ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংদুনা ঙসি মহাক্কী কুনথ্রাশুবা প্রগতিগী থোংদা ৱারী শানবগী থৌরম পাংথোকখ্রে – আই.সি.তি-বেজ, প্রো-এক্তিব গোবর্নান্সকীদমক মল্তি-মোদেল প্লেৎফোর্ম অমদি মতম চানা ইমপ্লিমেন্ত তৌবা।

মসি কেন্দ্র সরকারগী অনৌবা তর্মগী অহানবা প্রগতিগী মীফমসুনি।

মমাংগী তর্মদা পাংথোকখিবা ২৯শুবা প্রগতিগী মীফমদা লুপা কোতি লাখ ১২ হেনবগী অপুনবা ইনভেস্তমেন্ত অমগা লোয়ননা প্রোজেক্ত ২৫৭ নৌহৌনা য়েংশিনখি। প্রোগ্রাম/স্কিম ৪৭সু নৌহৌনা য়েংশিনখি। সেক্তর ১৭ (হিরম ২১)দা মীয়াম্না ৱাকৎলকপশিংগী ৱারেপশিংসু নৌহৌনা য়েংশিনখি।

ঙসি প্রধান মন্ত্রীনা পি.এম. অৱাস য়োজনা (অর্বান)গা মরী লৈনবা ৱাকৎশিংগী রিজোলুসন্দা পাইখৎলিবশিং নৌহৌনা য়েংশিনখি। ২০২২ ফাওবদা ইমুং অমত্তা ময়ুম লৈতবা ওইহন্দনবা কেন্দ্র সরকারগী ৱারেপ অদু মহাক্না ফোংদোকখি, অদুগা পান্দম অসি ফংনবগী মাইকৈদা ইচং থৌনা থবক তৌনবা অমদি লম্বীদা লাকপা খুরৌ পুম্নমক লৌথোকখিনবা ওফিসরশিংগী মফমদা অকনবা ৱাফম থমখি। মসিগী লোইশিল্লকপদা প্রধান মন্ত্রীনা দিপার্তমেন্ত ওফ ফাইনান্সিয়েল সর্বিসেসকা মরী লৈনবা মীয়ামগী ৱাকৎকী রিজোলুসনসু নৌহৌনা য়েংশিনখি।

প্রধান মন্ত্রীনা অয়ুশ্মান ভারতকী থবক থৌরমশিং কুপথনা য়েংশিনখি। চাউরাক্না বেনেফিসরী লাখ ৩৫ হোস্পিতালদা এদমিসন তৌবদা তেংবাংখ্রে অমদি স্কিম অসিদা হৌজিক ফাওবদা হোস্পিতাল ১৬০০০ হেন্না শরুক য়ারে হায়না মফমদা খঙহনখি। অখন্ননা শোত্থরবা জিলাশিংদা স্কিম অসিগী কান্নবশিং অমসুং পোজিতিব ইম্পেক্ততা স্তদী অমা তৌগদবনি হায়না মহাক্না হায়খি। করিগুম্বা মতমদা স্কিম অসিদা শাশিন্নবা অমসুং লান্না শিজিন্নবগী কেসশিং থেংননবা করি করম্বা খোংথাং লৌখৎলিবগে হায়বদু মহাক্না খঙবা পামখি।   

সুগম্য ভারত অভিয়ান্দা চংশিল্লিবা অদু নৌহৌনা য়েংশিল্লদুনা, প্রধান মন্ত্রীনা মীয়াম তিনবা মফমদা মখোয়না মায়োক্নরিবা লাম্বদা ফংনীংঙাই ওইবা ইসুশিংদা শোইনাইরবশিংদগী ফীদবেক খোমজিন্নবা মেকানিজম অমা পুথোকপদা তেক্নোলোজী শিজিন্ননবা খঙহনখি।

জল সক্তিগী মরুওইবা অদু ফোংদোক্লদুনা প্রধান মন্ত্রীনা রাজ্যশিংবু ঈশিং য়োকশিন্দুনা থম্বগী মাইকৈদা, অখন্ননা হৌজিক নোংজুথা মনুং অসিদা হোৎনবা য়াবা হোৎননবা খঙহনখ্রে,

প্রধান মন্ত্রীনা রেলৱে অমসুং লম্বী-থোংগী সেক্তরশিংদা মরুওইবা ইনফ্রাস্ত্রকচর প্রোজেক্ত নিপালগী প্রোগ্রেস নৌহৌনা য়েংশিনখি। প্রোজেক্তশিং অসি বিহার, উত্তর প্রদেশ, মধ্য প্রদেশ, মহারাস্ত্রা, ওরিসা, হিমাচল প্রদেশ অমসুং গুজরাত য়াওনা রাজ্য কয়াদা শন্দোকখ্রি।