ভারতকী প্রধানমন্ত্রী

১. রাস্ত্রপতি শ্রী ইমানুয়েল মেক্রোনগী বার্তন্দা ২০১৯গী ওগস্ত ২২ অমসুং ২৩দা পেরিসতা পাংথোক্কদবা লৈবাক অনিগী ওইবা মীফম অমগীদমক অমসুং ফ্রান্সকী লুংচিং মখাদা ২০১৯গী ওগস্ত ২৫ অমসুং ২৬তা বিয়ারিজতা পাংথোক্কদৌরিবা জি৭ মীফমদা শরুক য়ানবগীদমক ওফিসিয়েল ওইবা খোংচৎ অমদা ভারতকী প্রধান মন্ত্রী শ্রী নরেন্দ্র মোদী ফ্রান্সতা চৎখি।

২. ১৯৯৮দা ভারত অমসুং ফ্রান্স স্ত্রাতেজিক পার্তনরশিং ওইরকখি অমদি মসিগী ত্রেদিস্নেল ওইবা মরী অসি মতম শাংনা চৎপা, থাজনীংঙাই ওইবা, ৱাখল্লোন মান্নবা অমসুং পুম্নমক্কী ওইরি। ভারত-ফ্রান্সকী মরীশিং অসি স্ত্রাতেজিক পার্তনর অনিগী মরক্তা নাকল অনিগী ওইবা থাজনবদা লেপ্লি মদুনা মতম পুম্নমক্তা অমনা অমগীদমক লেপ্লি। ভারত অমসুং ফ্রান্সনা অনৌবা লমশিংদা তেংবাং পীনদুনা পার্তনরশিপ অসি অনৌবা শক্নোন অমা পীনবা ৱারেপ লৌরে।  

৩. নাকল অনিমক্না মখোয়গী লৈবাকশিংগী মরক্তা লৈবাক অনিগী ওইবা ত্রেদ অমসুং ইকোনোমিক্কী ওইবা মরীশিং দিবেলপ তৌবদা কান্নবা ফংলে হায়বদু য়ানবা পুরকখি। ইন্দিয়া-ফ্রান্স এদমিনিস্ত্রেতিব ইকোনোমিক অমসুং ত্রেদ কম্মিতী (এ.ই.তি.সি.)না লৈবাক অনিগী ত্রেদ অমসুং ইনভেস্তমেন্ত মখা তানা প্রমোৎ তৌনবা লম্বীশিং য়াৎথোক্নবা মতিক চাবা ফ্রেমৱার্ক অমা পীরি হায়বদু মখোয়না অমুক হন্না ফোংদোকখি। অৱাংবা থাক্কী ফ্রান্স-ইন্দিয়া ইকোনোমিক অমসুং ফাইনান্সিয়েল দাইলোগ অথুবা মতমদা অমুক হন্না মথৌ তৌহন্নবা লুচিংবশিংনা পুন্না য়ানখি।

৪. ২০১৮গী মার্চ থাদা রাস্ত্রপতি মেক্রোনগী ভারত খোংচৎ মনুংদা য়ানবা পুরকখিবা অপুনবা মিৎয়েং অদুগা লোয়ননা ভারত অমসুং ফ্রান্সনা নৌনা শিংনরকপশিং অদু পুন্না থেংননবা মখোয়গী স্পেস কোওপরেসন হেন্না চেৎশিলহনবগী অপাম্বা ফোংদোক্নখি। ২০২২দা থাগৎকদৌরিবা ভারতকী মী য়াওবা স্পেল মিসনগী শরুক ওইগদৌরিবা ভারতকী এস্ত্রোনোৎশিংগীদমক মেদিকেল সপোর্ত পর্সনেল ত্রেন তৌনবা ৱারেপ অদু ভারত অমসুং ফ্রান্সনা তরাম্না ওকখি। ত্রেনিং অদু ফ্রান্স অমসুং ভারত্তা চত্থগনি। জোইন্ত মেরিতাইম দোমেন এৱার্নেস মিসনগী চত্থনবগীদমক ফ্রেমৱার্ক অমা শেমগৎনবগীদমক ইমপ্লিমেন্তিং এরেঞ্জমেন্ত অমা খুৎয়েক পীনখিববু লুচিংবশিংনা তরাম্না ওকখি।  

৫. দিজিতেল স্পেসতা লৈবাক অনিনা অন্তর্জাতিগী আইন এপ্লাই তৌদুনা ওপন, সেক্যুর অমসুং শান্তি লৈবা সাইবরস্পেস অমগী খুত্থাংদা ইকোনোমিক অমসুং সোসিয়েল দিবেলপমেন্তদা মতেং পীনরি। মসিগী লোইশিল্লকপদা লুচিংবা অনিনা হাই পর্ফোমেন্স কমপ্যুতিং অমসুং আর্তিফিসিয়েল ইন্তেলিজেন্সতা অখন্ননা ইন্দো-ফ্রান্স লৈবাক অনিগী তেংবাং পীনবা হেঙ্গৎহন্নবা পান্দমদা সাইবরসেক্যুরিতী অমসুং দিজিতেল তেক্নোলোজী রোদ মেপ এদোপ্ত তৌখ্রে। মখা তানা মখোয়না সেন্তর ফোর দিবেলপমেন্ত ওফ এদভান্স কম্প্যুতিং অমসুং অতোসকী মরক্তা কোওপরেসন এগ্রীমেন্ত খুৎয়েক পীনখিববু তরাম্না ওকখি। 

৬. লুচিংবা অনিনা ভারতকী মহারাস্ত্রগী জাইতাপুরদা ন্যুক্লিয়র পাৱর রিয়েক্তর তরুক শেমগৎনবগীদমক ২০১৮দা এন.পি.সি.আই.এল. অমসুং ই.দি.এফ.গী মরক্তা চত্থরিবা য়াশিন্নবা পুরকপদা খুমাং চাউশিল্লিবা অদুদা অপেনবা ফোংদোকখি। দিপার্তমেন্ত ওফ এতোমিক ইনর্জী (দি.এ.ই.) অমসুং ফ্রেন্স অল্তর্নেতিব ইনর্জীজ এন্দ এতোমিক ইনর্জী কম্মিসনগী মরক্তা গ্লোবেল সেন্তর ফোর ন্যুক্লিয়র ইনর্জী পার্তনরশিপ (সি.জি.এন.ই.পি.)গা লোয়ননা তেংবাং পীনবগা মরী লৈননা য়ানা ৱারোলগী মতম অতোপ্পা চহী মঙা অমগা শাংদোকখিববুসু মখোয়না তরাম্না ওকখি। মখোয়না ইন্তর্নেস্নেল থর্মোন্যুক্লিয়র এক্সপ্রিমেন্তেল রিয়েক্তর্স (আই.তি.ই.আর.) অমসুং য়ুরোপিয়ন কাউন্সিল ফোর ন্যুক্লিয়র রিসর্স (সি.ই.আর.এন.) প্রোজেক্তশিংদা অপুনবা পার্তনরশিপসু থাগৎপা ফোংদোকখি।

৭. দিফেন্স সেক্তরদা চাউনা আশা তৌরিবা পার্তনরশিপ অমদা লৈবাক অনিনা তেংবাং পীনবা হেঙ্গৎলে। বরুন নেভেলগী ২০১৯ এদিসন অমসুং গরুদা এয়র এক্সরসাইজকী মায়পাকপা, লোয়ননা শরত রিতুদা ভারত্তা পাংথোক্কদৌরিবা শক্তি এক্সরসাইজকীদমক শেম শারিবশিং অদু থাগৎখি। প্রোভিজন ওফ রেসিপ্রোকেল লোজিস্তিক সপোর্তকা মরী লৈননা য়ানা চেরোল খুৎয়েক পীনখিবা অসি হোৎনরিবা অসিদা উৎলিবা অমনি। 

৮. দিফেন্স ইন্দস্ত্রীয়েল কোওপরেসন অসি ভারত অমসুং ফ্রান্সকী মরক্তা স্ত্রাতেজিক পার্তনরশিপকী মরুওইবা ঙাক্লৌ অমনি। ভারতকী প্রধান মন্ত্রী অমসুং ফ্রান্সকী রাস্ত্রপতিনা অখন্ননা চহি অসিদগী অহানবা রাফেল কোম্বেৎ এয়রক্রাফ দেলিবর তৌনবা য়ানা চেরোলশিং খুৎয়েক পীনখিবদু খবক ওইনা ওন্থোক্নবগী মায়কৈদা হৌজিক লৈরিবা প্রোগ্রেস অদুদা অপেনবা ফোংদোকখি। দিফেন্স ইন্দস্ত্রীগী লমদা তেংবাং পীনবা মখা তানা হেঙ্গৎহন্নবা মখোয়গী ৱারেপশিং অদু অমুক হন্না ফোংদোকখি। মখোয়না লৈবাক অনিমক্কী এরোস্পেস অমসুং দিফেন্স ইন্দস্ত্রীয়েল এসোসিএসন, ভারতকী এস.আই.দি.এম. অমসুং ফ্রান্সকী জি.আই.এফ.এ.এস.কী মরক্তা হৌজিক চত্থরিবা কোলাবোরেসন অদু তরাম্না ওকখি।

৯. ফ্রান্স অমসুং ভারতনা প্রজাশিংগী মরক্তা কন্তেক্তশিং অমসুং কলচরেল একচেঞ্জশিং হেঙ্গৎপদা য়ানবা পুরক্লে। মসিনা কন্সুলরগী ৱাফমশিংদা চাং নাইনা ৱারী শান্নবা অমা শেমগৎপদসু য়ানখি, মদুনা একচেঞ্জ অমসুং মোবিলিতীদা লায়থোকহল্লগনি। ২০১৮দা ভারতকী লমকোইবা ৭,০০,০০০ ফ্রান্সতা চৎখি মদু ২০১৭তা চৎখিবা অদুদগী চাদা ১৭ হেল্লে অমদি ফ্রান্সকী লমকোইবা ২,৫০,০০০ ভারত্তা চৎখি।

১০. এজুকেসন অসি তেংবাং পীনবগী মরুওইবা লম অমনি। লৈবাক অনিগী মরক্তা মহৈরোইশিংগী চত্থোক-চৎশিনগী চাংদা নাকল অনিমক্না অপেনবা ফোংদোকখি। ২০১৮দা লেপ্নখিবা মহৈরোই ১০,০০০ একচেঞ্জ তৌনবা তার্গেৎ অদু চহী অসিমক্তদা মপুং ফারগনি মরম অদুনা নাকল অনিমক্না ২০২৫ ফাওবদা পান্দম অসি মহৈরোই ২০,০০০দা হেঙ্গৎনবা ৱারেপ লৌরে। 

১১. ২০১৯গী ওক্তোবরদা ফ্রান্সকী লাইওন্দা পাংথোক্কদৌরিবা অনিশুবা নোলেজ মীফমগী পায়খৎলিবা অদু মখোয়না তরাম্না ওকখি। মীফম অসিনা এরোস্পেস, রেন্যুয়েবল ইনর্জী, গ্রীন কেমিস্ত্রী, স্মার্ত সিতিজ, এগ্রীকলচর, মেরিন সাইন্সেস অমসুং আর্তিফিসিয়েল ইন্তিলিজেন্সগুম্বা মরুওইবা হিরমশিংদা কোর্পোরেৎ এন্তাইতিজগা লোয়ননা একাদেমিক অমসুং সাইন্তিফিক পার্তনরশিপ স্ত্রকচরদা মতেং ওইরি। স্কিল দিবেলপমেন্তা মখোয়গী ওইবা তেংবাং পীনবা হেঙ্গৎহন্নবা ফ্রান্স অমসুং ভারতনা য়ানা ৱারোল অমা খুৎয়েক পীনরে।

১২. কলচরগী লমদা ইন্দো-ফ্রেন্স কোওপরেসনগী অকনবা পোতেন্সিয়েলদা লুচিংবশিংনা থাগৎপা ফোংদোকখি। লিবরে পেরিসকী ২০২০ এদিসন, দি পেরিস ইন্তর্নেস্নেল বুক ফেয়রগীদমক ভারতনা কন্ত্রী ওফ ওনর ওইরগনি হায়না ৱারেপ লৌরে; ২০২০গী জনুৱারীদা দিল্লীদা পাংথোক্কদৌরিবা নেস্নেল গেলরী ওফ মোদর্ন আর্তনা ফ্রান্সকী আর্তিস্ত গেরার্দ গারোস্তেগী ভারত্তা পাংথোকপা অহানবা একজিবিসন ওইরগনি; অমদি ২০২১দা ভারতকী আর্তিস্ত সয়েদ হাইদর রাজাগী থবকশিংগী ওইবা কত্থোক্লবা একজিবিসন অমা মুসী নেস্নেল দ’ আর্ত মোদর্ন (সেন্তর জোর্জ পোম্পিদো)না পাংথোক্কনি। ২০২১-২০২২দা ভারতনা নমস্তে ফ্রান্স ওর্গনাইজ তৌগনি। লৈবাক অনিমক্না ২০১৯গী লোইরকপদা প্লান ওফ এক্সন অমা এদোপ্ত তৌগনি মদুনা সিনেমা, ভিদীও গেমশিং অমসুং ভর্চুয়েল রিয়েলিতীগী লমদা কো-প্রদক্ত প্রোজেক্তশিং, দিস্ত্রিব্যুসন অমসুং ত্রেনিং হেঙ্গৎহন্নবা পান্দম থম্লি। ফ্রান্স অমসুং ভারতনা লৈবাক অনিমক্তা ফিলমশিং নম্বদা তেংবাং পীনবদা য়ানখি। 

১৩. প্লানেৎ অসিগীদমক মখোয়গী পার্তনরশিপকী ফ্রেমৱার্ক্কী মখাদা, ফ্রান্স অমসুং ভারতনা ক্লাইমেৎ চেঞ্জ অমসুং বাইওদাইবর্সিতী মাংশিল্লকপবু কান্নবা মওংদা থেংননবা মখোয়গী অপুনবা ৱারেপ অদু অমুক হন্না ফোংদোকখি।

১৪. লোকেল, নেস্নেল, রিজনেল অমসুং গ্লোবেলগী ওইবা মল্তি লেভেল এক্সনগীদমক দরকার ওইবশিং অদু খঙলদুনা ২০১৯গী সেপ্তেম্বর ২৩দা য়ুনাইতেদ নেসন্সকী সেক্রেতরী জেনরেল য়াওগদৌরিবা ক্লাইমেৎ এক্সন সম্মিৎ মায় পাকহনবদা থৌদাং লৌনবা অমসুং ক্লাইমেৎ চেঞ্জ থেংনবগী মায়কৈদা মালেম অসিনা হোৎনরিবশিং পুক্নিং থৌগৎনবা ফ্রান্স অমসুং ভারতনা স্তেকহোল্দর পুম্নমক্তা তকশিনখি। মখোয়না কমন বত দিফরেন্সিয়েতেদ রেস্পোন্সিবিলিতীজ এন্দ রেস্পেক্তিব কেপেবিলিতীজ (সি.বি.দি.আর-আর.সি) য়াওনা য়ুনাইতেদ নেসন্স ফ্রেমৱার্ক কনভেনসন্স ওন ক্লাইমেৎ চেঞ্জ (য়ু.এন.এফ.সি.সি.সি) অমসুং পেরিস এগ্রীমেন্তকী প্রিন্সিপলশিংগা লোয়ননা মখোয়গী জাতিগী ওইবা থৌদাংশিং অপদেত তৌনবা মখোয়গী ৱারেপশিং অদু অমুক হন্না ফোংদোকখি। 

১৫. য়ু.এন.এফ.সি.সি.সি. অমসুং পেরিস এগ্রীমেন্তকী মখাদা লৌখিবা ৱারেপশিং মপুংফানা পাংথোকপগী মরুওইবা অদু ভারত অমসুং ফ্রান্সনা অমুক হন্না ফোংদোকখি অমদি গ্রীন ক্লাইমেৎ ফন্দদা মখোয়গী কন্ত্রীব্যুসন হেঙ্গৎহন্নবা চাউখৎলবা লৈবাক পুম্নমক্তা তকশিনখি।

১৬. বিয়ারিজতা পাংথোক্কদৌরিবা জি৭ মীফম অমসুং ২০১৯গী সেপ্তেম্বর ২৩দা পাংথোক্কদৌরিবা য়ুনাইতেদ নেসন্স সেক্রেতরী জেনরেলগী ক্লাইমেৎ এক্সন সম্মিৎকী ফ্রেমৱার্ক্কী মখাদা ফ্রান্স অমসুং ভারতনা অনৌবা খোংথাংশিংদসু মতেং পাংগনি। লৈবাক অনিমক্না হাইদ্রোফ্লুরোকার্বোন্স হন্থহন্নবা মোন্ত্রিয়েল প্রোতোকোলদা কিগালি এমেন্দমেন্ত শেমদোকখিবা অমসুং চৎনহনখিববু পুক্নিং থৌগৎনবা পুন্না থবক তৌমিন্ননবা অমদি রেফ্রিজরেসন সেক্তরদা ইনর্জী ইফিসিয়েন্সী স্তেন্দর্দ ফগৎহনবদা থৌদাং লৌনবা ৱারেপ লৌখি।

১৭. রিন্যুয়েবল ইনর্জীগী দিবেলপমেন্ত অমসুং দিপ্লোইমেন্ত হেঙ্গৎহন্নবা মখোয়গী অপুনবা ৱারেপ অদু লৈবাক অনিমক্না অমুক হন্না ফোংদোকখি। ইন্তর্নেস্নেল সোলর এল্লাইন্সনা হৌজিক ফাওবদা মীহুৎ লৈবাকশিংগী মরক্তা কেপাসিতী বিলদিং অমসুং সোলর ইনর্জী লৌশিন্নবা খ্বাইদগী ফবা প্রেক্তিসশিং শেয়র তৌবদা খুমাং চাউশিল্লিবা অদুদা মখোয়না অপেনবা ফোংদোকখি। সোলর ইনর্জী কোর্পোরেসন ওফ ইন্দিয়ানা পেমেন্ত সেক্যুরিতী মেকানিজম (পি.এস.এম) চৎনহনখিবা অদু লৈবাক অনিমক্না থাগৎ্পা ফোংদোকখি অমদি ইনবেস্ত তৌরিবশিংগী থাজবা হেঙ্গৎহন্নবগীদমক সোলর রিক্স মিতিগেসন ইনিসিয়েতিব (এস.আর.এম.আই.) প্রোজেক্তশিংদা ৱার্ল্দ বেঙ্ক অমসুং ফ্রেন্স দিবেলপমেন্ত এজেন্সীনা খুমাং চাউশিল্লিবা অদু তরাম্না ওকখি। হাইদ্রোজেন ইনর্জীগী লমদা এন.আই.এস.ই. অমসুং সি.ই.এ.গী মরক্তা য়ানা চেরোল খুৎয়েক পীনখিবা অদু তরাম্না ওক্লদুনা রিন্যুয়েবল ইনর্জীগী লমদা মখোয়গী তেক্নোলোজীগী ওইবা তেংবাং মখা তানা চেৎশিলহন্নবা মখোয়না ৱারেপ লৌখি।   

১৮. বিয়ারিজতা পাংথোক্কদৌরিবা জি৭ সম্মিৎতা খুৎয়েক পীনরগদবা বাইওদাইবর্সিতী ইরোজনগী মায়থোংদা, অমদি চার্তর ওন বাইওদাইবর্সিতীগী পরিংদা, ভারত অমসুং ফ্রান্সনা ২০২০গী মরুওইবা অন্তর্জাতিগী থৌরমশিংদা মিৎয়েং থম্দুনা অনৌবা ইন্তর্নেস্নেল, রিজনেল, নেস্নেল, অমসুং লোকেল কম্মিৎমেন্তশিংদা লেংহন্নবা পাঙ্গল অমা পীরদুনা ইচং থৌনা থবক তৌগনি।  

১৯. ক্লাইমেৎ চেঞ্জ থেংনবা, বাইওদাইবর্সিতী ঙাক্তুনা থম্বদা মহাসাগরশিংনা মরুওইবা থৌদাং অমা লৌরি হায়বা ভারত অমসুং ফ্রান্সনা য়ামিন্নখি অমদি এনভাইরনমেন্ত অমসুং সেক্যুরিতীগী মরক্তা লৈরিবা মরী অদু খঙলদুনা মসিগী ইশুশিং অসি মায়োক্ননবা মখোয়গী মেরিতাইম কোওপরেসনগী স্কোপ চাউথোকহন্নবা ৱারেপ লৌখি। ব্লু ইকোনোমী অমসুং কোস্তেল রেসিলেন্স অসি ভারত অমসুং ফ্রান্সকীদমক কমন প্রায়োরিতী অমনি। মসিগা মরী লৈননা ভারত মহাসাগর য়াওনা মহাসাগরশিংবু হেন্না নীংথিজনা খঙনবগীদমক মেরিন সাইন্স রিসর্সতা কোলাবোরেসনগীদমক পোতেন্সিয়েল এক্সপ্লোর তৌনবা নাকল অনিমক্না য়ানখি।

২০. দিজর্তিফিকেসন থেংননবা ২০১৯গী সেপ্তেম্বর ২দগী ১৩ ফাওবা নই দিল্লীদা পাংথোক্কদৌরিবা য়ুনাইতেদ নেসন্স কনভেন্সন্দা পার্তীশিং ১৪শুবা কনফরেন্স অমসুং ১৯৯৪গী জুন থাদা পেরিসতা খুৎয়েক পীনখিবা কনভেন্সনগী ২৫শুবা চহী পালনগীদমক ফ্রান্স অমসুং ভারতনা পৃথিবী ইমাবু শিজিন্নবদা চাউনা অহোংবা পুরকপগী খুদক্কী ওইবা মথৌতাবা অদু নৌহৌনা নীংশিংখি।

২১. ৱাখল্লোন অসিদা ভারত অমসুং ফ্রান্সনা উমং কোকথোকপা থেংননবা লৌউ-শিংউবগী পোত্থোকশিং সপ্লাই তৌনবগীদমক সস্তেনেবল নেৎৱার্কশিং দিবেলপ তৌনবগীদমক জি৭ ইনভাইরনমেন্ত মন্ত্রীশিংনা লিংখৎখিবা অনৌবা খোংথাংশিং পুক্নিং থৌগৎনবা তকশিনখি।

২২. লুচিংবা অনিমক্না ঙমখৈ ৱাংমগী তেরোরিজম অমসুং ফ্রান্স অমসুং ভারত্তা তেররগা মরী লৈনবা থৌদোকশিং য়াওনা মখল খুদিংমক্কী তেরোরিজমদা য়াম্না কন্না য়ানিংদবা ফোংদোকখি। তেরোরিজম্না কৈদৌনুংদা অচুম্বা পুরক্লোই হায়না লুচিংবা অনিমক্না অচেৎপা ৱাফম থমখি।

২৩. লৈবাক অনিনা ২০১৬কী জনুৱারীদা তেরোরিজমদা এদোপ্ত তৌখিবা জোইন্ত স্তেতমেন্ত অদু নৌহৌনা নীংশিংলদুনা, তেরোরিজম মুত্থৎনবা মখোয়না পুক্নিংদা চপ য়ুংনা লেপ্লিবা অদু লুচিংবা অনিনা অমুক হন্না ফোংদোকখি। তেরোরিস্ত ফাইনান্সিং থেংননবা হৌখিবা মার্চ ২৮দা এদোপ্ত তৌখিবা য়ু.এন.এস.সি. রিজোলুসন ২৪৬২ চৎনহনখিবদা মখোয়না য়ু.এন. মেম্বর লৈবাকশিংবু থাগৎপা ফোংদোকখি অমদি তেরোরিস্ত ফাইনান্সিং থেংননবা “নো মনী ফোর তেরর”দা নবেম্বর ৭-৮দা মেলবোর্ন্দা পাংথোক্কদৌরিবা ইন্তর্নেস্নেল কনফরেন্সপু তরাম্না ওক্লি। 

২৪. মখোয়না লৈবাক পুম্নমকপু তেরোরিস্ত মরু ফংনা মুত্থৎনবা, তেরোরিস্তকী নেৎৱার্কশিং অমসুং মখোয়গী ফাইনান্সিয়েল চেনেলশিং অপনবা পীনবা অমদি অল কৈদা, দাইস/আই.এস.আই.এস, জৈশ-ই-মোহম্মদ, হিজবুল মুজাহিদীন, লস্কর-ই-তইবাগী মনুং চনবা লালহৌবশিংনা ঙমখৈ ৱাংমা লান্না চংশিল্লকপা থিংনবা পুন্না থবক তৌমিন্ননবা ৱাফম থমখি।

২৫. লুচিংবা অনিমক্না, নোদেল এজেন্সীশিং অমদি লৈবাক অনিগী ইনভেস্তিগেসন এজেন্সীশিংগী মরক্তা হেন্না ফবা তেংবাং পীনবদা অহেনবা পুক্নিং থৌগৎনবা মখোয়গী ওপরেস্নেল কোওপরেসন হেঙ্গৎহন্নবা অমদি অখন্ননা ওনলাইন রেদিকেলাইজেসন ঙাকথোক্নবা অমদি থেংননবা অনৌবা খোংথাংশিং পায়খৎপা য়ানখি।

২৬. লুচিংবা অনিনা হৌখিবা মে ১৫দা এদোপ্ত তৌখিবা তেরোরিস্ত অমসুং ভাইওলেন্ত এক্সত্রিমিজম ওলাইন মচাকশিং মুত্থৎনবা খৃস্তচর্চ কোল চৎনহন্নবগীদমক মখোয়না সপোর্ত তৌরি হায়না অমুক হন্না অচেৎপা ৱাফম থমখি। মখোয়না য়ু.এন, জি.সি.তি.এফ, এফ.এ.তি.এফ, জি২০গুম্বা মল্তিলেতরেল ফোরাদা তেরোরিজম থেংনবা হেঙ্গৎহনবদা য়ানখি। লুচিংবশিংনা য়ু.এন.দা কম্প্রেহেন্সিব কনভেন্সন ওন ইন্তর্নেস্নেল তেরোরিজম (সি.সি.আই.তি) অথুবা মতমদা এদোপ্ত তৌনবা পুন্না থবক তৌমিন্নবদসু য়ানবা পুরকখি।

২৭. ইন্দো-পেসিফিক জোন্দা নেভিগেসনগী নীংতম্বা ঙাক্তুনা থম্নবা অপুনবা ৱারেপতা য়ুমফম ওইরগা ভারত অমসুং ফ্রান্সকী মরক্তা মেরিতাইম সেক্যুরিতী কোওপরেসন অসি মখোয়গী স্ত্রাতেজিক পার্তনরশিপতা খ্বাইদগী ফবা দোমেন অমা ওইরি। মসিগা মরী লৈননা ভারত অমসুং ফ্রান্সনা ২০১৮গী মার্চ থাদা রাস্ত্রপতি মেক্রোনগী ভারত খোংচৎ মনুংদা এদোপ্ত তৌখিবা, ভারত মহাসাগর লমদমদা ইন্দিয়া-ফ্রান্স কোওপরেসনগী জোইন্ত স্ত্রাতেজিক ভিজনগী ৱারোইশিন পুরক্তুনা অথুবা মতমদা চৎনহনখিববু তরাম্না ওকখি।

২৮. হ্বাইত শিপ্পিং এগ্রীমেন্ত ইমপ্লিমেন্ত তৌনবগীদমক্তা গুরুগ্রামদা লৈরিবা ইনফোর্মেসন ফ্যুজন সেন্তর-ইন্দিয়ন ওসিন রিজন (আই.এফ.সি-আই.ও.আর)দা ফ্রান্সকী লাইজন ওফিসর অমা এপোইন্ত তৌখিববু ভারত অমসুং ফ্রান্সনা তরাম্না ওকখি। 

২৯. ফ্রান্স অমসুং ভারতনা ইন্দিয়ন ওসিন রিম এসোসিয়েসন (আই.ও.আর.এ)দা মখোয়গী এক্সন কোওর্দিনেৎ তৌনবা অমদি থৱায় য়াওবা লৈবাকশিংগা লোয়ননা খা থংবা ভারত মহাসাগরদা পাইরেসী অমসুং মখল খুদিংমক্কী মেরিতাইম ত্রাফিকিং থেংননবগীদমক রিইনফোর্সিং এসেৎশিংগী অপুনবা প্রোজেক্ত অমা পায়খৎপগী অপাম্বা ফোংদোকখি। ২০২০দগী ২০২২ ফাওবা পাংথোক্কদৌরিবা ইন্দিয়ন ওসিন নেভেল সিম্পোজিয়ম (আই.ও.এন.এস)দা ভারতকা লোয়ননা থবক তৌনীংবগী অপাম্বসু ফ্রান্সনা ফোংদোকখি।

৩০. ফ্রান্স অমসুং ভারত অসি মল্তিলেতেরেলিজম য়োকখৎলিবা দেমোক্রেতিক সোসাইতীশিংনি। ফ্রান্স অমসুং ভারতনা য়ুনাইতেদ নেসন্স সেক্যুরিতী কাউন্সিল নৌনা শেমদোক্নবা তকশিল্লি মদুনা ভারতপু কাউন্সিল অসিদা পর্মনেন্ত সিৎ অমা ফংহনবা ঙমহল্লগনি। 

৩১. লৈবাক অনিগী মরী অসিদা য়ুরোপিয়ন য়ুনিয়ন্না ভেল্যু হাপ্লিবা অদু খঙলদুনা ফ্রান্স অমসুং ভারতনা য়ুরোপিয়ান য়ুনিয়ন অমসুং ভারতকী মরক্তা স্ত্রাতেজিক অমসুং মল্তিলেতরেল ইশুশিং লোয়ননা ত্রেদ, ইনভেস্তমেন্ত অমসুং ইনোভেসন্দা লৈনরীবা মরী হেন্না চেৎশিলহন্নবা পুক্নিংদা চপ য়ুংনা লেপ্লিবা অদু অমুক হন্না ফোংদোকখি।

৩২. ভারত অমসুং ফ্রান্সনা মখোয়দা কিহনলক্লিবা রিজনেল ক্রাইসিস য়াওনা অন্তর্জাতিগী শান্তি অমসুং সেক্যুরিতীগীদমক ইচং থৌনা তেংবাং পীনরি। মখোয়না অফগানিস্তান্দা অফগান্না লুচিংবা, অফগান মশাগী ওইবা অমদি অফগান্না কন্ত্রোল তৌবগী মনুং চনবা শান্তি অমসুং রিকোন্সিলিয়েসনগী থৌওং অমা মতেং পাংলি।

৩৩. ভারত অমসুং ফ্রান্সনা ইরানিয়ন ন্যুক্লিয়র প্রোগ্রামদা জোইন্ত কমপ্রেহেন্সিব প্লান ওফ এক্সন (জে.সি.পি.ও.এ)না হায়রিবা অদু মপুংফানা ঙাক্তুনা চৎপা অমসুং য়ু.এন. সেক্যুরিতী কাউন্সিল রিজোলুসন ২২৩১ অসি রিজনেল অমসুং অন্তর্জাতিগী শান্তি অমসুং সেক্যুরিতী ঙাক্তুনা থম্নবা দরকার ওই হায়বা য়ানখি।

৩৪. হৌজিক লৈরিবা এঙ্গেজমেন্তকী থাক অসিদা অপেনবা ফোংদোক্লদুনা নাকল অনিমক্না মখোয়গী পার্তনরশিপ অসি মখা তানা চেৎশিলহন্নবা মখোয়গী ৱারেপশিং অদু অমুক হন্না ফোংদোকখি।

*****