ভারতকী প্রধানমন্ত্রী
“থাজবা অমসুং পার্তনরশিপকী থোংদা তেংবাং পীনবগী অনৌবা থাক্তা য়ৌবা”
১. রসিয়াগী রাস্ত্রপতি শ্রী ব্লাদিমির পুতিনগী বার্তন্দা ভারতকী প্রধান মন্ত্রী শ্রী নরেন্দ্র মোদীনা ওফিসিয়েল খোংচৎ অমদা ২০১৯গী সেপ্তেম্বর ৪-৫দা রসিয়াদা চৎখি। ২০শুবা ইন্দিয়া-রসিয়া চহীগী মীফম ব্লাদিবোস্তোক্তা পাংথোকখি। শ্রী নরেন্দ্র মোদীনা ৫শুবা ইস্তর্ন ইকোনোমিক ফোরমদা অথোয়বা মীথুংলেন ওইনসু শরুক য়াখি।
২. ২০শুবা চহীগী মীফমগী জুব্লিদা লুচিংবা অনিমক্না ভারত অমসুং রসিয়াগী মরক্তা অখন্নবা স্ত্রেতেজিক পার্তনরশিপতা খুমাং চাওশিল্লিবা অদু খংমিন্নখি। মসিগী মরীশিং অসি তোপ তোপ্পা, থাজগনবা অমসুং মহৌশানা নাকল অনিগী কান্ননিঙাই ওইবা লমশিংদা তেংবাং পীনবনি। মখোয়শিং অসি মান্নবা সভ্যতাগী ওইবা ভেল্যুশিং, মতম কুইনা চাংয়েং তৌরক্লবা মরূপ ওইবগী মরী, নাকল অনিমক্না ভাব তামিন্নবা, থাজবা, কমন ইন্তরেস্ততা য়ুমফম ওইরি।
৩. ভারত-রসিয়াগী মরী অসি মতম মতমগী মালেমগী মখল ময়া য়াম্লবা অচুম্বশিংগা লোয়ননা মায় পাক্না চংশিল্লি। মখোয়বু কৈদৌনুংদা মপানগী ইনফ্লুয়েন্সনা থুক্কৎহনবা ঙম্লোয়। ভারত-রসিয়া মরীশিংগী পরিং অপুনবগী দিবেলপমেন্ত অসি লৈবাক অনিমক্কী ওইনা ফোরেন পোলিসী প্রায়োরিতী অমনি।
৪. নাকল অনিমক্না মখোয়গী পার্লিয়ামেন্তশিংগী মরক্তা অচেৎপা তেংবাং পীনবা অদু তরাম্না ওকখি অমসুং মখোয়গী লৈবাক অনিগী মরীশিংগী মগুনলৈবা মচাক অমা ওইনা ইন্তরপার্লিয়ামেন্তরী ইন্তরেক্সনগী মরুওইবা অদু খংমিন্নখি। মখোয়না ২০১৮গী দিসেম্বরদা স্তেত দুমাগী চিয়ার্মেনগী ভারত খোংচৎ অদু নিংশিংখি অমসুং ২০১৯গী লোইশিল্লকপদা লোক সভাগী স্পিকরগী রসিয়া খোংচৎতা মীৎয়েং থমখি।
৫. নাকল অনিমক্না ভারত-রসিয়া মরীশিংগী রেঞ্জ অসি মখা তানা শন্দোক্নবগীদমক য়ুমফম অমা ওইনা অচেৎপা, মায়থোং য়াম্বা ললোন-ইতিক অমসুং ইকোনোমিক কোওপরেসন্দা প্রায়োরিতী পীরি।
৬. লুচিংবশিংনা ত্রেদ, ইকোনোমিক, সাইন্তিফিক, তেক্নোলোজিকেল অমসুং কলচরেল কোওপরেসন্দা ইন্দিয়া-রসিয়া ইন্তরগোভর্মেন্তেল কম্মিসনগী থবক অদুদা অপেনবা ফোংদোকখি মদুনা লম কয়াদা তেংবাং পীনবা হেঙ্গৎহল্লে।
৭. নাকল অনিমক্না ত্রেদ তর্নওভরগী স্তেবল ম্যুচেল গ্রোথতা অপেনবা ফোংদোকখি। ২০২৫ ফাওবদা মসিবু য়ু.এস.দোলর বিলিয়ন ৩০দা পুরক্নবা মখোয়না ভারত অমসুং রসিয়াগী ইমপ্রেসিব রিসোর্স অমসুং হ্যুমেন রিসোর্সশিংগী পোতেন্সিয়েলবু হেন্না এক্তিব ওইনা এঙ্গেজ তৌবদা য়ান্নখি।
৮. নাকল অনিমক্না মেক ইন ইন্দিয়া প্রোগ্রাম অমসুং রসিয়াদা প্রোজেক্তশিং ইনভেস্ত তৌরিবা ভারতকী কম্পেনিশিংদা রসিয়াগী বিজিনেস শরুক য়াবা হেঙ্গৎহনবদা মখোয়গী অপাম্বা ফোংদোকখি। মসিগী মনুং চন্না ইনভেস্তমেন্তশিংগী প্রমোসন অমসুং ম্যুচেল প্রোতেক্সন্দা ইন্দিয়া-রসিয়া ইন্তরগোভর্মেন্তেল এগ্রীমেন্ত খুৎয়েক পীননবী শেম শাবদা খোংজেল য়াংশিহনবদা মখোয়না য়ান্নরে।
৯. নাকল অনিমক্না ম্যুচেল ত্রেদতা লৈরিবা অয়েৎপশিং লৌথোক্নবগী মায়কৈদা পুন্না থবক তৌমিন্নবদা য়ান্নখি। মসিনা য়ুরেসিয়ান ইকোনোমিক য়ুনিয়ন অমসুং ভারতকী মরক্তা ত্রেদিং এগ্রীমেন্ত প্রপোজ তৌদুনা অপনবশিং লায়থোকহল্লগনি।
১০. মখোয়না গুদস অমসুং সর্ভিসেস, ইন্তরপ্রিন্যুরেল এক্তিভিতিজ অমসুং ইনভেস্তমেন্তকীদমক এনভাইরনমেন্ত, হর্মোনাইজ অমসুং রিফাইনগা মরী লৈনবা ইম্পোর্ত অমসুং এক্সপোর্ত প্রোসিদ্যুরশিং, স্তিমলাইন অমসুং স্তেন্দরদাইজ তেক্নিকেল, সেনিতরী অমসুং ফাইতোসিনিতরীগী দরকার ওইবশিংদা ত্রেদকী মওং মতৌ ফগৎহবদা য়ান্নখি।
১১. নেস্নেল করেন্সীশিংদা পেমেন্তশিংগী ম্যুচেল সেত্তলমেন্তশিং প্রমোৎ তৌনবা থবক মখা চত্থরগনি।
১২. লৈবাক অনিগী ত্রেদ অমসুং ইকোনোমিক্কী মরীশিং প্রমোৎ তৌনবগীদমক রসিয়ান এক্সপোর্ত সেন্তরগা লোয়ননা পুল্লগা ভারত্তা রসিয়াগী ত্রেদ মিসনগী প্লেৎফোর্মদা মুম্বাইদা রসিয়ান এক্সপোর্ত সপোর্ত গ্রুপকী ওফিস লিংখৎখিববু তরাম্না ওকখি।
১৩. নাকল অনিমক্না সেন্ত পিতর্সবর্গ ইন্তর্নেস্নেল ইকোনোমিক ফোরম অমসুং ইন্দিয়া-রসিয়া বিজিনেস দাইলোগকী থৌদাং অদু খংমিন্নখি।
১৪. লুচিংবা অনিমক্না ২০১৯গী জুলাই ১০দা নই দিল্লীদা পাংথোকখিবা ইন্দিয়া-রসিয়া স্ত্রেতেজিক ইকোনোমিক দাইলোগকী ২শুবা এদিসন পাংথোকখিবা অদু তরাম্না ওকখি।
১৫. লুচিংবশিংনা রসিয়াগী ফার ইস্তকী দিভেলপমেন্তকী মওং মতৌদা নই দিল্লী অমসুং মোস্কোগী মরক্তা তেংবাং পীনরিবা অদুদা অপেনবা ফোংদোকখি। ভারতকী কম্পেনি কয়া অমা ফার ইস্ততা মায় পাক্না লিংখৎলে।
১৬. রসিয়াগী ফার ইস্তকা লোয়ননা তেংবাং পীনবা হেঙ্গৎহন্নবা ভারতনা হোৎনরি। অহানবা খোংথাং অমা ওইনা, তার্গেৎ তৌরিবা সেক্তরশিংদা লৈবাক অনিগী এঙ্গেজমেন্ত হেঙ্গৎহন্নবা হৌজিক ফাওবগী অহানবা ওইনা ভারতকী কম্মর্স অমসুং ইন্দস্ত্রী মন্ত্রীনা লুচিংবা ভারতকী রাজ্যশিংগী মুখ্য মন্ত্রী মরিগী মীহুৎ কাংবু অমা ২০১৯গী ওগস্ত ১২-১৩দা ব্লাদিবোস্তোক্তা চৎখি।
১৭. আর্কতিক্তা রসিয়াগা লোয়ননা তেংবাং পীননবা ভারতনা মীৎয়েং থম্লি। ভারতনা আর্কতিক রিজন্দা থৱায় য়াওনা দিবেলপ তৌরি অমসুং আর্কতিক কাউন্সিলদা মরুওইবা থৌদাং অমা লৌনবসু শেম শারি।
১৮. রসিয়ানা মসিগী শরুক্তা, ভারত্তা অচৌবা ইনফ্রাস্ত্রকচরেল অমসুং অতোপ্পা প্রোজেক্তশিংদা শরুক য়ানবা মসিনা থৌরাংলিবা অদু ফোংদোকখ্রে। হন্দক্তা মুম্বাইদা ফার ইস্ত ইনভেস্তমেন্ত অমসুং এক্সপোর্ত এজেন্সীগী ওফিস হৌদোকখিবা অদু নাকল অনিমক্না তরাম্না ওকখি।
১৯. ইনর্জী ইন্দস্ত্রী অসি লৈবাক অনিমক্কী মরক্তা ইন্তরেক্সনগী মরুওইবা এরিয়া অমা ওইরি- এরিয়া অসিদা ভারত অমসুং রসিয়াগী ইকোনোমীদা অমনা অমদা কান্নবা ফংহল্লি। সিভিল ন্যুক্লিয়ার কোওপরেসন অসি ভারত অমসুং রসিয়াগী মরক্তা স্ত্রেতেজিক পার্তনরশিপকী মরুওইবা মচাক অমনি।
২০. বঙ্গলাদেশতা রুপ্পুর এন.পি.পি. শাবদা মায় পাক্না তেংবাং পীনখিবা অদু নাকল অনিমক্না ফোংদোক্নখি অমসুং অহুমশুবা লৈবাক্তা অসিগুম্বা মান্নবা মখলগী তেংবাং পীনবা হেঙ্গৎহন্নবা মখোয়না থৌরাং তৌরে হায়না ফোংদোকখি।
২১. লুচিংবশিংনা নন-ন্যুক্লিয়ার ফ্যুএল অমসুং ইনর্জীগী লমদা তেংবাং পীনবগী পাক চাওরবা পোতেন্সিয়েল অদু খংমিন্নখি। জে.এস.সি. রোজনেফ ওইল কম্পেনি অমসুং কোন্সোরতিয়ম ওফ ওইল এন্দ গ্যাস পব্লিক সেক্তর অন্দরতেকিংগী মরক্তা মায় পাক্না ৱারী শান্নখিবা অদু ভারত অমসুং রসিয়ানা তরাম্না ওকখি।
২২. লুচিংবশিংনা ওফশোর ফিল্দশিং য়াওনা রসিয়া অমসুং ভারত্তা ওইল অমসুং গ্যাসকী লমশিংদা জিওলোজিকেল এক্সপ্লোরেসন অমসুং জোইন্ত দিবেলপমেন্তদা তেংবাং পীনবা হেঙ্গৎহন্নবা ৱারেপ লৌখি।
২৩. মীফম মনুংদা ২০১৯-২৪ ফাওবগী ওইনা হাইদ্রোকার্বোন্দা তেংবাং পীননবগীদমক রোদমেপ অমা খুৎয়েক পীনবগা লোয়ননা সেক্তর অসিদা মথংগী চহী মঙাদা অনৌবা থাক অমদা য়ৌনবা নাকল অনিমক্না লৈবাক অনিগী ওইবা তেংবাংদা আশা তৌরি।
২৪. ভারত অমসুং রসিয়াগী মরক্তা ত্রেদ অমসুং ইকোনোমীগী মরীশিং মখা তানা দিবেলপ তৌবা হেঙ্গৎহন্নবা নাকল অনিমক্না ত্রান্সপোর্ত ইনফ্রাস্ত্রকচর ফগৎহন্নবা থবক তৌনবগী অপাম্বা ফোংদোকখি। মখোয়না ইন্তরনেস্নেল নোর্থ-সাউথ ত্রান্সপোর্ত কোরিদোর চাওখৎহনবগী চাউনা মরুওইবা অদু ফোংদোকখি।
২৫. নাকল অনিমক্না রেলৱেজগী লমদা তেংবাং পীনবা হৌদোকপগী অফবা পোতেন্সিয়েল অদু খংমিন্নখি। মখোয়না নাগপুর-সেকন্দ্রবাদ সেক্সনগী খোংজেল হেঙ্গৎহন্নবগীদমক ফিজিবিলিতী স্তদীগী প্রোগ্রেস অদুদা অপেনবা ফোংদোকখি।
২৬. নাকল অনিমক্না লৈবাক অনিমক্কী তোঙান তোঙানবা রিজনশিংগী মরক্তা ফ্লাইতশিং য়াওনা দাইরেক্ত পেসেঞ্জর অমসুং কার্গো ফ্লাইতশিং হেঙ্গৎহনবগী ওইথোকপা য়াবশিং অদু নৌহৌনা য়েংশিনবদা য়ান্নখি।
২৭. মখোয়না ত্রান্সপোর্ত প্রোজেক্তশিংগী ইনফ্রাস্ত্রকচরগীদমক্তা ত্রান্সপোর্ত এদজুকেসন, প্রোফেস্নেল ত্রেনিং অমসুং সাইন্তিফিক সপোর্ত্তা মখা তানা তেংবাং পীননবা অপাম্বা ফোংদোকখি।
২৮. নাকল অনিমক্না সাইন্স অমসুং তেক্নোলোজীদা জোইন্ত রিসর্সকী মরুওইবা অদু ফোংদোকখি। মখোয়না তেলিকমুকেসন্স, রোবোতিক্স, আর্তিফিসিয়েল ইন্তেলিজেন্স, নেনোতেক্নোলোজীজ, ফার্মাসী অমসুং অতোপ্পা হাই-তেক প্রদক্তশিংগী দিবেলপমেন্তদা তেংবাং পীননবা ৱাফম থমখি।
২৯. ওল ইন্দিয়া তাইগর ইস্তিমেসন ২০১৮গী রিজল্ত অদু রসিয়াগী মায়কৈদগী তরাম্না ওকখি। ২০২২দা পাংথোক্কদৌরিবা অনিশুবা ইন্তরনেস্নেল তাইগর কঞ্জারবেসন ফোরমগী পাংথোক্নবা রসিয়াগী খোংথাং অদু ভারতকী মায়কৈদগী তরাম্না ওকখি।
৩০. তেংবাং পীননবা ৱেরেপ লৌখিবা লমশিংদা এভিয়েসন অমসুং স্পেস য়াওরি। নাকল অনিমক্না সিভিল এয়ারক্রাফকী দিবেলপমেন্ত অমসুং প্রদক্সনগীদমক ভারত্তা জোইন্ত ভেঞ্চর লিংখৎপগী প্রোস্পেক্তশিং এক্সপ্লোর তৌবদা য়ান্নখি।
৩১. নাকল অনিমক্না হ্যুমেন স্পেস ফ্লাইত প্রোগ্রামস অমসুং সেতেলাইত নেভিগেসন য়াওনা স্তেত স্পেস কোর্পোরেসন “রোসকোসমোস” অমসুং ইন্দিয়ান স্পেস ওর্গনাইজেসনগী মরক্তা তেংবাং পীনবা হেঙ্গৎলকপবু তরাম্না ওকখি।
৩২. নাকল অনিমক্না ভারতকী অহানবা মী য়াওবা মীসন ‘গগনয়ান’গীদমক রসিয়াগী মায়কৈদগী তেংবাং পীননবা খুৎয়েক পীনখিবা ফ্রেমৱার্ক্কী মনুংদা এক্তিব ওইবা থবক চত্থববু তরাম্না ওকখি।
৩৩. নাকল অনিমক্না য়ু.এন. কম্মিতী ওন দি পিছফুল য়ুজেস ওফ আউতর স্পেস (য়ু.এন. সি.ও.পি.য়ু.এস.)কী মনুংদা তেংবাং পীনবা হেঙ্গৎহন্নিবগী অপাম্বা ফোংদোকখি।
৩৪. দাইমন্দ ইন্দস্ত্রীদা তেংবাং পীনবগী মরুওইবা অদু মখোয়না খংমিন্নখি। ভারত্তা পি.জে.এস.সি. এ.এল.আর.ও.এস.এ. ওফিসনা মায়পাক্না মথৌ তৌরিবা অদু নাকল অনিমক্না খংমিন্নখি।
৩৫. লৌউ শিংউবগী মায়কৈদা লৈবাক অনিগী ললোন ইতিক হেঙ্গৎহন্নবা খুদোংচাবশিং অদু নাকল অনিমক্না খংমিন্নখি। সেক্তর অসিদা লেগেল ফ্রেমৱার্ক হেঙ্গৎহন্নবা অকক্নবা খোংথাং লৌখৎনবা মখোয়গী অপাম্বা অদু মখোয়না ফোংদোকখি।
৩৬. মিলিতরী অমসুং মিলিতরী-তেক্নিকেল লমশিংদা ভারত-রসিয়া অচেৎপা কোওপরেসন অসি মখোয়গী বাইলেতরেল স্পিসিয়েল অমসুং প্রিভিলেজ স্ত্রেতেজিক পার্তনরশিপকী য়ুম্বী অমনি। নাকল অনিমক্না লৈবাক অনিমক্কী আর্ম ফোর্সেসকী মরক্তা চাং নাইনা মিলিতরী কন্তেক্ত অমসুং জোইন্ত এক্সরসাইজশিং পাংথোকপদা মখোয়গী ওইবা অপেনবা ফোংদোকখি।
৩৭. লৈবাক অনিগী আর্ম ফোর্সেসকী রেগুলর জোইন্ত এক্সরসাইজশিং মখা তানা চত্থবা য়াওনা মখোয়গী দিফেন্স কোওপরেসন অপগ্রেদ তৌনবা মখোয়গী ৱারেপশিং অদু নাকল অনিমক্না ফোংদোকখি।
৩৮. নাকল অনিমক্না তেক্নোলোজ ত্রান্সফর তৌবা অমসুং জোইন্ত ভেঞ্চর শেমগৎপগী খুত্থাংদা মেক-ইন-ইন্দিয়া প্রোগ্রামগী মখাদা রসিয়াদগী হৌরকখিবা খুৎ্লাইশিং অমসুং দিফেন্স ইক্বিপমেন্তশিংগী মেন্তিনেন্সকীদমক স্পেয়ার পার্তশিং, কম্পোনেন্তশিং, এগ্রিগেৎশিং অমসুং অতোপ্পা পোত্থোকশিংগী ভারত্তা জোইন্ত মেনুফেকচরিংদা পুক্নিং থৌগৎনবা হৌজিক চত্থরিবা এঙ্গেজমেন্ত অসি খুমাং চাওশিলহন্নবা য়ান্নখি।
৩৯. নাকল অনিমক্না মখোয়গী আর্ম ফোর্সেসশিংগী মরক্তা বাইলেতরেল কোওপরেসনগী মখাতাবা দিবেলপমেন্তকীদমক চান্নবা কন্দিসনশিং শেমগৎপা য়ান্নখি।
৪০. নাকল অনিমক্না মিলিতরী পোলিতিকেল দাইলোগশিং, জোইন্ত নিলিতরী এক্সরসাইজশিং, স্তাফ-তোকিং, অমনা অমগী মিলিতরী ইন্সতিত্যুৎশিংদা ত্রেনিংগী খুত্থাংদা মিলিতরী তু মিলিতরী কোওপরেসন হেঙ্গৎহন্নবা মখোয়গী ৱাফমশিং অদু অমুক হন্না ফোংদোকখি।
৪১. নাকল অনিমক্না বাইলেতরেল কলচরেল একচেঞ্জ প্রোগ্রাম ইমপ্লিমেন্ত তৌখিবদা থাগৎপা ফোংদোকখি, মদুনা লৈবাক অনিমক্কী মীওইশিংবু পুন্সিলহনবদা মতেং ওইরে।
৪২. নাকল অনিমক্না এদজুকেসনগী লমদা তেংবাং পীনবা হেঙ্গৎহনখিববু তরাম্না ওকখি। মখোয়না য়ুনিভর্সিতীশিং অমসুং এদজুকেস্নেল ইন্সতিত্যুসনশিংগী মরক্তা দাইরেক্ত কন্তেক্তশিং ইস্তাব্লিসমেন্ত প্রমোৎ তৌবা মখা চত্থগনি।
৪৩. নাকল অনিমক্না রিপব্লিক ওফ ইন্দিয়াগী রাজ্যশিং/য়ুনিয়ন তেরিতোরীশিং অমসুং রসিয়ান ফেদরেসনগী এন্তাইতীশিংগী মরক্তা তেংবাং পীনবা হেঙ্গৎহনবগী মরুওইবা অদুদা অকনবা ৱাফম থমখি। নাকল অনিমক্না ভারতকী রাজ্যশিং অমসুং রসিয়াগী রিজনশিংগী মরক্তা কলচরেল অমসুং বিজিনেস মিশনশিং একচেঞ্জ তৌনবা য়ান্নখি।
৪৪. ইন্দিয়া-রসুয়া তুরিজম মরী অসি মপাঙ্গল কন্না দিবেলপ তৌরক্লি অমদি স্পিসিয়েল অমসুং প্রিভিলেজ স্ত্রেতেজিক পার্তনরশিপ অমসুং ম্যুচেল অন্দর্সতেন্দিংগী মরীশিংদা মখাতাবা রিইনফোর্স ওইনা মথৌ তৌরি। নাকল অনিমক্না লম অসিদা তেমবাং পীনবা হেঙ্গৎহনবদা য়ান্নখি।
৪৫. নাকল অনিমক্না ভিজা ফোর্মেলিতীশিংগী প্রোগ্রেসিব সিমপ্লিফিকেসনবু তরাম্না ওকখি। তুংলমচৎতা মখোয়না ভিজা রিজিমগী সিমপ্লিফিকেসনগী থবক মখা চত্থবদা য়ান্নখি।
৪৬. ঐখোয়গী লৈবাকশিংগী মরক্তা পোলিতিকেল দাইলোগ অমসুং কোওপরেসনগী অৱাংবা থাক অদু নাকল অনিমক্না খংমিন্নখি, য়ু.এন.দা পাংথোকখিবা য়াওনা, অমসুং তুংলমচৎতা মসিবু হেন্না চেৎশিলহনবদা য়ান্নখি।
৪৭. মালেমগী এফেয়ারশিংদা য়ুনাইতেদ নেসন্সকী সেন্ত্রেল কোওর্দিনেতিং থৌদাং য়াওনা মল্তিলেতরেলিজম মখা তানা চেৎশিলহনবগী দরকার ওইবা অদু নাকল অনিমক্না ফোংদোকখি।
৪৮. নাকল অনিমক্না ইন্তরনেস্নেল লোগী জেন্যুইনলি রিকোগনাইজ প্রিন্সিপস এন্দ রুলসকী গুদ ফেত্তা ইমপ্লিমেন্ত তৌরিবা মীৎয়েং অদু সেয়ার তৌখি।
৪৯. নাকল অনিমক্না কন্তেম্পোরেরি গ্লোবেল রিয়েলিতীশিং রিফ্লেক্ত তৌনবা য়ুনাইতেদ নেসন্স সেক্যুরিতী কাউন্সিল রিফোর্ম তৌনবগীদমক খংহনখি।
৫০. রিফোর্ম তৌরবা য়ুনাইতেদ নেসন্স সেক্যুরিতী কাউম্সিল অমগী পর্মনেন্ত মেম্বরশিপকীদমক ভারতনা কেন্দিদেৎ ওইবনা রসিয়ানা সপোর্ত তৌবা মখা চত্থখিগনি।
৫১. নাকল অনিমক্না ব্রিক্সকী মনুংদা সেক্তর কয়াগী পার্তনরশিপ মপাঙ্গল কখৎ্হন্নবা মখোয়গী ৱাফম অদু অমুক হন্না ফোংদোকখি অমসুং ২০১৯গী নবেম্বর থাদা ব্রাজিলদা পাংথোক্কদৌরিবা ১১শুবা ব্রিক্স মীফম মায় পাক্নবা মপুংফানা মতেং পাংবদা য়ান্নখি।
৫২. ভারত অমসুং রসিয়ানা শংহাই কোওপরেসন ওর্গনাইজেসনগী এফেক্তিবনেস অমসুং অচৌবা পোতেন্সিয়েল চিংনবা লৈতনা শকখংখি।
৫৩. নাকল অনিমক্না তেরোরিজম, এক্সত্রিমিজম, দ্রগ ত্রাফিকিং, ক্রোস বোর্দর ওর্গনাইজ ক্রাইম, অমসুং ইনফোর্মেসন সেক্যুরিতী থ্রেৎশিং থেংনবগী ইফেক্তিবনেস হেঙ্গৎহনবদা অখন্ননা মীৎয়েং থম্বগী অপাম্বা ফোংদোকখি।
৫৪. নাকল অনিমক্না য়ুরিসিয়ান স্পেসতা গ্রেতর, ইক্বিইতেবল, ওপন অমসুং ম্যুচেল্লি বেনিফিসিয়েল কোওপরেসন অমা শেমগৎনবা এস.সি.ও, ত্রান্সপোর্ত অমসুং লোজিস্তিক্সতা প্রাইমারিলী, ইনফ্রাস্ত্রকচর, সাইন্স, তেক্নোলোজী অমসুং ইনোভেসনগী মনুংদা ইকোনোমিক কোওপরেসন পাকথোক চাওথোকহনবদা প্রমোৎ তৌরগনি।
৫৫. নাকল অনিমক্না ইন্তরনেস্নেল এফিয়ার্স, য়ুনাইতেদ নেসন্স অমসুং মসিগী স্পেসিয়েলাইজ তৌরবা এজেন্সীশিং, সি.এস.তি.ও., সি.আই.এস., এসিন অমসুং অতোপ্পা মল্তিলেতরেল ওর্গনাইজেসনশিং অমসুং এসোসিয়েসনশিংগা লোয়ননা ওর্গনাইজেসনগী কন্তেক্তশিংগী কম্পেহেন্সিব দিবেলপমেন্তদা এস.সি.ও.গী থৌদাং হেঙ্গৎহনবদা সপোর্ত তৌখি।
৫৬. নাকল অনিমক্না আর.আই.সি. ফ্রেমৱার্ক্কী মনুংদা তেংবাং পীনবা হেঙ্গৎহনবগী অপাম্বা ফোংদোকখি।
৫৭. ঐখোয়না জি ২০ অমসুং অতোপ্পা ইন্তরনেস্নেল ওর্গনাইজেসনশিং অমসুং ফোরাগী মনুংদা কোওর্দিনেসন ফগৎহনবদা য়ান্নরে।
৫৮. লুচিংবশিংনা তেরোরিজমগী মওং মতৌ পুম্নমকপু য়াম্না কন্না য়ানিংদবা ফোংদোকখি। তেরোরিজম ঙাকথোক্নবা অমসুং থেংননবা খোংথাং পুম্নমক লৌখৎনবা মখোয়গী ৱাফমশিং অদু অমুক হন্না ফোংদোকখি। গ্লোবেল এন্তি তেরোরিজম কনফরেন্স অমা ওর্গনাইজ তৌনবা ভারতকী প্রপোজেল অদু রসিয়ানা খংখি।
৫৯. নাকল অনিমক্না ইনফোর্মেশন অমসুং কমুনিকেসন তেক্নোলোজী শিজিন্নবগী সেক্যুরিতীগী লমদা তেংবাং পীনবদা ঐখোয়গী লৈবাক অনিগী মরক্তা ইন্তরেক্সনগী থাক্তা অপেনবা ফোংদোকখি।
৬০. মখোয়না আই.সি.তি.শিং শিজিন্নবদা সেক্যুরিতীগী স্ফেয়ারদা ব্রিক্স লৈবাকশিংগ মরক্তা তেংবাং পীননবগীদমক ফ্রেমৱার্ক অমা শেমগৎপগী মথৌতাবা অদু কন্না পনখি।
৬১. নাকল অনিমক্না আই.সি.তি.শিং শিজিন্নবদা সেক্যুরিতীগী প্রোভিজন্দা এপ্রোচ তৌবগী মান্নরিবশিং অদু অমুক হন্না ফোংদোকখি।
৬২. মখোয়না ২০১৯-২০২০গীদমক ইনফোর্মেশন অমসুং কমুনিকেসন তেক্নোলোজী শিজিন্নবগী সেক্যুরিতীদা রসিয়া অমসুং ভারতকী মরক্তা তেংবাং পীনবগী মরুওইবা দাইরেক্সনশিং ইমপ্লিমেন্ত তৌনবা থৌরংগা লোয়ননা লৈবাক অনিগী তেংবাং পীনবা হেঙ্গৎহন্নবা দরকার ওইবা খোংথাংশিং পায়খৎপা য়ান্নখি।
৬৩. মখোয়না নেস্নেল সেক্যুরিতী কাউন্সিল সেক্রেতরিয়েৎ অমসুং রসিয়ান ফেদরেসনগী সেক্যুরিতী কাউন্সিলগী খুত্থাংদা সেক্যুরিতী ইসুশিংগী অপুনবা রেঞ্জদা ইন্তেন্সিব কন্তেক্ত ঙাক্তুনা থম্বদা য়ান্নখি।
৬৪. নাকল অনিমক্না আউতর স্পেসতা খুৎলায় লমজেল অমগী ওইথোকপা য়াবশিং অমসুং আউতর স্পেসপু মিলিতরী কোনফ্রন্তেসনগীদমক এরেনা অমদা ওন্থোকপগী মতাংদা মরীলৈনবা ৱাফমশিং ফোংদোকখি।
৬৫. নাকল অনিমক্না আর্থ ওর্বিত্তা খুৎলাই অমা হেক্তগী নন-প্লেসমেন্তকীদমক রেলিয়েবল গরেন্তী ইস্তাব্লিস তৌনবা মল্তিলেতরেল, আইন্না পুন্সিল্লবা ইন্সত্রুমেন্ত অমা নেগোসিয়েৎ তৌবদা শৌগৎখি।
৬৬. য়ুনিবর্সেল, নন-দিসক্রিমিনেতরী অমসুং প্রেক্তিকেল ত্রান্সপরেন্সী অমসুং কনফিদেন্স বিলদিং খোংথাংশিংনা পি.এ.আর.ও.এস.তা আইন্না পুন্সিল্লবা ইন্সত্রুমেন্ত অমদা মপুংফাবা থৌদাং লৌবা য়াই হায়বা য়ান্নখি।
৬৭. নাকল অনিমক্না ইন্তর এলিয়া, ইন্তরনেস্নেল, নন-দিসক্রিমিনেতরি অমসুং এফেক্তিব কম্পিয়েন্স ভেরিফিকেসন মেকানিজম ফংহন্নবগীদমক কনভেন্সন্দা প্রোতোকোল অমা এদোপ্ত তৌবা য়াওনা বাইওলোজিকেল অমসুং তোক্সিন ৱেপন্স কনভেন্সন (বি.তি.দবল্যু.সি.) মপাঙ্গল কনখৎহনবদা শৌগৎলি।
৬৮. নাকল অনিমক্না কেমিকেল ৱেপন্স কনভেন্সন (সি.দবল্যু.সি.)গী প্রোভিজনশিং এফেক্তিব ওইবা মওংদা ইমপ্লিমেন্ত তৌবদা থৌদাং লৌরিবা ওর্গনাইজেসন ফোর দি প্রোহিবিসন ওফ কেমিকেল ৱেপন্স (ও.পি.সি.দবল্যু.)দা শৌগৎনবা অচেৎপা ৱাফম থমখি।
৬৯. কেমিকেল অমসুং বাইওলোজিকেল তেরোরিজমগী থ্রেৎ থেংননবা নাকল অনিমক্না কনফরেন্স ওন দিসআর্মেমেন্তদা কেমিকেল অমসুং বাইওলোজিকেল তেরোরিজমগী থৌওংশিং মুত্থনবগীদমক ইন্তরনেস্নেল কনভেন্সন অমদা মল্তিলেতরেল নেগেসিয়েসনশিং হৌদোকপগী দরকার ওইবা অদুদা অকনবা ৱাফম থমখি।
৭০. নাকল অনিমক্না গ্লোবেল নন-প্রোলিফেরেসন মখা তানা মপাঙ্গল কনখৎহন্নবা মখোয়গী ৱাফম অদু অমুক হন্না ফোংদোকখি। ন্যুক্লিয়ার সপ্লাইয়র গ্রুপতা ভারতনা মীহুৎ ওইনবগীদমক অকনবা মওংদা শৌগৎলিবা অদু রসিয়ানা ফোংদোকখি।
৭১. ভারত অমসুং রসিয়ানা অফগানিস্তানদা মপুংফাবা শান্তি অমসুং অফগান্না লুচিংবা অমদি অফগান মশাগী রিকোন্সিলেসন অমগীদমক হোৎনরিবা পুম্নমক শৌগৎখি। নাকল অনিমক্না অফগানিস্তান্দা অথুবা মতমদা শান্তি ওইনা য়ান্নবা পুরক্নবা মখোয়গী ৱাফম অদু অমুক হন্না ফোংদোকখি।
৭২. নাকল অনিমক্না সিরিয়াগী ফিভম ফগৎলকপবু তরাম্না ওকখি। মখোয়না সিরিয়াগী মীখা পোন্দবা অমসুং তেরিতোরিয়েল ইন্তিগ্রিতীবু ইকায় খুম্নবগী দরকার ওইবা অদুদা অকনবা ৱাফম থমখি অমদি পোলিতিকেল অমসুং দিপ্লোমেতিক উপায়শিংগী খুত্থাংদা সিরিয়াগী ৱাথোক লোইশিন্নবগীদমক খংহনখি।
৭৩. য়ুনাইতেদ নেসন্স সেক্যুরিতী কাউন্সিলনা পল্লিবা অদুম্না মখোয়না সিরিয়াদা তেরোরিজম ওর্গনাইজেসনশিং থেংননবগী মরুওইবা অদু ফোংদোকখি। রিকন্সত্রক্সন্দা মীৎয়েং অমা থম্বগা লোয়ননা সিরিয়াদা মখা তানা তেংবাং পীবদা মখোয়না য়ান্নখি।
৭৪. নাকল অনিমক্না জোইন্ত কমপ্রেহেন্সিব প্লান ওফ এক্সন ওন দি ইরানিয়ান ন্যুক্লিয়ার প্রোগ্রাম(জে.সি.পি.ও.এ.)গী মপুংফাবা অমসুং এফেক্তিব ওইবা ইমপ্লিমেন্তেসনগী মরুওইবা অদু শকখংখি, অমসুং য়ুনাইতেদ নেসন্স সেক্যুরিতী কাউন্সিল রিজোলুসন ২২৩১দা মখোয়গী মপুংফাবা কমিৎমেন্ত অদু অমুক হন্না ফোংদোকখি।
৭৫. নাকল অনিমক্না দিন্যুক্লিয়েরাইজ কোরিয়ান পেনিনসুলা অমদা মতম শাংনা শান্তি অমসুং তংদু লৈতাবা পুরক্নবা মরীলৈনবা পার্তী পুম্নমক্কী মরক্তা শান্তিগী ৱারী শান্নবা মখা চত্থবগী মরুওইবা অদু ফোংদোকখি। মসিগা মরী লৈননা পান্দম অসিগী মায়কৈদা পুন্না থবক তৌমিন্ননবা মরী লৈনবা পার্তী পুম্নমক্তা মখোয়না তকশিনখি।
৭৬. অহুমশুবা লৈবাকশিংদা অখন্ননা সেন্ত্রেল এসিয়া, সাউথ ইস্ত এসিয়া অমসুং আফ্রিকাদা নাকল অনিনা য়ান্নরবা অমসুং কোওপরেসনগী কান্নবা লমশিং এক্সপ্লোর তৌবদা মসিনা য়ান্নখি।
৭৭. নাকল অনিমক্না ত্রান্সপরেন্ত, নন-দিসক্রিমিনেতরী মল্তিলেতরেল ত্রেদিং সিস্তেম অপহোল্দ তৌনবগীদমক ৱার্ল্দ ত্রেদ ওর্গনাইজেসনগী থৌদাং য়োক্তুনা থম্বা অমসুং মপাঙ্গল কনখৎহনবগী দরকার ওইবা অদু য়ান্নখি। নাকল অনিমক্না ফেয়ার অমসুং ওপন গ্লোবেল ইকোনোমী অমা ওইহন্নবা পুন্না থবক তৌবগী অপাম্বা ফোংদোকখি।
৭৮. নাকল অনিমক্না ত্রান্সপোর্ত, ইনর্জী অমসুং ত্রেদ অসিনচিংবা মরুওইবা লমশিংদা য়ুনাইতেদ নেসন্স ইকোনোমিক এন্দ সোসিয়েল কমিসন ফোর এসিয়া এন্দ দি পেসিফিককী ফ্রেমৱার্ক্কী মনুংদা তেংবাং পীনবা হোঙ্গৎহনবা য়াওনা সস্তেনেবল সোসিও-ইকোনোমিক দিবেলপমেন্ত শোয়হন্দবা অমসুং ২০৩০ এজেন্দা ইমপ্লিমেন্ত তৌবদা রিজনেল ইকোনোমিক কোওপরেসন চেৎশিলহনবগী মরুওইবা অদু ফোংদোকখি।
৭৯. নাকল অনিমক্না এসিয়া অমসুং পেসিফিক রিজন্দা মান্নবা অমসুং য়েনবা য়াদবা সেক্যুরিতী আর্কিতেকচর অমা শেমগৎনবা মখোয়গী ৱাফমশিং অদু অমুক হন্না শোয়দবনি হায়খি। মখোয়না ইস্ত এসিয়া সম্মিৎ অমসুং অতোপ্পা রিজনেল প্লেৎফোর্মশিংগী ফ্রেমৱার্ক্কী মনুংদা হিরম অসিদা মল্তিলেতরেল দাইলোগ দিবেলপ তৌবদা শৌগৎখি।
৮০. নাকল অনিমক্না মখোয়গী ফোরেন পোলিসী প্রায়োরিতীশিংগী মীৎয়েংদা মরুওইনা মান্নরিবশিং অদু খংমিন্নবদা অপেনবা ফোংদোকখি অমসুং ইন্দিয়া-রসিয়া স্পিসিয়েল অমসুং প্রিভিলেজ স্ত্রেতেজিক পার্তনরশিপ মখা তানা দিবেলপ তৌবগী মরুওইবা অদু ফোংদোকখি।
৮১. ব্লাদিবোস্তোক্তা মহাক অমসুং মহাক্কী মীহুৎ কাংবুবু তরাম তরাম তৌবিবগীদমক প্রধান মন্ত্রী নরেন্দ্র মোদীনা রাস্ত্রপতি ব্লাদিমির পুতিনবু থাগৎপা ফোংদোকখি। মহাক্না রাস্ত্রপতি ব্লাদিমির পুতিনবু মথং চহীদা পাংথোক্কদৌরিবা ২১শুবা ইন্দিয়া-রসিয়া এনুয়েল সম্মিৎকীদমক ভারত্তা লাকপীনবা বার্তন তৌখি।
