ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি প্রগতিগী মীফমগী ময়াই তাংবল লৌখ্রে। মসি কেন্দ্র অমসুং রাজ্য সরকারশিংবু য়াওহন্দুনা, প্রো-এক্তিব গোভর্নেন্স অমসুং মতম চানা থবক পাইখৎপা ঙম্নবগীদমক আই.সি.তি.দা য়ুম্ফম ওইবা মল্তি-মোদেল প্লেৎফোর্ম অমা ওইরিবা প্রধান মন্ত্রীগী ৩৩শুবা প্রগতিগী ৱারী ৱাতাইনি।

ঙসিগী প্রগতিগী মীফমদা প্রোজেক্ত কয়ামরুম, ৱাকৎশিং অমসুং থৌরমশিং য়েংশিনখি। পাইখৎখিবা প্রোজেক্তশিং অদু রেল মন্ত্রালয়, মোর্থ, দি.পি.আই.আই.তি., অমসুং পাৱর মন্ত্রালয়গীনি। ওরিশা, মহারাস্ত্রা, কর্নাতক, উত্তর প্রদেশ, জম্মু অমসুং কশ্মীর, গুজরাত, হরিয়ানা, মধ্য প্রদেশ, রাজস্থান অমসুং দাদরা অমসুং নাগর হবেলী য়াওনা রাজ্য অমসুং য়ু.তি. তরাদা পুন্না লুপা করোর লাখ ১.৪১ চংনা পাইখৎপা প্রোজেক্তশিং য়াওরি। প্রধান মন্ত্রীনা কেন্দ্র সরকারগী মরী লৈনবা সেক্রেতরীশিং অমসুং রাজ্য সরকারশিংগী চীফ সেক্রেতরীশিংদা থবকশিং অদু মতমগী মমাংদা লোইশিন্নবা খঙহনখি।

মীফম অদুদা কোবিদ-১৯ অমসুং প্রধান মন্ত্রী অৱাস য়োজনা (খুঙ্গং)গা মরী লৈনবা ৱাকৎশিং খন্ন-নৈনখি। এক্সপোর্ত হবশিং অমসুং পি.এম. স্বনিধি, লৌউ-শিংউগী রিফোর্মশিং অমসুং দিস্ত্রিক্তশিংগী চাউখৎ-থৌরাংশিং য়েংশিনখি। প্রধান মন্ত্রীনা রাজ্যশিংদা স্তেৎ এক্সপোর্ত স্ত্রেতেজী অমা শেমগৎনবসু খঙহনখি।

প্রধান মন্ত্রীনা ৱাকৎ লোইশিনবগী মরুওইবদুদা শাফু পীরদুনা হায়খি মদুদি অসিগুম্বা ৱাকৎশিং অসি মশিং খক্তদা মিৎয়েং থম্বগী মহুৎতা মগুনশিং অদুদসু থমগদবনি। মহাক্না মসিসু পনখি মদুদি শেমদোকপা অসি কনাগুম্বনা মদুবু চৎনহল্লবা মতম অদুদতা কান্নবা ওইরকই অমসুং লৈবাক অসিনা অহোংবগী লম্বী অদুদা চংশিল্লি।

হৌখিবা অসিগুম্বা মীফম ৩২দা, লুপা করোর লাখ ১২.৫গী পুন্না প্রোজেক্ত ২৭৫ য়েংশিনখ্রে, লোইননা থৌরম/স্কিম ৪৭ অমসুং লৈবাক অপুনবদা সেক্তর ১৭তা থবক পায়খৎখ্রে।

****