ভারতকী প্রধানমন্ত্রী

চাউখৎলক্লিবা জিলাশিংদা নহা ওইরিবা ওফিসরশিং থমসি; চাউখৎলক্লিবা জিলাশিং লৈবাক্কী চাংচৎতা পুখৎলক্নবা অকক্নবা মতম অমা থমসি: প্রধান মন্ত্রী, লৌউ-শিংউগী পোৎথোকশিং য়োকখৎনবা পুথোক-পুশিনগী ই-মোদেল অমা শেম্ননবা ত্রান্সপোর্ত অমসুং লৌউ-শিংউ মন্ত্রালয়না পুন্না থবক তৌমিন্নগদবনি: প্রধান মন্ত্রী, চরু মৈ থাবা লেপ্নবা লৌউ-শিংউ মন্ত্রালয়না পঞ্জাব, হরিয়ানা অমসুং য়ু.পি.গী লৌমীশিংদা খুৎশু-খুৎলাইশিং য়েন্থোক্কদবনি: প্রধান মন্ত্রী

আই.সি.তি.দা য়ুম্ফম ওইবা মল্তি-মোদেল প্লেতফোর্ম প্রো-এক্তিব গভর্নান্স এন্দ তাইমলী ইম্প্লিমেন্তেসন-প্রগতিগী খুৎথাংদা ৩১শুবা উনবা ঙসি প্রধান মন্ত্রী নরেন্দ্র মোদীনা চেয়র লৌদুনা পাংথোকখ্রে।

মমাংগী প্রগতিগী মীফমশিংদা লুপা ক্রোর লাখ ১২.১৫গী অপুনবা প্রোজেক্ত ২৬৫, স্কিম ৪৭ অমসুং হিরম ১৭গী মরী লৈনবা খুদোংচাদবশিং অমুক হন্না য়েংশিনখি।

ঙসিগী প্রগতিগী মীফমদা রাজ্য ১৬ অমসুং য়ুনিয়ন তেরিতোরী জে. অমসুং কে.গী লুপা ক্রোর ৬১,০০০গী প্রোজেক্ত ৯ অমুক হন্না য়েংশিনখি। মপানদা থবক তৌরিবা ভারত মচাশিংগী অৱাবশিং, লৈবাক্কী লৌউ-শিংউগী কৈথেল অমসুং এস্পিরেস্নেল দিস্ত্রিক্ত প্রোগ্রামগী মতাংদা ৱা খন্নখি।

অনীংবশিং থুংহনবা

এস্পিরেস্নেল দিস্ত্রিক্ত প্রোগ্রাম অমুক হন্না য়েংশিন্দুনা প্রধান মন্ত্রীদা দাশবোর্দতা য়ুম্ফম ওইবা ইন্দিকেতর ৪৯গী মতাংদা খঙহনখি। মচি ওইবা চীঞ্জাক্কী ফিবম ফগৎলকপগী ইন্দিকেতরশিং ফিবম ফগৎলকপা উখি। য়ু.পি.গী জিলা খরা ফিবম ফগৎলকপা মীফম অদুনা খঙজিনখি।

ত্রাইবেল অঙাংশিংগী লাইরিক তম্বা অমসুং হকশেলগী মতাংদা মরুওইবা মীৎয়েং চংনবা প্রধান মন্ত্রীনা থমখি। চাউখৎত্রিবা জিলাশিং ফিবম ফগৎলক্নবা অকক্নবা মতম অমা থম্বগী তঙাইফদবা অদু মহাক্না থমখি। নহা ওইরবা ওফিসরশিং এস্পিরেস্নেল দিস্ত্রিক্তশিংদা থানবা মহাক্না তকশিনখি।

লৌউ-শিংউ অমসুং মসিগা মরী লৈনবা থবকশিং

মমল হেন্না য়োনবদা মতেং পাংনবা নেস্নেল লৌউ-শিংউ মার্কেত প্লেতফোর্ম ফগৎলকপগী মতাংদা প্রধান মন্ত্রীদা পাউদমখি। ই-পেমেন্তশিংনা হৌজিক লৌমীশিংগী একাউন্তশিংদা হকথেংননা শেল হাপচিল্লে। জে. অমসুং কে.দা ই-মন্দী অনি শেমগৎপগী থবকশিং য়েংশিনখি।

লৌউ-শিংউগী পোৎথোকশিং রাজ্য অমদগী রাজ্য অমদা পুনবা অনৌবা নমুনা অমা শেমগৎনবা ত্রান্সপোর্ত মন্ত্রালয় অমসুং লৌউ-শিংউ মন্ত্রালয় অনিগী মরক্তা পুন্না থবক তৌনবা প্রধান মন্ত্রীনা খঙহনখি।

চরু মৈ থাবগী মতাংদা য়ু.পি., পঞ্জাব অমসুং হরিয়ানাগী লৌমিশিংদা অসিগুম্বা অসি থোক্তনবা খুৎলায়শিং য়েন্থোক্নবা প্রধান মন্ত্রীনা লৌউ-শিংউ মন্ত্রালয়দা খঙহনখি।

লম্বী-থোং শেমগৎপা কাত্রা-বানিহাল রেলৱে লাইন শেমগৎপগী থবক প্রধান মন্ত্রীনা অমুক হন্না য়েংশিনখি। প্রোজেক্ত অসি মথং চহিদা লোইশিন্নবা মহাক্না অকনবা য়াথং পীখি। আইজোল-তুপাং হায়ৱেজ প্রোজেক্তকী ফিবমসু খন্নখি। প্রধান মন্ত্রীনা হায়খি দিল্লী-মেরুত এক্সপ্রেসৱে অসি ২০২০ মে ফাওবগী মনুংদা লোইশিনগদবনি।

মথৌ তাবা ইনর্জী ফংহনবা রেনুএবল ইনর্জী মরাংকাইনা ফংবা রাজ্য ৮ হায়বদি তমিল নাদু, রাজস্থান, আন্ধ্র প্রদেশ, কর্নাতক, হিমাচল প্রদেশ, গুজরাত, মহারাস্ত্রা অমসুং মৈধ্য প্রদেশকী ওইবা ত্রান্সমিসন লাইন শেমগৎনবা প্রধান মন্ত্রীনা খন্নখি। সোলর অমসুং ৱিন্দ পৱার কম্পেনীশিংনা অনৌবা প্রোজেক্তশিং লিংখৎপদা থেংনরিবা খুদোংচাদবশিংগী মতাংদা প্রধান মন্ত্রীনা হংখি। ভেমাগীরিগী ৱাংমদা ত্রান্সমিসন সিস্তেম ফগৎহনবগীদমক কর্নাতক অমসুং আন্ধ্র প্রদেশ সরকারশিং প্রধান মন্ত্রীনা থাগৎখি।