ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সিংগী থোংদা এসোচাম ফাউন্দেসন ৱীক ২০২০দা মরু ওইবা ৱারোল পীখ্রে। প্রধান মন্ত্রীনা ‘এসোচাম ইন্তর্প্রাইস ওফ দি সেনচুরী এৱার্দ’ শ্রী রতন তাতাদা পীখি, মহাক্না তাতা গ্রুপকী মহুৎ শিন্দুনা মনা অসি লৌখি।

মীতিন অসিদা ৱা ঙাংলদুনা প্রধান মন্ত্রীনা বিজিনেস কম্ম্যুনিতীনা লৈবাক অসি চাউখৎহনবদা মখোয়না লৌরিবা থৌদাং অদুবু থাগৎখি। মহাক্না হায়খি হোজিক্তি ইন্দস্ত্রীনা মপুং-ফানা চাউখৎপবা ঙম্বগী নীংখা তম্বা অদু ফংলে অমদি মখোয়না মসিগী খুদোংচাবা অসি লৌহৌদুনা তুংদা লাক্কদবা চহিশিংদা থৌনা পুথোক্তুনা হোৎনদুনা মরোমদোম লেপচবা ভারত অমা ওইহন্নবা হোৎনরসি হায়না মহাক্না হায়খি।

ঙসি লৈবাক অসিনা ইন্তর্প্রাইস অমসুং লন পীরিবশিংগা লোইননা নহা করোর কয়াদা খুদোংচাবশিং ফংহল্লি হায়না প্রধান মন্ত্রীনা ফোঙদোকখি। সরকারনা কান্নগদবা অমদি অফবা ইকোসিস্তেম অমা শেমগৎনবা লেপ্তনা হোৎনরি। মহাক্না ইন্দস্ত্রীনা মখোয়গী মনুংদা নুপীশিংগী অমসুং নহাশিংগী তেলেন্ত হেন্না ইনক্লুজন তৌবা, অথুবা মতমদা মালেমগী লৈরিবা অফবা পাম্বৈশিং অসি শীজিবা, কোর্পোরেৎ গোভর্নান্স অমসুং প্রোফিৎ সিয়রিং তৌবা অসিদা অহোংবশিং পুরক্তুনা মখোয়গী কান্নবশিং অদু মীপুম খুদিংমক্তা য়ৌহন্নবা মহাক্না ইন্দসত্রীদা থমখি।

ধান মন্ত্রীনা হায়খি লাইচৎ মনুং অসিদসু মালেম পুম্বনা ইনবেস্তমেন্তগী অৱাবা মায়োক্নরিঙৈ চৈরক অসিদা ভারতকী শেন্মীৎলোনদা মালেমনা থাজবা থম্বনা রিকোর্দ ওইনা ভারতকী এফ.দি.আই. অমসুং পি.এফ.আই. হেনগৎখি। মহাক্না ইন্দস্ত্রীদা মালেমনা থাজবা হেনগৎপা অসিগা লোইননা দোমেস্তিক ইনবেস্তমেন্তদা চাউনা হেনগৎহন্নবা অকনবা ৱাফম থমখি।

অমেরিকাদা লনাই সেক্তরদগী আর. এন্দ দি.দা ইনবেস্ত তৌবা ৭০% ওইবা অসিগা চাংদম্নবদা ভারতকী ইন্দস্ত্রীনা রিসর্চ এন্দ দিবেলপমেন্তদা ইনবেস্তমেন্ত তৌবদা হন্থবা অসিদা মহাক্না নুংনাংবা ফোঙদোকখি। মহাক্না ভারতকী ইন্দস্ত্রীদা মখোয়গী ইনবেস্তমেন্তশিং আর. এন্দ দি.দা মরু ওইনা লৌউ-শিংউ, ঙাকশেল, স্পেস, ইনর্জী, কনস্ত্রক্সন, ফার্মা অমসুং ত্রান্সপোর্ত সেক্তরগুম্বদা হেনগৎহন্নবা ফোঙদোকখি। মহাক্না মখা তারদুনা হায় সেক্তর খুদিংমক্তা কম্পনী পুম্নমক্না আর. এন্দ দি.গী শেনফম খরা খাক্তুনা থমগদবনি।

প্রধান মন্ত্রীনা হায়খি মালেম অসি মরিশুবা ইন্দস্ত্রীএল রিভোলুসনগী মায়োলদা খোঙজেল য়াংনা চংশিল্লি, অনৌবা তেক্নোলোজীগী শকলোন্দা শীংনবশিং থেংনরক্কনি অমসুং উপাই কয়াসু থোরক্কনি। মহাক্না হায়খি হৌজিক থৌরাং তৌদুনা থবক পাইখৎপগী মতম ওইরে। মহাক্না বিজিনেসকী লুচিংবশিং চহি খুদিংগী পুনশিন্নবা অমসুং পান্দম খুদিংমক লৈবাক অসি চাউখৎহন্নবা ঐখোয়গী অচৌবা পান্দম অসিগা পুনশিনগদবনি হায়না ফোঙদোকখি। মহাক্না হায়খি লাক্কদৌরিবা চহি ২৭ অসিদা নীংখা-তম্লবা ভারতনা চহিচা অমা ফারকপা মতমদা ভারতনা মালেমদা লৌরিবা থৌদাং অদু খঙবতা নত্তনা ভারত মচাগী মঙলানশিং অমসুং কত্থোকপা অনিমক চাংয়েং তৌগনি। মহাক্না হায় হৌজিক্তি মালেমদা ভারতকী ইন্দস্ত্রীগী মতিক ময়াই, কত্থোকপা অমসুং থৌনা অদু উৎনবগী মতম ওইরে। মরোমদোম লেপচবা ঙম্বা অসি মরু ওইবা খক্তা নত্তনা পান্দম অসি ঐখোয়না অথুবদা করম্না মাই পাকপা ঙম্বগে হায়বা অদুসু চপ মান্ননা মরু ওই হায়না মহাক্না ফোঙদোকখি।

মমাংদা ভারতকী মাই পাকপা অসিগী মতাংদা মালেমদা পোজিতিবিতলপমেন্তদা ইনবেস্তমেন্ত না অসুম্না থাজবা থম্লমদে হায়না প্রধান মন্ত্রীনা ফোঙদোকখি। মহাক্না থাজবা অসি ভারত মচা করোর ১৩০গী মথক্না অমুক্তা ওইখিদ্রিবা মওংদা মশানা মশাবা থাজবনা ঙমখিবনি হায়না ফোঙদোকখি। হৌজিক্তি ভারতনা অনৌবা এবেন্যুশিংদা অনৌবা ইনর্জীগা লোইননা মাংলোমদা চংশিল্লি। মহাক্না হায়খি লৈবাক অসিদা পুরক্লিবা অহোংবশিংনা ইনবেস্ত তৌবা মতমদা ইন্দস্ত্রীগী ৱাখল্লোনবু ‘করিগী ভারত’ হায়বদগী ‘করিগী ভারত নৎত্রিবনো’ হায়না পোকহন্নবা ইথিল পীখি।

প্রধান মন্ত্রীনা হায় অনৌবা ভারতনা মহাক্কী মপাঙ্গলগী মীপাল তাংদুনা, মহাক মশাগী রিসোর্সশিংগী মীপাল তাংদুনা আত্মানির্ভর ভারতকীদমক্তা মাংলোমদা চংশিল্লি অমসুং পান্দম অসি ফংনবা মেন্যুফেচরিংদা অখন্নবা মীৎয়েং থম্লি। মহাক্না হায়খি ভারত্তা মেন্যুফেকচরিং চাউখৎহন্নবা অওনবশিং লেপ্তনা পুরক্লি।

ঐখোয়না লোকেলবু গ্লোবেল ওইনবা মিসন মোদতা মাংদা চংশিল্লিবা অসিদা ঐখোয়না জিওপোলিতিকেল দিবেলপমেন্ত খুদিংমক্তা খোঙজেল য়াংনা য়েংশিনবা মথৌ তাই হায়না প্রধান মন্ত্রীনা ঙসি ফোঙদোকখি। গ্লোবেল সপ্লাই চেন্দা মখল অমা হেক্তগী খুদক্কী ওইবা দিমান্দ ভারতনা করম্না ফংহনগনি হায়বগী মতাংদা কান্নগদবা মেকানিজম অমা লৈহনবা তঙাই ফদে হায়না মহাক্না হায়খি। মহাক্না হায় হৌজিক তঙাই ফদ্রিবা অসি ASSOCHAMগুম্বা ইন্দস্ত্রী ওর্গনাইজেসনশিংগা মপাল থৌরম, কম্মর্স এন্দ ত্রেদ মন্ত্রালয়শিং অসিগা লোইননা পান্দম অসি ফংনবা অফবা সিনর্জী ফংবা ঙম্নবা হোৎনবা অসিনি। গ্লোবেল ত্রান্সফোর্মেসনশিংদা করম্না থুনা থবক পাইখৎকনি অমসুং অফবা মেকানিজমশিং লৈহন্নবা করম্না থুনা রেস্পোন্স তৌগনি হায়বগী মতাংদা ইন্দস্ত্রীদা পাউতাকশিং অমসুং ৱাখল্লোনশিং ফোঙদোরক্নবা হায়খি।

প্রধান মন্ত্রীনা হায় ভারতনা মশাগী তঙাই ফদবশিং থুংহনবগা লোইননা মালেমগী মতেং পাংবসু ঙম্মি। কোরোনাগী মতম অসিগী মনুংদা ভারতনা মালেমগী ফার্মাসী ওইবগী থৌদাং লৌখি আমদি মালেম শিনবা থুংনা তঙাই ফদবা হিদাক-লাংথকশিং ফংহনখি। হৌজিক্তি বেক্সিনগী মতাংদসু ভারতনা মসিগী তঙাই ফদবশিং থুংহল্লগনি অমসুং লৈবাক কয়াগী আশা থুংহনবা ঙম্লগনি। ASSOCHAMগী মেম্বরশিংনা খুঙ্গংগী আর্তিসেনশিংগী পোত্থোকশিং উৎথোক্নবা মালেমগী ওইবা ফমপাক অমা পীবিনবা মহাক্না হায়খি। মসিনা খুঙ্গংগা সহরগা খাইদোক্লিবা অসি শমজিন্নবদা মতেং পাংগনি হায়না মহাক্না হায়খি। ভারত সরকারনা রাজ্য সরকারশিং, ফার্ম ওর্গনাইজেসনশিং অমসুং ইন্দস্ত্রী এসোসিএসনশিংগা পুন্না থবক তৌমিন্নদুনা ঐখোয়গী ওর্গানিক ফার্ম প্রদক্তশিং, হেন্না ফবা ইনফ্রাস্ত্রকচর অমসুং হেন্না ফবা কৈথেল ওইহন্নবা অফবা মওংদা ইনোৎ হাপ্পা মথৌ তাই হায়না মহাক্না ফোঙদোকখি। মসিনা ঐখোয়গী অপুনবা খুঙ্গংগী শেন্মীৎলোন অসি অনৌবা মায়োল অমদা য়ৌহনবদা মতেং পাংগনি।

প্রধান মন্ত্রীনা হায়খি ২১শুবা চহিচাগী হৌরকপদা, অতল জীনা ভারত পুম্বদা হায়ৱেশিং লৈহন্নবা পান্দম থমখি। ঙসিদি লৈবাক অসিদা ফিজিকেল অমসুং দিজিতেল ইনফ্রাস্ত্রকচরদা অখন্নবা মীৎয়েং অমা থম্লি। ঐখোয়না লৈবাক অসিগী খুঙ্গং খুদিংমক্তা ব্রোদবেন্দ কন্নেক্তিবিতী লৈহনদুনা খুঙ্গংগী লৌমীনা দিজিতেল গ্লোবেল মার্কেৎ ফাওবা য়ৌবা ঙমহন্নবা হোৎনরি। ঐখোয়না হেন্না ফবা ইনফ্রাস্ত্রকচর শেমগৎপগী ফন্দিংগা মরী লৈনবা এভেন্যু খুদিংমক শীজিন্ননবা মহাক্না হায়খি পব্লিক সেক্তর বেঙ্কশিং মপাঙ্গল কনখৎহনবা, বোন্দ মার্কেৎশিংগী মতিক ময়াই হেনগৎহনবা হায়বা অসি মাইকৈ অসিদা চংশিল্লিবা খোঙথাংশিংনি। মসিগা চপ মান্না সোবরেন ৱেল্থ ফন্দশিং অমসুং পেন্সন ফন্দশিং অসি তেক্স কোকপীরে, আর.ই.আই.তি.শিং অমসুং আই.এন.ভি.আই.তি.শিং অসি চাউখৎহল্লি অমসুং ইনফ্রাস্ত্রকচরগা মরী লৈনবা এসেৎশিং অসিসু মোনিতাইজ তৌখ্রে।

প্রধান মন্ত্রীনা সরকারনা মথৌ তাবা ফেসিলিতীশিং ফংহনগনি, অচুম্বা ফীভম শেমগৎকনি, ইনসেন্তিবশিং পীগনি অমদি পোলিসীশিং শেমদোক্কনি হায়না ফোঙদোকখি। অদুবু ইন্দস্ত্রী পার্তনরশিংনা মসিগী মতেং অসি মাই পাকপা পুরকপদা ওন্থোকপা ঙমগনি। মহাক্না হায়খি মরোমদোম লেপচবা ভারত অমগী মঙলানগীদক্তা লৈবাক অসিনা রুলশিং অমসুং রিগুলেসনশিংদা মথৌ তাবা অহোংবশিং পুরক্নবা অচেৎপা ফীরেপ লৌখি, লৈবাক অসিনা মদু পাঙথোক্কনি।

*****