ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ৯শুবা ৱর্ল্দ আয়ুর্বেদ কোংগ্রেসকী লোইশিনবগী থৌরমদা ৱা ঙাংখ্রে। মহাক্না নেস্নেল আয়ুশ ইন্সতিত্যুত অহুমসু শঙ্গাখি। ইন্সতিত্যুত অহুম – ওল ইন্দিয়া ইন্সতিত্যুত ওফ আয়ুর্বেদ (এ.ঐচ.এ.), গোৱা, নেস্নেল ইন্সতিত্যুত ওফ উনানি মেদিসিন (এন.আই.য়ু.এম.), ঘজিয়াবাদ অমসুং নেস্নেল ইন্সতিত্যুত ওফ হোমিওপেথী (এন.আই.ঐচ), দিল্লী – অসিনা রিসর্চ অমসুং ইন্তর্নেস্নেল কোল্লাবোরেসনশিং মপাঙ্গল কনখৎহনগনি অমসুং মীয়ামগীদমক আয়ুশ সর্ভিসশিং হোংনা ফংনবা খুদোংচাবসু পীরগনি। লুপা করোর ৯৭০ রোমগী অপুনবা শেনফমদা শাখিবা ইন্সতিত্যুতশিংনা হোস্পিতাল বেদ ৫০০রোম হাপচিনবগা লোয়ননা মহৈরোয়শিংগী ইনতেক ৪০০গী ময়াদা হেনগৎহল্লগনি।

থৌরম অদুদা ৱা ঙাংলদুনা প্রধান মন্ত্রীনা গোৱাগী ফজরবা লমদম অসিদা ৱর্ল্দ আয়ুর্বেদ কোংগ্রেসকীদমক মপালদগী লাকখিবা দেলিগেৎ পুম্নমকপু তরাম্না ওকখি অমসুং ৱর্ল্দ আয়ুর্বেদ কোংগ্রেস মাইপাকহনবগীদমক পুম্নমকপু থাগৎপা ফোঙদোকখি। প্রধান মন্ত্রীনা হায়, ৱর্ল্দ আয়ুর্বেদ কোংগ্রেস অসি আজাদী কা অমৃত কালগী খোঙচৎ হৌবা মতম অসিদা পাঙথোক্লি। প্রধান মন্ত্রীনা হায়খি মদুদি ভারতকী লোইশিং, বিজ্ঞান অমসুং কলচরেল এক্সপরিয়েন্সকী খুত্থাংদা মালেমগী য়াইফনবা ফিরেপ লৌবা অসি ‘অমৃত কাল’গী অচৌবা পান্দম অমনি। অমসুং আয়ুর্বেদ অসি মসিগীদমক মপাঙ্গল কনবা অমসুং কান্নগদবা মীদিয়ম অমনি। ভারতকী জি-২০ প্রসিদেন্সীগী মতাংদা পল্লদুনা প্রধান মন্ত্রীনা হায় জি-২০গী থিম অসি – “ৱান আর্থ, ৱান ফেমিলী, ৱান ফ্যুচর”না ওইরি!

প্রধান মন্ত্রীনা মালেমগী লৈবাক ৩০ হেনবনা আয়ুর্বেদপু ত্রেদিস্নেল মেদিসিনগী সিস্তেম অমা ওইনা শকখঙবা অসিদা নুংঙাইবা ফোঙদোকখি। মহাক্না আয়ুর্বেদপু হেন্না শকখঙনবা লেপ্পা লৈতনা থবক পাইখৎনবা হায়খি। মহাক্না হায়খি ঙসি শঙ্গাখিবা নেস্নেল ইন্সতিত্যুত অহুমনা আয়ুশ হেল্থকিয়র সিস্তেমদা অনৌবা ইনোৎ অমা হাপলগনি।

আয়ুর্বেদকী নুংগী ওইবা ফিলোসোফিকেল ৱাহন্থোকশিংগী মতাংদা পল্লদুনা প্রধান মন্ত্রীনা হায় “আয়ুর্বেদনা লায়েংবগী মথক্তা হকচাং ফনা লৈনবগী ৱাখল্লোন থৌগৎলি”, মহাক্না হায় মালেমনা ত্রেন্দশিংদা অহোংবা কয়া থেংনরুরবা মতুংদা পুন্সিগী অরিবা চৎনবীদা অমুক হোংলক্লি। প্রধান মন্ত্রীনা আয়ুর্বেদকা মরী লৈননা ভারত্তা হান্নদগী থবক কয়া তৌবা হৌখিবা অসিদা অপেনবা ফোঙদোকখি। মহাক্না গুজরাতকী মুখ্য মন্ত্রী ওইরিঙৈ মতম অদু নীংশিংলদুনা প্রধান মন্ত্রীনা হায়খি মহাক্না আয়ুর্বেদকা মরী লৈনবা ইন্সতিত্যুসনশিং চাউখৎহনখি অমসুং গুজরাত আয়ুর্বেদিক য়ুনিভর্সিতী চাউখৎহন্নবা মাইকৈদা থবক তৌখি। মসিগী ফল ওইনা প্রধান মন্ত্রীনা হায়খি, “ঙসি মালেমগী অহানবা অমসুং অমত্তা ঙাইবা গ্লোবেল সেন্তর ফোর ত্রেদিস্নেল মেদিসিন অসি দব্ল্যু.ঐচ.ও.না জামনগরদা লিংখৎখি। হৌজিক পাল্লিবা সরকারগী মতাংদা পল্লদুনা প্রধান মন্ত্রীনা হায় তোখাইবা আয়ুশ মন্ত্রালয় অমা হাংদোকখিবনা আয়ুর্বেদতা থৱায় য়াওবা অমসুং থাজবা হেনগৎহনখি। মহাক্না মখা তারদুনা হায় এম্সকী পরিং মখাদা ‘ওল ইন্দিয়া ইন্সতিত্যুত ওফ আয়ুর্বেদ’সু হাংদোক্লি। চহি অসিদা গ্লোবেল আয়ুশ ইন্নোভেসন অমসুং ইনভেস্তমেন্ত সম্মিৎ মাইপাক্না পাঙথোকখিবা অদু নীংশিংলদুনা প্রধান মন্ত্রীনা হায় দব্ল্যু.ঐচ.ও.না ত্রেদিস্নেল মেদিসিনগী লমদা ভারতকী খোঙথাংশিং অসিবু থাগৎখি। মহাক্না হায়খি মদুদি মালেম পুম্বনা হৌজিক গ্লোবেল ফেস্তিবেল ওফ হেল্থ এন্দ ৱেলনেস ওইনা ইন্তর্নেস্নেল য়োগ দে পালন তৌরি। শ্রী মোদীনা হায়,  “য়োগ অমসুং আয়ুর্বেদ অসি মমাংদা নাথৈদুনা থমখিবা অদু ঙসিদি অপুনবা মীওইবা জাতিগী অনৌবা আশাগী মঙাল ওইরকখি”।

ঙসিগী মালেমদা আয়ুর্বেদকী গ্লোবেল একোর্দ, য়ারকপা অসিদা থিন্থরিবা অসিগী মতাংদা নুংঙাইতবা ফোঙদোক্লদুনা প্রধান মন্ত্রীনা হায় মদুদি এদভান্স সাইন্স হায়বা অসি খুদম-চাংদমদা য়ুম্ফম ওই। ঐখোয়না ‘দেতা-বেজ ইভিদেন্স’ দোক্যুমেন্তেসন তৌবা য়াম্না মরু ওইরক্লি হায়না ফোঙদোক্লদুনা প্রধান মন্ত্রীনা হায় মদুদি ঐখোয়দা আয়ুর্বেদকা মরী লৈনবা ফলশিং লোয়ননা ইফেক্তশিং লে অদুবু ঐখোয়দা খুদম-চাংদমদি লৈখিদে। মহাক্না হায় ঐখোয়গী মেদিকেল দেতা, রিসর্চ অমসুং জর্নেলসিং পুন্না পুথোকপা অমসুং মোদর্ন সাইন্তিফিক পেরামিতরদা ক্লেম খুদিংমক ভেরিফাই তৌবা তাই। হীরম অসিদা প্রধান মন্ত্রীনা ইভিদেন্স-বেজ রিসর্চ দেতাগীদমক আয়ুশ রিসর্চ পোর্তেল অমসু শেমখিবা অদু থমখি। মসিদা রিসর্চ স্তদী ৪০,০০০রোমগী দেতা য়াওরি। কোরোনা মনুংদা ঐখোয়দা আয়ুশকা মরী লৈনবা অখন্নবা রিসর্চ স্তদী ১৫০রোম লৈখি হায়না মহাক্না ফোঙদোকখি। “ঐখোয়না হৌজিক ‘নেস্নেল আয়ুশ রিসর্চ কনসোর্তিয়ম’ শেম্নবা মাইকৈদা চংশিল্লি”, হায়না মহাক্না মখা তাখি।

প্রধান মন্ত্রীনা হায় আয়ুর্বেদ অসি পুন্সিগী মওং অমনি। এন্দ য়ু্জরদা লৌশিং ৱাৎপনা মরম ওইদুনা য়ারক্তবা মেছিন নত্ত্রগা কম্প্যুতরগা চাংদম্নরদুনা প্রধান মন্ত্রীনা হায়খি আয়ুর্বেদনা ঐখোয়দা হকচাং অমসুং ৱাখলসু পুন্না মশা-মউ ফনা লৈবা অমসুং চিন্না-চান্না লৈবা তঙাই ফদে তাকপী। আয়ুর্বেদকী অখন্নবা মগুনগী মতাংদা পল্লদুনা প্রধান মন্ত্রীনা হায়খি মদুদি ‘নীংথিনা তুম্বা’ অসিনা মেদিকেল সাইন্সকীদমক অচৌবা তোপিক অমনি অদুবু ভারতকী আয়ুর্বেদকী অখঙ অহৈশিংনা চহিচা কয়াগী মমাংদা মসিগী মতাংদা কুপ্না ইদুনা থম্লমখি। শেন্মীৎলোন্দা আয়ুর্বেদকী মরু ওইবগী মতাংদা পল্লদুনা প্রধান মন্ত্রীনা মনা মশিং থাবা, আয়ুশকী হীদাক লাংথক শাবা অমসুং সপ্লাই তৌবা, নত্ত্রগা দিজিতেল সর্ভিসশিং অসিগুম্বা আয়ুর্বেদকী লমদা লৈরিবা অনৌবা খুদোংচাবশিংগী মতাংদা ৱারী শাখি। মহাক্না হায়খি লমশিং অসিদা আয়ুশ স্তার্ত-অপশিংগীদমক অচৌবা স্কোপ অমা লৈ। আয়ুর্বেদকী লমদা লৈরিবা খুদোংচাবা পুম্নমক্কী মতাংদা প্রধান মন্ত্রীনা হয় মদুদি আয়ুশ সেক্তরদা এক্তিব ওইবা এম.এস.এম.ই. ৪০,০০০ লৈ। আয়ুশ ইন্দস্ত্রী অসি চহি ৮গী মমাংদা লুপা করোর লিশিং ২০ ওইরমখিবা অদু ঙসিদি লুপা করোর লাখ ১.৫ য়ৌখি। মহাক্না হায়, “মসিগী ৱাহন্থোক্তি চহি ৭-৮ অসিদা মসি শরুক ৭কী গ্রোথ লৈরে হায়বনি”। মহাক্না সেক্তরগী গ্লোবেল গ্রোথকী মতাংদা শন্দোক্না হায়খি অমদি হর্বেল মেদিসিন অমসুং স্পাইসেসকী হৌজিক লৈরিবা গ্লোবেল মার্কেৎ অসি দোলর বিলিয়ন ১২০ নত্ত্রগা লুপা করোর লাখ ১০ ওই। মহাক্না মখা তারদুনা হায়, “ত্রেদিস্নেল মেদিসিনগী সেক্তর অসি লেপ্পা লৈতনা খুমাং চাউশিল্লি অমসুং ঐখোয়না ওইথোকপা য়াবা খুদিংমক্কী মপুং ফানা কান্নবা লৌগদবনি। লৌউ-শিংউগী অনৌবা সেক্তর অমা রুরেল ইকনোমীগীদমক, ঐখোয়গী লৌমীশিংগীদমক থোরক্লি অমসুং মখোয়না য়াম্না অফবা মমলশিং ফংলি। সেক্তর অসিদা নহারোল কয়াগীদমক অনৌবা থবক লাখ কয়া পীরি”।

আয়ুর্বেদ অমসুং য়োগ তুরিজমদা লৈরিবা খুদোংচাবশিং অসিগী মতাংদা পল্লদুনা মরু ওইনা তুরিজমগী হব ওইরিবা গোৱাগুম্বা রাজ্য অমদা ওল ইন্দিয়া ইন্সতিত্যুত ওফ আয়ুর্বেদ – গোৱানা মাইকৈ অসিদা মরু ওইবা অহৌবা অমা ওইরগনি হায়না প্রধান মন্ত্রীনা ফোঙদোকখি।

ভারতনা মালেমগী মাংদা ‘ৱান আর্থ, ৱান হেল্থ’কী ফ্যুচরিস্তিক বিজন অমা মাংদা থম্মি হায়না প্রধান মন্ত্রীনা ফোঙদোকখি। “‘ৱান আর্থ, ৱান হেল্থ’কী ৱাহন্থোক্তি হকশেকগীদমক য়ুনিভর্সেল বিজন অমা হায়বনি। ঈশিংদা লৈবা শাশিং, লমলক্কী শাশিং, মীওইবা নত্ত্রগা পাম্বৈগী হকশেল অসি অমগা অমগা মরী লৈনৈ। মখোয়বু তোখাই-তোখাইনা উবগী মহুৎ অপুনবা ওইনা উবা তাই। আয়ুর্বেদকী মসিগী হোলিস্তিক বিজন অসি ভারতকী চৎনবী অমসুং পুন্সি মহিংগী শরুকনি” হায়না মহাক্না ফোঙদোকখি। আয়ুর্বেদ কোংগ্রেসতা পুন্না আয়ুর্বেদ অমসুং আয়ুশ মাংদা পুখৎনবা করম্না রোদমেপ অমা শেম্বা তাই খন্ননবা হায়খি।

থৌরম অদুদা গোৱাগী মুখ্য মন্ত্রী, দা. প্রমোদ স্বাৱন্ত, গোৱাগী রাজ্যপাল, শ্রী পি.এস. শ্রীধরন পিল্লাই, আয়ুশকী কেন্দ্র মন্ত্রী, শ্রী সরবানন্দ সোনোৱাল, আয়ুশকী কেন্দ্রগী রাজ্য মন্ত্রী, দা. মুঞ্জপরা মহেন্দ্রভাই, কলচর অমসুং তুরিজমগী কেন্দ্রগী রাজ্য মন্ত্রী, শ্রী শ্রীপদ য়েস্সো নায়ক অমসুং বিজনানা ভারতকী প্রসিদেন্ত, দা. শেখর মান্দেনা শরুক য়াখি।

বেকগ্রাউন্দ

ৱর্ল্দ আয়ুর্বেদ কোংগ্রেস (দব্লিউ.এ.সি.) অমসুং আরোগ্য এক্সপোগী ৯শুবা ইদিসন অসিদা মপান লৈবাক্তগী মীথুং ৪০০ হেনবনা লৈবাক ৫০ হেনবা, মালেমগী মহৈরোয়শিং অমদি তোঙান তোঙানবা অয়ুর্বেদকী স্তেকহোল্দরশিংগী মহুৎ শিন্দুনা শরুক য়ারি‍। দব্লিউ.এ.সি.গী ৯শুবা ইদিসন অসিগী থীমদি ‘আয়ুর্বেদ ফোর ৱান হেল্থ’ হায়বসিনি‍।

ইন্সতিত্যুত অহুম শঙ্গাখিবা অসিনা – ওল ইন্দিয়া ইনস্তিত্যুত ওফ আয়ুর্বেদ (এ.আই.আই.এ.), গোৱা, নেস্নেল ইনস্তিত্যুত ওফ উননি মেদিসিন (এন.আই.য়ু.এম.), গাজিয়াবাদ অমদি নেস্নেল ইনস্তিত্যুত ওফ হোমিওপেথী (এন.আই.ঐচ.), দিল্লী – থিজিন হুমজিনবা অমদি মালেমগী তেংবাংনবা হেনগৎহনগনি অমদি মীয়ামগীদমক অহোঙবা মমলদা আয়ুস সর্ভিস পীবদসু মতেং ওইগনি‍। পুন্না লুপা করোর ৯৭০ চঙনা শেমগৎখিবা ইনস্তিত্যুতশিং অসিনা অহেনবা লায়েংশঙগী ফমুং ৫০০গা লোয়ননা মহৈরোয় লৌশিনবগী চাং ৫০০রোম হেনগৎহল্লগনি‍।

Addressing 9th World Ayurveda Congress in Goa. It is a noteworthy effort to further popularise India’s traditions. https://t.co/8f8lyuqY1f

— Narendra Modi (@narendramodi) December 11, 2022

The motto of Ayurveda is: सर्वे भवन्तु सुखिनः सर्वे सन्तु निरामयाः pic.twitter.com/Xe8fmb7dNG

— PMO India (@PMOIndia) December 11, 2022

Ayurveda promotes wellness. pic.twitter.com/agp2vPcV52

— PMO India (@PMOIndia) December 11, 2022

हमारे पास आयुर्वेद का परिणाम भी था, प्रभाव भी था, लेकिन प्रमाण के मामले में हम पीछे छूट रहे थे।

इसलिए, आज हमें ‘डेटा बेस्ड एविडेंसेस’ का डॉक्युमेंटेशन करना होगा। pic.twitter.com/cvJLtLFn2p

— PMO India (@PMOIndia) December 11, 2022

आयुर्वेद हमें जीवन जीने का तरीका सिखाता है। pic.twitter.com/CXuhmfAzTW

— PMO India (@PMOIndia) December 11, 2022

One Earth, One Health. pic.twitter.com/86kM5LJJB1

— PMO India (@PMOIndia) December 11, 2022

चाहे पानी में रहने वाले जीव-जंतु हों, चाहे वन्य पशु हों, चाहे इंसान हो, चाहे वनस्पति हो, इन सबकी हेल्थ interconnected है। pic.twitter.com/vd3mumAlJw

— PMO India (@PMOIndia) December 11, 2022

*****