ভারতকী প্রধানমন্ত্রী
প্রধানমন্ত্রী শ্রী নরেন্দ্র মোদীনা ঙসি মালেমগী মফম কয়াদগী ওইল অমসুং গ্যাসকী সিইওশিং অমসুং এক্সপার্তশিংগা ৱারি শান্নখ্রে ।
রোসনেফত, বিপি, রেলাইন্স, সাওদি অরামকো, এক্সোন মোবিল, রোয়েল দতচ শেল, বেদান্তা, ৱুদ মেককেনজি, আইঐচএস মার্কিত, সক্লমবর্জর, হাল্লিবর্তোন, এক্সকোল, ওএনজিসি, ইন্দিয়ান ওইল, জিএআইএল, পেত্রোনেত এলএনজি, ওইল ইন্দিয়া, ঐচপিসিএল, দেলোনেক্স ইনর্জী, এনআইপিএফপি, ইন্তরনেস্নেল গ্যাস য়ুনিয়ন, ৱার্ল্দ বেঙ্ক, অমসুং ইন্তরনেস্নেল ইনর্জী এজেন্সিদগী তোপ সিইওশিং অমসুং ওফিসিয়েলশিংনা মীফম অদুদা শরুক য়াখি ।
য়ুনিয়ন মিনিস্তর শ্রী ধর্মেন্দ্র প্রধান অমসুং শ্রী আর.কে. সিংহ অমসুং নিতী আয়োগ, পিএমও, পেত্রোলিয়ম মিনিস্ত্রী অমসুং ফাইনান্স মিনিস্ত্রীদগী মরুওইবা লুচিংবশিংশু শরুক য়াখি ।
মীফম অদু নীতি আয়োগনা শিন লাংবনি । মখোয়গী হৌদোকপগী অতেনবা ৱারোলদা, পেত্রোলিয়ম অমসুং নেচরেল গ্যাসগী মন্ত্রী শ্রী ধর্মেন্দ্র প্রধান, অমসুং শ্রী রজিব কুমার, ভাইস চিয়ারমেন নীতি আয়োগনা সেক্তর অসিদা পাংথোক্লিবা থবক অদু ফোংদোকখি । মখোয়না ভারত্তা ইনর্জী দিমান্দদা হেঙ্গৎলক্লিবা অমসুং ইলেক্ত্রিফিকেসন অমসুং এলপিজি এক্সপান্সিয়নদা পায়খৎলিবা খোংথাং অদুশু কন্না পনখি ।
অতেনবা প্রজেন্তেসন অমদা, নীতি আয়োগকী সিইও, শ্রী অমিতাব কান্তনা ভারত্তা ওইল অমসুং গ্যাস সেক্তরদা হৌজিক ওইরিবা দিবলপমেন্তশিং অমসুং চেলেঞ্জেসশিং অদু পনখি ।
হৌখিবা চহি অহুম অসিদা ভারত্তা ওইরক্লিবা প্রোগ্রেস অমসুং রিফোর্মশিং অদু তোঙান তোঙানবা শরুক য়ারিবশিং অদুনা থাগৎপা ফোংদোকখি । ইনর্জী সেক্তরদা রিফোর্ম তৌনবা প্রধানমন্ত্রী মোদীনা পুখৎলক্লিবা খোংথাং অমসুং থৌরাং অদু শরুক য়ারিবশিংনা থাগৎপা ফোংদোকখি । অপুনবা ইনর্জী পোলিসী অমগী মথৌ তাবা, কন্ত্রেক্ত ফ্রেমৱার্কশিং অমসুং এরেঞ্জমেন্তশিং, সৈসমিক দাতা সেতশিংগী চংদবা য়াদবশিং, গ্যাস হব অমগী সেত্তিং অপ, অমসুং রেগুলেতরি ইশুশিং অসিনচিংবা হিরমশিংদা খন্ন নৈনখি । শরুক য়ারিবা অয়াম্বনা জিএসতি ফ্রেমৱার্কতা গ্যাস অমসুং ইলেক্ত্রিসিতী মনুং চলহন্নবা য়াম্না কন্না রিকমেন্দ তৌখি । রেভেন্যু সেক্রেতরি শ্রী হসমুখ অধিয়ানা ওইল অমসুং গ্যাসকা মরি লৈননা জিএসতি কাউন্সিলগী হন্দক্তা লৌখিবা ৱারেপশিং অদু হাইলাইত তৌখি ।
শরুক য়ারিবশিংনা মখোয়গী মীৎয়েংশিং সেয়ার তৌবগীদমক থাগৎলদুনা প্রধানমন্ত্রীনা হায়খি মদুদি ২০১৬তা পাংথোকখিবা মমাংগী মীফমদা ফংখিবা মশিং য়াম্লবা সজেশনশিং অদুনা পোলিসী শেম্বদা মতেং ওইখি । মহাক্না মসিমশু হায়খি মদুদি লম কয়াদা রিফোর্ম তৌনবা স্কোপশিং অদু হৌজিকশু লৈরি । শরুক য়ারিবশিংনা থমলকপা সজেসনশিং অদু ফোকস তৌরদুনা প্রধানমন্ত্রীনা থাগৎপা ফোংদোকখি ।
মখোয়গী মরি লৈনবা ওর্গনাইজেসনশিংগী কনসর্নশিংদা মখোয় মশাবু কনফাইন তৌবগী মহুৎতা, ওইল অমসুং গ্যাস সেক্তরদা ভারতকী য়ুনিক পোতেন্সিয়েল অমসুং চংদবা য়াদবশিং অদু ৱাখলদা থমদুনা হোলিস্তিক সজেসনশিং সেয়ার তৌরকপগীদমক প্রধানমন্ত্রীনা শরুক য়ারিবা পুম্নমকপু থাগৎপা ফোংদোকখি ।
প্রধানমন্ত্রীনা ওবজার্ব তৌখি মদুদি ঙসি পিরক্লিবা সজেসনশিং অসিনা পোলিসী, এদমিনিস্ত্রেতিব লোয়ন লোয়ননা রেগুলেতরি ইশুশিং কোনশিল্লি ।
প্রধানমন্ত্রীনা রসিয়াগী রাষ্ট্রপতি ব্লাদিমির পুতিন অমসুং রোসনেফতপু ভারত্তা ইনর্জী সেক্তরদা মতেং পাংনবা মখোয়গী ৱাফমশিং অদুগীদমক থাগৎপা ফোংদোকখি । মহাক্না সাউদি অরাবিয়াগী কিংদমগী ২০৩০ ভিজন দোকুমেন্ত অদু থাগৎপা ফোংদোকখি । সাউদি অরাবিয়াদা মহাক্কী খোংচৎ অদু নৌহৌনা নিংশিংলদুনা, মহাক্না হায়খি মদুদি মফম অদুদা ইনর্জী সেক্তরদা প্রোগ্রেসিব দিসিজন কয়া অমা লৌখি । তুংদা ভারত অমসুং সাউদি অরাবিয়াগী মরক্তা কোওপরেসনগী তোঙান তোঙানবা খুদোংচাবশিং খুমাং চাওশিন্নবা মহাক্না য়েংখি ।
প্রধানমন্ত্রীনা হায়খি মদুদি ভারত্তা ইনর্জী সেক্তরগী স্তেতস অসি য়াম্না ৱাংনা থাক মান্নদে । কমপ্রেহেন্সিব ইনর্জী পোলিসী অমগীদমক সজেসন লানখৎলকখিবা অদু মহাক্না তরাম্না ওকখি । অৱাং ভারত্তা ইনর্জী ইনফ্রাস্ত্রকচর দিবেলপ তৌবা অমসুং ইনর্জী হেঙ্গৎহনবগী মথৌতাবা অদু মহাক্না কন্না পনখি । মহাক্না বাইওমাস ইনর্জীগী পোতেন্সিয়েল অদু ফ্লেগ তৌখি অমসুং কোল গ্যাসিফিকেসনদা শরুক য়ানবা অমসুং পুন্না চৎমিন্ননবশু বার্তন তৌখি । মহাক্না ওইল অমসুং গ্যাস সেক্তরদা ইনোভেসন অমসুং রিসার্সকীদমক ওইথোকপা য়াবা পুম্নমক তরাম্না ওকখি ।
প্রধানমন্ত্রীনা ইন্দিকেত তৌখি মদুদি ভারতনা ক্লিনর অমসুং ফুয়েল-ইফিসেন্সি ইকোনোমী হেনগৎনবগী মায়কৈদা চংশিল্লি, মহাক্না মসিগী কান্নবশিং অসি সোসাইতি অসিগী সেক্সন পুম্নমক্তা অমসুং মরুওইনা হেন্না লাইরবশিংদা হোরাইজেন্তেল্লি এক্সপান্দ তৌবশু পামখি ।
******
