ভারতকী প্রধানমন্ত্রী

ঙসি কুৱেতকী অমির সৈখ মেসাল অল-অহমদ অল-জাবর অল-সাবাহনা প্রধান মন্ত্রী শ্রী নরেন্দ্র মোদীদা কুৱেতকী খ্বাইদগী চাউবা জাতিগী মনা দ ওর্দর ওফ মুবারক অল-কাবির পীখ্রে। থৌরম অদুদা কুৱেতকী প্রধান মন্ত্রী সৈখ অহমদ অল-অবদুল্লাহ অল-অহমদ অল-সাবাহশু শরুক য়াখি।

মনা অদু প্রধান মন্ত্রীনা মতম কুইরবা ভারত অমসুং কুৱেতকী মরক্ত লৈনরিবা মরুপ-মপাং ওইবা মরী, কুৱেত্ত লৈবা ভারতমচাশিং অমসুং ভারতকী মীওই বিল্লিয়ন ১.৪ দা কৎথোকখ্রে।

চহি ৪৩ গী মতুংদা ভারতকী প্রধান মন্ত্রী অমগী পুৱারি ওইরবা খোঙচৎ অসিদা মনা অসি পীবা অসিনা থৌরম অসি অমুক্কা হেন্না মশক থোকহল্লে।

মনা অসি ১৯৭৪ দা লিংখৎখিবনি অমসুং মালেমগী খনগৎলবা লুচিংবশিংদা মনা পীদুনা লাক্লি।

****