ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা ঙসি ন্যু দিল্লিগী পুসাদা লৈবা আইএআরআইদা নানাজী দেশমুখকী চামাশুবা মপোক কুমওন হৌদোকপগী থৌরমদা শরুক য়াখ্রে ।
প্রধানমন্ত্রীনা “তেক্নোলোজী অমসুং খুঙ্গংগী পুন্সি” হায়বা থিমদা পাংথোকপা একজিবিসন অমদা ভিজিত তৌখি । একজিবিসন অসিনা গুদ প্রেক্তিসশিং অমসুং এপ্লিকেসনশিং, লোয়ন লোয়ননা মিনিস্ত্রী ওফ রুরেল দিবলপমেন্তকী স্কিমশিং অমসুং ইনিসিয়েতিবশিং উৎলি । মহাক্না ইনোভেতর অমসুং বেনিফিসরি খরগা ৱারি শান্নখি ।

প্রধানমন্ত্রীনা নানাজী দেশমুখ অমসুং লোকনায়ক জয়াপ্রকাশ নরায়নগী মফমদা ইকায় খুম্নবা উৎতুনা লৈ কৎখি । মহাক্না নানাজী দেশমুখপু নিংশিংনিঙাই ওইরবা পোস্তেজ স্তাম্প অমা রিলিজ তৌখি ।

প্রধানমন্ত্রীনা দিশা পোর্তেল হৌদোকখি- স্মার্ত গোবর্নান্স তুল অমা মদুনা সিঙ্গল পোর্তেল অমগী খুথাংদা মখোয়গী কন্সতিট্বেন্সীদা তোঙান তোঙানবা মিনিস্ত্রীশিংগী মখম মখা য়াম্লবা প্রোগ্রামশিং অমসুং স্কিমশিংগী ইমপ্লিমেন্ত তৌবগী মোনিতর তৌনবগীদমক এমপিশিং অমসুং এমএলএশিংগীদমক দিবেলপ তৌবা । তারিক অসিমক্তদা মসিগী পোর্তেল অসিদা মিনিস্ত্রী ২০গী প্রোগ্রাম অমসুং স্কিম ৪১গী ইন্তিগ্রেসন এচিব তৌরে ।

মহাক্না গ্রাম সম্বাদশু হৌদোকখি- মখল মখা য়াম্লবা রুরেল দিবলপমেন্ত প্রোগ্রামশিংদা গ্রাম পঞ্চায়তকী থাক্তা নাগরিকশিংদা ই-পাও পিনবগীদমক সিঙ্গল ৱিন্দো এসেস লায়থোকহন্দুনা ভারতকী খুঙ্গংগী প্রজাদা সর্ব অমসুং এমপৱার তৌনবা সিতিজন সেন্ত্রিক মোবাইল এপ্লিকেসন অমা । হৌজিক্কী ওইনা এপ্লিকেসন অসিনা রুরেল দিবলপমেন্ত মন্ত্রালয়গী প্রোগ্রাম তরেৎ কোনশিল্লি ।

প্রধানমন্ত্রীনা রুরেল সেল্ফ এমপ্লোইমেন্ত ত্রেনিং ইন্সতিট্যুত (আরএসইতিআই) বিলদিং ১১ অমসুং আইএআরআইদা প্লান্ত ফেনোমিক্স ফেসিলিতী অমা দিজিতেল্লি শঙ্গাখি ।

প্রধানমন্ত্রীনা সেল্ফ হেল্প গ্রুপশিং, পঞ্চায়শিং, ৱাতর কনজার্বেসন ইনোভেতরশিং অমসুং প্রধানমন্ত্রী অৱাস য়োজনাগী কান্নবা ফংলবশিংদগী লাকপা চাওরাক্না মীওই ১০,০০০গী মীয়ামদা ৱা ঙাংখি ।

মহাক্না হায়খি মদুদি ঙসি অসি অফাওবা লুচিংবা অনি- নানাজী দেশমুখ অমসুং লোকনায়ক জয়াপ্রকাশ নরায়নগী মপোক কুমওনগী খুদম ওইরি, মখোয়না মখোয়গী মপুন্সি অদু লৈবাক্কী য়াইফনবগীদমক কৎথোকখি ।

প্রধানমন্ত্রীনা হায়খি মদুদি লোকনায়ক জয়াপ্রকাশ নরায়ন অসি নহাশিংগী মরক্তা য়াম্না মমিং চৎলি । লোকনায়ক জয়াপ্রকাশ নরায়ন অমসুং দা. লোহিয়াগী মান্নবা মওং অদুনা ‘ক্বিত ইন্দিয়া’ খোংজংগী মতমদা এক্তিব ওইখি, মহাত্মা গান্ধীগী ক্লেরিয়ন কোলনা ইন্সপায়র ওইখি হায়না মহাক্না মখা তাখি । প্রধানমন্ত্রীনা হায়খি মদুদি লোকনায়ক জয়াপ্রকাশ নরায়ন্না কৈদৌনুংদা পৱার পোলিতিক্সতা থৱায় য়াওখিদে, অমসুং শেঞ্জা থুমজা থেংনরম্মী । নানাজী দেশমুখশু রুরেল দিবলপমেন্ত অমসুং ঐখোয়গী খুঙ্গংশিংবু মরোমদোম লেপচনবা শেমগৎপা অমসুং লাইরবা কোকহন্নবগী মায়কৈদা মশামক কৎথোক্নবা হোৎনখি হায়না মহাক্না হায়খি ।

দিবলপমেন্তকীদমক খ্বাইদগী ফবা ৱাখল্লোনশিং লৈবা অদু খক্তনা মতিক চাদ্রি হায়না প্রধানমন্ত্রীনা হায়খি । মহাক্না মখা তাখি মদুদি ইনিসিয়েতিবশিং মতম চানা কমপ্লিত তৌগদবনি অমসুং দিবলপমেন্তকী মহৈ অদু ফংফম থোকপা বেনিফিসরিশিংদা য়ৌখিগনি । হোৎনরিবশিং অদু কমপরেহেন্সিব অমসুং ‘অউতকম দ্রাইবন’ ওইগদবনি ‘অউপুত দ্রাইবন’ নত্তে হায়না প্রধানমন্ত্রীনা হায়খি ।

প্রধানমন্ত্রীনা হায়খি মদুদি সহরদা ফংলিবা খুদোংচাবশিং অদু খুঙ্গংশিংদশু ফংহন্নবা হোৎনগদবনি । মহাক্না হায়খি মদুদি দেমোক্রেসি অমগী অশেংবা মগুন অসি জন ভাগিদারি অমসুং সহরশিং অমসুং খুঙ্গংশিংগী চাওখৎপগী খোংচৎতা প্রজানা পুন্না শরুক য়াবনি । সরকারগা চাং নাইনা ৱারি শান্নবা মথৌ তাই হায়না মহাক্না মখা তাখি ।

সেনিতেসন ফেসিলিতীশিং ৱাৎপনা খুঙ্গংশিংগী চাওখৎপগী খোংচৎতা শাথিবা অপন্বা ওইরিবা অদু নোত তৌরদুনা প্রধানমন্ত্রীনা হায়খি মদুদি করিগীদমক সরকারনা খুঙ্গংগী মফমশিংদা তোইলেতশিং শানবা থবক পায়খৎলিবনো ।

 ***