ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদিনা ঙসি ক্রিয়েসন এন্দ হার্মোনিয়স এপ্লিকেসন ওফ মোদর্ন প্রোসেসেস ফোর ইনক্রিজিং দি আউতপুৎ এন্দ নেসনেল স্ত্রেঙ্গথ, চেম্পিয়ন কৌবা তেক্নোলোজী প্লেৎফোর্ম অমা হৌদোকখ্রে‍।

মমিং অসিনা তাকচবগী মতুং ইন্না পোর্তেল অসি অপীকপা য়ুনিৎশিংবু মখোয়গী খুদোংচাদবশিং পাম্বৈ পীবিদুনা, পুক্নীং থৌগৎপিদুনা, ঙাক্লৌ পীবিদুনা, মতেং পাংবীদুনা অমদি খুৎশম্ননা চৎপীদুনা অচৌবা য়ুনিৎ ওইহন্নবগীদমক্তনি‍। মসি এম.এস.এম.ই. মন্ত্রালয়গী তশেং তশেংবা ৱান-স্তোপ-সোপ পাম্বৈ অমনি‍।

আই.সি.তি.দা য়ুম্ফম ওইবা সিস্তেম অসি এম.এস.এম.ই.শিংবু মখোয়গী খুদোংথিবা ফিভমদা মতেং পাংনবা অমদি লৈবাকসিগী অমদি মালেমগী মীথোইবা ওইরক্নবা খুৎশম্ননা চৎপীনবা লিংখৎপনি‍।

চেম্পিয়ন্সকী মপুং ওইবা পান্দমশিং:

১.       খুদোংচাদবা কোকহনবা: শেল-থুম, মচাক মথুম, শিন্মী, রিগুলেতরী পর্মিসন্নচিংবা এম.এস.এম.ই.শিংনা থেংনরিবা খুদোংচাদবশিং মরুওইনা কোবিদনা থোকহল্লিবা খুদোংথিবা তানফমসিদা কোকহন্নবা পাম্বৈ পীবা

২.       মখোয়বু অনৌবা খুদোংচাবশিং লৌশিনবদা মতেং পাংবা: মেদিকেল ইক্বুইপমেন্তশিং অমদি পি.পি.ই., মাস্কনচিংবা এসেসরীশিং শাবা অমসুং মখোয়শিংবু লৈবাকসিগী অমদি মালেমগী কৈথেলশিংদা থাদোকপা য়াওনা;

৩.      মায় পাক্কদবা ৱাখল্লোন খঙদোকপা অমদি পুক্নীং থৌগৎপা: হায়বদি হৌজিক ওইরিবা ফিভম অসি মায়োক্নদুনা লেপ্পা ঙমবা অমদি লৈবাকসিগী অমসুং মালেমগী মীথোইবা ওইরকপা ঙমগদবা এম.এস.এম.ই.শিং।

মসি তেক্নোলোজীনা য়োম্লবা কন্ত্রোল রুম-কম-মেনেজমেন্ত ইন্ফোর্মেসন সিস্তেমনি‍। তেলিফোন, ইন্তর্নেৎ অমদি ভিদিও কন্ফরেন্সিং য়াওনা আই.সি.তি. খুৎলায়শিংগী মথক্তা সিস্তেম অসি আর্তিফিসিএল ইন্তেলিজেন্স, দেতা এনালাইতিক্স অমসুং মেচিন লর্নিংনা মপুং ফাহল্লি‍। মসি জি.ও.আই.গী মরুওইবা গ্রিভান্সেস পোর্তেল সি.পি.জি.আর.এ.এম.এস. অমসুং এম.এস.এম.ই. মন্ত্রালয়গী মশাগী অতৈ ৱেব বেজ মেকানিজমশিংগসু রিএল তাইম বেসিস্তা মপুং ফানা পুনশিল্লে‍। আই.সি.তি. আর্কিতেকচর অপুনবা অসি এ.আই.সি.গী মতেংগা লোয়ননা মমল তিংদনা ইন-হাউসতা শেমলকপনি‍। মসিগা মান্ননা ফিজিকেল ইন্ফ্রাস্ত্রকচর অসিসু রেকোর্দ মতমদা মন্ত্রালয়গী দম্পিং রুম অমদা শেমগৎখিবনি‍।

সিস্তেম অসিগী শরুক অমা ওইনা হব এন্দ স্পাইক মোদেলদা কন্ত্রোল রুমশিগী নেতৱর্ক অমসু শেমগৎলে‍। হব অসি নই দিল্লীদা এম.এস.এম.ই. সেক্রেতরীগী ওফিসতা লৈ‍। মশাশিংনা স্তেৎশিংদা এম.এস.এম.ই. মন্ত্রালয়গী তোঙান তোঙানবা ওফিস অমদি ইনস্তিত্যুৎশিংদা লৈ‍। হৌজিক্কী ওইনা স্তেৎ লেভেল কন্ত্রোল রুম ৬৬ শেমগত্তুনা মথৌ তৌবা য়াহল্লে‍। মখোয়শিং অসি চেম্পিয়ন পোর্তেলগী মথক্তা ভিদিও কনফরেন্সিংগী খুত্থাঙদসু শম্নহল্লি‍। লোয়শঙশিংদা অকুপ্পা স্তেন্দর্দ ওপরেতিং প্রোসিদ্যুর (এস.ও.পি.) অমা পীখ্রে অমসুং স্তাফশিং থমখিবগা লোয়ননা মখোয়গীদমক ত্রেনিংসু শিনখ্রে‍।

থৌরম অসিদা এম.এস.এম.ই. অমসুং রোদ ত্রান্সপোর্ত অমদি হাইৱেজ মন্ত্রী শ্রী নীতিন গরকরীসু শরুক য়াখি‍।

***