পর্লিয়ামেন্ত অসি য়াম্না ফজনা শারে, মখোয়গী কৎথোকপা অদু ইকায়খুম্নবা উৎপা হায়বসি পর্লিয়ামেন্তগী মেম্বর খুদিংমক্কী থৌদাংনি। ভারতমচা করোর ১৪গী ৱারেপ্না অনৌবা পর্লিয়ামেন্ত শেমগৎখিবনি। মফম অসিদা লৌখিবা ৱারেপ খুদিংমক তুংগী চহিচা কয়া লৈহৌরগনি অমসুং তুংগী মীরোলশিং মপাঙ্গল কনখৎহনগনি।

প্রধান মন্ত্রীনা হায়খি লায়রবা, দিলিত, তোল্লবা, ত্রাইবেল, শোইনাইরবা অমসুং খুন্নাইগী তোল্লবা ইমুং খুদিংমক শক্তি পীনবা লম্বী অমসুং তোল্লবশিং চাউখৎহন্নবা লম্বী অদু মসিগী পর্লিয়ামেন্ত অসি ফাওদুনা চৎকনি। অনৌবা পর্লিয়ামেন্ত বিল্দিং অসিগী চেক খুদিংমক, ফক্লাং খুদিংমক, মচাক খুদিংমক লায়রবশিংগী য়াইফনবা কৎথোক্কনি। মথং চহি ২৫দা অনৌবা পর্লিয়ামেন্ত অসিদা শেম্বা আইনশিংনা ভারত চাউখৎলবা লৈবাক অমা ওইহনগনি, ভারত লায়রবা কোকহনবদা মতেং পাংগনি অমসুং লৈবাক অসিগী নহারোলশিং অমসুং নুপীশিংগী অনৌবা খুদোংচাবশিং শেমগনি।

লোইশিল্লকপদা প্রধান মন্ত্রীনা হায়খি পর্লিয়ামেন্তগী অনৌবা বিল্দিং অসিনা অনৌবা, নুংঙাই-য়াইফবা,মপাঙ্গল কনবা অমসুং চাউখৎলবা ভারত অমা শেম্নবা য়ুম্ফম থোনগনি। মসি থৌশিল, অচুম্বা,চিংলেম্বা অমসুং মথৌ পাংথোকপা অমসুং হেন্না মপাঙ্গল কনবা ভারতমচা অমনা চৎপা লম্বীনি।

থৌরম অদু শরুক য়াখিবশিংগী মনুংদা লোক সভাগী স্পিকর শ্রী ওম বিরল অমসুং রাজ্য সভাগী দিপুতি স্পিকর শ্রী হরিভন্স নরায়ন সিংহ য়াওখি।  

The new Parliament House is a reflection of the aspirations of new India. https://t.co/qfDGsghJgF

— Narendra Modi (@narendramodi) May 28, 2023

मैं सभी देशवासियों को भारतीय लोकतन्त्र के इस स्वर्णिम क्षण की बहुत-बहुत बधाई देता हूं: PM @narendramodi pic.twitter.com/CzJrYda3Mw

— PMO India (@PMOIndia) May 28, 2023

ये सिर्फ एक भवन नहीं है।

ये 140 करोड़ भारतवासियों की आकांक्षाओं और सपनों का प्रतिबिंब है।

ये विश्व को भारत के दृढ संकल्प का संदेश देता हमारे लोकतंत्र का मंदिर है। pic.twitter.com/aRxAw40i2n

— PMO India (@PMOIndia) May 28, 2023

जब भारत आगे बढ़ता है तो विश्व आगे बढ़ता है।

संसद का ये नया भवन, भारत के विकास से, विश्व के विकास का भी आह्वान करेगा। pic.twitter.com/k2SmBSxJc7

— PMO India (@PMOIndia) May 28, 2023

जब भी इस संसद भवन में कार्यवाही शुरू होगी, सेंगोल हम सभी को प्रेरणा देता रहेगा। pic.twitter.com/mWWVJ8BzcT

— PMO India (@PMOIndia) May 28, 2023

भारत एक लोकतान्त्रिक राष्ट्र ही नहीं बल्कि लोकतन्त्र की जननी भी है, Mother of Democracy भी है। pic.twitter.com/rulDUQAtIq

— PMO India (@PMOIndia) May 28, 2023

हमारा लोकतंत्र ही हमारी प्रेरणा है, हमारा संविधान ही हमारा संकल्प है।

इस प्रेरणा, इस संकल्प की सबसे श्रेष्ठ प्रतिनिधि, हमारी ये संसद ही है। pic.twitter.com/SdU3oCdE0M

— PMO India (@PMOIndia) May 28, 2023

ग़ुलामी के बाद हमारे भारत ने बहुत कुछ खोकर अपनी नई यात्रा शुरू की थी।

वो यात्रा कितने ही उतार-चढ़ावों से होते हुए, कितनी ही चुनौतियों को पार करते हुए, आज़ादी के अमृतकाल में प्रवेश कर चुकी है। pic.twitter.com/r9R9T5oMYS

— PMO India (@PMOIndia) May 28, 2023

आज नए संसद भवन को देखकर हर भारतीय गौरव से भरा हुआ है। pic.twitter.com/Cx2OGJbZfL

— PMO India (@PMOIndia) May 28, 2023

हमारे पास 25 वर्ष का अमृत कालखंड है।

इन 25 वर्षों में हमें मिलकर भारत को विकसित राष्ट्र बनाना है। pic.twitter.com/HnieE0XrCT

— PMO India (@PMOIndia) May 28, 2023

मुझे विश्वास है, इस संसद में जो जनप्रतिनिधि बैठेंगे, वे नई प्रेरणा के साथ, लोकतंत्र को नई दिशा देने का प्रयास करेंगे: PM @narendramodi pic.twitter.com/FPiaIZ8gTu

— PMO India (@PMOIndia) May 28, 2023

संसद का यह नया भवन, नये भारत के सृजन का आधार बनेगा। pic.twitter.com/KEfSEf10f4

— PMO India (@PMOIndia) May 28, 2023

****