ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা ঙসি ম্যানমারগী বাগানদা লৈবা অনন্দা লাইশং চৎখ্রে ।

মসিগী বুধিস্ত লাইশং অসি ১২শুবা চহিচাগী মমাংদা শারম্বনি । মসি বাগান রিজন পুম্নমক্তা অনিশুবা খ্বাইদগী চাওবা লাইশংনি ।

অর্কিওলোজিকেল সর্ভে ওফ ইন্দিয়ানা লাইশং অসিগী স্ত্রকচরেল কনজার্বেসন অমসুং কেমিকেল প্রিজার্বেসনগী থবক চৎথরি । মমাং চহিগী য়ুহা মনুংদা মাংহন তাকহনখিবা মতুংদা শেমজিন শাজিনবগী থবক চৎথরি । লাইশং অদুদা হৌজিক চৎথরিবা শেমজিন শাজিনবদু উৎপা ফোতো একজিবিসন অমা প্রধানমন্ত্রীদা উৎখি । মহাক্না ইশ্বরবু খুরুমজখি অমসুং লাইশং অদুগী পরিক্রমা চৎথখি, মদুগী মনুংদা এএসআই রিপ্রজেনতেতিবশিংনা শেমজিন শাজিল্লিবা অদুগী থৌওং অদু শন্দোক্না তাকখি ।

লাইশং অদুগী ভিজিতর বুক্তা প্রধানমন্ত্রীনা খুৎয়েক পিখি, অমসুং অনন্দা লাইশংগী শেমজিন শাজিনবদা ভারতকী কন্ত্রিব্যুসন অদু তাকলিবা প্লেক অমা মাইখুম হাংদোকখি ।

এসিয়াগী লৈবাক কয়াদা এএসআইনা মখল মখা য়াম্লবা অচৌবা কনজার্বেতিব থবকশিং পাংথোক্লি । মসিদা অনন্দা লাইশংদা নত্তনা, অফগানিস্থানদা বামিয়ান বুধ, কম্বোদিয়াদা অঙকোর ৱাত, কম্বোদিয়াদা তা প্রোম তেম্পল, লাওসতা ভেত ফৌ তেম্পল অমসুং ভ্যিতনামদা মাই সন তেম্পল য়াওরি ।