ভারতকী প্রধানমন্ত্রী

হান্নগী প্রধান মন্ত্রী অতল বিহারী ভাজপেয়ীগী মপোক কুমওন্দা, প্রধান মন্ত্রী শ্রী নরেন্দ্র মোদীনা ঙসি নই দিল্লীদা পাংথোকপা থৌরম অমদা অতল ভুজল য়োজনা (অতল জল) হৌদোকখ্রে অমসুং রোহতাং পাসকী মখাদা লৈবা স্ত্রেতেজিক তনেলবু ভাজপেয়ীগী মমিং লৌদুনা থোনখ্রে।

থৌরম অদুদা ৱা ঙাংলদুনা প্রধান মন্ত্রীনা হায়খি মদুদি ঙসি লৈবাক অসিগী য়াম্না মরু ওইবা অচৌবা প্রোজেক্ত অমা ওইরিবা, হিমাচল প্রদেশকী মনালিবু লেহ, লদাখ অমসুং জম্মু কাশ্মিরগা শম্নহল্লিবা রোহতাং তনেলগী মমিং অসি হৌজিক্তগী অতল তনেল হায়না খংনরগনি। স্ত্রেতজিক তনেল অসিনা লমদম অসিগী লাইবক্তা অহোমবা পুরক্লগনি হায়নসু মহাক্না ফোংদোকখি। মসিনা লমদম অসিদা তুরিজম চাউখৎহনবদসু মতেং ওইরগনি।

অতল জল য়োজনাদা প্রধান মন্ত্রীনা হায়খি মদুদি ঈশিংগী হিরম অসি অতল জীগী মফমদা য়াম্না মরু ওইখি অমসুং থম্মোইগা য়াম্না নক্নখি। ঐখোয়গী সরকারনা মহাক্কী মীৎয়েং অদু ইমপ্লিমেন্ত তৌনবা কন্না হোৎনরি। অতল জল য়োজনা নত্রগা জল জীবন মিসনগা মরী লৈনবা গাইদলাইনশিং অসি ২০২৪ ফাওবদা লৈবাক অসিগী ইমুং খুদিংদা ঈশিং ফংহন্নবা অচৌবা খোংথাংশিংনি হায়না প্রধান মন্ত্রীনা মখা তাখি। মসিগী ঈশিংগী ক্রাইসিস অসি ইমুং অমা ওইনা, নাগরিক অমা ওইনা অমসুং লৈবাক অমা ওইনা ঐখোয়গীদমক ৱানিঙাইনি অমদি দিবেলপমেন্তদসু অপনবা পী হায়না মহাক্না ফোংদোকখি।  

প্রধান মন্ত্রীনা অকনবা ৱাফম থমখি মদুদি জল শক্তি মন্ত্রালয়না ঈশিংবু কম্পার্তমেন্তেলাইজ এপ্রোচতগী নান্থোকহল্লে অমসুং কমপ্রেহেন্সিব অমসুং হোলিস্তিক এপ্রোচ অমদা পুরক্লে। হন্দক্কী মোনসুন্দা জল শক্তি মন্ত্রালয়গী মায়কৈদগী মতৌ করম্না ঈশিং য়োকশিন্নবা হোৎনখিবগে হায়বদু ঐখোয়না উখ্রে হায়না মহাক্না মখা তাখি। মহাক্না হায়খি মদুদি নাকল অমরোমদা জল জীবন মিসন্না ইমুং খুদিংমক্তা পাইপ ৱাতর সপ্লাই ফংহন্নবগী মায়কৈদা থবক তৌরি, অদুগা অতোপ্পা নাকল অমরোমদা অতল জল য়োজনানা গ্রাউন্দৱাতর য়াম্না নেম্বা অদুগুম্লবা মফমশিংদা অখন্নবা পুক্নিং চংগনি।    

অতল ভুজল য়োজনা (অতল জল)

অতল জল অসি রাজ্য তরেৎ গুজরাত, হরিয়ানা, কর্নাতকা, মধ্য প্রদেশ, মহারাস্ত্র, রাজস্তান অমসুং উত্তর প্রদেশতা সস্তেনেবল গ্রাউন্দৱাতর রিসোর্স মেনেজমেন্তগীদমক কমুনিতীগী থাক্তা অহোংবা পুরক্নবা অমসুং গ্রাউন্দৱাতর রিসোর্স মেনেজমেন্তদা থৌদাং লৌনবগীদমক ইন্সতিত্যুস্নেল ফ্রেমৱার্ক চেৎশিলহন্নবগী পান্দমগা লোয়ননা দিজাইন তৌবনি। স্কিম অসি ইমপ্লিমেন্ত তৌবনা রাজ্যশিং অসিদা জিলা ৭৮দা লৈরিবা চাউরাক্না গ্রাম পঞ্চায়ৎ ৮৩৫০দা কান্নহল্লগনি।

রোহতাং পাসকী মখাদা তনেল

কিলোমীতর ৮.৮ শাংবা তনেল অসি মীতর ৩,০০০গী ওল্তিচুদকী মথক্তা শাবা মালেমগী খ্বাইদগী শাংবা তনেলনি। মসিনা মনালি অমসুং লেহগী মরক্তা কিলোমীতর ৪৬কী অরাপ্পা হন্থহল্লগনি অমসুং ত্রান্সপোর্তেসনগী মমল লুপা কোতি কয়া কনবা ঙম্লগনি। মসি মীতর ১০.৫ পাকপা সিঙ্গল ত্যুব বাই-লেন তনেল অমনি। তনেল অসিনা হিমাচল প্রদেশ অমসুং লদাখকী মনুং হুনজিনবা ঙখৈগী লমদমশিংদা ইংথমথাগী মতমদা থা তরুক লৈবাক্কী অতৈ মফমশিংগা লম্বী ফাওনরমদবা অদু হৌজিক্তি ৱেদর খুদিংমক্তা কনেক্তিবিতী ফংহল্লগনি।