ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা ঙসি নই দিল্লীদা এনসিসি রেলীদা ৱা ঙাংখ্রে। মহাক্না হায়খি মদুদি এনসিসিগী নহা ওইরিবা কেদেৎ পুম্নমক্না মফম অসিদা মখোয় মশাগী মতিক অমসুং শক্তাক্কা লোইননা পুল্লরি। মহাক্না হায়খি মদুদি থা অমদগী হেনবা মতমগী মনুংদগী মখোয় অমগা অমগা খঙন-চান্নবা হেল্লক্লি অমসুং অমনা অমদগী ময়াম অমা তমজনবগী তাঞ্জা ফংলি। শ্রী মোদীনা হায়খি মদুদি এনসিসি কেম্পনা নহারোল খুদিংমক্তা ভারতকী তোঙান তোঙানবা নাৎশিং তম্ননবা তাঞ্জা পীরি। কেম্পশিং অদুদগী নহা খুদিংমক্না লৈবাক অসিগীদমক্তা করিগুম্বা খরা তৌজনবা ইথিল ফংলি।

প্রধানমন্ত্রীনা হায়খি মদুদি এনসিসি কেম্পশিংগী থোংদগী কেদেৎশিংনা তম্বা ফংজরিবা স্প্রিৎশিং অদু মখোয়গী পুন্সিদা মতম পুম্নমক্তা লেংদনা লৈগনি। মহাক্না হায়খি মদুদি নেস্নেল কেদেৎ কোর অসি শুপ্নগী য়ুনিফোর্ম নত্রগা য়ুনিফোর্মিতীগীদমক্তা নত্তে মসি অপুনবা অদুগীদমক্তনি। এনসিসিগী থোংদা ঐখোয়না মিশন মোদতা থবক তৌগদবা অমসুং অতোপ্পবু পুক্নীং থৌগৎকদবা তীম অমা শেম্লি।

প্রধানমন্ত্রীনা হায়খি মদুদি এনসিসিনা মতিক মঙাল নাইরবা চহি হুমফুতরা মপুং ফাখ্রে অমসুং মসিনা মীওই কয়াদা মিশনগী মরমদা ৱাখল তাহনখ্রে। প্রধানমন্ত্রীনা হায়খি মদুদি ঙসি ঐখোয় এনসিসিগী মাই পাকপগী কুম্মৈ পাংথোক্লি, অদুবু ঐখোয়না মসি খনবসু মথৌ তাই মদুদি লাক্কদৌরিবা চহিশিং অসিদা এনসিসিগী এক্সপিরিএন্স অসি হেন্না করম্না মতিক লৈহনগনি। মহাক্না পুম্নমক্কী মফমদা মথংগী চহি মঙাগী থবক-থৌরম শিন্দোকপগী মতাংদা খন্ননবা ফোংদোকখি।

শ্রী নরেন্দ্র মোদীনা হায়খি মদুদি ভারতকী নহাশিংনা শেঞ্জা-থুমজা য়ানীংদ্রে। মহাক্না হায়খি মদুদি শেঞ্জা-থুমজা অমসুং অরোনবা লন-থুমগী মায়োক্তা লাল অসি হৌখিগনি। প্রধানমন্ত্রীনা হায়খি মদুদি লাল অসি ভারতকী নহারোলশিংগী তুংলমচৎকীদমক্তনি।

প্রধানমন্ত্রীনা এনসিসি কেদেৎশিংদা ভীম এপকী থোংদা দিজিতেল ত্রান্সেক্সন তৌবা য়োকখৎনবা অমসুং অতোপ্পবুসু পুক্নীং থৌগৎনবগীদমক ফোংদোকখি। মহাক্না হায়খি মদুদি ভারতকী নহারোলশিংনা করিগুম্বা অমা অমুকপু লেপখ্রবদি পুম্নমক ওইথোকহনবা ঙম্মি।

প্রধানমন্ত্রীনা হায়খি মদুদি অহানবদা মীয়াম্না খন্নরম্মি মদুদি ইনাক খুনবা অমসুং খুৎকন-পাঙ্গনবশিংগী মায়োক্তা করিসু তৌবা ঙমলোই, অদুবু ঙসিদি মদু হোংখ্রে। মাক্না হায়খি মদুদি মুখ্য মন্ত্রী ওইরম্বা মীশক ফাওবা ঙসিদি শেঞ্জা-থুমজা তৌরুবগীদমক জেলদা লৈরে।

আধারগী মরমদা ঙাংলদুনা মহাক্না হায়খি মদুদি মসিনা ভারতকী চাওখৎ থৌরাংদা থৌদাং য়ারি। শ্রী মোদীনা হায়খি মদুদি অহানবদা পোৎলমশিং অরানবা মীওইশিংগী খুত্তা তারম্মি, হৌজিক আধারনা মরম ওইদুনা মথৌ তারিবা কান্নবা ফংলিবশিংদা য়ৌহল্লে।