ভারতকী প্রধানমন্ত্রী
প্রধান মন্ত্রী, শ্রী নরেন্দ্র মোদীনা ঙসি ওস্ত্রিয়াগী ভিএনাদা রাস্ত্রপতি ঐচ.ই. শ্রী অলেকজেন্দর ভান দর বেল্লেনগা উন্নখ্রে। রাস্ত্রপতি ভান দর বেল্লেন্না প্রধান মন্ত্রীবু মহাক্কী পুৱারী ওইরবা অহুমশুবা তর্মগীদমক্তা থাগৎপা ফোংদোকখি।
লৈবাক অনি অসিনা দিপ্লমেসীগী মরী লৈনরকপা চহি 75 মপুং ফাবা মতমদা ওস্ত্রিয়াগী খঙচৎ চৎলিবা অসিনা খোঙচৎ অসিবু অখন্নবা অমদি পুৱারী ওইহল্লে হায়না প্রধান মন্ত্রীনা হায়খি। লুচিংবা অনিনা মান্ননা পুক্নিং চঙবা বাইলেতরেল অমসুং মালেমগী হীরম কয়াদা ৱারী শাখি। মখোয়না অকোয়বগী ফিভম তুং কোইনা চৎহনবা অমসুং গ্লোবেল ৱার্মিংগা মাইয়োক্নবগী মতাংদা ৱারী শাখি। হীরম অসিগা মরী লৈননা, লুচিংবা অনিনা রিন্যুএবল ইনর্জী, অখন্নবা ওইনা সোলর, হাইদ্রো অমসুং বাইওফুএলগুম্বা লমশিংদা তেংবাংনদুনা কান্নবা লৌনবগী ৱাফম খন্নখি। প্রধান মন্ত্রীনা রাস্ত্রপতি ভান দর বেল্লেন্না মশাগী খুদোংচাবগী মখা পোন্না ভারত্তা লাকপীনবা পাউজেলশু পীখি।
***
PM @narendramodi met Federal President @vanderbellen. They deliberated ways to strengthen India-Austria relations in a host of sectors. pic.twitter.com/e9Wn5bxf2J
— PMO India (@PMOIndia) July 10, 2024
Had a very good meeting with Federal President Alexander Van der Bellen and discussed ways to expand India-Austria cooperation. @vanderbellen pic.twitter.com/mrCtr0mg28
— Narendra Modi (@narendramodi) July 10, 2024
Hatte ein sehr gutes Treffen mit Bundespräsident Alexander Van der Bellen und wir diskutierten über die Möglichkeiten zum Ausbau der indisch-österreichischen Zusammenarbeit. @vanderbellen pic.twitter.com/ZWJgxeDT1z
— Narendra Modi (@narendramodi) July 10, 2024
