ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি অঙনবদা কেন্দ্র অমসুং রাজ্য সরকারশিং য়াওদুনা প্রো-এক্তিব গভর্নান্স ওইহন্নবা অমসুং মতম চানা ইমপ্লিমেন্ত তৌনবা ICT-বেজ মলতি-মোদেল প্লেৎফোর্ম ওইরিবা প্রগতীগী 43শুবা ইদিসনগী মীফমদা ময়াই তাংবল লৌখ্রে।

মীফম অদুদা পুন্না প্রোজেক্ত নিপাল হন্না য়েংশিনখি। মখোয়গী মরক্তা প্রোজেক্ত মরিনা ৱাতর সপ্লাই অমসুং ইরিগেসনগী মরী লৈনৈ, প্রোজেক্ত অনিনা নেস্নেল হায়ৱেজ অমসুং কন্নেক্তিবিতী পাকথোক চাউথোকপগীনি অমসুং প্রোজেক্ত অনিনা রেল অমসুং মেত্রো রেল কন্নেক্তিবিতীগীনি। প্রোজেক্তশিং অসিগী অপুনবা শেনবা লুপা করোর 31,000রোম ওই অমসুং রাজ্য 7গা মরী লৈনৈ মখোয় অদুদি বিহার, ঝারখন্দ, হরিয়ানা, ওরিশা, ৱেস্ত বেঙ্গল, গুজরাত অমসুং মহারাস্ত্রনি।

প্রধান মন্ত্রীনা পি.এম. গতি শক্তি নেস্নেল মাস্তর প্লান পোর্তেলনা সেতলাইৎ ইমেজরীগুম্বা তেক্নোলোজীশিংগা লোয়ননা প্রোজেক্তশিং অসিগী লোকেসন অমসুং লমগী মথৌ তাবশিংগা মরী লৈনবা তোঙান-তোঙানবা হীরমশিং  ইমপ্লিমেন্ত অমসুং প্লান তৌবদা মতেং পাংগনি হায়না ফোঙদোকখি।

মহাক্না মীশিং কুংনা তাবা সহরগী মফমশিংদা প্রোজেক্তশিং পাইখৎলিবা স্তেকহোল্দর পুম্নমক্তা নোদেল ওফিসরশিং খন্নবা অমসুং নীংথিনা কোওর্দিনেসন তৌনবগীদমক তীমশিং শেম্নবা পাউতাকসু পীখি।

ইরিগেসন প্রোজেক্তশিংগীদমক প্রধান মন্ত্রীনা স্তেকহোল্দরশিংনা রিহেবিলিতেসন অমসুং রিকনস্ত্রক্সনগী থবক মাইপাক্না লোইশিনখ্রবা মফমশিংদা চৎনবা পাউতাক পীখি। অসিগুম্বা প্রোজেক্তশিং অসিগী ত্রান্সফোর্মেস্নেল ইম্পেক্ত অদুসু উৎথোক্কদবনি। মসিনা প্রোজেক্তশিং ঙন্না পাইখৎনবগীদমক স্তেকহোল্দরশিংদা ইথিল পীবা য়াই।

ৱারী ৱাতাই শাবদা প্রধান মন্ত্রীনা ‘USOF প্রোজেক্তশিংগী মখাদা মোবাইল তাৱরশিং অমসুং 5G কবরেজ’সু য়েংশিনখ্রে। য়ুনিভর্সেল সর্ভিস ওবলিগেসন ফন্দ (USOF)গী মখাদা খুঙ্গং 33,573দা মোবাইল তাৱর 24,149না মোবাইল কন্নেক্তিবিতীগী সেচুরেসনগীদমক কবর তৌগনি। প্রধান মন্ত্রীনা স্তেকহোল্দর পুম্নমক্কা লোয়ননা চাং নাইনা মীফমশিং ফম্বগা লোয়ননা শেনবা চহি অসিগী মনুংদা কবর তৌদবা খুঙ্গং পুম্নমক্তা মোবাইল তাৱরশিং য়ুংনবা হায়খ্রে।

প্রগতীগী মীফমগী 43 শুবা ইদিসন ফাওবদা লুপা করোর 17.36গী অপুনবা শেনফম ওইবা প্রোজেক্ত 348 য়েংশিনখ্রে।

***