ভারতকী প্রধানমন্ত্রী

ঙসি প্রধান মন্ত্রীগী প্রিন্সিপাল সেক্রেতরি দোক্তর পি.কে মিশ্রা মুম্বাইদা পাংথোকপা বিকসিত ভারত সংকল্প যাত্রা শরুক য়াখ্রে।

থৌরম অদুদা মীওই ১৫০০ হেনবনা থৱায় য়াওনা শরুক য়াখি। প্রিন্সিপাল সেক্রেতরিগা লৌয়ননা শরুক য়াখিবা মীওই খুদিংমক্না বিকসিত ভারতকীদমক ৱাশক লৌখি। মেরি কহানি মেরি জুবানিগী মখাদা, কেন্দ্র সরকারগী তোঙান-তোঙানবা স্কিমশিংগী বেনিফিসরিশিংনা মখোয়না থেংনরকপশিং অমসুং মাইপাকপগী ৱারি লীখি।

থৌরম মনুংদা প্রধান মন্ত্রীগী ভিদিও মেসেজ অমসুং বিকসিত ভারত সংকল্প যাত্রাগী পান্দমশিংগী ফিল্ম উৎখি।

মুদ্রা য়োজনা, পি.এম শ্বানিধি অমসুং অতোপ্পা স্কিমশিংগী বেনিফিসরশিংদা প্রিন্সিপাল সেক্রেতরিনা শক্তাকচেশিং অমসুং কান্নবশিং য়েন্থোকখি।

হৌজিক ফাওবা সরকারগী স্কিমশিং কান্নবা ফংদ্রিবশিংদা খুদোংচাবশিং ফংহন্নবা অমসুং সরকারগী মরুওইবা স্কিমশিং চাদা ১০০ থবক ওইনা পাংথোক্নবা মীয়ামদা ৱাখল তাহন্নবা লিংখৎপা সরকারগী স্কিমশিংগী স্তোলশিংদা প্রিন্সিপাল সেক্রেতরিনা য়েংখি।

প্রধান মন্ত্রীগী প্রিন্সিপাল সেক্রেতরিনা মীয়ামদা ৱা ঙাংখি। মহাক্না বিকসিত ভারতকীদমক প্রধান মন্ত্রীগী পান্দমগী মতাংদা ৱা ঙাংখি অমসুং যাত্রা অসি থৱায় হকচাং য়াওনা শরুক য়ানবা মীয়ামদা তকশিনখি। সরকারগী স্কিমশিং মপুংফানা পায়খৎনবা অমসুং খ্বাইদগী লাপ্পা মফমশিং ফাওবা য়ৌহন্নবগী মতাংদা মহাক্না ৱা ঙাংখি।

মুম্বাই সহরদা বিকসিত ভারত সংকল্প যাত্রা মাইপাক্না শীনবগীদমক প্রিন্সিপাল সেক্রেতরিনা বি.এম.সি এদমিনিস্ত্রেসন থাগৎপা ফোঙদোকখি।

*****