ভারতকী প্রধানমন্ত্রী
প্রধান মন্ত্রী, শ্রী নরেন্দ্র মোদীনা ঙসি মহারাস্ত্রগী মুম্বাইদা রিজর্ব বেঙ্ক ওফ ইন্দিয়ানা চহি 90 শুরকপগী পালন থৌরম, RBI@90গী হৌদোকপগী থৌরমদা ৱা ঙাংখ্রে। শ্রী মোদীনা RBIনা চহি 90 শুরকপা পালন তৌনবগী নীংশিং শেনয়েক ফোঙখ্রে। রিজর্ব বেঙ্ক ওফ ইন্দিয়া (RBI)না 1935গী এপ্রিল 1দা মথৌ তৌবা হৌখি অমসুং ঙসি চহি 90শুরে।
থৌরম অদুদা ৱা ঙাংলদুনা প্রধান মন্ত্রীনা হায়খি মদুদি রিজর্ব বেঙ্ক ওফ ইন্দিয়ানা ঙসি চহি 90 মপুং ফারকপদা পুৱারী ওইরবা পন্দুপ অমা য়ৌরে। মহাক্না হায়খি মদুদি RBIনা নীংখা তম্বগী মমাং অমসুং মতুংগী মতম অনিমক উখি অমসুং মাগী প্রোফেস্নেলিজম অমসুং কম্মিৎমেন্তদা য়ুম্ফম ওইদুনা মালেম শীনবা থুংনা মশক অমা শেমখি। প্রধান মন্ত্রীনা RBIগী চহি 90 মপুং ফারকপদা স্তাফ পুম্নমকপু থাগৎপা ফোংদোকখি। হৌজিক লৈরিবা RBIগী স্তাফশিং অসি য়াম্না লাইবক ফবা মীওইশিংনি হায়না পল্লদুনা, প্রধান মন্ত্রীনা হায়খি মদুদি ঙসি শেমখিবা পোলিসীশিং অসিনা RBIগী মথংগী চহী তরাগী খোঙথাংশিং শেমগৎকনি অমসুং হায়খি মদুদি মথংগী চহি 10না RBIবু চহি চামা শুহনগনি। প্রধান মন্ত্রীনা হায়খি, “মথংগী দিকেদ অসি ভিকসিৎ ভারতকী ৱারেপশিংগীদমক য়াম্না মরু ওই।” প্রধান মন্ত্রীনা RBIনা খোঙজেল য়াংনা চাউখৎপগী মায়কৈদা মরু ওইনা লৌরিবা অমসুং থাজবা অমসুং তংদু লৈতাবা অদুদা মীৎয়েং থম্লি হায়না ফোঙদোকখি। প্রধান মন্ত্রীনা মসিগী পান্দমশিং অমসুং ৱারেপশিং অসি মপুং ফাহনবগীদমক মহাক্কী য়াইফ-মঙ্গোল পীখি।
GDP অমসুং লৈবাক অসিগী শেন্মিৎলোনদা শেল-থুমগী অমসুং ফিক্সেল পোলিসীশিংগী কোওর্দিনেসনগী মরুওইবা অদু পল্লদুনা প্রধান মন্ত্রীনা 2014দা RBIগী চহি 80 মপুং ফারকপগী থৌরম অদু নীংশিংখি অমসুং মতম অদুদা লৈবাক অসিগী বেঙ্কিং সিস্তেমনা NPA অমসুং স্তেবিলিতীগুম্বা শিংনবশিং অমসুং খুদোংচাদবশিং থেংনখিবা অদু নীংশিংখি। মহাক্না হায়খি মদুদগী হৌরগা, ঙসিদি ঐখোয়না ভারতকী বেঙ্কিং সিস্তেম অসি মালেমগী মপাঙ্গল লৈরবা অমসুং তুং কোইনা চৎপা বেঙ্কিং সিস্তেম অমা ওইনা উবা ফংলে মরমদি মতম অদুগী শিথবগা মান্নরুরবা বেঙ্কিং সিস্তেম অসি হৌজিক্তি কান্নরে অমসুং রেকোর্দ ক্রেদিৎ উৎলি।
প্রধান মন্ত্রীনা অসিগুম্বা অহোংবা অসিগীদমক পোলিসী, ৱাখল্লোন অমসুং ৱারেপশিং অদু ময়েক শেংবা অসিবু থাগৎখি। প্রধান মন্ত্রীনা হায়খি, “অদোমগী ৱাখল্লোন চুম্লবদি, ফলসু চুমগনি।” রিফোর্মশিংগী পুম্নমক শুনা য়াওবা মওং-মতৌগী মতাংদা প্রধান মন্ত্রীনা হায়খি মদুদি সরকারনা রিকগনিসন, রিজোল্যুসন অমসুং রিকেপিতলাইজেসনগী লালোংদা থবক তৌরি। গভর্নান্সকা মরী লৈনবা রিফোর্ম কয়াগা লোয়ননা পব্লিক সেক্তর বেঙ্কশিং মতেং পাংনবা লুপা করোর লাখ 3.5গী কেপিতেল ইনফিউজন অমা পাইখৎলে। ইন্সোলভেন্সী অমসুং বেঙ্ক্রপসী কোদ খক্তনা লুপা লাখ 3.25গী লোনশিং কোকহল্লে হায়না প্রধান মন্ত্রীনা হায়খি। IBCগী মখাদা এদমিসন ফংদ্রিঙৈগী মমাংদা লুপা করোর লাখ 9 হেনবগী দিফোল্ত য়াওবা এপ্লিকেসন 27,000 হেন্না রিজোল্ব তৌখ্রে হায়নসু মহাক্না লৈবাক অসিদা পাউদমখি। 2018দা বেঙ্কশিংগী গ্রোস NPA অসি চাদা 11.25 ওইরখিবা অদু সেপ্তেম্বর 2023 ফাওবদা মসি চাদা 3গী মখাদা হন্থরে । মহাক্না হায়খি মদুদি ত্বিন বেলেন্স শীৎশিংগী প্রোব্লেম অসি মমাংগী মতমগী সমস্যা অমনি। প্রধান মন্ত্রী মোদীনা অহোংবা অসিদা RBIনা শরুক তম্বগীদমক থাগৎপা ফোংদোকখি।
প্রধান মন্ত্রী মোদীনা হায়খি মদুদি RBIগা মরী লৈনবা খন্ন-নৈনবশিং অসি শেন-থুমগী ৱাহন্থোক অমসুং অরুবা ৱাহৈশিংগা লোয়ননা অয়াম্বা মতমদা কুপশিল্লবসু, RBIদা পাইখৎলিবা থবকশিং অসিনা মীচম প্রজাগী পুন্সিদা হকথেংননা ইথিল পীরি। হৌখিবা চহি 10 অসিদা সরকারনা সেন্ত্রেল বেঙ্কশিং, বেঙ্কিং সিস্তেমশিং অমসুং অরোইবা ক্যুদা লৈরিবা বেনিফিসরীশিংগী মরক্তা লৈনরিবা মরী অদু উৎখি হায়না প্রধান মন্ত্রীনা হায়খি অমসুং লায়রবশিংদা ফাইনান্সিএল ইনক্লুজন ফংহনবগী খুদম পীখি। মহাক্না হায়খি মদুদি লৈবাক অসিদা লৈরিবা জন ধন একাউন্ত করোর 52গী মনুংদা চাদা 55দি নুপীশিংগীনি। লৌউ-শিংউ অমসুং ফিশরিজ সেক্তরদা ফাইনান্সিএল ইনক্লুজনগী ইম্পেক্তকী মতাংদসু মহাক্না পনখি হায়রিবা অসিদা লৌমী, ঙা য়োক্লিবশিং অমসুং শা-শন য়োক্লিবা করোর 7 হেনবনা পি.এম. কিসান ক্রেদিৎ কার্দকী খুদোংচাবা ফংহন্দুনা খুঙ্গংগী শেন্মিৎলোনদা চাউনা মতেং পাংলি। হৌখিবা চহি 10দা কোওপরেতিব সেক্তরদা শাহৌ পীবগী মতাংদা পল্লদুনা, প্রধান মন্ত্রীনা কোওপরেতিব বেঙ্কশিংগী মতাংদা রিজর্ব বেঙ্ক ওফ ইন্দিয়াগী রিগুলেসনশিংগী মরুওইবা অদু পনখি। UPIগী খুত্থাংদা থা খুদিংগী ত্রাঞ্জেক্সন করোর 1200 হেন্না তৌদুনা মালেমগী ওইনা শকখঙনরবা প্লেৎফোর্ম অমা ওইরক্লি হায়না মহাক্না পনখি। প্রধান মন্ত্রীনা সেন্ত্রেল বেঙ্ক দিজিতেল করেন্সীদা পাইখৎলিবা থবকশিংগী মতাংদসু পনখি অমসুং হায়খি মদুদি হৌখিবা চহী 10গী অহোংবা অসিনা অনৌবা বেঙ্কিং সিস্তেম, ইকোনোমী অমসুং করেন্সীগী এক্সপরিয়েন্স অমা শেমগৎপা ঙমহনখি।
লাক্কদৌরিবা চহি 10গীদমক পান্দমশিং অসি ময়েক শেংনা থম্বগী মরুওইবা অদু প্রধান মন্ত্রীনা ফোংদোকখি। দিজিতেল ত্রাঞ্জেক্সনশিং প্রমোৎ তৌবগা ইরোইননা কেশলেস ইকোনোমীনা পুরক্লিবা অহোংবশিং অদু য়েংশিনবগী মরুওইবা অদু মহাক্না পনখি। মহাক্না ফাইনান্সিএল ইনক্লুজন অমসুং এম্পাৱরমেন্ত প্রোসেস হেন্না চেৎশিনহনবগী তঙাইফদবা অদুসু পনখি।
ভারতগুম্বা অচৌবা লৈবাক অমগী তোঙান তোঙানবা বেঙ্কিংগী মথৌ তাবশিং অদু পল্লদুনা, প্রধান মন্ত্রীনা “বেঙ্কিং তৌবদা লায়হনবা” অসি হেগৎহনবা অমসুং প্রজাশিংগী মথৌ তাবশিংগী মতুং ইন্না তেলর-মেদ সর্বিসশিং পীবগী তঙাই ফদবা অদু পনখি। মহাক্না আর্তিফিসিএল ইন্তেলিজেন্স অমসুং মেছিন লর্নিংগী থৌদাং অদু ফোঙদোকখি।
লৈবাক অসিগী খোংজেল য়াংনা অমসুং তুং কোইনা গ্রোথ লৈহনবদা RBIগী থৌদাং অদু মহাক্না ফোঙদোকখি। বেঙ্কিং সেক্তরদা রুলদা য়ুম্ফম ওইবা দিসিপ্লিন অমসুং ফিসকেল্লি প্রুদেন্ত পোলিসীশিং পুথোকপদা RBIনা ফংলিবা মাইপাকপশিং অদু পল্লদুনা প্রধান মন্ত্রীনা বেঙ্কশিংদা সরকারনা মতেং পাংগনি হায়না থাজবা পীরদুনা তোঙান তোঙানবা সেক্তরশিংগী মথৌ তাবশিং মাংজৌননা খন্ননবা হায়খি। প্রধান মন্ত্রীনা RBIদা ইনফ্লেসন তার্গেৎ তৌবগী হক পীবা অসিগুম্বা ইনফ্লেসন কন্ত্রোল তৌনবা খোঙথাংশিং অদুসু পনখি অমসুং মসিগী মতাংদা মোনিতরী পোলিসী কমিতীগী থবকপু থাগৎপা ফোঙদোকখি। এক্তিব প্রাইস মোনিতরিং অমসুং ফিক্সেল কন্সোলিদেসনগুম্বা খোঙথাংশিংনা কোরোনাগী অৱাবা মতমদা ফাওবা পোৎ মমল ৱাংবা অসি চাং অমদা থম্বা ঙমখি।
প্রধান মন্ত্রীনা হায়খি মদুদি “করিগুম্বা লৈবাক অমগী মরু ওইবশিং অদু ময়েক শেংলবদি, লৈবাক অমা চাউখৎপা কনাগুম্বা অমত্তনা থিংবা ঙম্লোই”। মহাক্না কোবিদ লাইচৎ মনুংদা সরকারনা শেল-থুমগী মতাংদা চেকশিন থৌরাং লৌখৎপা অমসুং মীচম প্রজাগী পুন্সিদা মরু ওইবা মীৎয়েং চংখিবা অদুগী খুদম পীখি মসিনা মরম ওইদুনা লায়রবশিং অমসুং মিদ্দল ক্লাসকী মীওইশিংবু অৱাবা কোকহনবা অমসুং ঙসিদি লৈবাক অসিগী চাউখৎপগী খোঙজেল য়াংখৎলক্লি। প্রধান মন্ত্রীনা হায়খি, “লাইচৎনা পীরম্বা শেন্মিৎলোনগী চৈথেংদগী রিকবর তৌনবা মালেমগী লৈবাক কয়ানা হোৎনরিঙৈ চৈরক্তা ভারতকী শেন্মিৎলোননা অনৌবা রেকোর্দশিং থম্লি”। ভারতকী মায় পাকপশিং মালেমগী থাক্তা পুখৎপদা RBIগী থৌদাং অদু মহাক্না পনখি। চাউখৎলক্লিবা লৈবাক অমা হেক্তগীদমক্তা ইনফ্লেসন লাকশিনবা অমসুং গ্রোথকী মরক্তা বেলেন্স অমা থম্বগী মরুওইবা অদু পল্লদুনা, পি.এম. মোদীনা হায়খি মদুদি RBIনা মসিগীদমক মোদেল অমা ওইগনি অমসুং মালেমদা লুচিংবগী থৌদাং অমা লৌগনি, মসিনা গ্লোবেল সাউথ রিজন পুম্নমকপু মতেং পাংগনি।
ঙসি ভারত অসি মালেমগী খ্বাইদগী নহা ওইরিবা লৈবাক অমা ওইরি হায়না পল্লদুনা প্রধান মন্ত্রীনা হায়খি মদুদি নহারোলশিংগী অপাম্বশিং মপুং ফাহন্নবদা RBIনা মরুওইবা থৌদাং লৌরি। মহাক্না লৈবাক অসিদা অনৌবা সেক্তরশিং হাংদোক্তুনা ঙসিগী নহারোলশিংগীদমক্তা খুদোংচাবা কয়া অমা পীরি সরকারগী পোলিসীশিংবু থাগৎপা ফোংদোকখি। মহাক্না গ্রীন ইনর্জী সেক্তরশিং পাকথোক চাউথোকহনবগী খুদম পীরদুনা সোলর ইনর্জী, গ্রীন হাইদ্রোজেন অমসুং ইথানোল ব্লেন্দিংগী মতাংদা পনখি। মহাক্না লৈবাক অসিদা শেম্বা 5জি তেক্নোলোজী অমসুং দিফেন্স সেক্তরদা এক্সপোর্ত হেনগৎলকপগী মতাংদসু পনখি। MSMEশিং অসি ভারতকী মেন্যুফেকচরিং সেক্তরগী য়াংলেন শুরূ অমা ওইরকপগী মতাংদা পল্লদুনা প্রধান মন্ত্রীনা কোবিদ লাইচৎ মনুংদা MSMEশিংবু মতেং পাংনবা ক্রেদিৎ গেরেন্তী স্কিমগী থবক পাইখৎপগী মতাংদা পনখি। অনৌবা সেক্তরশিংগা মরী লৈনবা নহারোলশিংগীদমক ক্রেদিৎ ফংহন্নবগীদমক RBIনা অনৌবা পোলিসীশিং পুথোক্নবা মহাক্না অকনবা ৱাফম থমখি।
21শুবা চহিচাদা ইন্নোভেসনগী মরুওইবা অদু পল্লদুনা, প্রধান মন্ত্রীনা হায়খি মদুদি তীমশিং অমসুং পর্সনেল মশক খদোক্তুনা কত্তিং-এদজ তেক্নোলোজীগা মরী লৈননা প্রপোজেলশিং শেম-শাদুনা থম্নবা হায়খি। মহাক্না বেঙ্করশিং অমসুং রেগ্যুলেতরশিংদা স্পেস অমসুং তুরিজমগুম্বা অনৌবা অমসুং ত্রেদিস্নেল সেক্তরশিংগী মথৌ তাবশিংগীদমক্তা শেম-শাদুনা লৈনবা হায়খি। লাক্কদৌরিবা চহিশিংদা, অয়োধ্যা অসি মালেমগী খ্বাইদগী চাউবা ধর্মগী তুরিজম সেন্তর অমা ওইরক্লগনি হায়না মহাক্না এক্সপর্তশিংগী ৱাখল্লোন পনখি।
প্রধান মন্ত্রীনা ফাইনান্সিএল ইনক্লুজন অমসুং দিজিতেল পেমেন্তশিংগীদমক সরকারনা পাইখৎলিবা থবকশিংবু থাগৎপা ফোঙদোকখি। মসিনা অপীকপা ললোন-ইতিক অমসুং লম্বীদা পোৎ য়োনবশিংগী শেল-থুমগী মপাঙ্গলদা ত্রান্সপরেন্সী লৈহল্লে। “মসিগী ইনফোর্মেসন অসি মখোয়বু শেল-থুমগী মপাঙ্গল কনখৎহন্নবা শীজিন্নগদবনি”, পি.এম. মোদী।
মালেমগী ইসুশিংগী শাফু হন্থহন্নবা লাক্কদৌরিবা চহি 10 অসিদা ভারতকী শেন্মিৎলোন মশা-মরোমদোম লেপচবা ঙম্বা হেনগৎহনবদা প্রধান মন্ত্রী মোদীনা অকনবা ৱাফম থমখি। “ঙসিদি, ভারতনা মালেমগী GDP গী গ্রোথতা চাদা 15গী শিয়রগা লোয়ননা মালেমগী গ্রোথকী ইঞ্জিন ওইরক্লি”, হায়না শ্রী মোদীনা ফোঙদোকখি। মালেম শিনবা থুংনা রুপী অসি হেন্না এক্সিসিবল অমসুং এসেপ্তেবল ওইহন্নবা খোঙথাংশিংদা মহাক্না অকনবা ৱাফম থমখি। মহাক্না শেন্মিৎলোন কা হেন্না পাকথোক চাউথোকপা হেনগৎলকপা অমসুং শেনদোন হেনগৎলকপগী ৱাফমসু পনখি অমসুং লৈবাক কয়াগী প্রাইবেৎ সেক্তরগী শেনদোন্না মখোয়গী GDPগী শরুক অনি ওইরে হায়খি। লৈবাক কয়াগী শেলদোন থাক অসিনা মালেমদা নেগেতিব ইম্পেক্ত অমা পীরি হায়না মহাক্না হায়খি। প্রধান মন্ত্রীনা RBIদা ভারতকী চাউখৎপগী ওইথোকপা য়াবশিং অমসুং তৌবা ঙম্বশিং অদু খঙনা মসিগী মতাংদা নৈন্নবা ৱাফম থমখি।
প্রধান মন্ত্রী মোদীনা লৈবাক অসিগী প্রোজেক্তশিংদা মথৌ তাবা শেনফম পীনবগীদমক মপাঙ্গল কনবা বেঙ্কিং ইন্দস্ত্রীগী মরুওইবা অদু পনখি। মহাক্না AI অমসুং ব্লোকচেনগুম্বা তেক্নোলোজীশিংনা পুরক্লিবা অহোংবশিং অদু পনখি অমসুং চাউখৎলক্লিবা দিজিতেল বেঙ্কিং সিস্তেমদা সাইবর সেক্যুরিতীগী মরুওইবা অদু পনখি। ফিন-তেক ইন্নোভেসনগা মরী লৈননা অনৌবা ফাইনান্সিং, ওপরেতিং অমসুং বিজিনেস মোদেলশিং মথৌ তারক্কদবা অসিদা বেঙ্কিং সিস্তেমগী স্ত্রকচরদা পুরকপা মথৌ তাবা অহোংবশিং অদুগী মতাংদা খন্নবা ভাভোকশিংগী মহাক্না পুক্নিং চিংশিনখি। “গ্লোবেল চেম্পিয়নশিংদগী হৌরগা লম্বীদা পোৎ য়োল্লিবশিং ফাওবা, অৱাংবা থাক্কী সেক্তরশিংদগী হৌরগা ত্রেদিস্নেল সেক্তরশিং ফাওবগী ক্রেদিৎকী মথৌ তাবশিং ফংহনবা অসি ভিকসিৎ ভারতকীদমক য়াম্না মরু ওই অমসুং RBI অসি ভিকসিৎ ভারতকী বেঙ্কিং বিজনগী হোলিস্তিক এপ্রিসিএসনগীদমক মতিক চারবা বোদী অমনি” হায়না প্রধান মন্ত্রীনা ৱারোল পীবা লোইশিনখি।
থৌরম অদুদা মহারাস্ত্রগী রাজ্যপাল, শ্রী রমেশ বেন্স, মহারাস্ত্রগী মুখ্য মন্ত্রী, শ্রী একনাথ শিন্দে, উপ মুখ্য মন্ত্রী শ্রী দেবেন্দ্র ফদনবিস অমসুং শ্রী অজিত পৱার, কেন্দ্রগী শেল-থুম মন্ত্রী শ্রীমতী নির্মলা সীতারমন, শেল-থুমগী রাজ্য মন্ত্রী শ্রী ভাগৱত কিশানরাও কারাদ অমসুং শ্রী পঙ্কজ চৌধরী অমসুং RBIগী গভর্নর শক্তিকান্ত দাসসু শরুক য়াখি।
The @RBI plays pivotal role in advancing our nation’s growth trajectory. Speaking at its 90th year celebrations in Mumbai.https://t.co/95JoqaDy0U
— Narendra Modi (@narendramodi) April 1, 2024
*****
