ভারতকী প্রধানমন্ত্রী

প্রধানমন্ত্রী নরেন্দ্র মোদীনা ঙসি বদোদরাদা পাংথোকপা মীয়ামগী মীফম অমদা বদোদরা সিতী কমান্দ কন্ত্রোল সেন্তর, ৱাঘোদিয়া রিজনেল ৱাতর সপ্লাই স্কিম অমসুং বেঙ্ক ওফ বদোদরাগী অনৌবা হেদ ওফিস বিল্দিং জাতিদা কৎথোকখ্রে।

প্রধানমন্ত্রীনা প্রধানমন্ত্রী অৱাস য়োজনা (খুঙ্গং লোইননা শহর)গী কান্নবা ফংলবশিংদা য়ুমগী শোশিং খুৎশিন্নখি। মহাক্না ইন্তিগ্রেতেদ ত্রান্সপোর্তহব অমা, রিজনেল ৱাতর সপ্লাই স্কিমশিং, হাউশিং প্রোজেক্তশিং অমসুং ফ্লাই ওভর অমা য়াওনা ইনফ্রাস্ত্রকচর অমসুং চাওখৎ থৌরাংগী প্রোজেক্ত কয়ামরুমগী উরেপ-উয়ুং তমখি। মহাক্না বদোদরাদা মুন্দ্রা-দিল্লী পেত্রোলিয়ম প্রদক্ত পাইপলাইনগী কেপাসিতী এক্সপান্সন অমসুং ঐচপিসিএলগী গ্রীনফিল্দ মার্কেতিং তর্মিনেল অমগী উরেপ-উয়ুংসু তমখি।

মীয়ামদা ৱা ঙাংলদুনা প্রধানমন্ত্রীনা হায়খি মদুদি ঙসি বদোদরাদা হৌদোক্কদৌরিবা চাওখৎ-থৌরাংগী থবকশিংগী থাং অসি চাংদম্নীংঙাই লৈতবন।

প্রধানমন্ত্রীনা হায়খি মদুদি সরকারনা মরু ওইবা চাওখৎ-থৌরাং অমসুং মীয়ামগী কান্ননবগীদমক শিজিন্নগদৌরিবা পাম্বৈশিংগী মতাংদা ময়েক শেংনা থম্লি।

প্রধানমন্ত্রীনা হায়খি মদুদি মহাক্না অঙাং ওইরিঙৈদগী ঘোঘাদগী দহেজ ফাওবগী মরক্তা ফেরী সর্বিস অমগী মতাংদা তাদুনা লাকখি। মহাক্না হায়খি মদুদি সরকারনা হৌজিক্তি পুম্নমক্কী চাওখৎ-থৌরাংদা মিৎয়েং চংলি অমসুং ফেরী অসি ঙসিদগী হৌদোক্লে।
প্রধানমন্ত্রীনা হায়খি মদুদি হৌখিবা চহিগুম্না ওক্তোবর ৩১, সরদার পতেলগী মপোক কুমওন অসিদা ‘রন ফোর য়ুনিতী’ পাংথোক্কনি। মহাক্না মীয়ামদা থৌরম অসিদা থৱাই য়াওনা শরুক য়াবীরনবা ফোংদোকখি।