ভারতকী প্রধানমন্ত্রী

ঐহাক্কী ইচিল-ইনাও ঐচ.ঐচ. শৈখ মোহম্মদ বিন জায়েদ অল নহয়ান, UAEগী রাস্ত্রপতি অমসুং অবু ধাবীগী লৈঙাক শাশন পায়রিবা মীওই মহাক্কী পাউজেলদগী ঐহাক্না দিসেম্বর 1, 2023দা পাংথোক্কদৌরিবা COP-28কী ৱর্ল্দ ক্লাইমেত এক্সন সম্মিত্তা শরুক য়ারুনবগীদমক্তা দুবাইদা চৎকনি। মসিগুম্বা লেমজনীংঙাই ওইরবা থৌরম অসি ক্লাইমেত এক্সনগী মতাংদা ভারতকী মরু ওইবা খোঙলোই ওইরিবা UAEগী প্রসিদেন্সী মখাদা পাংথোক্লিবসিদা ঐহাক্না য়াম্না নুংঙাইবা ফাওই।

ভারতনা সিভিলাইজেসনগী ইথিলগী মতুং ইল্লদুনা, ঐখোয়না সোসিএল অমসুং শেন্মিৎলোনগী চাউখৎ থৌরাংগীদমক্তা কন্না হোৎনরিবা অসিগী মথক্তা ক্লাইমেত এক্সন্দসু চপ মান্নবা মিৎয়েং চঙলি।

ঐখোয়গী G20 প্রসিদেন্সী মনুংদা, ক্লাইমেতপু ঐখোয়না খ্বাইদগী ৱাংবা প্রাইওরিতী ওইনা থমখিবনি। নই দিল্লী লীদর্স দিক্লারেসন অসিদা ক্লাইমেত এক্সন অমসুং সস্তেনেবল দিভেলপমেন্তকীদমক্তা পাংথোক্কদবা অচৌবা থবক কয়া অমা মনুং চল্লি। হীরমশিং অসিগী মতাংদা য়ান্নবা অমা COP-28তা পুরক্কনি হায়বগী ঐহাক্না থাজবা থম্লি।

COP-28না পেরিস এগ্রীমেন্তকী মখাদা ফংখিবা মায় পাকপশিং হঙ্গৎনা য়েংশিন্নবা অমসুং ক্লাইমেত এক্সনগীদমক্তা তুংদা পাংথোক্কদবা থবকশিংগী লম্বী য়াৎপগী খুদোংচাবা অমা পীগনি। ভারতনা কৌদুনা পাংথোকখিবা ভোইস ওফ গ্লোবেল সাউথ সম্মিত্তা, গ্লোবেল সাউথনা মান্নবা শরুক ফংবা, ক্লাইমেত জস্তিস, অমসুং মান্নবা অদুবু, থৌদাং তোঙান্না খাইদোকপগা লোয়ননা পথাপ অমা চৎনহনবদা অহেনবা মিৎয়েং চঙবগী ৱাখল্লোন্দা য়ুম্ফম ওইবা ক্লাইমেত এক্সনগী তঙাই ফদবা লৈবগী মতাংদা ৱাফম কয়া থমখি।  চাউখৎলক্লিবা লৈবাকশিংগী হোৎনজমনশিংবু মতিক চাবা ক্লাইমেত ফাইনান্সিং অমসুং তেক্নোলোজী ত্রান্সফর তৌদুনা শৌগৎপীবা হায়বসি য়াম্না মরু ওইরি। মখোয়না সস্তেনেবল দিভেলপমেন্ত পুরকপা ঙম্নবগীদমক্তা ইকুইতেবল কার্বন অমসুং দিভেলপমেন্তকী এক্সেস ফংফম থোকই।

ক্লাইমেত এক্সনগী মতাংদদি ভারতনা ফোংদোকখিবা পুম্নমক পাংথোক্লি। রিন্যুএবল ইনর্জী, ইনর্জী ইফিসিএন্সী, উমং য়োকখৎপা, ইনর্জী য়োকশিনবা, মিসন LiFEকুম্বা তোঙান-তোঙানবা সেক্তরশিংদা মায় পাক্লিবা অসিনা ঐখোয়গী মীয়াম্না মালেম ইমাগীদমক্তা খোঙফম চেৎনা লেপ্লিবা অসিগী খুদম অমা ওইরি।

ক্লাইমেত এক্সন, গ্রীন ক্রেদিত ইনিসিএতিব অমসুং লীদIT য়াওনা অখন্নবা থৌরম কয়াদা শরুক য়ানবগীদমক্তা ঐহাক্না খৌরাংনা ঙাইরি।

দুবাইদা লাক্কদৌরিবা অতোপ্পা লুচিংবা খরগী উন্নদুনা মালেমগী ক্লাইমেত এক্সনগী খোঙজেল য়াঙখৎহন্নবা ৱাফম কয়া খন্ননবগীদমক্তসু ঐহাক্না খৌরাংনা ঙাইরি।

***