ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা ঙসি মহাক্কী কুনমঙারক শুবা প্রগতি – আইসিতিদা য়ুম্ফম ওইবা, প্রো-এক্তিব গোবর্নেন্সকীদমক মল্তি-মোদেল প্লেতফোর্ম অমসুং মতম চানা থবক পাইখৎপগী মতাংদা ৱারী ৱাতাইগী থৌরম অমা পাংথোকখ্রে।

২৫শুবা প্রগতিগী মীফমদা অপুনবা লুপা কোতি লাখ ১০গা লোয়ননা প্রোজেক্ত ২২৭কী মপৈ অমা য়েংশিনখ্রে। সেক্তরশিংগী রেঞ্জ অমদা মীয়ামগী ৱাকৎশিংগী মতাংদা লৌখিবা ৱারেপশিংসু য়েংশিনখি।
২৫ শুবা প্রগতিগী ৱারী ৱাতাই লোইশিনখিবদা প্রধান মন্ত্রীনা স্তেকহোল্দর পুম্নমকপু থাগৎপা ফোংদোকখি। প্রগতি মেকানিজমগী মহৈ ওইনা কেন্দ্র অমসুং রাজ্যগী মরক্তা তেংবাং পীনবা হেঙ্গৎহল্লে হায়না মহাক্না ফোংদোকখি। প্রগতিগী অনৌবা খোংথাং অসি ঐখোয়গী ফেদরেল স্ত্রকচরগীদমক অচৌবা কান্নরবা শাফু অমনি হায়না মহাক্না হায়খি।

ঙসি, কুনমঙা শুবা মীফমদা, এক্স-সর্বিসমেনগী য়াইফ-থৌরাংগা মরি লৈনবা ৱাকৎশিং পাইখৎপা অমসুং ৱারেপ লৌবগী মায়কৈদা লৈরিবা খোংজেলশিং অদু প্রধান মন্ত্রীনা য়েংশিনখি। অথুবা মতমদা ৱাকৎশিং লোইশিন্দুনা এক্স-সর্বিসমেনশিংগী খুদোংচাদবশিং কোকহন্নবা প্রধান মন্ত্রীনা অকনবা ৱাফম থমখি।

প্রধাম মন্ত্রীনা রেলৱে, লম্বী, পেত্রোলিয়ম, পাৱর, কোইলা, আর্বান দিবেলপমেন্ত, অমদি হকলশেল লোইননা য়াইফ-য়ুম্বালগী সেক্তরশিংদা ইনফ্রাস্ত্রকচরগী ওইবা প্রোজেক্ত তরাগী খোংজেলশিং য়েংশিনখি। প্রোজেক্তশিং অসি হিমাচল প্রদেশ, উত্তর প্রদেশ, উরিশা, আন্ধ্র প্রদেশ, গুজরাত, মহারাষ্ট্রা, অসম, সিক্কিম, ৱেস্ত বেঙ্গল, বিহার, তমিল নাদু অমসুং ঝারখন্দ য়াওনা তোঙান তোঙানবা রাজ্যশিংদা পায়খৎলি।

প্রধান মন্ত্রী কৃষি সিঞ্চাই য়োজনা থবক্তা ওন্থোক্লিবা অদুগী খোংজেলশিং প্রধান মন্ত্রীনা য়েংশিনখি। মহাক্না সেদুল ত্রাইব মহৈরোইশিংগী অৱাংবা থাক্কী মহৈ মশিংগীদমক নেস্নেল ফেলোশিপ অমসুং স্কোলরশিপকী প্রোগ্রামসু য়েংশিনখি।